Agħmel Użu Tajjeb mill-Bibbja
1. X’tistaʼ tagħmel bħala preparazzjoni għall-ministeru taʼ lgħalqa?
1 Tkun xi tkun il-letteratura li nippjanaw li noffru fil-ministeru, ikun taʼ benefiċċju li nagħżlu skrittura li tqanqal il-ħsieb biex naqrawha lil dawk li jisimgħuna. (Lhud 4:12) Jekk tagħżel skrittura li tinsab fil-pubblikazzjoni li tkun se toffri, dan jistaʼ jgħinek tgħaddi għall-pubblikazzjoni b’mod effettiv. F’xi postijiet, il-pubblikaturi sabuh taʼ benefiċċju li jżommu l-Bibbja f’idejhom meta jkellmu lil xi ħadd fit-triq jew meta jkunu qed jaħdmu minn bieb għal bieb.
2. (a) Kif nistgħu nibdew il-preżentazzjoni tagħna bi skrittura? (b) Liema suġġetti Skritturali jinteressaw lin-nies fit-territorju?
2 Ibda bi Skrittura: Xi pubblikaturi jibdew il-preżentazzjoni tagħhom billi jistaqsu lill-inkwilin mistoqsija sempliċi li titlob l-opinjoni tiegħu dwar test Bibliku u mbagħad jaqrawlu l-vers. Dan malajr jidderieġi l-attenzjoni lejn il-Kelma t’Alla. Taħseb li dawn l-introduzzjonijiet li ġejjin ikunu effettivi fit-territorju tiegħek?
◼ “Li kieku kellek is-setgħa, kont tagħmilhom dawn il-bidliet?” Aqra Apokalissi 21:4.
◼ “Għala qed ngħixu fi żminijiet daqstant ebsin?” Aqra t-2 Timotju 3:1-5.
◼ “Taħseb li l-komunità tagħna tkun post aħjar jekk kulħadd isegwi dan il-parir?” Aqra Mattew 7:12.
◼ “Taħseb li t-tfal tiegħek se jkunu jistgħu jgawdu l-kundizzjonijiet imniżżlin hawnhekk?” Aqra Salm 37:10, 11.
◼ “Taħseb li xi darba tasal il-ġurnata li dan il-kliem jitwettaq?” Aqra Isaija 33:24.
◼ “Familjari int mal-bidla fil-gvern li tissemma hawnhekk?” Aqra Danjel 2:44.
◼ “Qatt xtaqt tistaqsi lil Alla din il-mistoqsija?” Aqra Ġob 21:7.
◼ “Huwa possibbli li nerġgħu naraw il-maħbubin tagħna li mietu?” Aqra Ġwanni 5:28, 29.
◼ “Il-mejtin jafu x’inhuma jagħmlu l-ħajjin?” Aqra Koħèlet 9:5.
3. Kif nistgħu ngħinu lin-nies jifhmu t-testi Bibliċi li naqrawlhom?
3 Spjegazzjoni, Tixbiha, u Applikazzjoni: Meta individwu jkun lest li joqgħod jitkellem, tgħaġġilx fid-diskussjoni. Ħu l-ħin biex tispjega, tagħti tixbiha, u tapplika l-iskrittura li taqra sabiex il-persuna tifhimha. (Neħ. 8:8) Meta n-nies jifhmu u jaċċettaw dak li tgħallem il-Kelma t’Alla, dan jistaʼ jġib bidliet kbar f’ħajjithom.—1 Tess. 2:13.
4. Kif nistgħu nagħmlu użu tajjeb mill-Bibbja meta nagħmlu żżjajjar lura?
4 Kompli agħmel użu tajjeb mill-Bibbja hekk kif tikkultiva l-interess. Tistaʼ tuża dan l-istess metodu meta tagħmel żjajjar lura: (1) Agħżel skrittura addattata. (2) Qajjem mistoqsija sempliċi li titlob l-opinjoni tiegħu dwar l-iskrittura. Imbagħad aqraha. (3) Spjegaha, agħti tixbiha, u applikaha. Kull darba li tmur, stinka biex iżżid maʼ l-għarfien tal-persuna dwar il-Kelma t’Alla. Forsi dalwaqt tkun qed tikkonduċi studju tal-Bibbja!