Nikkonduċu Studji tal-​Bibbja Progressivi—It-​Tmien Parti

Nidderieġu lill-​Istudenti Lejn l-​Organizzazzjoni

1. Għala huwa taʼ benefiċċju li fuq studju tal-​Bibbja kull ġimgħa taqsam punt dwar l-​organizzazzjoni taʼ Ġeħova?

¹ Il-​mira tagħna meta nikkonduċu studji tal-​Bibbja m’hijiex biss li nagħtu l-​informazzjoni dwar it-​tagħlim tagħna imma wkoll li ngħinu lill-​istudent isir parti mill-​kongregazzjoni Kristjana. (Żak. 8:23) Il-​browxer Ix-​Xhieda taʼ Jehovah—Min Huma? X’Jemmnu? jistaʼ jgħinna nagħmlu dan. Ħalli kopja tal-​browxer maʼ studenti tal-​Bibbja ġodda, u ħeġġiġhom jaqrawh. Barra minn hekk, fuq l-​istudju ħu ftit minuti kull ġimgħa biex taqsam punt dwar l-​organizzazzjoni taʼ Ġeħova.

2. Kif tistaʼ tinkuraġġixxi lill-​istudenti tal-​Bibbja biex jattendu l-​laqgħat tal-​kongregazzjoni?

² Il-​Laqgħat tal-​Kongregazzjoni: Il-​mod prinċipali kif listudenti tal-​Bibbja jibdew japprezzaw l-​organizzazzjoni t’Alla hu billi jissieħbu magħna fil-​laqgħat tal-​kongregazzjoni. (1 Kor. 14:​24, 25) Għalhekk, tistaʼ tgħinhom jibdew isiru familjari mal-​laqgħat billi tispjegalhom il-​ħames laqgħat taʼ kull ġimgħa, waħda waħda. Semmilhom it-​titlu tat-​taħdita pubblika li jkun imiss. Urihom il-​materjal li se jiġi kunsidrat fl-​Istudju tat-​Torri taʼ l-​Għassa u fl-​Istudju tal-​Ktieb tal-​Kongregazzjoni. Spjegalhom xi jsir fl-​Iskola tal-​Ministeru Teokratiku u fil-​Laqgħa tas-​Servizz. Meta jkollok inkarigu fl-​iskola, forsi tistaʼ tipprattikah magħhom minn qabel. Aqsam magħhom punti li jkunu spikkaw fil-​laqgħat. Uża r-​ritratti fil-​pubblikazzjonijiet tagħna biex tgħinhom jieħdu stampa taʼ kif isiru l-​affarijiet. Agħmel dan mill-​ewwel studju li jkollok magħhom.

3. Liema aspetti taʼ l-​organizzazzjoni nistgħu niddiskutu?

³ Meta t-​Tifkira, l-​assembleat, u ż-​żjara taʼ l-​indokratur tas-​circuit ikunu fil-​qrib, ħu ftit minuti biex tispjega u tibni l-​entużjażmu għal dawn l-​arranġamenti. Pass pass, wieġeb mistoqsijiet bħal: Għala nissejħu Xhieda taʼ Ġeħova? Għala nirreferu għall-​postijiet tal-​laqgħat tagħna bħala Swali tas-​Saltna? Fiex jikkonsistu l-​inkarigi taʼ l-​anzjani u l-​qaddejja ministerjali? Kif inhu organizzat ix-​xogħol taʼ l-​ippridkar u t-​territorju? Kif issir il-​letteratura tagħna? L-​organizzazzjoni kif tħallas għall-​ispejjeż? L-​uffiċċju tal-​fergħa u l-​Ġemgħa li Tiggverna kif jieħdu ħsieb ix-​xogħol li jsir?

4, 5. Il-vidjos tagħna kif jistgħu jkabbru l-​apprezzament għall-​organizzazzjoni?

⁴ Vidjos li Jgħallmu: Mod ieħor kif l-​istudenti tal-​Bibbja jistgħu jaraw l-​organizzazzjoni meraviljuża taʼ Ġeħova hu permezz tal-​vidjos tagħna. Dawn jistgħu jiħduhom sa truf l-​art (To the Ends of the Earth), ilaqqgħuhom mal-​fratellanza kollha tagħna (Our Whole Association of Brothers), u juruhom kif aħna magħqudin permezz taʼ tagħlim divin (United by Divine Teaching). Mara li kienet ilha tirċievi r-​rivisti tagħna u letteratura oħra għal ħames snin bdiet tibki meta rat il-​vidjo Jehovah’s Witnesses—The Organization Behind the Name (Ix-Xhieda taʼ Ġeħova—L-​Organizzazzjoni wara l-​Isem). Hi kienet żviluppat fiduċja fix-​Xhieda li kienu jżuruha, imma wara li rat il-​vidjo ħasset li setgħet tafda lill-​organizzazzjoni wkoll. Inbeda magħha studju formali, u l-​ġimgħa taʼ wara attendiet il-​laqgħat fis-​Sala tas-​Saltna.

⁵ Jekk kull ġimgħa nqattgħu ftit ħin maʼ l-​istudenti tagħna u nużaw l-​għodod li ġew provduti, aħna nistgħu nidderieġu pass pass lill-​istudenti tal-​Bibbja lejn l-​unika organizzazzjoni li Ġeħova qed juża llum.