Mod Tajjeb Kif Ingawdu l-​Għanjiet tas-​Saltna

Il-​qaddejja t’Alla jqisu l-​mużika bħala li hi għotja sabiħa mingħand Ġeħova. (Ġak. 1:17) Ħafna kongregazzjonijiet jieħdu pjaċir idoqqu l-​għanjiet tas-​Saltna qabel u wara l-​laqgħat tal-​kongregazzjoni tagħhom. Il-​mużika teokratika li tindaqq qabel il-​laqgħat tirrilassana. Tgħinna nkunu preparati mentalment għall-​qima. Barra minn dan, meta nisimgħu l-​għanjiet ġodda mill-​ktieb tal-​għanjiet tagħna nsiru familjari mal-​melodiji u niġu megħjunin biex inkantaw l-​għanjiet kif suppost. Mużika bħal din li tindaqq wara l-​laqgħa tgħin biex tinżamm atmosfera inkuraġġanti li fiha nistgħu ngawdu sħubija li tibni. Għalhekk, il-​ġemgħat tal-​anzjani għandhom jagħmlu arranġamenti meħtiġin biex tindaqq mużika mis-​CD Sing to Jehovah—Piano Accompaniment qabel u wara l-​laqgħa. Għandhom jagħmlu ċert li l-​volum ikun raġunevoli u ma jagħmilhiex diffiċli biex kulħadd ikun jistaʼ jitkellem.