Eżempji taʼ Preżentazzjonijiet

Biex Tibda Studji tal-​Bibbja fl-​Ewwel Sibt taʼ Frar

“F’dawn iż-​żminijiet diffiċli, ilkoll niffaċċjaw sfidi li jagħmlu pressjoni fuq il-​familji. Fejn taħseb li nistgħu nsibu gwida taʼ min joqgħod fuqha biex tgħinna nagħmlu l-​ħajja tal-​familja tagħna waħda hienja?” Agħti ċans għal tweġiba. Imbagħad agħti kopja tat-​Torri tal-​Għassa taʼ Jannar-​Marzu lill-​inkwilin, u flimkien ikkunsidraw il-​materjal taħt wieħed mis-​sottitli f’paġni 16 u 17 u aqraw imqar waħda mill-​iskritturi ċitati. Offri r-​rivisti, u ftiehem biex tmur lura u tiddiskuti waħda mill-​mistoqsijiet l-​oħrajn.

It-Torri tal-Għassa Jannar-​Marzu

“Dan l-​aħħar xi nies bassru li l-​art se tintemm fl-​2012. Int x’taħseb dwar tbassir bħal dan? [Agħti ċans għal tweġiba.] Il-​Bibbja tagħtina informazzjoni importanti dwar dan. [Aqra Ekkleżjasti 1:⁠4. Imbagħad iġbed l-​attenzjoni lejn l-​artiklu f’paġna 10.] Dan l-​artiklu jispjega x’inhu l-​iskop t’Alla għall-​art u kif nistgħu nieħdu pjaċir ngħixu fuqha għal dejjem.”

Stenbaħ! Jannar-​Marzu

“Illum, ħafna nies iħossuhom stressati minħabba problemi finanzjarji. Għala taħseb li hu daqstant diffiċli biex tlaħħaq mal-​ħajja? [Agħti ċans għal tweġiba.] Il-​Bibbja fiha proverbji għaqlin li għenu lil ħafna biex jimmaniġġaw flushom. [Aqra waħda mill-​iskritturi li hemm f’paġni 24-​25.] Din ir-​rivista tagħti suġġerimenti prattiċi għal dawk li qed jitħabtu mad-​dejn.”