Intejbu l-​abbiltajiet tagħna fil-​ministeru—Inwieġbu lil inkwilin irritat

Għala hu importanti: Ħafna nies li niltaqgħu magħhom fil-​ministeru juru manjieri tajbin. Però, Ġesù pprofetizza li xi nies kienu se jobogħduna. (Ġw. 17:14) Għalhekk, m’għandniex niħduha bi kbira meta niltaqgħu maʼ xi inkwilin irritat. Meta jiġri dan, aħna rridu nwieġbu b’tali mod li nogħġbu lil dak li nirrappreżentaw, Ġeħova. (Rum. 12:17-​21; 1 Pt. 3:15) Billi nagħmlu hekk, x’aktarx se nevitaw li s-​sitwazzjoni tmur minn ħażin għall-​agħar. Ukoll, dan se jagħti xhieda tajba lill-​inkwilin u lil kull min ikun qed jarana, u b’hekk dawn ikunu iktar lesti li jisimgħu meta x-​Xhieda taʼ Ġeħova jerġgħu jżuruh.—2 Kor. 6:3.