Intejbu l-​abbiltajiet tagħna fil-​ministeru—Kif nistgħu nwieġbu għal risposti intenzjonati li jwaqqfu l-​konversazzjoni

Għala hu importanti: Immaġina li taf li minn hawn u ftit ħin ieħor ġej diżastru naturali. In-​nies se jmutu jekk ma jaħarbux lejn post sigur. Tmur lejn dar taʼ ġar biex twissih, imma l-​ġar iwaqqfek u jgħidlek li għandu x’jagħmel. Żgur li mhux se tieqaf milli tipprova tgħinu! Ħafna fit-​territorju tagħna jwaqqfu l-​konversazzjoni għax ma jifhmux il-​valur tal-​messaġġ tagħna li jsalva l-​ħajjiet. Jistaʼ jkun li meta mmorru nħabbtulhom ikollhom x’jagħmlu. (Mt. 24:37-​39) Jew jistaʼ jkun li huma preġudikati minħabba affarijiet mhux veri li semgħu dwarna. (Mt. 11:18, 19) Forsi jassumu li m’aħniex differenti minn reliġjonijiet oħra li taw frott ħażin. (2 Pt. 2:1, 2) Jekk l-​inkwilin għall-​ewwel ma jkunx interessat, m’għandniex naqtgħu qalbna malajr.