Eżempji taʼ preżentazzjonijiet

Għall-​kampanja bl-​invit għat-​Tifkira

“Qed inqassmu dan l-​invit għal laqgħa importanti ħafna. Fit-​3 tʼApril, miljuni madwar id-​dinja kollha se jinġabru biex ifakkru l-​mewt taʼ Ġesù Kristu u biex jisimgħu taħdita bla ħlas dwar kif nibbenefikaw mill-​mewt tiegħu. Din l-​istedina turi l-​ħin u l-​post tal-​laqgħa li se ssir fl-​inħawi tagħna.”

It-​Torri tal-​Għassa Marzu-​April

“It-​tifkira tal-​mewt taʼ Ġesù Kristu se tkun fit-​3 t’April. Xi wħud mill-​inħawi tagħna se jiltaqgħu dakinhar biex ifakkru din l-​okkażjoni, imma hemm oħrajn li ma jaħsbux li l-​mewt taʼ Ġesù kienet sinifikanti. X’inhi l-​opinjoni tiegħek? Taħseb li l-​mewt u l-​irxoxt taʼ Ġesù huma taʼ benefiċċju għalina? [Agħti ċans għal tweġiba.] Innota x’tgħid il-​Kelma t’Alla dwar dan. [Aqra l-​1 Korintin 15:22, 26.] Din ir-​rivista tiddiskuti benefiċċju li se niksbu fil-​futur permezz tas-​sagrifiċċju taʼ Ġesù bħala fidwa—jiġifieri li fuq l-​art xi darba ħadd mhu se jmut.”

Stenbaħ! Marzu-​April

“Mhux se niħodlok ħafna ħin. Qed nuru lin-​nies l-​aħħar ħarġa taʼ Stenbaħ! Din tikkunsidra t-​tweġiba għal mistoqsija li tqanqal interess. [Uri l-​qoxra.] Nixtieq l-​opinjoni tiegħek dwar l-​eżempju msemmi f’din ir-​rivista. [Aqra Proverbji 29:11.] Taħseb li dan il-​prinċipju Bibliku jgħodd għal żmienna? [Agħti ċans għal tweġiba.] Din ir-​rivista tiddiskuti erbaʼ prinċipji Bibliċi u tispjega kif nistgħu nibbenefikaw billi napplikawhom.”