Eżempji taʼ preżentazzjonijiet

Biex tibda studji tal-​Bibbja fl-​ewwel Sibt taʼ Marzu

“Qed nagħmlu żjajjar qosra minħabba xi ħaġa li se tiġri fl-​14 t’April. Dakinhar hu l-​anniversarju tal-​mewt taʼ Ġesù. Xi wħud se jikkommemoraw l-​okkażjoni għax iħossu li l-​mewt tiegħu kienet importanti. Imma hemm oħrajn li mhumiex ċerti mis-​sinifikat tal-​mewt taʼ Ġesù. Taħseb li jien u int nibbenefikaw mill-​mewt taʼ Ġesù?” Agħti ċans għal tweġiba. Uri l-​qoxra taʼ wara tat-​Torri tal-​Għassa tal-​1 taʼ Marzu, u kkunsidraw flimkien il-​paragrafu li hemm taħt l-​ewwel mistoqsija u minn tal-​inqas waħda mill-​iskritturi ċitati. Offri r-​rivisti u agħmel arranġamenti biex darb’oħra tiddiskutu l-​mistoqsija li jmiss.

Torri tal-Għassa 1 taʼ Marzu

“Ħafna nies jaħsbu għala Alla ma jaqbadx u jeqred l-​inġustizzja u t-​tbatija li hawn fid-​dinja. Taħseb li għax Alla ma jimpurtahx jew għax iħoss li hu tajjeb li l-​bnedmin ibatu? [Agħti ċans għal tweġiba. Imbagħad aqra Ġwanni 3:16.] Għalkemm ħafna nies jikkwotaw dan il-​vers biex juru li Alla jimpurtah, mhumiex ċerti kif il-​mewt tal-​iben t’Alla hi fil-​fatt taʼ benefiċċju għalihom. Din ir-​rivista tispjega kif il-​mewt taʼ Ġesù tagħmilha possibbli biex l-​inġustizzja u t-​tbatija jispiċċaw mid-​dinja.”

Stenbaħ! Marzu

“Qed nagħmlu żjajjar qosra biex niċċaraw fehma żbaljata li ħafna għandhom dwar dan il-​vers tal-​Bibbja. [Aqra Ġenesi 1:1.] Xi wħud jemmnu li l-​univers ġie maħluq, filwaqt li oħrajn le. Tippermettili nistaqsik x’inhi l-​opinjoni tiegħek? [Agħti ċans għal tweġiba.] Ħafna jsibuha bi tqila biex jemmnu fil-​ħolqien minħabba li xi mexxejja reliġjużi jgħallmu xi ħaġa li mhix skont il-​Bibbja. Din ir-​rivista turi l-​ispjegazzjoni loġika u ċara tal-​Bibbja dwar kif beda l-​univers.”