Evita dawn in-​nases meta tikkonduċi studju tal-​Bibbja

Titkellem wisq: M’għandekx tħoss li għandek tispjega kollox. Ġesù uża mistoqsijiet biex jgħin lin-​nies jaħsbu u jaslu għall-​konklużjoni t-​tajba. (Mt 17:24-​27) Il-​mistoqsijiet jistgħu jagħmlu l-​istudju ħaj u jgħinek issir taf x’qed jifhem u jemmen l-​istudent tiegħek. (be 253 ¶3-​4) Meta tistaqsi mistoqsija, kun paċenzjuż u stenna t-​tweġiba. Jekk l-​istudent iwieġeb b’mod żbaljat, minflok ma tgħidlu t-​tweġiba t-​tajba, wasslu għall-​konklużjoni t-​tajba billi tistaqsi iktar mistoqsijiet. (be 238 ¶1-​2) Tkellem b’tali mod li l-​istudent tagħtih ċans jifhem affarijiet ġodda.—be 230 ¶4.

Tikkomplika l-​istudju: Evita t-​tentazzjoni li tgħid lill-​istudent kulma taf dwar is-​suġġett. (Ġw 16:12) Iffoka fuq il-​punt prinċipali tal-​paragrafu. (be 226 ¶4-​5) Dettalji, anki jekk ikunu interessanti, jistgħu jtellfu l-​punti prinċipali. (be 235 ¶3) Meta l-​istudent jifhem il-​punt prinċipali, għaddi għall-​paragrafu li jkun imiss.

Sempliċement tgħaddi l-​materjal: L-​iskop tagħna hu li nilħqu l-​qalb u mhux li ngħaddu l-​materjal. (Lq 24:32) Uża l-​qawwa tal-​Kelma t’Alla billi tiffoka fuq l-​iskritturi prinċipali tal-​lezzjoni. (2Ko 10:4; Eb 4:12; be 144 ¶1-​3) Uża tixbihat sempliċi. (be 245 ¶2-​4) Aħseb dwar xi sfidi għandu u x’jemmen l-​istudent, u adatta l-​lezzjoni għalih. Staqsi mistoqsijiet bħal: “Kif tħossok dwar dak li qed titgħallem?” “Dan x’jgħallimna dwar Ġeħova?” “Liema benefiċċji hemm jekk tapplika dan il-​parir?”—be 238 ¶3-​5; 259 ¶1.