Lezzjonijiet mill-​Ħajja taʼ Samwel

Samwel baqaʼ leali lejn Ġeħova tul ħajtu kollha. Bħala tifel, hu ma riedx isir korrott bħat-​tfal t’Għeli, Ħofni u Fineħas. (1Sa 2:22-​26) Samwel kompla jikber, u Ġeħova baqaʼ miegħu. (1Sa 3:19) Bħala adult, hu baqaʼ jaqdi lil Ġeħova b’lealtà, għalkemm uliedu m’għamlux hekk.—1Sa 8:1-​5.

X’jistaʼ jgħallimna l-​eżempju taʼ Samwel? Jekk int għadek żgħir, kun fiduċjuż li Ġeħova jifhem l-​isfidi li tiffaċċja u kif tħossok. Hu jistaʼ jgħinek tkun kuraġġuż. (Is 41:10, 13) Jekk int ġenitur u xi ħadd minn uliedek m’għadux jaqdi lil Ġeħova, sib faraġ f’li tkun taf li Samwel ma sforzax lil uliedu li kienu adulti biex jibqgħu leali lejn il-​livelli taʼ Ġeħova. Filwaqt li ħalla l-​kwistjoni f’idejn Ġeħova, hu żamm l-​integrità tiegħu u b’hekk għoġob lil Missieru tas-​sema, Ġeħova. Forsi l-​eżempju tajjeb tiegħek se jwassal biex ibnek jiġi lura lejn Ġeħova.

ARA L-​VIDJOW TGĦALLEM MINNHOM—SAMWEL, U MBAGĦAD WIEĠEB IL-​MISTOQSIJIET LI ĠEJJIN:

• 

  Samwel kif wera kuraġġ bħala tifel?

• 

  Danny kif wera kuraġġ?

• 

  Samwel kif ta eżempju tajjeb bħala adult?

• 

  Il-​ġenituri taʼ Danny kif taw eżempju tajjeb?