“Henjin dawk li jħennu!”

1. Ġeħova jħobb iħenn bil-​kbir,

Dan mhux bilfors imm’għax irid.

Fil-​bżonn hu jgħinna minnufih,

Kull att bħal dan jitgħaxxaq bih.

Hu jisma’ t-​talb taʼ dawk nedmin

Għax Alla tagħna tant ħanin.

Jiftakar li ġejjin mit-​trab,

Hu ġust u twajjeb maʼ kulħadd.

2. Jekk dnibna w konna imnikktin

U l-​maħfra tlabna bla waqfien,

Ġesù l-​Mulej uriena t-​triq

Kif niksbu l-​maħfra tal-​Ħallieq.

“Jekk trid il-​maħfra tal-​Missier,

Trid taħfer int stess b’mod sinċier.

Iżżommx ġo qalbek, kun ħanin,

U l-​paċi tħoss ġo fik f’kull ħin.”

3. Għotjiet taʼ ħniena nagħtu lkoll

U sagrifiċċji nagħmlu wkoll.

U qatt ma nistennew tifħir,

Il-​ferħ f’li nagħtu huwa kbir.

Imbagħ’d Ġeħova jippremjak,

Għax jara kollox—dan hu fatt.

Kull min iħenn, bil-​ferħ se jtir,

Sabiħ f’għajnejn Ġeħova jsir.