Il-​Bibbja Għala Għandha Tinteressak?

Il-​Bibbja hi bil-​wisq l-​iktar ktieb popolari fid-​dinja. Għala? Raġuni waħda hi għax fiha rakkonti veri taʼ nies reali u kif huma kkomunikaw bejniethom u m’Alla. B’hekk faċilment jinftiehem dak li hemm fiha. Dawn ir-​rakkonti jgħallmu lezzjonijiet prattiċi għax jintuża kliem sempliċi u dirett li jistaʼ jiġi tradott f’mijiet taʼ lingwi u mifhum minn nies fi kwalunkwe post u żmien. U l-​prinċipji tal-​Bibbja jaħdmu dejjem.

L-​iktar importanti, il-​Bibbja ma ssostnix li hi sempliċement ktieb dwar Alla imma li hi wkoll ktieb mingħand Alla. Turi l-​isem t’Alla, il-​personalità tiegħu, u l-​iskop li ma jinbidilx tiegħu għala ħalaq l-​art u l-​bnedmin. Il-​Bibbja titkellem ukoll dwar it-​taqbida storika bejn it-​tajjeb u l-​ħażin: rakkont universali affaxxinanti bi tmiem hieni. B’hekk, jekk naqraw il-​Bibbja b’moħħ miftuħ inkunu qed inqiegħdu pedament għall-​fidi u t-​tama.

Fil-​Bibbja nsibu informazzjoni li ma nsibuha mkien ieħor. Pereżempju, il-​Bibbja tgħidilna l-​verità dwar suġġetti bħal dawn:

• Minn fejn ġejna u għala nbatu

• L-​arranġament t’Alla biex jifdi lill-​bnedmin

• Dak li għamel Ġesù għalina

• Il-​futur tal-​art u tal-​bnedmin

Għala ma tagħtix daqqa t’għajn lejn il-​paġni li ġejjin u tikkunsidra dwar xiex titkellem il-​Bibbja?