မဂ္ဂဇင်းများနှင့်ပတ်သက်၍ ပြောဆိုရမည့်စကားများ
ကင်းမျှော်စင် စက်. ၁
“လူအတော်များများက အရေးကြီးတဲ့ဆုံးဖြတ်ချက်တွေ ချရတော့မယ်ဆိုရင် အကူအညီတောင်းတတ်ကြတယ်။ အကူအညီ ဘယ်က ရနိုင်မယ်ဆိုတဲ့အကြောင်း ကျမ်းစာမှာ ဒီလိုပြောတယ်။ [သုတ္တံ ၃:၅၊ ၆ ကိုဖတ်ပါ။] ဆုံးဖြတ်ချက်မချခင် ဖြစ်လာမယ့်အကျိုးဆက်တွေကို သုံးသပ်တာက ဉာဏ်ပညာရှိတယ်ဆိုတဲ့အကြောင်း ဒီဆောင်းပါးမှာ ဖော်ပြထားတယ်။” စာမျက်နှာ ၈ မှဆောင်းပါးကို ဖော်ပြပါ။
နိုးလော့! စက်.
“အခု၊ ကမ္ဘာမှာ အစားအစာရှားပါးမှုဒဏ်ကို လူတွေခံစားနေရတယ်၊ အဲဒီလိုဖြစ်အောင် ဘုရားသခင်ရည်ရွယ်သလားဆိုပြီး လူတွေတွေးနေကြတယ်။ ဒါပေမဲ့ ဒီပြဿနာကို ဘုရားသခင်ဘယ်လိုဖြေရှင်းပေးမယ်ဆိုတာ ဒီကျမ်းချက်မှာ ဖော်ပြထားတယ်။ [ဆာလံ ၇၂:၁၆ ကိုဖတ်ပါ။] ကမ္ဘာမြေကြီးကို ပရဒိသုဖြစ်အောင် ဘုရားသခင် ဘယ်လိုလုပ်ပေးမယ်ဆိုတဲ့အကြောင်း ဒီဆောင်းပါးမှာ ရှင်းပြထားတယ်။” စာမျက်နှာ ၇ မှဆောင်းပါးကိုဖော်ပြပါ။
ကင်းမျှော်စင် အောက်. ၁
“အခုလို ကသောင်းကနင်းနိုင်တဲ့ခေတ်မှာ လူအတော်များများက အနာဂတ်အတွက် စိုးရိမ်နေကြတယ်။ အကောင်းမြင်တတ်တဲ့စိတ်ရှိအောင် ကူညီပေးတဲ့ ကျမ်းစာကတိတစ်ခုကို ဖတ်ပြပါရစေ။ [ဟေရှာယ ၆၅:၁၇ ကိုဖတ်ပါ။] အနာဂတ်နဲ့ပတ်သက်ပြီး အကောင်းမြင်သင့်တဲ့အကြောင်းရင်းတွေကို ဒီမဂ္ဂဇင်းမှာ ဖော်ပြထားတယ်။”
နိုးလော့! အောက်.
“အင်တာနက်ဆိုတာ အသုံးဝင်တဲ့အရာတစ်ခုပါ၊ ဒါပေမဲ့ သားသမီးတွေအတွက် အတော့်ကိုအန္တရာယ်ဖြစ်စေတယ်။ သားသမီးတွေ အင်တာနက်အသုံးပြုတဲ့အခါ သူတို့ကို ဘယ်လိုကာကွယ်ပေးနိုင်မလဲဆိုပြီး လူအတော်များများစဉ်းစားကြတယ်။ ဒီအချက်ကို စဉ်းစားကြည့်ပါ။ [သုတ္တံ ၁၃:၁၆ ကိုဖတ်ပြီး သက်ဆိုင်ပုံကိုရှင်းပြပါ။] ဒါက သားသမီးတွေကိုကာကွယ်ရာမှာ မိဘတွေကိုကူညီပေးနိုင်ဖို့ ဒီဆောင်းပါးမှာဖော်ပြထားတဲ့ ကျမ်းစာမူခြောက်ခုထဲက တစ်ခုပေါ့။” စာမျက်နှာ ၈ မှဆောင်းပါးကို ဖော်ပြပါ။