Salamo
Ho an’ny mpitarika. Hiran’i Davida.
20 Hamaly ny vavaka ataonao anie i Jehovah, amin’ny andro fahoriana!
Hiaro anao anie ny anaran’ilay Andriamanitr’i Jakoba!+
3 Hotsaroany anie ny fanatitra rehetra ataonao fanomezana ho azy;
Enga anie izy hankasitraka* ny fanatitra dorana atolotrao! (Sela)
4 Homeny anao anie izay irin’ny fonao,+
Ary hataony izay hahatanteraka an’izay rehetra kasainao!
5 Hihoby izahay noho ny asa famonjena ataonao;+
Hasandratray amin’ny anaran’ny Andriamanitray ny saina kely entinay.+
Hotanterahin’i Jehovah anie izay rehetra angatahinao!
6 Fantatro tsara izao fa mamonjy ny voahosotra notendreny i Jehovah.+
7 Ny sasany mitoky amin’ny kalesy fitondra miady, ary ny hafa amin’ny soavaly,+
Fa isika kosa miantso ny anaran’i Jehovah Andriamanitsika.+
8 Mitolefika izy ireo dia mianjera,
Fa isika kosa mitsangana ka tafajoro.+
9 Jehovah ô, vonjeo ny mpanjaka!+
Hamaly antsika izy amin’ny andro iantsoantsika vonjy aminy.+