14 Dia tezitra be tamin’i Mosesy i Jehovah, ka niteny hoe: “Ianao angaha moa tsy manana an’i Arona+ Levita rahalahinao? Fantatro fa tena mahay miteny izy. Efa eny an-dalana hitsena anao izy izao, ary ho faly ny fony rehefa mahita anao.+ 15 Koa miresaha aminy ary lazao aminy ny teny rehetra tokony holazaina.+ Dia hampiako ianao sy izy rehefa miteny,+ ary hatoroko anareo izay tokony hataonareo. 16 Izy no hiteny amin’ny vahoaka hisolo vava anao. Ho mpitondra teninao izy, ary ianao kosa ho toy ny hoe Andriamanitra* eo anatrehany.+

30 Dia nolazain’i Arona tamin’izy ireo ny teny rehetra notenenin’i Jehovah tamin’i Mosesy, ary nataony teo imason’ny vahoaka ireo famantarana.+

20 Dia naka ampongatapaka i Miriama mpaminanivavy, anabavin’i Arona. Ary nitondra ampongatapaka nanaraka azy ny vehivavy rehetra sady nandihy.

30 Ary ataovy ao anatin’ilay saron-tratra fitsarana ny Orima sy ny Tomima.*+ Tsy maintsy hataon’i Arona eo amin’ny fony ireo rehefa mankeo anatrehan’i Jehovah izy. Hataony eo amin’ny fony foana ireo rehefa mankeo anatrehan’i Jehovah izy mba hitsara ny Israelita.