40 Amin’ny andro voalohany, dia haka voan’ny hazo mijoalajoala tsara tarehy ianareo, ary haka ravina palmie+ sy sampana hazo be ravina ary sampana hazo aravaha any amin’ny lohasaha.* Dia hifaly+ mandritra ny fito andro eo anatrehan’i Jehovah Andriamanitrareo ianareo.+

12 Hifaly eo anatrehan’i Jehovah Andriamanitrareo+ ianareo sy ny zanakareo lahy, ny zanakareo vavy, ny mpanompolahinareo, ny mpanompovavinareo, ary ny Levita ao an-tanànanareo,* satria ny Levita tsy mba manana anjara na lova eo aminareo.+

18 Fa eo anatrehan’i Jehovah Andriamanitrao, eo amin’ilay toerana hofidin’i Jehovah Andriamanitrao, ianao no tsy maintsy hihinana an’izany,+ dia ianao sy ny zanakao lahy, ny zanakao vavy, ny mpanompolahinao, ny mpanompovavinao, ary ny Levita ao an-tanànanao.* Dia hifaly eo anatrehan’i Jehovah Andriamanitrao ianao amin’izay rehetra hataonao.

23 Eo anatrehan’i Jehovah Andriamanitrao ianao no hihinana ny ampahafolon’ny varimbazahanao sy ny divainao vaovao sy ny menakao, ary ny voalohan-teraky ny omby aman’ondrinao, any amin’izay toerana fidiny hametrahana ny anarany.+ Amin’izay ianao hianatra hatahotra an’i Jehovah Andriamanitrao foana.+

26 Azonao vidina amin’ilay vola izay rehetra irinao na omby, na ondry, na osy, na divay, na toaka, na izay zavatra tianao.* Hihinana an’izany eo anatrehan’i Jehovah ianao any, ary hifaly ianao sy ny ankohonanao.+

4 Mifalia foana noho ny amin’ny Tompo. Averiko ihany hoe: Mifalia!+