FITEHIRIZAM-BOKIN’NY Vavolombelon’i Jehovah

Isaia 30:2

Ny Soratra Masina—Fandikan-tenin’ny Tontolo Vaovao
- 2 Mandeha midina any Ejipta+ izy ireo nefa tsy manontany ahy akory.+
  Te hitady fiarovana amin’i Farao,*
  Sy hialokaloka amin’i Ejipta izy ireo.

Isaia 36:4

Ny Soratra Masina—Fandikan-tenin’ny Tontolo Vaovao
- 4 Dia hoy ilay Rabsake tamin’izy ireo: “Mba lazao amin’i Hezekia hoe: ‘Izao no tenin’ny mpanjaka lehibe, dia ny mpanjakan’i Asyria: “Fa inona koa izany mba atokisanao izany?+

Isaia 36:6

Ny Soratra Masina—Fandikan-tenin’ny Tontolo Vaovao
- 6 I Ejipta no mba atokisanao hoe hanampy anao. Bararata folaka anefa izy, ka ho voatsindrona ny tanan’izay mitehina aminy dia ho loaka. Hoatr’izany mihitsy i Farao mpanjakan’i Ejipta amin’izay rehetra matoky azy.+

Jeremia 2:18

Ny Soratra Masina—Fandikan-tenin’ny Tontolo Vaovao
- 18 Fa maninona ianao izao no te ho any amin’ny lalana mankany Ejipta+
  Mba hisotro ny ranon’i Sihora?*
  
  Ary maninona ianao no te ho any amin’ny lalana mankany Asyria+
  Mba hisotro ny ranon’ilay Renirano?*

Jeremia 37:5-7

Ny Soratra Masina—Fandikan-tenin’ny Tontolo Vaovao
- 5 Ary nivoaka avy any Ejipta ny tafik’i Farao.+ Dia henon’ireo Kaldeanina nanao fahirano an’i Jerosalema izany, ka niala tsy nanafika an’i Jerosalema indray izy ireo.+ 6 Dia niteny tamin’i Jeremia mpaminany i Jehovah hoe: 7 “Izao no lazain’i Jehovah Andriamanitry ny Israely: ‘Izao tenenina amin’ny mpanjakan’ny Joda, izay naniraka anareo hanontany ahy: “Henoy izao! Hiverina any amin’ny taniny, any Ejipta, ny tafik’i Farao izay tonga hanampy anareo.+