• Deoteronomia 12:5, 6
    Ny Soratra Masina—Fandikan-tenin’ny Tontolo Vaovao

    • 5 Mandehana kosa any amin’izay toerana fidin’i Jehovah Andriamanitrareo eo amin’ny fokonareo rehetra mba hametrahana ny anarany sy honenany, dia any ianareo no hanompo azy.+ 6 Any ianareo no tokony hanatitra ny fanatitra dorana,+ ny sorona, ny ampahafolon-karena,+ ny fanomezana avy aminareo,+ ny fanatitra fanefana voady, ny fanatitra an-tsitrapo,+ ary ny voalohan-teraky ny omby aman’ondrinareo.+

  • Salamo 122:teny mampiditra-9
    Ny Soratra Masina—Fandikan-tenin’ny Tontolo Vaovao

    • Hira Fiakarana. Nataon’i Davida.

      122 Faly aho rehefa niteny tamiko izy ireo hoe:

      “Andao isika ho any an-tranon’i Jehovah!”+

       2 Ary izao ny tongotray dia mijoro

      Eo am-bavahadinao,* ry Jerosalema+ ô!

       3 Naorina ho tanàna i Jerosalema,

      Izay natambatra ho iray.+

       4 Niakatra nankany ireo foko,

      Dia ireo fokon’i Jah,*

      Araka ny fampahatsiahivana nomeny ho an’ny Israely,

      Mba hisaotra ny anaran’i Jehovah.+

       5 Fa any no nametrahana ny sezan’ny mpitsara,+

      Dia ny seza fiandrianan’ny taranak’i Davida.+

       6 Mangataha fiadanana ho an’i Jerosalema!+

      Tsy hanana ahiahy izay tia anao.

       7 Hisy fiadanana foana anie ao anatin’ny dongon-tany* miaro anao,

      Ary tsy hanana ahiahy mihitsy anie izay ao anatin’ireo tilikambonao voaro mafy!

       8 Noho ny amin’ny rahalahiko sy ny namako no hilazako hoe:

      “Hisy fiadanana anie ao aminao!”

       9 Noho ny amin’ny tranon’i Jehovah Andriamanitsika,+

      Dia hitady izay hahasoa anao aho.