Junib

Kēbo-aob Samueli di mamas, Hannas tsîn ge ǃgomsina gere hōǃâ. ǀGôa-es ge ge hō ǁoa i. (1Sam. 1:2) Tare khoes ga ǀgôa-e hō ǁoa o, os ge Elob xa ǀkhaehe tama khoe-i ase gere mû-e Israelǁaes ǃoagu. Nēs ge tarekhoede kaise gere tao kai. (Gen. 30:1, 2) Hannas kaikhoeb ǀgamǁî taras Peninas ge ǀgôana ge hōǁkhā i, tsî nēs ge Hannasa gere tsûaǂgao kai. Tsî ǁîsa gere ‘ǁgonǁgonǂgao’ Hannasa nēsa ge tani ǁoa i. ǁÎs ge kaise nēs xa ǁaixa tsî “ā tsî ǂû tama ge hâ i.” ǁÎs ge kaise nēs xa gere “ǃoa” kaihe. (1Sam. 1:7, 10) Hannasa mati ge ǁkhaeǂgaohe? Hannas ge ǁîs tsâsiba Jehovaba ǀgores ǃnâ ge mîba. ǀGore toas ges khaoǃgâs ge ǁîs ǃgomsiba ǀGapi pristeri Eliba ge ǁguiǃāba. ǁÎb ge ǁîsa ge mîba: “ǃGû ǂkhîb ǃnâ, îb Elob Israeli diba sa ǀgores, hîas goro ǀgoresa ǁnâu-am si.” ǀAmǂoasa ge tae-i? Hannas ge “ǁîs di daoba ge ǃgû; tsîs ge ge ǂû.” Tsîs ge ǂguros xa ge ǃgâiaǂgao. (1Sam. 1:17, 18) ǀGores ge Hannasa ge hui, îs ǂkhîba ūhâ. w20.02 21 ¶4-5

ǀGūǁaeb ge Jehovaba nē ǁgai ǃhūbaiba nî hîkaka. ǁNān hîna “ǀamo ûiba ǃoa ǃkhōǂuibasenhe” hân ǀguin ge nî ûi ǃgau. (ǃNǃkh. 13:48) Sada ǀaokhoen tsîna da nî aoǁnâba în sada ǀkha Jehovaba ǃoaba. Sada ǀnamǀnamsa ǁGûb Jehovab ge “ǂgao tama, khoe-i nî kāǁōsa, xawen nî hoana ǃhobasen ǃkhaisa.” (2Pet. 3:9) ǂÂis ǃnâ da ge ra ūhâ ǂgao ǂhanu ǀgaub tsî ǂhanu tama ǀgaub tsîn hâsa amaba da ga nau khoen ǀkha ǀgoragu o. ǀŪ da a khoena da ga aoǁnâba o, o da ge nēsa ǀnamxaǃnâ ǀgaub ǃnâ ra dī xawe da ga sada di ǀaokhoen ǀkha amab xa ǃhoa o, o da ge nēsa ǀā ǀgaub ǃnâ ra dī. ǂGui da âda ge sada di ǀaokhoen ǀkha da ge amab xa ǂguro a ǃhoa ǀgaub xa kaise ǃgâi tamase ra tsâ tsî ra ǂâi nēsa ta ge ǃgâi ǀgaub ǃnâ ga dī hâ. Nē ǁnamasa da ge ǂâis ǃnâ ra ūhâ ǂgao, apostel Paulub mā hâsa, sada ǀaokhoena da ga aoǁnâba o. Nēsa da ga dī tama io, o da ge ǁîna amaba xu a ǂhābē ǁkhā, hui nî ǂgao da ra hîna. w19.08 14-15 ¶3-5

Mati du ge tanisen amaba du ge ǀGôab xa ǁkhāǁkhāsen o? Jesub ge a ǀgamǁî ǂhâǂhâsa khoe kurus hoas ǃnâ. ǁÎb ge a sada di Xoremari ǁguiba. ǁÎb ûibab ge sada ǃgao māsenxase ge mā. Sada dīgu ǃnâ-ū da ga ǁgau o xoremariba da ra ǃgôaǃgâsa on ge sada ǁorena a ǀûbahe ǁkhā. Tsî da ge Elob ǀkha ǀhōsagusisa om tsî ǀamo ûiba a hō ǁkhā. (Jhn. 3:16) Jesub ge a sada di ǀGapi Prister. ǁÎb ge ra hui da ǂgao i da xoremariba xu ǀama tsî ǀgū ǀhōsagusisa Jehovab ǀkha ūhâ. (Heb. 4:15; 7:24, 25) Jesub a Elob Gaosib di Gao-ao amagab ge Jehovaba ǁîb ǃnâ-ū ǁîb ǀonsa nî ǃanuǃanu, ǁgaoǁgaosiba ǀam kai tsî hâhâ ra ǀkhaega paradais ǃhūbaib ai nî mā da. (Mat. 6:9, 10; J.ǂHa. 11:15) Jesub ge a ǃgâi aiǁgau hîna da a ǁgae ǁkhāba. ǁÎb ge ǁîb ûiba Elob ǂâisa īǁkhā kais ǃaroma ge sîsen-ū tsî nēs ǃnâ-ū ǃgâi aiǁgausa ge mā da. (Jhn. 4:34) Elobmîs Jesub xa ra ǁkhāǁkhā xūna du ga ūǃoa o, o du ge Eloba ǀnamma ra omkhâiba. Nē ǀnammi ge nî ǁgari du i du Elob ǂâisa dī. w20.03 10 ¶12-13

Jesub ge ǁîb di ǀuniga tsēdi hoade ge ǀgore ǃkharu. ǁÎb ǁōb di ǂâiǂâisensab ge ǂnuiǂgā o, ob ge Jesuba ǂauxûi-i tsî ǀkhuruǀkhuruhe tama hâ pere-i ai ge ǀgore. (1Kor. 11:23-25) Pasxab ǀkha gu ge toa o, ob ge ǁîb di ǁkhāǁkhāsabegu ǀkha ge ǀgore ǀhao. (Jhn. 17:1-26) ǀKheraǃhommi [olive hais] tawa gu ge ǁîb tsî ǁîb ǁkhāǁkhāsabegu tsîna sī o, ob ge Jesuba ǀûs ose ge ǀgore. (Mat. 26:36-39, 42, 44) Jesub di ǀuniga mîdi ǁōb nîs aiǃâb ge mîdi ge ǀgores ǃnâ ge sîsen-ūhe. (Luk. 23:46) Jesub ge Jehovaba mâ xū-i hoa i ǃnâ ǁnā ǀuniga tsēs ai ge ǃâ kai. ǀGui ǃaromas hînab ge Jesuba ǁîb ǃgomsigu ǃnâ a mâǀgaibas ge, ǁîb ge ǀgores ǃnâ dadasab-ai gere kō. Xawe gu ge ǁîb di ǁkhāǁkhāsabega ǁnā ǃui ǀgores ǃnâ ge mâ ǀgara tama hâ i. Tsî nēs xa ǃaroma-e hâses ge ǁîgu ǂgomsa ge ǂkhabu ǃâitsâb ǁaeb ge ǀgū o. (Mat. 26:40, 41, 43, 45, 56) ǃGomsina da ga ūhâ o, o da ge ǁîn ǃnâ a mâǀgai ǁkhā Jesub di aiǁgausa da ga sao tsî “ǀgores” ǃnâ ǃkhōǀgara o. Tae-e da nî ǀgoreba? w19.04 9 ¶4-5

Jehovab ge ǃgaidība ǃhui hâ. Jehovab ge Israelǁaesa ge mîba: “Sa tawab ge hōhe tide ǁîb ôab kas, ǁîb ôas kas hoasa ǀaesa ra ǃgûǃganu kaib, ǃgai-aob, aimûǀgarusa ra sîsenūb, tsēde ra ūǂuibasenni tsî ani-ās ai ra ǃgaoǃgâb kas tsî ǃgai-aob kas, tsî nūba-aob, nūbasa ra sîsenūb kas, ǃgai-aob, aimûǀgaru ra gaga-e ra dîb kas, ǁgâuaǁāǁāǁkhāsabeb kas, ǁō hâna ra dîb kas hoasa. Nē xūna ga dī-i hoa-i ge ǃKhūba ǁgaiǁgaisase ība xui-ao.” (Deu. 18:10-12) Xristeǁîn ge nē ǂhanugu hînab ge Jehovaba Israelǁaesa a māgu ǃnāga hâ tama hâ. Xawe da ge a ǂan ǁîb tsâsigu dawa tama hâsa. Jehovab ge ǃgaidīb ǃoa-ai ra ǃkhâikhom da ǁGâuab nēsa khoena tsûtsûs ǃaroma ra sîsen-ū xui-ao. ǁGâuab ge ǃgaidība ǂhumiba aiǃgû kais ǃaroma ra sîsen-ū, ǁō hân ǀnî hâba ra ûi di hâ ǂhumib tsîna ǃkhōǂgā hâse. (Aoǁn. 9:5) ǁGâuab ge ǃgaidīb tsîna ra sîsen-ū khoena ǃaob ǀkha ǃkhōs tsî Jehovaba xu ū-oa nîs ǃaroma. ǁÎb di ǂâibasens ge în khoen hîna ǃgaidīb ǃnâ ǂgom tsî nēsa ra sîsen-ūna tā Jehovab ǃnâ ǂgom. w19.04 21 ¶5-6

ǀGôa ǀgaiǃkhōs ge a ǁgai ǁore. Nē ǀgôa-i ge kaise ra tsûtsûhe. ǀGôa-i di ǂgomǃgâsib ge ra khôahe tsî i ge ǁkhaubahe i rasa ǂgom tama hâ. ǀGôan ge nî ǁkhaubahe nē ǃnôa khoena xu tsî ǁnān hîna nēs xa tsâǀkhāhe hân ge nî ǁkhaeǂgaohe. (1Tes. 5:14) ǀHaohâb khoe-i hîna nēs ǃnâ ǃâ-e ūhâ i ge ǀhaohâb ai ǁgai ǀonsa ra hā-ū. (Mat. 5:16; 1Pet. 2:12) Sada ge nē ǃnôa khoen hîna dī-unusen ǂgao tama hâna sada ǀhaohâgu ǃnâ ǃkhōǃkhō tama hâ. ǁÎn ǀhaohâb di ǃgâi ǀonsa ra ǀuriǀuri amaga. ǀHaohâb khoe-i ga tsūdī o, ǀgôa-e ǀgaiǃkhōs ǃnâ, o i ge ǁî-e ǂhanub ǃoa-ai ra ǁore. (ǀGopeǀnō re ǃNaeǃkhaidi 25:8.) ǀHaohâb ǃûi-aogu nē ǂhanub ǃnâ dīxū-e ūhâ tama hâ xawe gu ge nē ǃnôa ǁore ao-e sâu tama hâ nē ǂhanuba xu. w19.05 9 ¶4-7

Hoa ǃgomsina da ge a mâǃoa ǁkhā Jehovab a sada di ǁkhāǁkhā-ao amaga. (Jes. 30:20, 21) ǁÎb mîs ge ǂhâ da hâ xūna ra mā da î da “dīǀoaǀoasaga” tsî “mâ ǃgâi sîsenni hoab ǃoa ǁkhā.” (2Tim. 3:17) Elobmîs ǁkhāǁkhādi ǃoa-ai da ga ûi o, o da ge khoen hîna “ǃhūbaib di gā-aisiba” ra ôan xa nî gā-ai. (Psa. 119:97-100) Mû da nîseb ge ǃhūbaib di gā-aisiba hoaǁae sada di sorosi turagu xa ǀgui hâ. Nēs ǃaroma da ge nî ǃgombahe nē ǃhūbaib khoen di tanisen tsî ǂâiǀgaugu tsîna mâǃoasa. ǃGâi ǃaromas ǀkhas ge Elobmîsa ra mî: “ǂAnbasen re, î-i khoe-i xare-e tā ǃnarixū-i ase ǃgû-ū du, khoesi gā-aisib tsî ǁau ǂgaeǂhapus ǀkha khoen di ǂnûiǂgādi ǃoa.” (Kol. 2:8) Elobmîs ge ǀuni tsēdi xa a mîmâi khamin ge khoena ‘turaba a ǀnam.’ (2Tim. 3:4) ǁGoe-ūgus ǃnâ-ū ra hō-e ǀaegu ge ǀgui ǁgauǁgausa ǃhūbaib gā-aisib a gâresa.—2Pet. 2:19. w19.05 21 ¶1-2; 22 ¶4-5

ǁGâuab ge Israelǁîna ge ǂgaeǂhapu ǁîna ǂgom kais ǃnâ ǁîn nē ǁanǂgāsaben di ǂgom ǀgauga nî ūǃoasa xūn hoana ǃgâise ǃgûǁnâs ǃaroma. ǁNā ǁanǂgāsaben ge gere ǂgom, ǀnî ǁaxasigu ge ge ǂhâbasa i ǁîn eloga ǀnanuba mā nîs ǃaroma. ǁNān hîna ge Jehovab ǃnâ gere ǂgom an ge gere mî nēs ge a ǂhâbasa gaxu ǃâtsūǀkhāba xu ǂgōsens ǃaroma, ǁnās ǀkhan ge ǁaxasiga Baali ǃgao gere ūhâ. ǁGâuab ge ǁîn di sorosi ǂhâsigu tsîna ge sîsen-ū. Nau eloga gere ǃoaba ǃhaodi ge ǁgai ǁgoe-ūgu ǀgauga ge ūhâ i. Nēs ge tarekhoedi tsî aorekhoegu tsîna ǁgoe-ūgusa ge ǃkhōǂgā hâ i tempelgu ǃnâ. Aorekhoegu tsî tarekhoedi tsîna ǁgoe-ūgus tsî ǀnî ǁgai xūna dīs ge aiǃgûs ǀguisa ge dī tama hâ i xawe ge hoaǃnâ-aixa. (Deu. 23:17, 18; 1Gao. 14:24) Nē khoen ge gere ǂâi nē ǁgai xūn ǁîn ra dīn ǃaromagu ǁîn eloga ǃhūba ǀnanuba nî mā di. ǂGui Israelǁîn ge nē ǁgai ǁgoe-ūgu ǀgaugu xa ge ǃgâibahe i tsî nēs ǃaroma nē eloga ge ǃoaba tsoatsoa. w19.06 2 ¶3; 4 ¶7-8

Betels omaris ǁanin ge ǀasa ǁgaumâide ge māhe. Nē ǂgomǂgomsa ǃgâsan ge ǁîn go ǀnam hâ i, ǁgaumâisa ǁnāxūs xa kaisea a ǃgombahe. ǁÎn di ǀgui du ga o, o tae-e a hui du ǁkhā, nē ǃgomsiba dans ǀkha? Jehovab ǀgūse hâ re, Elobmîsa tsēs hoasa khomais tsî khomai du ra xūna ǂâiǃgâs ǃnâ-ū. Aiǃgû re, sadu ǀasa ǀhaohâb ǀkha aoǁnâ sîsenni ǃnâ sîsensa. Jehovab ge ǁnān hîna ǁîba ra ǂgomǂgomsase ǃoaban sîsenga ǀuru tama hâ. ǂGuron gere dī khamin ga dī tama i xawes tsîna. Sadu ûiga supuse ūhâ re. Tā ǁGâuab ǃhūbaib ǃgomsina mā-am re în “ǀhūǀhū” du Jehovaba ǃoaba ǀûs ǃnâ. (Mat. 13:22) Tā Jehovaba ǃoaba tama khoena ǃgâ re, tamas ka io sadu ǀhōsan tsî ǀaokhoen hîna ra mîna, ǂgui mari-e du ge nî sîsenba ǃgâi ûiba ūhâs ǃaroma. (1Jhn. 2:15-17) Jehovab ai ǂgomaiǂnûi re, hîna ra sada di gagasi, emosioneel tsî sorosi ǂhâsiga “ǂhanu ǁaeb ǃnâ” mā ba.—Heb. 4:16; 13:5, 6. w19.08 20 ¶4; 21-22 ¶7-8

Tsûaǂgao kai du ra ǃgomsina du ra hōǃâ? Kaise da ge ra gangan mûsa Jehovab sada di tsâsiga ra ǁnâuǃāsa. Nēs ge ǂgomǃgâsiba ra mā da ǁîb sada tsâsigu tsî ǃgomsin tsîna ra ǁnâuǃāsa. ǁÎb ge sada di ǃnubusigu, tsâsigu tsî hōǃâ da ra xūn tsîna a ǂan. (Psa. 103:14; 139:3, 4) Jehovab ai da ga ǂgomaiǂnûi o, o da ge sada ǃgomsin hîna tsûaǂgaoba ra hauna nî tani hō. Tsûaǂgaob ge a ǂâi kai da ǁkhā sada mâsigu ǀkhara tidesa tsî a ǂkhabuǂâi kai da ǁkhā. Nēs ga sada ǀkha ī o, o da ge nî ǂan Jehovab nî huida ǃkhaisa. Matib nî huida? ǁÎb ge ra ǁkhau da î da sada ǃgomsina ǁîb ǀkha ǀgoragu. Tsî ǁîb ge sada ǂgansa nî ǁnâu-am. (Psa. 5:3; 1Pet. 5:7) Nēs ǃaroma Jehovaba ǃoa ǀgore re sadu ǃgomsin xa. ǁÎb ge sada ǀkha ǃhoa tide xawe ǁîb mîs tsî ǁîb ǀapeǂhumîs ǃnâ-ū nî ǃhoa-u da. Elobmîs ǃnâ da ra khomai xūn ge ǂkhâǃnâ tsî aisǀkhāb ǀkha nî kō kai da. Sada ǃgâsan tsîn ge a ǂkhâǃnâ da ǁkhā.—Rom. 15:4; Heb. 10:24, 25. w19.06 16 ¶7-8

Jehovab ǃoa du ra ǀgore khami sadu “ǂgaoba ǁhōǂui ǃKhūb di ais aiǃâ ǁgam-i axase” tsî sadu ǀnamxaǃnâ ǁGûba sadu di ǃaob tsî ǂâiǂhansendi tsîna mîba re. (ǃG.am. 2:19) Hoaǁae da ga ǀgore o, o da ge Jehovab ǀgūse nî tsâ. (Rom. 8:38, 39) ǂGomǁapo re Elob Gaosib ǀkhaegu nî ama kai ǃkhaisa. (Num. 23:19) Sada di ǂâidi ga nē mîmâidi ǃnâ ǀgaisa tama io, ob ge ǁGâuab tsî ǁîb demongu tsîna a ǃâitsâ da ǁkhā. (ǂKhm. 24:10; Heb. 2:15) ǁAeba ǁamaǂui tsî Elob Gaosib mîmâi hâ ǀkhaegu tsî tae-i ǃaroma du nē mîmâidi ǃnâ ra ǂgoms tsîna ôaǃnâ re. Nēsa mati nî hui du? Stanley Jonsi di aiǁgausa ǃoa kō re, hîna ge hû kuriga ǃkhō-oms ǃnâ ǁîb ǂgoms ǃaroma ǂnôa îba. Tae-e ge huibi ǂgomǂgomsase mâǀgaibesa? ǁÎb ge ra mî: “Gaosib di amaba ǃkhambas tsî nēs ǃnâ ǂgoms ge ge hui te.” ǀGaisa ǂgomsa da ga Jehovab ǃnâ ūhâ o, o da ge ǁîba ǃoa ǀgū tsî ǃao tsâsiga ūhâ tide.—ǂKhm. 3:25, 26. w19.07 2 ¶1; 3 ¶6-7

Khāǁkhāsabedīsa tae-i ǃaroma a ǂhâǂhâsa? ǁKhāǁkhāsaben ǀguin ge a Elob ǀhō kai ǁkhā. ǁNān hîna Xristuba ra saon ge nēsi ǂkhî ûiba a ūhâ ǁkhā tsî ǀamo ûiba hānîǁaeb ǃnâ nî hō. (Jhn. 14:6; 17:3) Jesub ge ǂhâǂhâsa sîsenni ǀkha ge ǁgaumâi da xawe da ge nē sîsen-e ǀguri dī tama hâ. Apostel Paulub ge ǁîb tsî ǁîb ǀhōsan tsîn xa ge xoa: “Elob di ǀhaosîsenao khom ge sikhoma.” (1Kor. 3:9) Kaise ǃgâi aiǂhanub ge Jehovab tsî Jesub tsîn ge ǀoasa kurusa ūhâ tama hâ khoena a māba. Kaise da ge ge ǂkhî i tsî gere ā. ǂGuro xū-i ǁkhāǁkhāsabedī da nîs aiǃâ da ra dī i ge khoena ‘ôasa’. ǀHao-ū da ra khoen hoana da ga amab xa mîba o, o da ge ra ǁgau Jehovab di ǀHûǀguitimî-ao da a ǃkhaisa. Ama Xristeǁî da a ǃkhaisa da ge ra ǁgau Xristub ǁgaumâisa da ga sao o. w19.07 15 ¶3-5

ǂGui khoen ge Elobmîs ǃnâ ra hō-e tsoatsoadi xa kaise a ǃgâiba-e. Amerikab ǃnâ Mandarin gowaba ra ǃhoa khoena ra sari ǃgâsas ge ra mî: “Khoen ǃnâ ta ge ǃgâiǃgâibasensa ra ǁgau tsî mîn ra xūna ra ǃgâ. ǀNî ǃhūba xu ǀkhī hâ khoen a ǃkhaisa da ge ge ǂanǂui tsî a dî nî ǁkhā: ‘Mati du nē ǀasa ǂharis xa ra tsâ? Sîsen-e du ǀnai hō? Hâ du ra ǃkhaib khoena ǃgâise ra hâ-ū du?’” Nēs ge ǀnî ǁae ra hui Elobmîs xa khoen ǀkha ǃhoa tsoatsoasa. Mā-am i ga o, os ge ǃgâsasa ra ǀaro: “Tae-e a huida ǁkhā hâ-ū da ra khoen ǀkha ǃgâise sîsen ǁaresa? Xū-e ta Elobmîsa xu a ǁgau du ǁkhā? Mî ra: ‘ǂNoagus di tsoatsoas ge ǁgam-ets ra ǁkhowa-ams ǁkhās xase ī; ǁnā-amaga ǂnoagus nî tsoatsoas aiǃâ ǁnāpaxū bē re.’ ǂÂi i du ra nē mîdi a huida ǁkhāsa nau khoen ǀkha ǃgâise hâ ǀhaos ǃnâ?” (ǂKhm. 17:14) Nē ǃhoaǀhaodi ge nî huida mûsa hamna da ǁkhawa a sari ǁkhāsa. w19.07 23 ¶13

ǁNā hîna ǀasa ǁgaumâide māhe hân, ǀkhomxahesa ǂhâ tama hâ xaw ǁnâuǃāhen nîsa. ǁÎn tamas ka io, o i ge ǁîn ǀaokhoe-e ǀaeb mâsiba ūhâ hîna ǃgomsiba ra ǃaroma-e. Tamas ka ion ge ǀaokhoe-i di ǁōb amsi ra ǃoa. Tsî nēs xan ga ǃhoa tama i xawen ge ǁîn di ǀhōsana ra ǁkhore. ǁÎn ge ǁaeba ǂhâ hâ nē tsâsiga sîsenǂams ǃaroma. ǁÎn ǀkha da ga ǀguiba aoǁnâ tsî ǂkhâǃnâ nî o, o da ge sada di ǃgâi aiǁgaus ǀkha a hui nî ǁkhā ǁîn di ǁgaumâidi ǃnâ mâ ǀgarasa. ǀGui ǃgâsas hîna ǀnî hâ ǃhūb ǃnâ gere ǃoabas ge ra mî ‘tsēs hoasas khoena Elobmîsa gere ǁkhāǁkhā’ di. “Xawe ta ge ti ǀasa ǁgaumâis ǃnâ khoe-e Elobmîs tsîna ge khomaiba tamas ka io vidio-e ǁgau ǁoa i. Xawen ge ǀhaohâb ǁanina gere ǁkhau te tsî ta ge aoǁnâ sîsenni ǃnâ ǁîn ǀkha gere sîsen. Nēsa mûs ge ti mûǂuiba ti ǀasa ǁgaumâis ǃoa-ai ge ǀkharaǀkhara. Khoen ǀkha ta ti ǀasa ǂharis ǃnâ nî ǃhoa ǀgauba ta ge ge ǁkhāǁkhāsen. Nēs ge ge hui te ǂkhîba ūhâsa.” w19.08 22 ¶10; 24 ¶13-14

ǀNî ǁaegu ai i ge kaise ǃgom sida ǃgâsana ǀnamsa Euodias tsî Sintixes tsîn khami da ǁîn ge dī ǁgai xūn ai ra kō amaga. Hoa da ge tsēs hoasa ra tsūdī ǁnā amaga i ge nau ǃgâsan ra dī tsū xūn ai da ga kō, o ǁîna da ūba hâ ǀnamma nî ǃkhai. Aiǁgause ǃgâsa i ga Gaosib ǀhû-omma ǃanu huida tama io, o da ge ǁî-i ǀkha ǁaixa ǁkhā. ǁÎn ge dī ǁgai xūn hoana da ga ǃgôa khâi o, o da ge ǁî-i ǀkha kaise ǁaixa ǁkhā tsî i ge ǁîna da ūba hâ ǀnamma nî bē. Nēti i ǃgomsiba da ga ǀhaohâb ǃnâ hōǃâ o, o da ge ǂâis ǃnâ nî ūhâ Jehovab ge sida ra dīsā xūn tsî sida ǃgâsan din tsîna ra mûǂan. Nēn hoan ǂamaib ge Jehovab noxoba hoa da ǀnam. ǁNā-amaga da ge Jehovab ǀnamma ǁgae tsî sida ǃgâsan ra dī ǃgâi xūn ai ǂâisa nî ǂnûi. Sida ǃgâsana da ūba hâ ǀnamma da ga ǀgaiǀgai o, o da ge ra ǀguiǃnâxa.—Fil. 2:1, 2. w19.08 9-10 ¶7-8

Jehovab ge ǃgamǃgamsenxa khoena a ǀnam. ǃGamǃgamsenxasiba da ga ūhâ o, o da ge ǃgâi ǀhōsagusisa Jehovab ǀkha a ūhâ ǁkhā. Xaweb ge Jehovaba ‘ǀgapiǀgapisen ra-e ǃnūseba xu a ǂan.’ Hoa da ge Jehovaba ǂkhîǂkhî tsî ǁîb di ǀnamma ra hōǃâ ǂgao, nēs ǃaroma da ge ǃgamǃgamsenxasiba nî omkhâi. ǃGamǃgamsenxa khoe-i ge nau khoen xa i ǀgapi ti ǂâi tama hâ tsî ǀnōsa ǂâiǀgaub tsîna nau ǃgâsan xa ūhâ. ǃGamǃgamsenxa khoe-i ge ra mûǂan Jehovab ǁî-i xa a ǀgapisa tsî nau khoen di ǃharodi tsîna ra mûǂan. Tsî ra ǁnâuǃā nau khoen ǁîn xa ǀnî xūn ǃnâ ǃgâisa. (Fil. 2:3, 4) ǀNî khoen ge ǃgamǃgamsenxasiba ūhâ khami ǀgui a ǁgausen ǁkhā. ǀNîn ge taoxan a ǃkhais ǃaroma ǀgui nēti ra tanisen. Tamas ka ion ge ǃgôaǃgâsiba ra ǁgau din ge ǁîn ǁgûn xa kaikaihe amaga. Xawe ǃgamse a ǀgapi ǃgôasenxa. Tsî ǀgūǁae ǁîn ǂgaogu ǃnâ hâ xūna nî ǁgau.—Luk. 6:45. w19.09 2 ¶1, 3-4

“ǃKhūb Jesub . . . di ǃgâiǂhôas” ge Jesub gere ǁkhāǁkhā amab hoaba ǃkhōǂgā hâ Elobmîs ǃnâ da ra khomai khami. ǃGâiǂhôasa da ge ra ǁnâuǀnam nēsa da ga sida ûigu ǃnâ ûiǂui o. Nēs ge Gaosiba ǂgurose mâis, Elob ǁgaragu ǃoagu ûis tsî Gaosib ǃgâiǂhôasa aoǁnâs tsîna ǃkhōǂgā hâ. (Mat. 6:33; 24:14) Xristub ǂkhauhesa ǃgâsagu tsîna da ge nî ǂkhâǃnâ ǁîgu ǂhâǂhâsa ǁgaumâide gu ra dī hîna. (Mat. 25:31-40) ǀGūǁaen ge ‘ǀnî gūna’ ǁîn di khoexaǃnâsib ǃgao nî mādawa-am. (Jhn. 10:16) Mâ ǀgaub ǃnâ? Armagedons nî tsoatsoa aiǃâ i ge 144 000 ǂkhauhesa ǃgâsana ǀhomma ǃoa gagab ase nî ī. ǁÎn ge nî ǀhommi di ǃâ i hîna Goga ra hîgāgāna tsî ‘kai ǂnubis’ Jehovab ǃoaba-aona nî ǁkhauba. (J.ǂHa. 2:26, 27; 7:9, 10) Kai ǂnubis Jehovab ǃoaba-aon ge kaise nî ǂkhî ǂkhauhesa ǃgâsanan ge ǃhūbaib ain hâ hîna gere ǂkhâǃnâ ǃkhais ǃgao. w19.09 12-13 ¶16-18

Tae-i ǃaroma da Jesub ge mā da sîsen-e da ga dī o, o ra khoakhoahe? ǂOaǂamsa mûǂam-aoga da ge ūhâ. Jehovab sida ǀGapi mûǂam-aob ge ǁîb ǃoaba-aon ǀkha ǃgâi tama ǀgaub ǃnâ hâ tama hâ. ǁÎb ge sida ra dī sîsen-e ra ǃgôaǃgâ. (Heb. 6:10) Tsîb ge ǀgaiba ra mā da î da ǁîb ge mā da sîsen-e dīǀoaǀoa ǁkhā. (2Kor. 4:7; Gal. 6:5) Jesub sida Gao-aob ge ǃgâi aiǁgausa ge mā da mati da nau khoen ǀkha nî hâ ǀgaus ǃnâ. (Jhn. 13:15) Tsî ǀhaohâb ǃûi-aogu hîna sida ra kōǃgâ gu ge Jesuba ra ǁgae ‘kai ǃûi-aoba.’ (Heb. 13:20; 1Pet. 5:2) ǁÎgu ge ra dītsâ khoexaǃnâsib, ǂkhâǃnâs tsî ǁkhoaǂgaosib tsîna ǁgausa sida gu ra kōǃgâ tsî daoǁgau hîna. ǂOaǂamsa ǀhōsana da ge ūhâ. Khoe-i ge a ǀkhai hîna sida khami ǀnamxaǃnâ ǀhōsan tsî ǂâibasensa ūhâ sîsenni tsîna ūhâ-e. ǃGâsan hîna ǃgâi tanisen ǀgauba ūhâ tsî ǀgapiǂâixa tama hân ǀkha da ge ǀguiba ra sîsen. ǁÎn ge sida sîsenǀhao-aon ase ǀgui mû tama hâ xawe ǀhōsan ases tsîna. ǁÎn sida ūba hâ ǀnammi ge kaise a ǀgaisa ǁîn ûigan sida ǃgao nî mās kōse. w19.09 20 ¶1; 23 ¶12-14

Paulub ǃkhâikhoms ge ra ǁgau mati da aiǂhomisase nî hâsa ‘Jehovab kai tsēs’ ǃgao. (1Tes. 5:1-6) Nēba î ra ǁgauhe khamis ge nēsa “Babilons kais” di ǁnāǂamsa ǃoa ra ǁnaeǁgau, ama tama ǂgomdi nî hîgāgā-e se ī ǁaeb hîna Armagedons ǀkha nî ǀamsa. (J.ǂHa. 16:14, 16; 17:5) Paulub tsîn ge ra mîba da î da ‘Jehovab kai tsēs’ ǃgao aiǂhomisen. “A da ǁnâi tā ǁom naun khami.” “ǂKhaikari” hâ tsî da ge nî ǂanbasen. ǂAnbasen da ge nî î da tā ǀkhāna ǁhûi tsî nē ǃhūbaib di ǂgīǂgōsi xūn ǃnâ ǃâs tsîna. Nē xūn ǃnâ da ga ǃâ-e ūhâ, o da ge nî nē ǃhūbaib di ǃâ kai. (Jhn. 15:19) ǂAn da ge a Elob Gaosib ǀguib ǂkhîba ǃhūbaib ai nî hā-ū ǃkhaisa. Xawe da ge nau khoen tsîna ra hui ǂgao în ǁîn tsîna ǂkhaikari hâ. Elobmîs sada ǃhūbaib xa ra mî xūna ǁkhāǁkhā nîs ǃnâ-ū. Kai ǁgâiǀāb ga tsoatsoa o, on khoena Jehovaba ǁnā ǁaeb ai ǃoaba ǁoa ǃkhaisa. Nēs ǃaroma i ge a ǂhâǂhâsa nēsi da nî aoǁnâ ǃkhaisa. w19.10 8 ¶3; 9 ¶5-6

Scrolli ge xoahe toas khaoǃgâb ge Jeremiaba ǁîb ǀhōsab Baruxi ai nî ǂgomaiǂnûise ge īs ge ǁîb khoena nē haisi-amsa nî sī māsa. (Jer. 36:5, 6) Baruxi ge nē ǃgomǀgausa ǁgaumâisa ge dīǀoaǀoa. ǂÂi ǁkhā du a Jeremiab matikōse ge ǂkhî īsa Baruxi ge tempeli tawa sī tsî nē haisi-amsa mā o? (Jer. 36:8-10) Judab di gao-aos ge ge ǁnâu Baruxi tae-e ge dīsa tsî ge ǂan bi îb nē scrolla ǃgarise khomai. (Jer. 36:14, 15) Gao-aos ge Gao-aob Jojakimma ge mîba Jeremiab tae-e ge dīsa. Gao-aob Jojakimmi ge kaise ge ǁaixa Jeremiab xa xoahe hâ mîdeb ge ǁnâuo tsî scrolla ǂhubiǂui kai tsî ge mî i kha Jeremiab tsî Barux hâkha ǃkhōsis ǃnâ-ūhe. Xaweb ge Jeremiaba nēsa ge ǃao tama hâ i. ǁÎb ge ǀnîhâ scrolla ū tsî Baruxa ge mā, Jeremiab ge Baruxa Jehovab haisi amsa ge mîba tsîb ge Buruxa ‘ǂguro scrolli Jojakimmi, Judab gao-aob ge ǂhubis’ ai ge mâ i mîde nē scrolli ai ge xoa.—Jer. 36:26-28, 32. w19.11 3-4 ¶4-6

Jehovab ge ǂhâb hâ xū kai ǁkhā ǁîb ǂâisa dīǀoaǀoas ǃaroma. Aiǁgause, Jehovab ge a ǁkhāǁkhā-ao, ǁkhaeǂgao-ao, aoǁnâ-ao tsî a ǃgâiǂhôas tani-ao ǀoro xūn ǁîb dī ǁkhān xa da ga ǃhoa o. (Jes. 48:17; 2Kor. 7:6; Gal. 3:8) Xaweb ge noxoba ǁaen ai khoena ra sîsen-ū ǁîb ǂâisa dīs ǃnâ. (Mat. 24:14; 28:19, 20; 2Kor. 1:3, 4) Jehovab ge sada ǀgui i tsîna gā-aisib tsî ǀgaib tsîna a mā ǁkhā, i da ǂhâb hâ xū-e ǁîb ǂâisa dīǀoaǀoas ǃaroma dī. Nēs ge Jehovab ǀons ǂâibasensa ǂgui khoen xa i ra ǁnâuǃāhe khami. Hoa da ge Jehovab xa ra sîsen-ūhe ǂgao, xawen ge ǀnîna ǁaen ai Jehovab xan sîsen-ūhe tama hâ khami a tsâ ǁkhā. Tae-i ǃaroma? ǁÎn ge ǁîn kurigu, mâsib tsî ǁkhāsib tsîn xa ǃaroma-e hâse a tsâ ǁkhā ǁîn Jehovaba dība bin gere ǂgui xūna a dība ǁoa di. ǀNîn ge dīn da xūn ǀkha a ǂkhîǂâixa ǁkhā tsî ǃnāsa-e dī ǂgao tide. w19.10 20 ¶1-2

Mari-e da ga ǀnam o, os ge sada ǂgomsa nî ǂkhabu tsî da ge Jehovaba ǀorose nî ǃoaba. Apostel Paulub ge ge mî: “Torob ǃnâ ra ǃoaba-i xare-i ge ûib di ǂhansendi ǀkha ǁae tama hâ, toroǃoabas ǃoa ǁî-e ge ǃgaeba-i nî ǃgâiǃgâibase.” (2Tim. 2:4) Romeǁî toro ǃkham-aogu ge ǀnî hâ sîsen-e dīsa ge mā-amhe tama hâ i. Sada ge ǃgâi toro ǃkham-aogu khami i. ǂHâǂhâsa xū-i sada ǃaroma i ge Jehovab tsî Xristub, sada di mûǂam-aokha ǂkhîǂkhîsa. Nēs ge Satanni ǃhūbaib ǃnâ da a hō ǁkhā xūn hoan xa kaise a ǂhâǂhâsa. ǁAeb tsî ǀgaib tsîna da ge Jehovaba ǃoabas ǃaroma ra ūhâ ǂgao tsî sada di gagasi khōsikhōsa ǃgâi mâsib ǃnâ ra ūhâ ǂgao. Hoaǁae da ge ǂkhaikari nî hâ. Tae-i ǃaroma? Apostel Paulub ge ge ǃkhâikhom: “ǃKhū ǂgao ran ge ǂgomsa xu ge ǃkhoeǂnâ.”—1Tim. 6:9, 10. w19.11 17 ¶12, 14-15

“ǂKhîb ge hâ tsî tsūǃgâ-i a ǀkhai” di hâ ǂanǂans ge ‘Jehovab di tsēs’ aiǃâ nî hâ. (1Tes. 5:1-6) 1 Tesalonikaǁîn 5:2 tawa i ge ‘Jehovab di tsēsa’ “kai ǁgâiǀāba” ǃoa ra ǁnaeǁgau. (J.ǂHa. 7:14) Mati da nē ǁgâiǀāb go tsoatsoasa ǃkhaisa nî ǂan? Elobmîs ge ra mi ǂanǂans ge nî hâ i di. Nē ǂanǂans ge nî ǁgau kai ǁgâiǀāb go ǀgū ǃkhaisa. Nē ǂanǂans ge “ǂkhîb ge hâ tsî tsūǃgâ-i a ǀkhai” di hâ ǂanǂansa. ǂGomdi ǂgaeǂgui-aogu tsîna nēs ǃnâ ǃâ-e nî ūhâ? Nēs ge a īǁkhā. Sida ge a ǂan ǃhūbaib di ǂgaeǂgui-aogu ga ǂkhîb ge hâ tsî tsūǃgâ-i ge a ǀkhai di ǂanǂan o, ob nēba a demonga xu ra hâ ǂhumisa. Nē ǂhumib ge kaise a ǁkhōǁkhōsa khoena i ǃnōrasase ra tsâ kai amaga kai ǁgâiǀāb ǀgūǁae nî hâ hîna. ‘ǃHae ǁgaoǁgaosi i ge ǁîn ǂama nîra hā, ǀgamǀkhā hâ taras ǂaman ǁoratsûna ra hās ǁkhās khami.’ ǁNān hîna Jehovaba ǂgomǂgomsase ra ǃoaban ǀkha i tae-e nî ī? ǁÎn ge mâ ǁaeb kai ǁgâiǀāba nî tsoatsoasa a ǀū, ǁnā-amaga nî buru xawen ge nî aiǂhomisa i. w19.09 9 ¶7-8

Mîǁguiga da ga dī o. Sadu mîǁguigu ga ǃgāsa o, o du ge nēsa supuse a dīǀoaǀoa ǁkhā. Aiǁgause du ge a mîǁgui ǁkhā Elobmîsa ǃnāsase khomaisa. Xawe du ga ǁaeba nēs ǃaroma ǁamaǂui tama io, o i ge a ǃgom ǁkhā sadu di mîǁguiba dīǀoaǀoasa. Tamas ka io gu ge ǀhaohâb ǃûi-aoga a mîǁgui ǁkhā ǃgâsana ǃnāsase sarisa xawe gu ge nēsa ǁaeb ǃkharu hâ hîna noxoba dī tama hâ. ǁÎgu mîǁguiga dīǀoaǀoas ǃaroma gu ge sao ra dîde a dîsen ǁkhā: “ǃGâsan hîna nē sarisa xu nî ǀamana ge a ǂan? ǁÎna saris ǃaroma ge ǁaeba ǂnûiǂui hâ?” ǃGâi mûǂuiba ūhâ re. Hoa da ge ǁaeb, xūn tsî ǀgaib tsîna ūhâ tama hâ dī ǂgao da ra xūn hoana dīs ǃaroma. Nēs ǃaroma ǃgâi mûǂuiba ūhâ re. ǁAeb ga hā o du ge sadu mîǁguiga a ǀkharaǀkhara ǁkhā dīǀoaǀoagu ǁoa du ga o. w19.11 29 ¶11-12

Jesajab 65:21-23 ge ǃhūbaib mati hānîǁaeb ǃnâ nî īsa ra ǁguiǃā. ǁNā ûib ǃnâ da ge ǀope tsî xū-e dī tamase hâ tide. Elobmîs ge ra ǁgau Elob khoen ǁnā ǁaeb ai dīǀoaǀoasa sîsen-e nî dī ǃkhaisa. Xristub ǀoadisi ǂgaeǂguis ǀams ain ge “kurusabena ǁauǁausib di ǃgaesa xu nî ǃnoraǃnorahe, Elob ôan ǂkhaisib di ǃnorasis ǃoa.” (Rom. 8:21) Jehovab ge Israelǁîna a mā-am în sîsens ǁaeb tsî sâs ǁaeb tsîna ūhâ khamib ge ǁkhā xū-e nî dī ǁîb khoen ǀkha Xristub di loadisi kurib ǂgaeǂguis ǁaeb ǃnâ. ǂGui ǁaeb ge nî hâ i gagasi xūn ǃnâ ǁhaos tiba. Eloba ǃoabas ǃgao i ge ǂkhîba a ǂhâǂhâsa tsî ǀasa ǃhūbaib ǃnâ da ge ǁaeba nî ūhâ nēs ǃgao. Hoa khoen hîna ǂgomǂgomsase ra hân ge nî ǃgâiaǂgao Xristub ǀoadisi ǂgaeǂguis kurib ǁaeb ǃnâ dīǀoaǀoasa sîsen-e da nî ūhâ tsî hoa khoen Eloba nî ǃoaba amaga. w19.12 12 ¶15; 13 ¶17-18

“ǁKhāǁkhāǀāǀās” ge “hoaǁae ra ǁguiǃgâse ǁkhāǁkhā” di ra ǂâibasen. Nēsa dīs ǃgaon ge ǁgûna hoaǁae ǁîn ǂkham ǀgôan ǀkha nî hâ. ǀNî ǁaegu ain ge ǁgûna a ǂkhabuǂâi ǁkhā ǁîn ǀgôanan ǀgui xū-i ǀgui-e ra ǁguiǃgâba amaga. ǁGûn ge nē ǃēsa nî ū în ǁîn ǀgôana hui în Elobmîsa ǁnâuǃā tsî Elobmîs ra mî xūna ûiǂui. Sadu ǀgôana ǃgâise ǂan re. Psalmdi 127 ge ǀgôana ǂāgu ǀkha ra ǀgopeǀnō. (Psa. 127:4) ǂĀgu ǃkharagaǃnâgu xūna xu kuru-e tsî mâ i hoa-e ǁî-i kaisiba ūhâ khami i ge mâ ǀgôa-i hoa-e ǃkharagagu ǀgauga ūhâ. ǁNās ǀkhan ge ǁgûna nî ǂan matin mâ ǀgôa-i hoa-e nî ǁkhāǁkhāsa. Khoe-aogura hîna nētsē ra hō-e Israeli ǃnâ hâ ra ge mati ra ge ǀgam ǀgôara ǃgâise a kaikai î ra Jehovaba ǃoaba ǀgausa ra mî, “Mâ ǀgôa-i hoa-em ge ǀguri hâse Elobmîs ǁkhāǁkhāsa gere mâ.” Mâ omaris danab hoab ge nēsa dīsa nî mîǁgui nēsan ga dī ǁkhā o. w19.12 26-27 ¶18-20

ǃGom ǁaegu ǃnâ da ga ǃkharu o da ge mâxōǀkhā da ra khoena ra ǃgôaǃgâ. “ǂGui xūn tsēkorobe da ra dīn ge hâ hîna ǃgom ǁaegu ǃnâ da ga ǃkharu o, a ǃgomba dana dīsa” dib ge Ryan di ǀon hâ ǃgâsaba ra mî hîna ǁîb ǁgûba ǃâubasen tamab hâ ǀgaub ǃnâ ge ǂoaǃnâba. “ǂHâ da hâ huib hîna da ra hōb kaise i ga ǂkhariro xaweb ge kaise a ǂhâǂhâsa.” Hoaǁae da ge ǂâis ǃnâ nî ūhâ sada huib ǂkhariro i ga xawe nau khoena ra ǂkhâǃnâ ǃkhaisa. ǃKharu ge ǁaeb ǃnâ ge ûitsama i ǁkhāǁkhāsabeb Markub ge kaise ǃgarise gere sîsen. ǁXaweb ge Markuba noxoba ǁaeba gere ǁamaǂui Pauluba huis ǃaroma, nēs ǃaromab ge Pauluba Markuba ge ǂgan ǁkhā i îb hui-e. Angelas omaris ǁani i ge ǃgam-e os ge ǁîsa ǁkhaeǂgaos hînas ǃgâsana xu gere hōsa kaise ge ǃgôaǃgâ. “ǀHōsan ga amabes ǃnâ hui tsi ǂgao o, ots ge ǁîn ǀkha supuse a ǃhoa ǁkhā” tis ge ra mî. “ǁÎn ge amabes ǃnâ ra hui tsi ǂgao tsî ǃao tama nēsa dīsa.” Dîsen ǁkhā da ge a, ‘tita māsenxa ǀgaub ǃnâ nau khoena ra ǁkhaeǂgao khoe-i ase ra mû-e?’ w20.01 11-12 ¶14-16

Mati i ǂkhauhesa Xristeǁî-e “anu tamase” Jesub ǁōb ǂÂiǂâis tawa a ǃâ ǁkhā? ǁÎ-i ge ǂauxûiba xu i ga ā tsî pere-e xu ǂû o, Jehovaba i ǁnâuǀnam tama hâ hîna o nēsa a dī ǁkhā. (Heb. 6:4-6; 10:26-29) ǂKhauhesa ǃgâsan ge nî mûǂan ǂgomǂgomsasen ga hâ o ǀguin ‘Elob Xristub Jesub ǃnâ ǀgapiseba ǃoa nî ǂgai-e ǃkhaisa.’ (Fil. 3:13-16) Jehovab di ǃanu gagab ge ǁîb di ǃoaba-aona ra hui în ǃgamǃgamsenxa tsî tā ǀgapiǂâixa. (Efe. 4:1-3; Kol. 3:10, 12) Nēs ǃaroman ge ǂkhauhesana nau ǃgâsan xan ǀgapi di ǂâi tama hâ. ǁÎn ge a ǂan Jehovab ǂkhauhesa ǃgâsana ǃnāsa ǃanu gagaba nau ǃoaba-aon ǁîb din xa mā tama hâsa. ǁÎn ge ǂâi tama hâ nau ǃgâsan xan Elobmîsa ǃnāsase ra ǁnâuǃā di. Tsîn ge nau ǃgâsana ǁîn tsîn ǂkhauhesa tsî Jesub ǁōb ǂÂiǂâisens ǃnâ a ǃâ ǁkhā di mîba mâ tide. Xawen ge ǃgamǃgamsenxasib ǀkha ra ǂanǃgâ Jehovab ǀguib khoena ǀhommi ǃâubasensa a mā ǁkhā ǃkhaisa. w20.01 27-28 ¶4-5

Jehovab ge ra ǂgao i da ǁîb ǀhōsa kai tsî ǁîb ǀkha hoaǁae ǃhoa. ǁÎb ge ra ǂkhâǃnâ da i da ‘ǀgores ǃnâ hâhâ’ tsîb ge hoaǁae sida ǀgorede nî ǃgâ. (Rom. 12:12) ǁÎb ge tātsē ǀhape tamas ka io tsau tama hâ sada ǃgâsa. Tsî sada ge ǁîba sao ra ǀgaugu ǃnâ ra ǃgâ, Elobmîs tsî Elobmîs ai ǃgaoǃgaosa ǂkhanin tsîna khomais ǃnâ-ū. ǀHaodi tawa ǃgaoǃgâxase ǃgâs ǃnâ-ūs tsîna da ge ǁîba ra ǃgâ. Jehovab ǀkha da ga hoaǁae a ǃhoa o da ge ǁîba ǃoa nî ǀgū.Sadu ǀgoredi Jehovaba ǃoa du ra dī di xa ǂâi re. Jehovab ge ra ǂgao i da sada ǂâidi tsî tsâsigu tsîna ǁîb ǀkha ǀgores ǃnâ-ū ǀgoragu. (Psa. 62:8) Sao ra dîsa da ge nî dîsen: ‘Ti ǀgorede ǂkhanib ai xoasa haisi-ams khami ī tamas ka io i ti ǂgaoba xu ra hā sîǂkhanis khami ī?’ Jehovaba du ge kaise a ǀnam, ǁnā-amaga du ge ǁîb ǀkha du ūhâ ǀhōsagusisa ǀgaisase ra ūhâ ǂgao. Nēsa dīs ǃgao du ge hoaǁae ǁîb ǀkha nî ǃhoa. Sadu ǂgaob ǃgamsib ǃnâ hâ xūna ǁîb ǀkha ǀgoragu re. Tae-i ra ǃgâiaǂgao kai dus tsî tae-i ra tsûaǂgao kai dus tsîna ǁîb ǀkha ǀgoragu re. ǂGomǃgâsiba ūhâ re ǁîb ai du huiba a ǂgan ǁkhāsa. w20.02 9 ¶4-5

Jehovab ge ǀhaohâb ǃûi-aoga ǂhâǂhâsa aiǂhanuba ge mā, îgu ǁîb gūna ǃûi. ǀHaohâb ǃûi-aogu ge Nehemiab Jehovab khoen ǀkha gere hâ ǀgauba xu a ǁkhāǁkhāsen ǁkhā. Nehemiab ge Judab di ǃhūǃkhōmâi-aob ase ǂgui sîsen-e ge ūhâ i. (Neh. 1:11; 2:7, 8; 5:14) Nehemiab gere hōǃâ ǃgomsin xa ǂâi re. ǁÎb ge ge mûǂan khoen ge ǃgôasiba tempela ge ǁgau tama hâ i tsî Leviǁîn tsîna marisise ǂkhâǃnâ tama hâ i ǃkhaisa, ǂhanub gere ǂgao ǀkha khami. Jodeǁîn ge Jehovab di ǂhanub sâtsēs xa ge hâ ib tsîna ge ǁnâuǀnam tama hâ i tsî gu ge aoga nau ǃhaodi khoedi hîna Jehovaba ǃoaba tama di ǀkha gere ǃgame. ǃHūǃkhōmâi-aob Nehemiab ge nē ǃgomsiga nî kōǃgâse ge īs ge. (Neh. 13:4-30) Nehemiab ge ǁîb di aiǂhanuba ge sîsen-ū tama hâ i khoena ǁgâiǀās ǃnâ, în ǁîb ǀgauba sao. ǁÎb ge Jehovaba ǃoa ǀgore tsî ǁîb huiba ǂgan tsî khoena Jehovab ǂhanuga gere ǁkhāǁkhā. (Neh. 1:4-10; 13:1-3) Nehemiab ge ǁîb ǃgâsan ǀkha gere sîsenǀhao tsî Jerusalems mirga oms ǀkha gere hui nî.—Neh. 4:15. w19.09 16 ¶9-10