Maarti

ǃGâibahe tama da ge hâ sida ǂgoms ǃgao da ga mâǃoahe o. O, tae-i ǃaroma da nî ǂkhî ǃhuihe da ga ra o? ǃNona ǃaromade kō re. ǂGurose, mâǀgai da ga o, ob ge Jehovaba sida ǀkha a ǂkhî. (1Pet. 4:13, 14) ǀGamǁîse sida ǂgoms ge ra ǀgaiǀgaihe. (1Pet. 1:7) Tsî ǃnonaǁîse, ǀō-aisa mādawa-amsa da ge ra hō, ǀamo ûiba. (Rom. 2:6, 7) Jesub ge khâisa hōtoas khaoǃgâ gu ge apostelga. ǁNā ǂkhîb hîna gere ǃhoaheba ge hōǃâ. ǂNauhe tsî gu ge mîbahe i gu aoǁnâ ǀû. Xawe gu ge gere ǃgâiaǂgao. Tae-i ǃaroma? ‘Jesub di ǀons ǃaroma ǃharaxūhe hâse tsâsa gu ge anuǃgôahe ǃkhais ǃaroma.’ (ǃNǃkh. 5:40-42) ǁÎgu Jesuba ūba hâ ǀnammi ge kaise ge ǀgaisa i. ǁNān hîna ǁîga ǃhuihan xa. Tsî gu ge ǁîgu ǀnamma gere ǁgau ‘ǀû tamase’ gu ge aoǁnâ sîsen-e gere dī o. ǂGui ǃgâsan ge nētsē ǃgomsinan ga hōǃâ xawe ǂgomǂgomsase ra ǃoaba. ǁÎn ge a ǂan Jehovab dīn ge xūn. Tsî ǁîb ǀonsan ǀnam ǀgausa ǀūru tidesa. w21.03 25 ¶18-19

ǂKhauhesa ǃgâsan ge ǀhomsi ǃâubasensa ǃnaesa xu ūhâ tama hâ. Jehovab ge ǁîna ǁnā ǃâubasensa ge mā. ǁNā ǃâubasens xa ǂâi, ǀgore. Tsîn ge ra mûǂui ǁnā ǁgaumâisa ǀhommi ǃnâ sī ǃkhōǃoasa. ǁÎn gagasi soros mati nî īs tsînan ge a ǀū. (Fil. 3:20, 21; 1Jhn. 3:2) ǁNāti i ga ī xawen ge. ǀHommi Gaosib ǃnâ sī hâsa ǃoa ra mûǂui. Nau gūn ge hoa khoen ūhâ. ǃÂubasens ǃhūbaib ai ûis disa ūhâ. Mûǂuin ge ra ǁnā tsēs hînan nî. ǃHūbaiba paradais ase ǀkharaǀkharasa. ǁÎn omna om, ǃhanaga ǂgā. Tsîn ǁîn ôana ǀoasa ǂurusib ǃnâ. Nî kaikaisa ǃoan ge ra ǁkhore. (Jes. 65:21-23) ǁÎn ge ra mûǂui ǃhomgu, ǂgui hain hâba. Tsî hurib tawa ǃgûmâsa. Tsî Jehovab ge kuru xūn hoan xa ǁkhāǁkhāsensa. Xawe ra kaise ǂkhî kai nî i ge. ǁÎn ǀhōsagusis Jehovab ǀkhan ūhâs kaise nî ǀgaisasa. w21.01 18-19 ¶17-18

Babilonǁîn ge ǃāsa hîgaga toas khaoǃgân ge mû gere khoena ge mî: “ǁÎb a ǃū-aisa, khoe-i xare-i tsî ǀgoa-i xare-i ǁîb ǃnâ a ǀkhais kōse ti mîb ǃnâ; ǁîb ge Xaldeaǁîn ǃomǁae ge māǁnâhe.” (Jer. 32:43) 200 Kuriga Joeli kēbos khaoǃgâb ge Jehovaba Jeremiaba ge sîsen-ū nē ǁnāǂams xa ǀnîhâ xū-e mîs ǃaroma. ǁÎb ge ge mî ǃgâi ôaǃnâs ǁnā ǁnâuǀnamoǃnâ Israelǁaes xa nî dīhesa—ôaǃnâs hîna ǁîn ǃkhōsisa ǃoa ra sî nîsa. “‘Mû, tita ge ǂgui ǁauǃkhō-aoga nîra sî, tib ra ǃKhūba mî, ǁîgu ge ǁîna nîra ǃkhō, tsî ǁnās khaoǃgâ ta ge tita ǂgui ǃau-aoga nîra sî, ǁîgu ge ǁîna nîra ǃau mâ ǃhommi hoaba xu, mâ ǃnoms hoasa xu tsî ǁhāgu ǃhaogu diga xu. Tsî da ge ǁîn ǁōren ǃaroma nî ra mādawa-am nî.’” Hurib tamas ga io ǃgarob ge nē Israelǁaesa Babilonǁîna xu ge sâu ǁoa i.—Jer. 16:16, 18. w20.04 5 ¶12-13

Kaise ǁgaora ǁaeb ǁîb ûib tib ǃnâb ge Lota Jehovaba ǁnâuǀnams ǀkha ge ǂau i. ǂÂi ǁkhā da ge a Loti ge Jehovab gere mîba bi xūn ǀkha ǁae tama hâ i di. Xaweb ge Jehovaba ǁîba huis ǀkha ge ǀû tama hâ i. Jehovab tsâbaǁhaoxasib amsi “kha ge ǁnā aokha ǃommi âba ge ǃkhō tsî taras âb di ǃommi tsî ǀgam ǀgôara âb di ǃomga, ǃKhūb ra ǁîna sâu ǂgao amaga; tsî kha ge ǁîba ūǂoa tsî ǃās ǃauga ge mâi bi.” (Gen. 19:15, 16) Jehovab ge Lota ǂgui ǃaromadi amsi ǀnamma gere ǁgau. Loti ge ǀnîsi ǃās ǃauga hâ khoena gere ǃao tsî nēs ǃaroma ǁîb omsa xu ǃhaese ge ī tama hâ i. ǀNî hâ xūn tsîn ge noxoba ge hâ i. Loti ge ǀnîse ǀgam gaokha hîna ge bitumen ās ǃnâ a ǁnāǂgākha xa ge ǂan i tamas ka io asphalt hîna ge ǀgūse ǁgoe-i ǃāba. (Gen. 14:8-12) Aob tsî ǁgûb aseb ge Lota ǁîb omaris xa gere ǂâiǂhansen. Loti ge kaises tsîna ge ǃkhū hâ i tsî ǀnîsi îsa ommi tsîna Sodoms ǃnâ ge ūhâ i. (Gen. 13:5, 6) Xawe nē xūn hoan ge Lota ǃaroma-e ge mā tama hâ i, Jehovaba ǃhaese ǁnâuǀnam tama is ǃnâ. Jehovab ge Loti dīsadi ǃgâb ai ge kō tsî ǁîba ‘ǂhanu-ai aob’ ase gere mû.—2Pet. 2:7, 8. w20.04 18 ¶13-14

ǂKhamkhoego, ǁaeba i ge nî ū. ǂKhamsisa xu a ǂan tsi khoena. Mûǂansa kaits go sa. Xawe ǂâits ǃnâ ūhâ re Jehovab ge mûsents ra ǀgaub ai kō tama hâ. ǁÎb ge a ǂan tsi. Tsî taen hoanats a dī ǁkhās tsîna a ǂan. (1Sam. 16:7) Jehovab ǀkha du ūhâ ǀhōsagusa ǀgaiǀgai re. Davib ge ǁnāsa ge dī. Jehovab kuru hâ xūnab gere kō o. ǁNā xūn kuru-aob xa ra ǁkhāǁkhābi xūn xab ge gere ǂâi. (Psa. 8:3, 4; 139:14; Rom. 1:20) ǁNās xōǀkhāts ge Jehovab ai ǂhâts hâ ǀgaiba a ǂgan ǁkhā. Aiǁgause, sa skol ǀhōsana ra ǂoeǂoe tsi. Jehovab di ǀhûǀguitimî-aots a ǃkhais ǃaroma? ǁNāti i ga ī o Jehovaba ǃoa ǀgore re îb hui du nē ǃgomsib ǃnâ. Tsî ǀapemādi hîna da Elobmîs ǃnâ ra hō. Tsî Elobmîs ai ǃgaoǃgaosa ǂkhanin tsî vidiona sîsenū re. Jehovab ra hui tsî ǀgaubats ra mû ǁaeb hoaba i ge sa ǂgomǃgâsiba ǁîb ǃnâ ra ǀgai. Tsîn ga nau khoena mû o Jehovab aits ra ǂgomǃgâsa. On ge ǁîn tsîna nî ǂgomǃgâ tsi. w21.03 4 ¶7

ǀNî hâ mûhe ǁoasa ǀkhaeb ge ǀgoresa. ǀHōsan ge ǁîn di tsâsigu xa ra ǁgam. Nēsa a ama sada ǀhōsagusis hîna da Jehovab ǀkha ūhâs xa? Î, ama a. Jehovab ge sada ǀkha ǁîb mîs ǃnâ-ū ra ǃhoa tsî nēs ǃnâ-ū ǁîb ǂâidi tsî tsâsigu tsîna ra mîba da. ǁÎb ǀkha da ge ǀgores ǃnâ-ū ra ǃhoa tsî ǂhani da ra xūn tsî sada di ǃgam tsâsigu tsîna a mîba bi ǁkhā. ǀNamǀnamsa ǀhōsab aseb ge Jehovaba sada ǀgorede ǃoa ǃgâs ǀguisa hî tama hâ xawe ra ǃeream. ǀNî ǁaegu aib ge ǀgorede ǃhaese ra ǃeream. Tsî ǁaen ai da ge ǀguis xa ǃnāsa ǃnāde xū-e nî ǀgoreba. Xawe da ge ǂgomǃgâsiba a ūhâ ǁkhā sada ǀgoredi ǂhanu ǁaeb tsî ǀgaub ǃnâ nî ǃereamhe ǃkhaisa. Elob ǃereams ge ǃâubasen tama da hâ ǀgaub ǃnâ a hā ǁkhā. Aiǁgauseb ge ǃgomsiba ūbes xa ǀgaiba a mā da ǁkhā i da nēsa ‘tani ǁkhā.’ (1Kor. 10:13) Mati da ǃgôasiba nē ǀō-aisa ǀkhaeb ǀgores diba nî ǁgau? ǀGui ǀgaub nēsa da a dī ǁkhāb ge mîmās “ǀûs ose ǀgores” disa saosa.—1Tes. 5:17. w20.05 27-28 ¶7-8

ǃKhoe-aon ge ǁîn ǂâisa daob ai ra ǂnûi în da xūn ai ǃnôa tsî ǁnā. ǁNān ga o, on ge khâi tsî ǃkhoes ǀkha ra aiǃgû. Xawen ge ǁnā kai nî ra xūn ai ǁîn ǂâisa ǂnûi tama hâ xawe ǃkhoe toa tsî dans ai ǁîn ǂâisa ra ǂnûi. Sada ǃkhoeǀhûgus ǃnâ da ge ǂgui ǃnâde a ǁnā ǁkhā ǃhoa tsî da ra mî xūn ǃnâ. Tamas ka ion ge sada ǀkha ǃkhoeǀhûgus ǃnâ hâ ǃgâsana dīsa tsî nēs ǃnâ-ū a tsûtsû da ǁkhā. Nēsa da ge a ǃâubasen ǁkhā. Hoada ge ǀoasa kurusa ūhâ tama hâ tsî ǂō daob ûib dib ai ra ǃkhoe. Nēs ǃaroma da ge ǁaen ai nî “dā-aigu.” Tsî “nau-i ǃoagu ǀauxū-e” nî ūhâ. (Kol. 3:13) Xawe ǃnôa kai da ra xūn ai ǂâisa ǂnûis xa hā re i da ǀkhaeb hîna da nî ǃkhōǃoab ai ǂâisa ǂnûi. Tsî ǃkhoeǀhûgus ǃnâ aiǃgû. Tsau tsî da ga ǁaixa tsî khâimâ ǂgao tama io, o da ge ǀams kōse ǃkhoe tide. ǃKhoe-ao i hîna ǁnā tsî khâisa ǂō daob ai ra ǂkhā i ge nauna ǃnôa-ai xū-i ase a ība ǁkhā. w20.04 26 ¶1; 28 ¶8-9

Danieli kēbos ǃnâ ra ǁguiǃāhe ǂhanugu ge ǃkharagagu ǂhanugu hîna Elob khoena ra ǁnāǂam ga. ǁÎgu ge ǃkharagagu ǃâgu kai ai-īsib digu ai ra ǁguiǃāhe. ǀUniga ǂhanub hîna ra ǁguiǃā-eb ge ǂgoab tsî ǂnūǀuriba xu kurusa ǂaidi dawa ra ǁgau-e. ǂAidi ge Anglo-American World Power ǂgaeǂguisa ra ǂnûǁkhaeba. Nē kēbos ge ra ǁgau ǁîs ǂgaeǂguis Elob ga ǃhūbaib ǂhanuga hîkākā tsoatsoa ǁaeb ai noxoba nî mâsa. Apostel Johaneb tsîn ge ǃkharagagu ǂhanugu hîna Elob khoena ra mâǃoagu xa gere ǃhoa. ǁÎb ge nē ǂhanuga hû danade ūhâ ǀgurub ase ge ǁguiǃā. Nē ǀgurub hîna hû danade ūhâb ge Anglo-American World Power ǂgaeǂguisa ǃoa ra ǁnaeǁgau. Nēs ge kaise a ǂhâǂhâsa nē ǀgurub ǀnî hâ dana-e hō tama amaga. Nē hû danade ūhâ ǀgurub ge Xristub ga ǁîb di ǀhomsi ǂnubis ǀkha hîkākā tsoatsoa ǁaeb ai noxoba nî ǂgaeǂgui tsî nau ǀgurugu ǀkha nî hîkākāhe.—J.ǂHa. 13:1, 2; 17:13, 14. w20.05 14 ¶11-12

ǁNās ge ǂhâǂhâsa xū-e ra hōhōǃnâ da. Elob hîna ûiba ra mādaba xu i ge ǀnamma ra hā. Jehovab ge sida a ǀnam. ǁÎb ǀnammi ge ǃnorasa tsî ǂkhîse ra tsâ kai da. Tsî da ge ǂâiǂhansen tama hâ. Xristeǁîn ge ǂgaon ga ra o ǀgui ǀnamma ǁgaugu tama hâ. Nēs ge a mîmā. (Mat. 22:37-40) Jehovaba du ra ǂan khami i ge nî supu ǂguro mîmāsa ǁnâuǀnamsa. Nēs ge a supu Jehovab ǀoasa kurusa ūhâ. Tsî ǁae hâ, tsî ǃgâise ra hâ-ū da amaga. Xawe i ge ǀgamǁî mîmāsa ǁnâuǀnamsa supu tama hâ. Tae-i ǃaroma? Sida ǃgâsan hîna a sida ǀgūkhoen ǀoasa kurusa ūhâ tama hâ amaga. ǀNî ǁaegu ain ge ǁîn mîn tsî dīgu tsîna ra tsûtsû da. Jehovab ge a ǂan nē ǃgomsina da nî ǃkharuǃnâ ǃkhaisa. ǁNā-amagab ge ǀnî khoen hîna ge. Elobmîsa xoan ǃnâ-ū ge ǁkhāǁkhāda. Mati da ǀnamma nî ǁgaugus tsî tae-i ǃaroma da nî ǀnamgus tsîna. Nē xoa-aogu di ǀguib ge a apostel Johane.—1Jhn. 3:11, 12. w21.01 8 ¶1-2

Nēsi da ga Eloba ǃnubu ǁaerob tamas ka io kurina ǃoaba xawe da ge nî dîsen. ‘Satanni ǁgūtsâdi ti ǂgaoba ǀgoras tide ta ra mâǃoa?’ Aiǁgause du ga TVs ai, ǁgâi ǂâina ra omkhâi ai-īsi-e mû o, o du tae-e ra dī? Supuse du ge a mîbasen ǁkhā. Nē ai-īsib ge ǁgoe-ūgus ai-īsi tama hâ di. Xaweb Satanna ǀnîsi nē xū-e ra sîsen-ū? Nē ai-īsib ge ǂkhari ǃōs hîna kai haiba ra ǁhā-ūhes khami ī. ǂGuros ge ǂkhari amros ǃōs disa ra ǂgâ. Tsî nēs ǃgamse ra ǂgâ khamis ge asa ra kai. Nē ai-īsiba nē ǂkhari ǀā ǃōros khami a īǁkhā? ǂKharirose ra tsoatsoa xū-i ge. ǃHaese kai tsî khoe-e a ǁore kai ǁkhā. Tsî ǁî-i ǂhauǃnâsiba a khôa ǁkhā. Nēs ǃaroma ǁgai ǂâide sadu ǂgaob ǃnâ ra ǃaroma xūna xu ǂgōsen. Sadu ǂgaoba ǀguiǀgui tsî Jehovab ǀonsa. ǃAoǃgâsiba omkhâiba re. w20.06 11-12 ¶14-15

ǃKhai hâ ǃgâsana hui tsî ǂkhâǃnâs ǀkha da ge nî aiǃgû ǀhao-ū nî da ga o. Kā hâ ǀgôab hîna Jesub ǂkhōs ǃnâ hâb khamin ge ǂgui tsûga tani hâ. (Luk. 15:17-24) Tsî ǁGâuab ǃhūbaib ǃnân ge ǁae-e hâ i amagan ge Jehovab ǀgūsen ǂguro gere tsâ khami tsâ tide. ǁÎna da ge nî hui în Jehovab ǃnâ ǁkhawa ǂgomǃgâsiba omkhâi. Kā hâ gū-i ǂkhōs ǃnâb ge Jesuba matib ǃûi-aoba. ǁNā gū-e ǃhōs ai ǁgui tsî nau gūna ǃoa ra oa-ū ǀgauba ra ǁguiǃā. ǃÛi-aob ge ǀgaib tsî ǁaeb tsîna ge sîsen-ū nē gū-e ôas ǃaroma. Xaweb ge ra mûǂan ǁî-eb nî tani-oa ǃkhaisa, aitsama i oahō tide amaga. (Luk. 15:4, 5) ǁAeb tsî ǀgaib tsîna da ge ǂhâ hâ ǃkhai hâ khoe-e da ga ǁî-i di ǂkhabusasigu ǀkha hui ǂgao o. ǁÎna da ge Jehovab ǃanu gagab, ǁîb mîs tsî ǀapeǂhumis ǃnâ-ū da ra hō ǂkhanin ǀkha a hui ǁkhā în gagasise ǀgai. ǂGan-e du ga o ǃkhai hâ ǃgâsa-i ǀkha Elobmîsa ǁkhāǁkhāsasensa, mati io du nēsa ǂgaob hoab ǀkha dī tama hâ? w20.06 28 ¶14-15

ǀNamma da ge nî ǁgaugu i da ama Xristeǁî da a ǃkhaisa ǁnās ǃnâ-ū ǁgau. Xawe da ge ‘ǂans tsî hōǃâs hoasa’ ǂhâ hâ. (Fil. 1:9) Nēsa da ga dī tama io, o da ge ‘ǁkhāǁkhā-ai-i hoa-i tsî khoen di gāxaǃnâsib’ xa a ǂgaeǂhapuhe ǁkhā. Nē khoen ge ǁnāǁgôa hâ khoen tsîna ǃkhōǂgā hâ. (Efe. 4:14) ǂGui ǁkhāǁkhāsaben ge Jesuba ǃoaba ǀû xaweb ge Petruba ǁîb ǃnâb ǂgom hâ ǃkhaisa ge ǁgau. ǁÎb ge Jesub “mîdi ǀamo ûib dide” ūhâ di ge mî. (Jhn. 6:67, 68) ǁNā ǁaeb aib ge ǁnā mîde ǃamkuse ǁnâuǃā tama hâ i, xaweb ge Petruba ǂgomǂgomsase ge hâ Jesub xa hâ amabab ge ǁnâuǃā amaga. Sadu tsîn ge Elobmîs ra ǁkhāǁkhā xūn ǃnâ du ūhâ ǂgomǃgâsiba a ǀgaiǀgai ǁkhā. Nēsa du ga dī o, os ge sadu ǂgomsa tae-i ga i xawe ǀgaisase nî hâ tsî du ge nau khoen tsîna ǀgaisa ǂgomsa oms ǀkha nî hui.—2Jhn. 1, 2. w20.07 8 ¶2; 13 ¶18

Sida ǃgâsana da ga amab ǃnâ hâ ǀgaras ǀkha hui ǂgao o, o da ge tsâbaǁhaoxasiba nî ūhâ. (1Jhn. 3:10, 11, 16, 17) Mâsib a ǃgâi ǁaeb ai ǀgui da ge sada ǃgâsana ǀnam ǂgao tama hâ xawe ǃgomsigu ga hâs tsîna. Aiǁgause, ǁōxuhe hâ ǃgâsa-i hîna ǁkhaeǂgaos tsî huib tsîna ǂhâ hâ-e du a ǂan? ǃGâsan hîna ǃhūǂgubigu xa ǃaromahe hâse ūn ge hâ-i xūn hoana ǂoaǃnâ tsî ǀhû-omgu tamas ka i o ǁîn omna dī-unus ǀkha huiba ǂhâ hân xa du ge ǁnâu? Sada ǃgâsana da matikose a ǀnam tsîra tsâba ǃkhaisa da ge mî da ra xūn ǃnâ ǀgui ǁgau tama hâ xawe dī da ra xūn ǃnâs tsîna. Sida ǀnamxa ǃnâ ǀhomsi ǁgûba da ge ra ǁgae ǀnamgu da ga ra o. (1Jhn. 4:7, 8) ǀÛbagu da ga ra o, o da ge ra ǁgau ama ǀnam gu ta a ǃkhaisa. Aiǁgause, khoe-i ge ǁaiǁaida tsî ǁnāpaxū ǀûbaba a ǂgan ǁkhā. ǁNā khoe-e da a ǀnam ǃkhaisa da ge ra ǁgau ǀûba tsî da ga ǁnâ xū-e a ǀuru o.—Kol. 3:13. w20.07 24 ¶14-15

Nētsē da Elobmîs ǁkhāǁkhāde ra dī khami i mâ khoe-i hoa-i hîna khâisa ra hō-e ǁî-e ra ǁkhāǁkhā khoe-e nî ūhâ? Nē khoena ǀhaohâgu ǃnâ ǀgora ǂgāhe tsî ǁîn khaoǃgâ khâisa nî māhe khoena nî ǁkhāǁkhā ǀgauba nî ǁgauhe? ǁNapa da ga sī-o ǀgui da ge nî mû. Xawe ǂan da ge a Xristub ǀoadisi kurigu ǂgaeǂguis khaoǃgâb ‘ǃhūb-aiba ǃKhūb di ǂans xa nî ra ǀoa’ ǃkhaisa. (Jes. 11:9) Kaise ǂûǂûsa sîsen-e da ge ǀoadisi kurigu ǁaeb ǃnâ nî ūhâ. Xristub di ǀoadisi kurigu di ǂgaeǂguis ǃnân ge Jehovab di ǃoaba-aon hoana nî aiǃgû ǀkharaǀkharana dīsa în Jehovaba ǃgâiaǂgao kai. ǁNā-amagan ge ǁîn hoana tsâbaǁhaoxasiba nî ūhâ tsî khâisa ra māhe khoena nî hui în ǃgâi tama ǂâiǀgaugu tsî turagu tsîna ǃkham ǃoa tsî Jehovab di ǁgaragu ǃoagu ûi. (1Pet. 3:8) Nēs ǀkha da ge a ǂgom ǁkhā khâisa nî māhe khoen Jehovab di ǃgamǃgamsenxa khoen di ǀgaub xa nî ǂgaehesa ǁîn tsîn ǁîn di ‘ǃgâiǃōsiba ra sîsenba’ xui-ao.—Fil. 2:12. w20.08 16 ¶6-7

Apostel Paulub ǀapemāsa sao tsî da ga sida ra dī xūna ôaǃnâ o, o da ge nî mû sida tsîn ǀō-aisa ǁkhāsigu tsî hōde ūhâsa. Aiǁgause, ǀnîsib ge ǀhaohâb ǃûi-aoba ǁkhoaxa ǃhoade mā tama hâ xawe ǁkhāǁkhāsabedīs ǃnâ a ǃgâi. Tamas ka iob ge ǀnîsi nau ǀhaohâb ǃûi-aogu ǁāxasiga ra aiǂhomi khami dī tama hâ. Xaweb ge ǁîba a tsaura tsî a ǀnamxaǃnâ. Tsîn ge ǃgâsana harase ǁîb ǀkha a ǃhoa ǁkhā, Elobmîsa xu hâ ǀapemāden ga ôa-o. Tamas ka iob ge ǁîba ǀnîsi harase ǃhao khoena ra ǃkhōǃoa khoe-i ase a ǂansa. (Heb. 13:2, 16) Sida ǁkhāsiga da ga mûǂan-o, o da ge ǃgâise nî tsâ sida ǀhaohâb ǃnâ ra ǀhuru ǃâb ǃaroma. Tsî da ge sida ǃgâsan hîna ǀkhara hōde tamas ka io ǁkhāsiga ūhâna suri tide. Mâ ǃâb ǀguiba da ga ǀhaohâb ǃnâ ǀhuru xawe da ge hoada ū da hâ ǁkhāsiga nî omkhâi ǂgao tsî dī da ra xūna nî ǃgâiǃgâi. w20.08 24 ¶16-18

“Kai ǂnubis” di ge hâ i ǃhoas ge J. F. Rutherfordi xa 1935ǁî kurib ǃnâ. Kai ǀhaos hîna ge Washington, D.C. di ǀon hâ ǃās hîna. Amerikab ǃnâ hâs tawa ge māhe. ǃGâsab Rutherfordi ge ǁîb di ǃhoas ǃnâ. “Kai ǂnubis” hîna ǂHaiǂhais 7:9 ǃnâ ra mîhes ham-e ǃoa ra ǁnaeǁgausa ge ǁguiǃā. Tsî ǁnās kōsen ge Elobmîs ǁkhāǁkhāsen-aona ge. ǂÂi hâ i kai ǂnubis di khoen tsîn ǀhomma ǃoa nî īsa. Xawen ǂkhauhesan khami ǂgomǂgomsa tama hâsa. ǃGâsab Rutherfordi ge xoade ra sîsenūse ge ǁguiǃā. Kai ǂnubis di khoen ǀhomma ǃoa īs ǃgao ǁkhauhe tama hâsa. Xawen ge a Xristub di nau gū. Hîna kai ǁgâiǀāba nî ûiǃkharu. Tsî ǀamose ǃhūbaib ai ûina. (J.ǂHa. 7:14) Jesub ge ge mî: “Tsî ta ge ǀnî gūn nē ǃharas di tamana ūhâ; tsî ǁîn ona ta nî ūhā, tsîn ge ti domma nîra ǁnâu, on ge nî ǀgui gū ǀgui ǃûi-aoba ūhâna.” (Jhn. 10:16) Nē gūn ge Jehovab di ǃoaba-aon. Hîna paradais ǃhūbaib ai nî ûina.—Mat. 25:31-33, 46. w21.01 14 ¶1-2

ǃKhō-oasensa da ge ǂhâ hâ nē sîsen-e da ga mâǀgai tsî ǀams kōse a dī ǂgao o. (Mat. 28:19, 20) ǃKhō-oasens ge aitsamaba xu hā tama. Kai-amse da ge supu ǀgaub ai ǀgui xūna ra dī ǂgao. Xawe ǀnî ǁaegu ai i ge ǂhâǂhâsa xūna dīsa supu tama hâ. Aitsama ǃkhō-oasensa da ge nî ǁkhāǁkhāsen. ǁNā-amaga da ge huiba ǂhâ hâ, i da ǃgomba da a xūna dī. Jehovab ge ǁnā huiba ǃanu gagab ǃnâ-ū ra mā da. (Gal. 5:22, 23) Apostel Paulub ge gere ǃkhō-oasen. ǁÎb ge ge mî ǁîb sorosab “dā” hâ di, îb ǃgâina dī. (1Kor. 9:25-27) ǁÎb ge nau ǁkhāǁkhāsabena ge ǂkhâǃnâ în xūn hoana “anu hâse tsî ǃamkuse dīhe.” (1Kor. 14:40) ǃGarise da ge nî sîsen i da Jehovaba ǃoaba ǀgara. Nēs ge aoǁnâs tsî ǃgâiǂhôasa khoena mîbasa ǃkhōǂgā hâ.—ǃNǃkh. 2:46. w20.09 6-7 ¶15-17

ǂGui ǃhūgu ǃnâ da ge sida harase a aoǁnâ ǁkhā. Sadu ǃhūb tsîna nēti-ī ǃnorasasiba ūhâ? Ti-i ga ra io dîsen re, ‘ti ǃnorasasiba ta mati ra sîsen-ū?’ Nē ǀuniga tsēdi ge Jehovab khoena kaise a ǀō-aisaba. ǁÎn ǃhūbaib ai noxoba mûhe tama hâ aoǁnâs tsî ǁkhāǁkhā sîsen-i ǀkha a ǁāxa amaga. ǂGui xūna da ge nē sîsen-i ǃnâ a dī ǁkhā. Nē ǃnomsa ǁaeba du mati a sîsen-ū ǁkhā? (2Tim. 4:2) ǂÂiǃgâ re sadu tamas ka io sadu omaris di ǁani-i. ǃNāsa ǁaeba aoǁnâ sîsen-i ǃnâ hâ tamas ka io a aimâba-ao kai ǁkhāsa. Tā da ge ǃkhūsisa nî ǀhaoǀhaobasen ǁnā xūn ǀkha da kai ǁgâiǀāb ǃnâ ǃkharu tide xui-ao. (ǂKhm. 11:4; Mat. 6:31-33; 1Jhn. 2:15-17) ǂGui aoǁnâ-aon ge ǀkhara gowaba ra ǁkhāǁkhāsen în khoena Jehovab xa ǁkhāǁkhā. Elob di ǀapeǂhomis ge nēsa ra ǂkhâǃnâ. Elobmîs ai a ǃgaoǃgaosa vidion tsî ǂkhanin tsînas 1 000 xa ǃnâsa gowagu ǃnâ ra māǂui amaga. w20.09 16 ¶9-11

ǃGâi soldab ge a ǂgomǂgomsa. ǀNam i a xūn tsî khoen tsînab ge ǁîba ra ǃkhamba. Paulub ge Timoteuba ge ǂkhâǃnâ îb ǁnāti i eloǃaoǃgâxasiba ūhâ. ǁNās ge Elob ǃoa-ai ǂgomǂgomsase hâsa. (1Tim. 4:7) Jehovaba da ūba hâ ǀnammi ra kai khama da ge amaba nî ǃkhōǀgara ǂgao. (1Tim. 4:8-10; 6:6) ǃGâi soldab ge hoaǁae ǃgarise nî sîsen îb ǃkhams ǃgao ǂhomisa. Timoteub ge gagasise ge ǀgaisa i. Paulub di ǀapemāsa ǁnâuǀnam tsîb ge ǁgai turaga xū hâbē. ǃgâi ǀgauga ūhâ tsî nau gagasi ǃgâsan ǀkha ǀguiba gere hâ amaga. (2Tim. 2:22) ǁNās ge aitsama ǃkhō-oasensa ge ǂhâ hâ-i. Sida tsîn ge aitsama ǃkhō-oasensa ǂhâ hâ sida di ǁgansi turaga ǃkhamǃoas ǃaroma. (Rom. 7:21-26) ǁNās ǂam-ai da ge aitsama ǃkhō-oasensa ǂhâ hâ î da ǀoro ǂūga ǁhû tsî ǃgâi ǂūba omkhâi. (Efe. 4:22, 24) Tsî da tsēs ǀams ai tsau hâ xawe da ge ra dītsâ î da ǀhaode ǃoa ī.—Heb. 10:24, 25. w20.09 28 ¶9-11

Elobmîsa ra ǁkhāǁkhāsen khoe-e da ga ra hui o, i i ǁāǁnâhe o da ge ǃnūǃnâxasiba nî ūhâ. Xawe da ge nî ǂan ǂgao ǁî-i Jehovaba ǃoabas di turaba ūhâsa. ǁKhāǁkhā du ra khoe-e ǁgau ī ra Jesub di mîmāde ī ra ǁnâuǀnam ǃkhaisa, tamas ka io i ǁî-e Elobmîs ǃnâ hâ xūn ǀguina ra ǁkhāǁkhāsen ǂgao? ǁAeba xu ǁaeb ǀkha dîsen re ǁkhāǁkhā du ra khoe-i ra aiǃgûsa. Aiǁgause ǁî i mati Jehovab xa ra tsâ ǀgausa mî i ra? Jehovaba ǃoa ǀgore ira? (Psa. 116:1, 2) Elobmîsa khomais xa ǃgâibahe i a? (Psa. 119:97) ǀHaode ǃoa hoaǁae ī i ra? (Psa. 22:22) ǁÎ-i di ûiba ǁgau īra ǁkhāǁkhāsen ī ra xūna ī ra dīsa? ǁKhāǁkhāsen i ra xū-e omaris di khoen tsî ǀhōsan ǀkha ǀgoragu tsoatsoa ī hâ? (Psa. 9:1) Tsî ǂhâǂhâsase ǁî-e Jehovab di ǃoaba-ao kai ǂgao ī ra? (Psa. 40:8) ǁKhāǁkhā du ra khoe-e ǀkharaǀkharana dī i ra? Aiǃgû tama ī ka ra io nēsa ǁî i ǀkha ǃhoare tsaura tsî ǃgâi ǀgaub ǃnâ. w20.10 18 ¶14-15

Jesub di ǀhomsi ǁGûb ge hoaǁae ǃgâi mîǁguiga gere dī. Tsî i ge Josefi tsî Marias tsîna ǁîb ǃgao ǃgâi mîǁguiga gere dī. Xaweb ge kaib ge o, ǁîb mîǁguiga aitsama gere dī. (Gal. 6:5) Hoada khamib ge ǁîb tsîna aitsama ǁhûis di ǀkhaeba ge ūhâ-i. ǂHâbab ga hâ o, ob ge Jehovab di ǂâisa dī tama īsa ga ǁhûi hâ. Xaweb ge Jehovab ǀkha ǀgū ǀhosagusisa ūhâ ǀgarasa ge ǁhûi. Jesub ge Jehovab ǁîba xu tae-e ǂgaoǀkhā hâsa a ǁkhāǁkhāsen o, ob ge ǁîba Jehovab di ǂâisa dīsa ge ǁhûi. (Jhn. 6:38) ǁÎb ge ge ǂan i ǂgui khoen xab nî ǃhûihesa. Nēs ǁîba ǃgâiba tama xaweb ge ǁîba Jehovaba ǁnâuǀnamsa ge ǁhûi. Jesub ge 29ǁî kuri a ǁāǁnâhe o, ob ge ǁîba Jehovab di ǂâisa dīs xa ge ǂhâǂhâsabahe i. (Heb. 10:5-7) ǃGâuhaib aib gere ǁō xaweb ge ǁîba ǁîb Dadasab di ǂâisa dīsa ge ǀūsen tama hâ i.—Jhn. 19:30. w20.10 29 ¶12; 30 ¶15

Sadu ǀhaohâb ǃnâ hâ ǃgâsan hîna ǀaesen hân tamas ka io ǀkhara ǃgomsina ūhâna du a ǂan? Tamas ka ion ǀnaman a khoe-e ǁōb ǃnâ ǂoaǃnâ hâ? Khoe-i sida ǂhâ hâ-e da ga ǂan o, o da ge Jehovaba a ǂgan ǁkhā, îb huida î da ǃgâi tsî ǀnamxa xū-e mî. Sida di ǃgâsan ge sida mîdi tsî tanisen ǀgaub tsîna ǂhâ hâ, în ǂkhâǃnâhe. (1Pet. 4:10) Sada ge ǂan ǁkhoaǂgao da nî ǃkhaisa, Jehovab sida ǀkha hâ amaga. ǁÎb ge sida huiba Jesub tsî ǀhomǃgān ǃnâ-ū ra mā. Tsî i ga ǁîb di ǂâis ǀkha a ǀgau o, ob ge Jehovaba danakhoen ǃnâ-ūs tsîna ra huida. Tsî ǂguida âda ge a hōǃâ khamib ge Jehovaba ǁîb ǃanu gagab tsî ǃgâsan tsîna ra sîsen-ū în sida hui. ǁNā-amaga da ge Apostel Paulub khami ǂgomǃgâsib ǀkha ra mî: “ǃKhūb ge a ti Hui-ao, o ta ǃao tide; tare-e i kha khoe-e nî dī te?”—Heb. 13:6. w20.11 17 ¶19-20

Apostelgu ge ǃgâise ge ǂan i Jehovab ǁîgu ǀkha hâ ǃkhaisa. Jehovab ge ǁkhāsiga ge māgu i gu buruxa dīna dī ǁkhā. (ǃNǃkh. 5:12-16; 6:8) Xaweb ge Jehovaba nētsē sida ǁnā ǁkhāsiba mā tama hâ. Xaweb ge ǁîb di mîs ǃnâ-ū ǀnamxaǃnâse ra ǁkhaeǂgao da. Tsî ra mîba da ǁîb mîs ǃaroma da ga ǁgâiǀāhe o. Ob sida ǀkha a ǂkhî ǃgaisa, tsîb ǁîb di gagaba nî māda ǃkhaisa. (1Pet. 3:14; 4:14) Hānîǁaeb ǃnâ da ga ǃgomsina hōǃâ. O da nî tsâ ǀgaub xa ǂâi tama i. Tsî hāre î da nēsi sida ǂgomǃgâsiba Jehovab ǃnâ omkhâi. Hîna a huida tsî a ǀgaiǀgaida ǁkhāba. Hāre da Jesub mîde ǂguro ǁkhāǁkhāsabegu gere dī khami ǂgomǃgâ: “Tita nîra mîdi tsî gā-aisib tsîna mā du, sado mâǃoa hân hoan ǃhoaǃoa tsî mâǃoa ǁoana xuige.” Jesub ge ge mîmâiba da: “ǃNūǃnaxasib âdu ǃnâdu nî sadu ûiba hōbasen.” (Luk. 21:12-19) Tsî tā ǀuru re Jehovab mâ xū-i hoa-e ra ǂâihōsa. ǁNān hîna ǁîba ǂgomǂgomsase ra ǃoaban ǃaroma. Tsîb ǁnā ǂansa sîsenū tsî ǁîna nî ǂkhaiǂkhaisa. w21.01 4 ¶12

Apostel Paulub ge ge ǂguro tama hâ i, khâis xa ge ǃhoaba. Kai ǁgûb Jobi tsîn ge khâis xa gere ǃhoa. Jobi ge gere ǂgom Elob khâisa nî mā bi ǃkhaisa, ǁōb ga ra o. (Job 14:7-10, 12-15) ‘ǁŌ hân di khâis’ di ‘ǁkhāǁkhās’ ge hoa Xristeǁîn ra ǂgom xū-e. (Heb. 6:1, 2) Paulub ra ǃhoa khâis ge 1 Korinteǁîn 15ǁî danaǃâs ǃnâ ra hōhe. ǁÎb ge xoa xūn ge ǂguroǁaeb Xristeǁîna ge omkhâi. Matikō gaxuse du ga khâis ǃnâ ga ra ǂgom xawes ge nē danaǃâsa omkhâi tsî nî ǀgaiǀgai du. Jesub Xristub di khâis ge ǂgomǃgâsiba ra mā da, ǁnān hîna ge ǁōn nî khâisa. Jesub di khâis ge Paulub ge Korinteǁîna gere mîba “ǃgâiǂhôasa.” (1Kor. 15:1, 2) ǁÎb ge ge mî, Xristeǁî-i ga khâis ǃnâ ǂgom tama io, o i ge ǁî-i di ǂgomsa hui tama hâ.—1Kor. 15:17. w20.12 2 ¶2-4

Tae-e apostel Petruba ge hui, ib ǃgâise tsâ tsî ǃgâise ǂâi tsoatsoa? ǁÎb ge ge ǂâi hō Jesub ge ǁîba ais ai a ǀgorebasa i i ǁîb di ǂgomsa tā ǂkhabu. Jehovab ge ǁnā ǂgaoba xu ge hâ-i ǀgoresa ge ǁnâu-am. Egab ge Jesuba Petrub tawa ge sī îb ǁîba ǂkhâǃnâga. (Luk. 22:32; 24:33, 34; 1Kor. 15:5) Apostelgu ge hoa ǃuisa ǁauna gere ǃkhō xawe xū-e ge hō tama hâ-i. Jesub ge ǁîgu tawas tsîna ge sī. ǁNā ǁaeb aib ge Jesuba Petruba ge mā-am îb mîbabi motikōseb a ǀnambi ǃkhaisa. Jesub ge ǁîb ǀhōba ge ǀûba hâ-i. Tsî ǁîba ǃnāsa sîsen-e ge mā. (Jhn. 21:15-17) Jesub ge Petruba gere hâ-ū ǀgaus ge ra ǁgau ǀkhomxaǂgaoxab a ǃkhaisa Dadasab khami. ǁNā-amaga da ga dīsā o da ge tā nî ǂâi Jehovab tātsē ǀûba da tide di. ǂÂis ǃnâ da ge nî ūhâ ǁGâuab ge ra ǂhâba î da di ǂâi. ǁNā-amaga da ge ǃgâise nî ǂâi Jehovab mati ǀnamda tsî sida di ǃnubusina ra ǁnâuǃāsa. Tsîb ra ǀûba ǂgaosa. Tsî da ge ǁîba nî ǁgae khoen ga sida ra tsûaǂgao kai xūna ga ra dī o.—Psa. 103:13, 14. w20.12 20-21 ¶17-19

ǁNān hîna ge ǃnomsasiba ǂgao tama hâ in. Tsî Jehovab ai ǂgomaiǂnûi tama hâ ina xūs. Tsîna da ge a ǁkhāǁkhāsen ǁkhā. ǁÎn di aiǁgaude xu ǁkhāǁkhāsens ge nî hui da. Î da tā sida tsîna ǁîn ge dīsa xūna dī. Asab ge ǃgomsinab gere hōǃâ o, Jehovab ai gere kō. Xaweb ge ega ǁnāsa ge dī ǀû. Tsî aitsama ǁîb di xūna gere dī tsoatsoa. (2Kro. 16:1-3, 12) Ama as ge ǂguroseb ge Asaba Siriaǁîn ai huiba ge ǂgan. Israelǁîn ǃoagu, o i ge ǃgâise gere mûsen. Xawe ǁîb di dans ge ǁaerob dis ǀguisa ge ī i. Jehovab ge kēbo-aob ǃnâ-ū Asaba ge mîba: “Gao-aob Siriab dib aits ge ǂgomaiǂnûi tsî ǃKhūb, sa Elob aits ge ǂgomaiǂnûi tama ǃkhais ǃaromas ge Siriab gao-aob di ǂnubisa sa ǃomǁaeba xu ge ûiǂoa.” (2Kro. 16:7) Kaise da ge nî ǂanbasen mati da sida di xūna ra dī ǀgausa. Î da tā ǀuru Jehovab ta māda daoǁgaude. ǁÎb di mîs ǃnâ-ū. ǃKhaese da mîǁguina nî dī ǁaeb ǃnâs. Tsîna da ge ǃnomsase Jehovab ai nî ǂgomaiǂnûi. Ob ge ǁîba nî huida î da ǃgâi mîǁguiga dī. w21.01 6 ¶13-15

Nēsis tsînan ge Jehovab di ǃoaba-aona a ǃâ. ǂÛ-en nî ǁama-ū mari-en ūhâ tama amaga. Tamas ka ion ǃgomsin hîna torob xa ǃaromahe hâna ra hōǃâ amaga. Tsî naun ge ǁîn di ǂgoms ǃaroma ǂganamǂnûihe hâ. Nē kai ǂnubis ge a ǂan. Nē ǃhūbaib ga dīkākāhe o. On nî ǂâusa ǂû-e ūhâ. Tsî gagasi ǂûn tsîna nî ūhâsa. Nē dīkākās ga Satanni di ǃhūbaib ai dīhe o. On ge kai ǂnubis di khoena nî sâuhe. “ǀGam-i” khami ī ǁaib Jehovab dib ga. ǃHūbaib ai ga ra ǁhōǂuihe o. Kai ǁgâiǀāb khaoǃgâb ge Jesuba. Ûiǃkharu nî khoena ǀamo ‘ûib ǁgamǀaude’ ǃoa nî daoǁgau. (J.ǂHa. 7:17) ǂÂis ǀguisa hîre, kai ǂnubis ge ǀō-aisa ǃâubasensa ūhâ. Biliuns di khoen hîna ge ûihâ-in ge ǁkhapa ǁō tide. (Jhn. 11:26) Nau gūn ge Jehovab tsî Jesub xan māhe hâ ǃâubasens ǃaroma ra gangan. w21.01 16-17 ¶11-12

Jesub ge ǀuniga ǃuis ai gere ǂâi. Mati gu ǁîb di ǁkhāǁkhāsabega ǃgomsina nî hōǃâ ǀgausa. Jesub ge ǁîb ǁkhāǁkhāsabegab ǀnam ama ǀgore tsî ge ǂgan Jehovaba. Îb ǁîb ǁkhāǁkhāsabega ‘ǂkhababa xu sâuhe.’ (Jhn. 17:14, 15) Jesub ge ge ǂan i ǀgūǁaeb ǀhomma ǃoa nî oasa. Tsîb ǁGâuaba ǁnān hîna Jehovaba ra ǃoaban ǃoagu nî mâsa. Amase, Jehovab di khoen ge ǁkhaubahesa ǂhâba hâ. Nētsē da ge Jehovab xa ǁkhaubahesa ǃnāsase ǂhâ hâ. ǁGâuab ge ǀhomma xu aoǂuihe amaga. “Tsîb ge kai ǁaiba ūhâ.” (J.ǂHa. 12:12) ǁÎb ge ǀnî khoena ǂâi kai hâ. Jehovab di ǃoaba-aonan ga ǁgâiǀā o, on Eloba “ǁnās ǀkha ra ǃoaba” di. (Jhn. 16:2) Tsî naun hîna ra sida ǁgâiǀān ge a ǂan. Sida ǃhūbaib di ǂâiǀgauba ūhâ tama amagan ra ǁgâiǀā dasa. Matikōsen ga khoena ǁgâiǀā da xawe da ge sida ǃao tama hâ. Tae-i ǃaroma? ǃEreams ge nētsēs mîs ǃnâ māsa. w21.03 26 ¶1, 3

Jehovab ge dīb ra xū-i hoa-e ǀnammab ra ǁgau ǂgao amaga ra dī. ǀNamxaǃnâ ǀgaub ǃnâb ge sida gagasi ǂhâsigu hoaga ra kōǃgâ. ǀNamdab a amagab ge Jehovaba xoremariba ge māda. Tsîb ge Jesuba kaiseb a ǀnamda amaga ǁîb ûiba ge mā da. (Jhn. 3:16; 15:13) Jehovab tsî Jesub ǂgomǂgomsa khoena ūba hâ ǀnammi ge ǀgui xū-i xas tsîna ǁkhaehe tide. (Jhn. 13:1; Rom. 8:35) ǁNās ǁkhās khamib ge oms danaba. Dīb ra xū-i hoa-e ǀnammi ǀkha nî dī. Nēsa tae-i ǃaroma a ǂhâǂhâsa? Apostel Johaneb ge ra mî: “ǁÎ-i ǃgâsab [tamas ka io omaris], mû i raba i ga ǀnam tama io, mati i kha ǁnâi Elob, mû tama i hâba nî ǀnam?” (1Jhn. 4:11, 20) ǁKhā ǀgaub ǃnâb ge oms danab hîna ǁîb omarisa a ǀnamma Jehovab tsî Jesub di aiǁgausa nî sao. ǁÎb omaris ǁaninab ge nî hui în Jehovab ǀgūse hâ. Tsîb ge ǁîna nî ǁgau ǀnamnib a ǃkhaisa. Tsîb ge ǁîn di ǂûs tsî ās tsîna nî kōǃgâ. (1Tim. 5:8) ǁÎb ǀgôanab ge ǁkhāǁkhā tsî nî hui-unu. Tsîb ge Jehovaba ra ǂkhîǂkhî tsî ǁîb omarisa nî omkhâi mîǁguiga nî dī. w21.02 5 ¶12-13

Sida ǀnamxaǃnâ ǀhomsiǁgûb ge a ǂan ǃkharuǃnâ da ge xūn sida di ǂâiǀgauba ra tsâǀkhā ǃkhaisa. Tsî da sida xa ǁgaise ra tsâsa tsîb ge sida ūhâ ǃgâi ǀgaugu tsîna ra mû sida ǃnâ da mû tama hâ ga. (1Jhn. 3:19, 20) ǀNî khoe-i ge ǀnîsi ǃgarise ra dītsâ i i ǁgai ǁnaetib hîna i ūhâ-e ǀû. Xawe i ge ǃnākorobe a dīsa ǁkhā tsî nēs xa ra ǂkhabuǂâi kaihe. Ama i ge tsū ǁore-e da ga dī o, o da ge ǁgaise ra tsâ. (2Kor. 7:10) Xawe da ge tā kaise ǁgaise nî tsâ dīsa da ge xūn ǃgao tsî nî ǂâi ‘tita ge a xū o, Jehovab ge tātsē ǀûbate tide.’ Nē ǂâiǀgaub ge amab ai ǃgaoǃgaohe tama hâ tsî a dī ǁkhā î da Jehovaba ǃoaba ǀû. ǀGai o da ge nî ǂkhabuǂâida ga ra o. ǁNā-amaga ‘ǁnâi ǂhanuǂhanu’ Jehovab ǀkha ǁîb ǀkha ǀgores ǃnâ-ū ǃhoas ǃnâ tsî ǁîb ai ǀûbaba ǂgan re. (Jes. 1:18) Jehovab ga ama ǃhausen du ra ǃkhaisa a mû o, ob ge ǁîba nî ǀûba du. ǀHaohâb ǃûi-aogu ǀkha ǃhoa re ǁîgu ge ǃnūǃnâxase nî hui du î du gagasise mā hō.—Jak. 5:14, 15. w20.12 23 ¶5-6

Jesub ge tarekhoede ge ǃgôa hâ i. ǁÎb ge Farisegu khami ge ī tama hâ i. Hîna ge tarekhoede kaise ǃgôaǁnâ hâ i ga. Tsî tarekhoedi ǀkha ǃauga ǃhoa tama i. Tsî Elobmîs xas tsîna ǃhoa-ū tama i ga. Xaweb ge Jesuba ǂhâǂhâsa amaba tarekhoedi tsî aorekhoegu ǀkhas tsîna gere ǀgoragu. (Luk. 10:38, 39, 42) ǁÎb ge tarekhoedi tsîna gere mā-am î di ǁîb ǀkha ǀguiba aoǁnâ. (Luk. 8:1-3) Tsîb ge tarekhoede ǃēsa ge mā, î di ǁîb apostelga mîba ǁîb ge khâisa hōsa. (Jhn. 20:16-18) Apostel Paulub ge Timoteuba gere ǂâiǂâiǃnâ îb tarekhoede ǃgôasiba ūhâba. ǁÎb ge ge ǂanǃgâ, Timoteub mas tsî aumas tsîn ge ǂgurose ǁîba gagasise a omkhâisa. (2Tim. 1:5; 3:14, 15) Romeǁîna ǃoab ge xoa sîǂkhanis ǃnâb ge Pauluba ǃgâsade ǀondi ai gere tawede. Paulub ge ǃgâsadi sîsen-i ǀgui-e ge mû tama hâ i. Xawe ǁîdi tsîna gere koa.—Rom. 16:1-4, 6, 12; Fil. 4:3. w21.02 15 ¶5-6