Augustub

ǁNān hîna Jesub ǀkha ǀgū ǀhōsagusisa ūhân ǀguin ge xoremariba xū nî ǀama. Jesub ge ge mî “khoe-i nî ǁî-i khoen [ǀhōsan] ǃaroma ǁî-i ûiba mā, ti.” (Jhn. 15:13) ǂGomǂgomsa khoen hîna ge Jesub ǃhūbaib ai nî hās aiǃâ hâ în ge, ǁîb xa ǁkhāǁkhāsen tsî ǀnamma nî omkhâiba bi. ǁÎn ge khâisa nî hō. Xawe nē ǂgomǂgomsa ǃoaba-aon Jehovab din tsîn ge Jesub ǀkha ǀhōsagusisa nî kuru, ǀamo ûiba xu ǀamas ǃaroma. (Jhn. 17:3; ǃNǃkh. 24:15; Heb. 11:8-12, 24-26, 31) ǀO-aisa aiǂanub Jesub ǀkha sîsens diba da ge ūhâ Gaosib ǃgâi ǂhôasa da ra aoǁnâ o. Jesub ge ǃhūbaib aib ge hâ i o, o khoena gere ǁkhāǁkhā. ǀHomma ǃoab ge oas khaoǃgâs tsînab ge ǀhaohâb di danab ase aoǁnâ sîsen-e ra mûǂam. Sadu ǁguiǂgâsens ǂgui khoena ǁîb tsî ǁîb ǁGûb xa ǁkhāǁkhās diba mû tsîb ge ra ǃgôaǃgâ. Nē sîsen-e da ge Jehovab tsî Jesub huib ǀkha ǀgui a dī ǁkhā.—Jhn. 15:4. w20.04 22 ¶7-8

Tsoatsoasa xu di ge ǀapas di gaob di hâ mîsa ǀapas Israeli di ǃâba gere ǂgaeǂgui ǂgaeǂgui-aoga ǃoa gere ǁnaeǁgau. Tsî ǃkhapagas di gao-aob ti hâ mîsa ǃkhapagas Israeli ǀkhab disa gere ǂgaeǂgui ǂgaeǂgui-aoga ǃoa. (Dan. 10:14) Penkster 33ǁî kurib kōsen ge ǁnā ǁaeb Israelǁaes khoena ge Elob di khoe-i. Jehovab ge nēs khaoǃgâ ge ǃgāsa kai Jesub di ǂgomǂgomsa ǁkhāǁkhāsaben a ǁîb di khoe ǃkhaisa. Danieli 11ǁî xoaǀgoras ǃnâ xoamâisa kēbos ge Xristub di ǁkhāǁkhāsabena ǃoa ra ǁnaeǁgau tsî Israelǁaesa ǃoas ose. (ǃNǃkh. 2:1-4; Rom. 9:6-8; Gal. 6:15, 16) Tsî ǀnî hâ gaogu ge ǀapas tsî ǃkhapagas tsîn ǃnâ ge ǂgaeǂgui tsoatsoa. Tsî ǀnî hâ gaogu ge ǀapas gao-aob tsî ǃkhapagas gao-aob tsîn di ǃkhaide ge ū. Nē ǀkharaǀkharan ge hâ xawen ge ǀnî xūna ǁnāti ǀgui ge hâ ǀgara. ǂGurose, gaob ge Elob khoena ǃgomǃgâxa ǀgaub ǃnâ gere hâ-ū. ǀGamǁîsen, ge Elob khoen ǀkhan gere hâ ǀgaub ǃnâ ge ǁgau Eloban a ǃhuisa ǃkaisa. Tsî ǃnonaǁîse, nē ǀgam gaokha ge ǀgaib hîna kha ūhâ ǁkhāb ams-ai gere ǂnoagu. w20.05 3 ¶3-4

Jehovab ge xūna a ī kai ǁkhā. Tsî ǀgaiba ūhâ ǂhâb hâ xū-i hoa-e īǁkhā kais ǃaroma. ǁÎb ǂâisa dīǀoaǀoas ǃnâ. Jehovab ge ǁîb di ǃoaba-aon hîna ǀoasa kurusa ūhâ tama hân tsîna a sîsen-ū ǁkhā, ǁîb ǂâisa dīǀoaǀoas ǃnâ. (Jes. 64:8) Nē ǀgaugu ǃnâb ge Jehovaba ǁîb ǂâisa ra dīǀoaǀoa. Xū-i xare i ge ǁîba a ǁkhae ǁoa ǁîb ǂâisa dīǀoaǀoas ǃnâ. (Jes. 46:10, 11) ǃGôaǃgâsiba da ge sada ǀhomsi ǁGûba a omkhâiba ǁkhā. Dība tab ge xūn tsî xūn hînab ta dīhō kai dan ǃgao. Aiǁgause da ga kurub ge xūn hoan xa ǂâi o. O da ge Jehovab kuru hâ xūn hoan xa ra buru kaihe. (Psa. 8:3, 4) Tsî Jehovab ge dīho kai da xūn xa da ga ǂâiǃgâ o. O da ge ǃgam ǃgôasiba ra omkhâi babi. Jehovab ǀons ge amabes ǃnâ ǃaoǃgâsiba nî omkhâibahe. Nē ǀons ge ǁîb a tae ǃnôa khoe, dīb ge xūn tsî dīb nî xūn. Tsîn hoana ǃkhōǂgā hâ.—Psa. 89:7, 8. w20.06 9-10 ¶6-7

Khoen tsî xamanin tsîn ge ǀomǂgā da ra ǂoaba ǂhâ hâ ûis ǃaroma. ǂAnǂuihe i ge ge khoen kaise ǂgui ǀomǂgāhe ra ǂoaba kurib ǃnâ ra sîsen-ūsa. Nēs khaoǃgân ge khoen tsî xamanin hoana ǁîn sîsen-ū tama hâ ǂoaba ra ǀomǂui. Xawen ge khoen tsî xamanin tsîna ǀomǂgā da ra ǂoaba toa kai tama hâ tsî da ge ǂoab tsîna ǀomǂui da ra ǂoab ǀkha ǀoaǀoa tama hâ. Tae-i ǃaromasa nēsa? Jehovab ge kai tsî ǂkhari haina ge kuru în ǀomǂui da ra ǂoaba-ū tsî ǀomǂgā da nî ǂoaba kuru. Nētsēs xoas ge ra ǁgau Jehovab gā-ai tsî a ǀgaisa ǃkhaisa. Tae-e nî hui da î da sida planeets tsî ǁîs ai hâ xūna da ra ǃgôaǃgâ ǃkhaisa ǁgau? (Psa. 115:16) Jehovab ge kuru xūn xa da ge a ǂâi ǁkhā. Nēs ge nî hui da Jehovaba tsēs hoasab da mā da xūna da ra ǃgôaǃgâ ǃkhaisa ǁgausa. Tsî da ge hâ da ra ǃkhaiga ǃanuse ūhâs ǀkha nî ǁgau ǃhūbaiba da ra ǃgôaǃgâ ǃkhaisa. w20.05 22 ¶5, 7

Jehovab ge Satanni di mâǃoasa gā-aisib. ǃNūǃnâxasib tsî ǂhanu-aisib tsîn ǀkha ra sîsenǂam. ǁÎb ti ǀgaib tsînab ge ǂgui ǀgaugu ǃnâ ge ǁgau. Hoan ǂam-aib ge ǁîb di ǀnamma dīb ta xūn hoan ǃnâ a mûhe ǁkhā. (1Jhn. 4:8) Jehovab ge ǁîb ǀonsa ǃanuǃanus ǃaroma noxoba ra sîsen. Satanni ge noxoba Elob ǀonsa nētsēs tsîna ra ǁgaiǁgai. ǁÎb ge khoena Elob ǀgaib, ǂhanu-aisib, gā-aisib, tsî ǀnammi ǃnâ ra ǂgomoǃnâ kai. Aiǁgauseb ge Satanna khoena ra ǂgom kai. Jehovab kuru-ao tama hâ ǃkhaisa. Khoen ga Elob ûitsama ǃkhais ǃnâ ǂgom o, ob ge Satanna ǁîna ra ǂgom kai. Elob ǁgaragu ra ǃkhō-oa da tsî ǂhanu-ai tama hâ ǃkhaisa. ǁÎb ge khoena ra ǁkhāǁkhā Jehovab khoena tsâba tama tsî ǀaeb ǃnâ ra ǂhubi ǃkhaisa. Nē xūnan ga khoena ǂgom tsoatsoa o, o i ge ǁîna a supuba—Jehovab ǂhanu-ai ǂgaeǂguisa ūǃoa tama īsa. Satanni ge hîkākāhe tamab hâs kōse, sadu tsîna Jehovaba xu nî ūbē tsâ. ǁÎba nēs ǃnâ nî dan? w20.06 5 ¶13-15

ǂGui ǀhaohâgu ǃnân ge ǃgâsana ǀnî hâ gowaba ra ǁkhāǁkhāsen. ǁÎn ge supuse ǁgâiǂuisen hō tama hâ. Xawe ǁîn ǀasa gowaba ra ǃhoa ǀgaub ai ǀgui da ga kō tama io, da ge nî mû ǁîn Jehovaba a ǀnamsa tsî ǂgaoba xū ǁîba ra ǃoabasa. ǁÎn îsa ǂūb xa da ga ǂâi-o, o da ge nē ǃgâsana nî ǃgôaǃgâ. Tsî da ge sida gowaban ǃgâise ǃhoa tama hâ amaga “satsa ta ǂhâba tama hâ” ti ǁîna ǃoa mî tide. (1Kor. 12:21) Kaise da ge Jehovaba ra gangan mâ ǀguiǀguibe ǃgâsa i hoa-eb ǂhâǂhâsa sîsen-e ǁîb ǀhaohâb ǃnâ mā hâ amaga. Nēsi da ga aore, tare, ǃgamme, ǃgamme tama i, ǂkham, kaira, gowaba ǃhoa ǁkhā, tamas ka io ǃgâise ǃhoa tama i. Xawe da ge hoada Jehovab mûǁae tsî sida ǃgân mûǁae a ǀō-aisa. (Rom. 12:4, 5; Kol. 3:10) A da Jehovab, sida tsî nau khoen tsîna ǁîb ǀapeǂhumis ǃnâ mā hâ sîsen-e ǃgôaǃgâ re. w20.08 31 ¶20-22

Apostel Paulub ge khoena ge ǀûǃnâ tama hâ i tsî ǁîna noxoba gere aoǁnâba. Paulub tsîn ge ge Xristeǁî kai ‘ǃkhāǃkhā-ao tsî ǃgôaǃgonao tsî ǁgâiǀā-aob’ ge ī xawe. (1Tim. 1:13) Jesub ge Paulub di ǃgâiǃgâibasensa mû khamib ge Pauluba Atenes khoen ǃgâiǃgâibasensa ge mû. Tsî ǁîb di ǂgomǃgâsib ge ge ǃgâi i. (ǃNǃkh. 9:13-15) Kharu ge ǁaeb ǃnân ge ǃkharagagu khaoǃhūga ūhâ khoena ge Jesub saosabe kai. Grikeǁî Xristeǁîna ǃoab ge Pauluba sîǂkhanisa a xoa o, ob ge ge mî ǀnî ǁanin ǀhaohâb din ge ǁaen ai ge ǃnari-ao i. Tamas ka io ǃgâi tama ûiǀgauga ge ūhâ i. ǀAro tsîb ge ge mî: “Tsî ǁnātin ge ǀnîn âdo ge ī i; xawe du ge ge ǁāhe.” (1Kor. 6:9-11) Nē khoen nî ǀkharaǀkharasen ǃkhaisa du ge mû ǁkhā i? w20.04 12 ¶15-16

ǀHaohâb ǃûi-aogu ge tā nî ǃnoe ǁnān hîna Jehovaba ǃoabasa ra dîǃnâna ǀgoraǃgâs ǀkha. ǁÎna ǀgoraǃgâ tama i tsî gu ge nî ǁnâuǃā tae-i ǃaroman ǁnā xūn xa ǁnāti ra tsâsa. Nēsa gu ga dī, o ǀgui gu ge Elobmîs ǀkha ǁîna a ǂkhâǃnâ ǁkhā. Kēbo-aob Eliab ge Gao-aos Isabelsa xu ge ǃkhoe. (1Gao. 19:1-3) ǁÎb sîsen-i ǂhâǂhâsa tama khamib gere tsâ. Tsîb ge gere ǁō ǂgao. (1Gao. 19:10) Eliab ǀkha ǁaixas xab ge Jehovaba ǀgurib hâ tama. ǁÎb ǀgaib aib a ǂgomaiǂnûi ǁkhās tsîb noxoba ǂgui sîsen-e nî dīse ī di ge mîba bi. Jehovab ge Eliab ǃgomsina ǃgâise ǃgâ tsî ǀasa ǁgaumâide ge mâ bi. (1Gao. 19:11-16, 18) Tae-e da nepa xu ra ǁkhāǁkhāsen? Hoa da ge Jehovab ǃoaba-aona ǃgâise nî hâ-ū, ǃgōsase gu ge ǀhaohâb ǃûi-aoga nēsa nî dī. Khoe-i ga kaise ǁaixasa tamas ka io Jehovab xa i ǀûbahe tide khami i ra tsâ. Ti mî o, o gu ge ǀhaohâb ǃûi-aoga ǃhoa-i ra ǁaeb ai nî ǃgâ. ǁNāpaxū gu ge kā hâ gū-e nî ǁgau Jehovab xa i a ǀnam-e ǃkhaisa. w20.06 22 ¶13-14

Jehovab ge ra ǂhâba i da sida omaris tsî ǀhōsan ǀkha hâǀhao. (Psa. 133:1) Jesub ge ǃgâi ǀhōsana ge ūhâ ī. (Jhn. 15:15) Elobmîs ge ǃgâi ǀhōsana da ga ūhâ o da ra ǀama ǀgauba ra ǁgau. (ǂKhm. 18:24) Tsî da ge ra mîbahe ǀguri hâs ǃgâi tama hâsa. (ǂKhm. 18:1) ǂGui khoen ge ra ǂâi, internets ǃnâ-ūn ga foton tsî vidiona sî o, on ǂgui ǀhōsana nî hō tsîn ǀguri tsâsen tide ti. Xawe ǂanbasen da ge nî, foton tsî vidion tsîna da ga internets ǃnâ-ū sî tsî xūna ǁnāpa a xoa o. Ôaǃnâ di hîna dīhe hâ di ge ra ǁgau khoen hîna ǂgui ǁaeba nau khoen ta internets ai xoa. Tsî sî ai-īsiga ra kēn, ǀguri tsâsen tsî ǁgaises tsîna ra tsâsa. Tae-i ǃaroma? Khoen ge kai amse ǁkhoaxa ǁaeban ūhâsa ra ǁgau ai-īsigu ǀguiga ra ǃnao. Tsîn ge îsa ǃkhaigu ain ǁîn ǀhōn ǀkha hâ ai-īsiga ra ôaǂui. Khoe-i hîna nē ai-īsiga ra mû i ge ǁî-i ûib a ǁkhoao ti nî ǂâi. w20.07 5-6 ¶12-13

ǂGuro Oktoberi 1988ǁî kurib di The Watchtower ǂkhanib ge ra mî: “ǀHaohâb ǃûi-aogu ge nî mûǂan Xristub ǃanu gagaba ra sîsen-ūse. ǁÎgu ǀguiba Elobmîs tsoatsoas hîna ǃgomsib hîna gu ra hōǃâb. Tamas ka io mîǁguib hîna gu nî dīb ǀkha nî huigusa a ǂâihō kai ǁkhā ǃkhaisa. (ǃNǃkh. 15:7-15) ǃAnu gagab ge ǀgui ǀhaohâb ǃûi-aob ǀguiba hui tama hâ xawe hoaga a hui ǁkhā.” ǀHaohâb ǃûi-aob hîna nau ǀhaohâb ǃûi-aoga ǃgôahâb ge ǀhaosa gu ga ūhâ ǁaeb hoaba ǂgurose ǃhoa ǂgao tama. ǁÎb ge hoaǁae ǃhoa tama hâ tsî ǁîb ra mî xūn ǀguin a ǂhanu ti ǂâi tama hâ. Xaweb ge ǁîba ǃgamǃgamsen hâ ǀgaub ǃnâ ǁîb ra ǂâi xūna ra mî. Nau ǃgâsagu ra mî xūnab ge ǃamkuse ra ǃgâ. ǁNân hoan ǂamaib ge ǁîba Elobmîsa xu hâ tsoatsoadi xa ra ǃhoa tsî ‘ǂgomǂgomsa tsî gā-ai ǃgāba’ xu hâ daoǁgaude ra sao. (Mat. 24:45-47) ǀHaohâb ǃûi-aogu ga ǀnammi tsî ǃgôasib ǃnâ ǃgomsina a ǃhoaǃgao. Ob ge Elob ǃanu gagaba ǁîgu ǀkha hâ tsî nî huigu îgu ǂhanu mîǁguiga dī.—Jak. 3:17, 18. w20.08 27 ¶5-6

Apostel Paulub khākhoen ge ǁîb xa ge ǀgaisa i. ǀNî ǁaegu ai gu ge ǂnau kai bi tsî ǃkhosis ǃnâ gere aoǂgā bi. Paulub ge ǃgâi tamase gere hâ-ūhe khoen hîna ga ǁîb di ǀhō hân xa. ǀNîn tsîn ge Xristeǁîn ǀhaohâb ǃnâ ǁîba gere mâǃoa. (2Kor. 12:11; Fil. 3:18) Xaweb ge Pauluba, ǁîba gere mâǃoan hoana ge dan. Matib ge nēsa dī? Aiǃgûb ge gere aoǁnâ sîsenni ǃnâ mâǃoaheb ta xawe. Tsîb ge ǁîb ǃgâsana ǃoa ǂgomǂgomsase ge hâ tsûtsû bin ge xawe. Hoan ǂamab ge Jehovab ǃoa ǂgomǂgomsase ge hâ ǁōb nîs kose. (2Tim. 4:8) ǁÎb ge nēn hoana ge dan, ǁîb ǀgaib aib ge ǂgomaiǂnûi tama i. Xaweb ge Jehovab ǀgaib ai a ǂgomaiǂnûi amaga. ǃHōhe tamas ka io du ra mâǃoahe? Mâǃoahe da ga o, o da ge ǂkhababa ǃgâib ǀkha ra dan. Mâǃoa da ra khoena da ga Jehovab xa ǁkhāǁkhā o. ǁNāsa da ge a dī ǁkhā ǁîn dîna Elobmîsa xu ǃereamsa. ǁÎna ǃgôasiba ǁgau tsî ǁîn ǀkha tsamtsîǃnâ, ǃgâi tamasen ga hâ-ū da xawe. Tsî ǃgâidī sida di khākhoena ǃoa.—Mat. 5:44; 1Pet. 3:15-17. w20.07 17-18 ¶14-15

Jehovab ǃgamǃgamsenxasiba ūhâ ti ama mî ǁkhā i da a? Î, mî ǁkhā da a. Davib ge ǀgapiga a xoasa mîde a mî khami. (Psa. 18:35) Davib ge nē mîde a xoa ob ge ǀnîsi Samueli ge ǁîb bab oms ai Israeli gao-aobab nî ǂkhau ga a sī tsēs xa gere ǂâi. Davib ge ǁkhaisa ǀgôagu ǃnâ ǀuniga i. Xaweb ge Jehovaba ǁîba ge ǁhûi îb gao-aob Saula ǃkhōǃkhuni. (1Sam. 16:1, 10-13) Gao-aob Davib ge ǀnî Psalmdi xoa-aob ge Jehovab xa a mî xū-e gere ǃkhō-am: “ǃGamse ra kōb, ǀhommi ǃnâ tsî ǃhūbaib aiba? ǃHaraxūsaba tsaraba xu ra ǃkhōkhâib, tsî ǂhâb ǃnâ hâba . . . ra ǀgapiǀgapiba; gaosagu xōǀkhāb nî ǂnû kai bise.” (Psa. 113:6-8) Jehovab ge ǃgamǃgamsenxasibab ūhâ ǃkhaisa ra ǁgau ǀoasa kurusa ūhâ tama hâ khoen ǀkhab ra sîsen ǀgaub ǃnâ. ǁÎb ge sida ǃoabas ǀguisa ūǃoa tama hâ xawe ǀhōsan ase ra ūǃoa da. (Psa. 25:14) Sida di ǀhōsagusisa ǁîb ǀkha ī kais ǃaromab ge Jehovaba ǁîb di ôaba ge sî, sida ǁoren ǃaroma. Jehovab ge kaise a ǀkhomxaǃnâ. w20.08 8 ¶1-3

Jehovab ge ǀnai mîmâi hâ mâ ǁaeb nē eloxoresa ǃhūbaiba nî hîkākāsa. (Mat. 24:36) ǁÎb ge ǃâuǁkhui tsî ǁaeb aisi xū-e dī tide. ǁÎb ge kai ǁkhoreb ǀkha ǁō hâ khoena khâisa ra mā ǂgao xaweb ge ǁîba a ǃnūǃnâxa. (Job 14:14, 15) ǂHanu ǁaeb hînab khoena khâisa nî mābab ge ǃâu hâ. (Jhn. 5:28) ǃGâi ǃaromade da ge ūhâ Jehovab ǃnūǃnâxasiba da nî ǃgôabade. ǂÂis ǀguisa hî re, Jehovab ǃnūǃnâxasib ge sida tsî ǂgui khoen tsîna ǁaeba ge mā îda “ǃhobasen.” Jehovab ge ǂhâba hâ în ǂgui khoena ǀamo ûiba hō. ǁNā-amaga da ge ǁîb ǃnūǃnâxasiba da ra ǃgôaǃgâ ǃkhaisa nî ǁgau. Mati? ‘ǀAmo ûiba ǃoa ǃkhōǂuibasen’ hâna ôa tsî Jehovaba ǀnam tsî ǃoabas ǀkha huis ǃnâ-ū. (ǃNǃkh. 13:48) On ge ǁîn tsîna sida ge ǀama khami Jehovab di ǃnūǃnâxasiba xu nî ǀama. w20.08 18 ¶17

Elobmîsa ra ǁkhāǁkhāsen khoe-i ge Elobmîs ǁkhāǁkhās ǃnâ hâ xūna tā ǁî-i ǂâis ǃnâ ǀgui nî ūhâ xawe ǁî-i ǂgaob ǃnâs tsîna. Tae-i ǃaroma? Sida ǀkha Elobmîsa ra ǁkhāǁkhāsen khoe-i Jehovaba nî ǂansa da ge ra ǂhâba. Xawe i ge ǁkhāǁkhāsen i ra xūna ǁî-i ǂgaoba nî tsâǀkhā. Î-i nēsa ûiǂui. Jesub ge ǃamku ǀgaub ǃnâ ǁkhāǁkhāb gere xūna gere ǁguiǃā. Tsîn ge khoena ǁîba xu ǁkhāǁkhāsens xa ge ǃgâibahe i. Tsîn ge ǂgui khoena ǁîba ge sao-ai, ǁîb ge ǁîn di ǂgaoga gere tsâǀkhā amaga. (Luk. 24:15, 27, 32) Sadu ǀkha Elobmîsa ra ǁkhāǁkhāsen, khoe-i ge Jehovaba ama khoeb ase nî mû. Tsî i ge nî mûǂan Jehovab a ǁî-i di ǁGû, Elo tsî ǀHōsa kai ǁkhāsa. (Psa. 25:5) Elobmîsa du ra ǁkhāǁkhā-ū khoe-e hui re, i-i sida di Elob di īsa ǀgauga mû. (Eks. 34:5, 6; 1Pet. 5:6, 7) Mâ ǃhoaǃâs hoas ǃnâ Jehovab ǀgauga ǃhoaǃgao re. Sadu ǀkha Elobmîsa ra ǁkhāǁkhāsen khoe-e hui re i-i Jehovab di īsa ǀgauga ǂan. ǁÎb di ǀnammi, ǃgâisib tsî ǀkhomxaǂgaosib. Jesub ge ge mî ‘ǂguro tsî hoan xa kai mîmās’ ge “ǃKhūb sa Elobats ge nî ǀnam.” (Mat. 22:37, 38) Sadu ǀkha Elobmîsa ra ǁkhāǁkhāsen khoe-e hui re i-i Jehovaba ǀnam. w20.10 10 ¶12

Jesub ge hoa tarekhoede ǃgôasib ǃnâ gere hâ-ū. (Jhn. 4:27) Jesub ge ǀō-aisa ǃkhaisa tarekhoedi hîna ǁîb Dadasab di ǂâisa ra dīde ge ūba hâ i. ǁÎb ge ǁîde ǃgâsadi ase gere mû tsî ǁîb omaris ǃâ di a khami gere hâ-ū. (Mat. 12:50) Jesub ge ǁîdi ǃoa ge ǃgâi ǀhōsa i. Kō re ǁîb di ǀhōsagusis Marias tsî Martas ǀkhab ge ūhâ-isa. Hoara ge ǃgamme tama ge hâ-i. (Luk. 10:38-42) ǁÎb di mîdi tsî tanisen ǀgaub ǃnâb ge Jesuba ǁîra harase gere tsâ kai. Marias ge harase gere tsâ ǁîb di ǂaira ams ai ǂnû tsî ǁkhāǁkhāhesa. Tsîs ge Martasa, Marias ge huisi tama hâ-i amagas ge ǁaixa o, Jesuba harase ge mîba ǁkhā i. ǁNā ǀhaos aib ge Jesuba nē gagasise ǀgaisa khoera ge hui. Tsîb ge ǁîra tsî ǁîra ǃgâb, Lasarub tsînab ǁaeba hâsa gere ǁgau, ǀkhara ǁaegu ai sari nîs ǃnâ-ū. (Jhn. 12:1-3) ǁNā-amaga ra ge Marias tsî Martas tsîra ge ǂan i Lasarub ge ǀaesen o ra Jesuba ǃoa nî īsa huib ǃaroma.—Jhn. 11:3. w20.09 20 ¶3; 21 ¶6

Jesub ǁkhāǁkhāsaben ge “ǁnātimîsib” Elob Gaosiba hā tsî ǁîna Romeǁîn di ǁgâiǀaba xu nî oresa gere ǃâubasen. Elob Gaosib nē hâ eloxoresasiba ūbē tsî ǀasa ǃhūbaib hîna ǂhanu-aisib xa ǀoa hâba nî hau ǁaeba da ge ǃâu hâ. (2Pet. 3:13) Xawe da ge ǃnūǃnâxase nî ǃâu, ǁîb ǁhuiǂui hâ ǁaeb nî hās kōse. Jehovab ge Noaxa gaxu ǁaeba ge mā îb arka om tsî ‘ǂhanu-aisib di aoǁnâ-ao’ kai. (2Pet. 2:5; 1Pet. 3:20) Jehovab ge Abrahammi ge Sodoms tsî Gomoras tsîn nî hîkākāhe ǀgaub xa ǂgui dîna gere dîbi xawe gere ǃgâ. (Gen. 18:20-33) ǂGui kurinab ge Jehovaba ǁnâuǀnamoǃnâ Isrealǁaes ǀkha ge ǃnūǃnâxa i. (Neh. 9:30, 31) Jehovab ge ǂâusa ǁaeba khoena ra mā în “ǃhobasen.” Nēs ǃnâ da ge ǁîb di ǃnūǃnâxasiba ra mû. (2Pet. 3:9; Jhn. 6:44; 1Tim. 2:3, 4) Jehovab di aiǁgaus ge ǃgâi ǃaromade ra māda îda ǃnūǃnâxasiba ūhâ aoǁnâ tsî da ra ǁkhāǁkhā hîna. w20.09 10 ¶8-9

Jehovab ga ǁō hâ khoena khâisa a mā ob ge ǁîna ǁîn ǂâis tsî īn ge ī ǀgaub tsîna nî mā-oa. ǂÂis ǀguisa hî re nē-i tae-e ra ǂâibasensa. Jehovab ge kaiseb a ǀnam du amaga sadu ra ǂâi, tsâ, mî tsî dī xūn hoana mû tsîra ǃkhōmâi. ǁNā-amagab ge ǁîba khâisab ga mādu o ī du ge ī ǀgaub ǃnâ nî hau-oa du. Gao-aob Davib ge ge ǂan-i Jehovab hoada ǃamkuse a ǂan ǃkhaisa. (Psa. 139:1-4) Jehovab ǃamkuse a ǂan da ǃkhaisa da ra ǁnâuǃā o, o da mati ra tsâ? Jehovab ǃamkuse a ǂan da ǃkhais xa da ga ǂâi-o, o da ge tā tsūse nî tsâ. Tae-i ǃaroma? ǂÂis ǃnâ ūhâ re Jehovab ge kaise ǃgamse ra tsâba da. Jehovab aiǃâ da ge sida hoada a ǀō-aisa. Sida ûib ǃnâ ge ī xūn hîna nēsi da a ī ǀgauba ra ǃaromanab ge ǁîba ǁîb ǂâis ǃnâ ūhâ. Nēs ge kaise ra ǁkhaeǂgaoda. Tā da ge ǀguri da hâ khama nî tsâ. Mâ minit-i tsî mâ tsēs hoas aib ge Jehovaba sida hâba tsî huidab nî ǀgau-e ra ôa.—2Kro. 16:9. w20.08 17 ¶13-14

Jehovab ge ǁîb khoena ǁkhāǁkhāsa a ǀnam. Jehovab ge ra ǂhâba în ǁîb di khoena ǁîba ǂan tsî ǀnam. Tsî ǀamosib kōse ǁîb di ǀnamǀnamsa ôan ase ûi. Nēn hoan ge ǁîb ra māda ǁkhāǁkhās ose a ī ǁoa. (Jhn. 17:3) Jehovab ge ǂgurokam Xristeǁî ǀhaohâga gere sîsen-ū îb ǁîb khoena ǁkhāǁkhā. (Kol. 1:9, 10) ǃAnu gagab, ǁîn “ǁkhaeǂgao-aob” Jesub ge a mîmâib ge ǁîb di ǁkhāǁkhāsabega ge hui. (Jhn. 14:16) Nē ǃanu gagab ge ǁîb di ǁkhāǁkhāsabega ge hui îgu Elobmîsa ǁnâuǃā. Tsî Jesub ge mî xūn hoana ǃkhōmâi. Ega gu ge nēsa Elobmîs ǃnâ ge xoa. Nē xūn ge ǂgurokam Xristeǁîn di ǂgomsa ge ǀgaiǀgai. Tsî Elob, ǁîb Ôab tsî ǁîn ūbagu hâ ǀnamma ge ǀgaiǀgai. Jehovab ge ge mîmâi hoa ǃhaodi khoen ‘ǀuni tsēdi ǃnâ’ nî ǁîb di ǃoabas di ǃâsa tsî ǁîb di ǀgaugu xa nî ǁkhāǁkhāhesa. (Jes. 2:2, 3) Nētsē da ge ra mû nē xoas ra dīǀoaǀoahe ǃkhaisa. w20.10 24 ¶14-15

Tae-i ǃaroma i khoe-e mā-e i go ǀapemāsa ūǃoa tama? ǀGapiǂâixasib. ǀGapiǂâixa khoen ge ‘ǀkhonaǂgaes’ xa a ǃgâibahe. ǁÎn ge ‘amaba xu ra ǂgōbē.’ (2Tim. 4:3, 4) ǁÎn ge ra ǂâi ǀapemāhesan ǂhâ tama di. ǁÎn a gā-ai tamas ka io ǂhâǂhâsa amaga. Xaweb ge apostel Pauluba ge xoa: “Khoe-i ga: xū ta a, ti ǂâi, xū tama i hâ hîa, ǁnā-i ge ǁî-aitsama ra garasen.” (Gal. 6:3) Gao-aob Salomob ge nēsa ǃamkuse ge mîǃā. ǁÎb ge ge xoa: “ǀGâsa tsî gā-ai ǂkhamkhoeb ge kaira tsî gâre gao-aob hîa aiǃâb ǃoa ǂgōǀaukaisen ǁoab ǃgâ-ai a ǃgâi.” (Aoǁn. 4:13) Petrub ge dī xū-e ǂâi re, Paulub ge ǁîba khoen ais ai a mî-ūnuba o. (Gal. 2:11-14) Petrub ge ga ǁaixa hâ Paulub ge a mî xū i ǃgao tsî ǃhoa-ūheb ge ǀgaub ǃnâ. Tsî nox khoen ais aib ge nēsa a dī o. Xaweb ge Petruba ge gā-ai i. ǁÎb ge Paulub ǀkha ge ǁaixa tama hâ i, tsî nēs xa gere ǂâiǃâ. Tsîb ge ega Pauluba “ǀnamǀnamsa ǃgâsab” dī ge ǂgai.—2Pet. 3:15. w20.11 21 ¶9, 11-12

Tae-e Elobmîsa ra ǁkhāǁkhāsen khoena nî hui în aiǃgû? Sida di ǀhaode ǃoa īs. Elobmîsa xu hâ daoǁgaudi ǀhaodi ai ra mā-e dige ǁîn di ǂansa nî kaikai, ǂgomsa ǀgaiǀgai tsî nēs ge ǁîna nî hui îb Eloban ūba hâ ǀnamma kai. (ǃNǃkh. 15:30-32) Tsî i ge ǃgâsa-e ǁî-e a mîba ǁkhā mati i ge Jehovaba i ūba hâ ǀnammi xa hui-e. Tsî Elob di mîmāde a ǁnâuǀnamsa. (2Kor. 7:1; Fil. 4:13) Tsîn ga Elobmîsa ra ǁkhāǁkhāsen khoena ǂgui ǂgomǂgomsa ǃgâsana ǂan o. On ge ǁîn di aiǁgaude xu nî ǁkhāǁkhāsen. Tsîn ge nî ǁnâuǃā Xristub mîmās Elob tsî sa ǀgūkhoena ǀnams tae-e ra ǂâibasensa. (Jhn. 13:35; 1Tim. 4:12) ǁÎn tsîn ge nî mûǂan ǃgâsan tsîn ǁîn ǀkha ǀgui ǃgomsina ra ǃkharuǃnâsa. ǁÎ-i ge nē aiǁgaude xu a ǁkhāǁkhāsen ǁkhā. Tsî nî mû ǁî-i tsîn ǂhâbasa a ǀkharaǀkharana a dīǁkhāsa, i i Xristub di sao-ao kai. (Deu. 30:11) Mâ khoe-i hoa-i hîna ǀhaohâb ǃnâ hâ-i ge xū-e a dī ǁkhā i i Elobmîsa ra ǁkhāǁkhāsen khoena hui.—Mat. 5:16. w20.11 5 ¶10-12

ǀNîsib ge apostel Pauluba ama xamanin hîna ge Efeses ǃnâ hâ în xa gere ǃhoa. (2Kor. 1:8; 4:10; 11:23) Tamas ka iob ge ǀnîsi ǁgâiǀāb hînab ge Jodeǁîn. Tamas ka io naun hîna “ǀgurun” khama īna xub gere hōǃâ xūn xa gere ǃhoa. (ǃNǃkh. 19:26-34; 1Kor. 16:9) Paulub ge ǂgui ǁkhōǁkhōsa mâsigu ǃnâ ge ǃkharu. Xaweb ge gere ǂgom hānîǁaeb ǃnâb nî ǂkhîba hō ǃkhaisa. (1Kor. 15:30, 31; 2Kor. 4:16-18) Kaise ǃaorosa ǁaeb ǃnâ da ge ûi hâ. ǀNî ǃgâsan sida din ge ǃgâi tama mâsigu ǃnâ hâ tsîn ge torogu hâ ǃhūgu ǃnâ ra hâ tsî ǃnorasase tsâ tama hâ. ǀNî ǃhūgu ǃnâ i ge Jehovab di khoena mā-amhe tama hâ în ǃnorasase aoǁnâ. Xawen ge ǁîba ra ǃoaba tronkhedi ǃnâ ǂnûihe tsîn ga ǃgamhe ǂgao xawe. ǁÎn ge sida aiǁgaus ase a ība. ǁÎn ge ǃao tama hâ ǁîn ûiban ga nēsi ǂoaǃnâ xawe. Jehovab ǁîna hānîǁaeb ǃnâ kaise ǃgâi xū-e a mîmâiba amaga. w20.12 9 ¶3-4

Khoen ǃgâ du ǂgao tama hâ, tamas ka io ǀorose omdi-ai ra hâ ǃkhais ǃaroma du ra ǂkhabuǂâi? Nēti i mâsib ǃnâ du mati ǂkhîba nî ūhâ ǀgara? Kaise i ge a ǂhâǂhâsa î du ǃgâi mûǂuiba aoǁnâ sîsenni xa ūhâ. Nēsa tae-e ra ǂâibasen? Sadu ǂâisa aoǁnâ sîsenni tsî Elob ǀonsa ǂans ai mâi re. Jesub ge ǃgāsase ge mî ǀoro khoen ǁîba nî sao-ai ǃkhaisa. (Mat. 7:13, 14) Aoǁnâ sîsenni ǃnâ da ga ra hâ o, o da ge ǁnâ aiǂhanuba ūhâ Jehovab, Jesub tsî ǀhomǃgān ǀkhā sîsen ǀhaosa. (Mat. 28:19, 20; J.ǂHa. 14:6, 7) Jehovab ge ǁîba ra ǃoaba ǂgao khoena ra ôa. (Jhn. 6:44) ǁNā-amaga i ga khoe-e ǃgâ ǂgao tama ga ra i. Xawe i ge ǀnîsi ǀnî hâ ǃnāsi nî ǃgâ. “ǂKhabuǂâis ge ǀgui ǀgaub hînab ǁGâuaba ra sîsenūba.” Tis ge Deborah di ǀon hâ ǃgâsasa ra mî. Xawe ǁGâuab ge tātsēs tsîna Jehovaba a dīhō ǁoa. w20.12 26 ¶18-19; 27 ¶21

ǂGui Xristeǁîn ge ra sîsen în ǁîn di omaridi. Tsî ǁîn tsîna ǂûmasen. Xawen ge nē ǂgomǂgomsa aoǁnâ-aona. Jehovab di organisasisa ra ǂkhâǃnâ. Mâǀgaub hoab ǃnâ. ǀNîn ge tsūkeǃgâb ga hâba ra hui. Tsî om sîsengu tawas tsîna ra hui. Tsî hoada ge marina mās ǃnâ-ū a ǂkhâǃnâ ǁkhā. Elob tsî nau khoen tsînan a ǀnam amagan ge nēna ra dī. Mâ wekheb hoaba da ge sida ǃgâsana ra ǁgau ǀnam nî da asa. ǀHaohâb ǀhaode hâǃnâ tsî da ga ǁîn tawa a ǃeream o. Tsau da ga xawe da ge ǁnā ǀhaode ǃoa ra ī. ǀNîsi da ga tao xawe da ge ra ǃeream. Hoa da ǃgomsina ūhâ xawe da ge. ǀHaos aisis tsî khaos ais tsîna ra ǂkhâǃnâgu. (Heb. 10:24, 25) Sida ǀnamǀnamsa ǃgâsan da dī sîsen-e da ge kaise ra ǃgôaǃgâ. w21.01 10 ¶11

ǀGapiǂâixa khoen ge nau khoena harase koa tama hâ. ǁÎn nî koahesan ra ǂhâba amaga. ǁÎn ge nau khoen ǀkha ra ǀnōsen tsî ǁîn ǀguina dan hâse ra hâ ǂgao. Nau khoenan nî ǁkhāǁkhās ǃâs ǃnân ge ǀgapiǂâixa khoena mâ xū i hoa-e aitsama ra dī ǂgao. ǁÎn ga ǁnā xū-e dī, o ǀgui-i ǂhanuse nî dîhe tin ta ǂâi amaga. ǀGapiǂâixa khoe-i ge nau khoe-i xa ǂhâǂhâsase ra mûsen ǂgao tsî nau khoe-i ga ǃgâise xū-e dī o ra suri. ǀGapiǂâixasib di ǃgomsiba da ūhâsa da ga hōǃâ o da ge ǂgaoba xu Jehovaba ǀgore tsî nî ǂgan îb sida ‘ǂâisa ǀkharaǀkharas’ ǀkha huida îb nē ǁgai ǀgauba tā sida ǃnâ ǃnomaǃkhō. (Rom. 12:2) Jehovab ge mā da aiǁgausa da ge kaise ra gangan. (Psa. 18:35) ǁÎb ǃgamǃgamsenxasiba da ge ǁîb ǃoaba-aon ǀkhab ra hâ ǀgaub ai ra mû tsî da ge ǁîba ra ǁgae ǂgao. ǁNās xōǀkhā da ge ǃgamǃgamsenxasib ǀkha ge Eloba gere ǃoaba khoen. Di aiǁgaudi hîna Elobmîs ǃnâ hâde ra ǁgae ǂgao. A da hoaǁae Jehovaba koas tsî kares hînab anu hâsa mā re.—J.ǂHa. 4:11. w20.08 13 ¶19-20

ǃGammeb ge ǀoasa ǀkhaeba Jehovaba xu. Xawen ge khoena ǀoasa kurusa ūhâ tama hâ. (1Jhn. 1:8) ǁNā-amagas ge Elobmîsa ǃgamme hâ khoena ra mîba ǁîn ǃgomsiga nî ūhâ ti. ǁNā ǃgomsigu ge “ǁgans ǃnâ ǁgâiǀā-e” ūhâs ǀkha nî ǀgui. Jehovab ge ra ǂgaoǀkhagu î gu aoga ǁîgu omaride gagasise kōǃgâ. Tsî ǁîn di ǂûs tsî ās tsîna kōǃgâ. Tsî ǁîn ra tsâ ǀgaub xas tsîna ǂâi. (1Tim. 5:8) Xawe di ge ǃgamme hâ taradi tsîna ǁaeba nî ǁamaǂui. Î di tsēs hoasa Elobmîsa khomai tsî ǂâiǃgâ. Tsî ǂgaoba xu Jehovaba ǃoa ǀgore. Nēsa dīs ge kaise a ǃgom ǁkhā. Taradi ge kaise ǂgui xūna ra dī. Xawe di ge ǁaeba nî ǁamaǂui nē xūna dīsa. Tae-i ǃaroma? Jehovab ge ra ǂhâba i i mâ khoe-i hoa-e ǀgū ǀhōsagusa ǁîb ǀkha omkhâi. (ǃNǃkh. 17:27) Taras ge kaise ǃgarise nî sîsen is ǁîs aob hîna ǀoasa kurusa ūhâ tamaba ǃnāka hâba. Xawes ga Elobmîs ǃnâ māsa ǃaromade ga ra ǁnâuǃā o. Os ge ǁîs aoba ǃgôa tsî nî ǁnâuǀnam. Os ge ǁîs di ǁgaumâisa nî supu. w21.02 9 ¶3, 6-7

ǃGomsin ge ǀaes di ǀgammi hîna blaida ra khau-ūheb ǀkha a ǀgopeǀnōhe ǁkhā. Nē blaidi ga ǀgamǀgamhe tsî ǁnāpaxū a ǃkhaiǃkhaihe o, ob ge ra ǀgaisa. ǁNās khami da ga sada tsîna ǃgomsina hōǃâ o, os ge sida di ǂgomsa kaise ra ǀgai. Tsî ǁnā-amagab ge Jakobuba ge xoa tsî mî: “Tsî taniǀnamxasiba ab dīǀoaǀoasase sîsenni âba dī, î du dīǀoaǀoasa tsî hoaragase ǂhau, î du xū-i xare-i ǃnâ tā tôasi.” (Jak. 1:4) Sada ga mû o ǃgomsin ra ǀgai kai da sa o. O da ge ǂkhîb ǀkha hoa ǃgomsina a mâǃkharu ǁkhā. Jakobub ge ǁîb di sîǂkhanis ǃnâ, xūn hîna sida ǂkhîba a ūbe ǁkhān xa ge ǃhoa. Dī da nî xū-e da ga ǀū o i ge a ǃgom. ǃGomsina da ga hōǃâ ǁaeb ǃnâ da ge Jehovaba ǃoa ra kō ǂgao ib hui da. Î da ǃgâi mîǁguiga dī ǁkhā. Tsî ǁîba ǂkhîǂkhî tsî sida ǃgâsan hoan tsîna. Tsî ǁnās ǀkha hoa da di ǂgomsa ǀgaiǀgai. (Jer. 10:23) Gā-aisiba da ge ǂhâ hâ î da ǂan tae-e da nî dīsa. Tsî tae-e da nî ǃereamsa ǁnân hîna ra māǃoadan ǃoagu. ǀŪ da ga o tae-e da nî dīsa, o da ge ǁgaise a tsâ ǁkhā. Tsî ǂkhabuǂâi tsî sida ǂkhîba a ǂoaǃnâ ǁkhā. w21.02 28 ¶7-9

Jehovab ge ǃgâi aiǁgausa ra māda. ǁÎb di ǀnammi ge ǁnātikōse a ǀgaisa. Tsî da ga ǁîb ǃoagu ǂgomǂgomsase hâ o. O i ge xū-i xare-e ǁîba xu a ūbe da ǁoa. (Rom. 8:38, 39) Grike gowab di mîs “ǀaexase” di ra ǂnûiǃkhunihes ge. ǀHōǂuisens tamas ka io ǁgūtsâs di ra ǂâibasen. ǀNî ǁaegu ai da ge nî “ǁgūtsâ” tsî nî “ǀhōǂuisen,” î da sida ǃgâsana ǃgamse ǀnam. Khoe-i ga ǁaiǁai da o, o da ge. “ǃNūǃnâxasib ǀkha ǀnammi ǃnâ tanigu” tsî nî dītsâ “gagab di ǀguiǂâixasiba ǃkhōǀgaipesa ǂkhîb di ǃgaeǁaresa xu.” (Efe. 4:1-3) Sida ǃgâsan dīsān ai da ge sida di ǂâide ǂnûi tide. Tsî da ge nî dītsâ î da Jehovab sida ǃgân xa ra ǂâi khami ǁîn xa ǂâi. (1Sam. 16:7; Psa. 130:3) Hoaǁae i ge supu tama hâ. Sida ǃgâsan ǃoagu ǃgam ǀnamma ǁgausa. ǁÎn di dīsāde da ga ǂan o. Tsî nēs ge ge ǃgomsi i ǂgurokam ǁaeb Xristeǁîn tawa. Nēs ge Euodias tsî Sintixes tsîn ǀkha ge i. Apostel Paulub ge ǁîra ge mîba “î ra ǃKhūb ǃnâ ǀguiǂâixa.”—Fil. 4:2, 3. w21.01 22-23 ¶10-11

Kai ǃgâsan ge sago ǂkham go ra ǃgôaǃgâ. Jehovaba go “ǀguiǃnâxasib” ǃnâ ra ǃoaba amaga. (Sef. 3:9) ǁÎn ge ôasase go ra sîsen ǃkhais xa kaise ǃgâibahe. ǁÎn ge sago ra ǃgôaǃgâ. ǂKhamkhoego tā ǀūru re Jehovab a ǀnamgo tsî ra ǂgomǃgâgo sa. ǁÎb ge ge mî ǀuni tsēdi ǃnâ gu ǂgui ǂkhamkhoega. ǁÎb di sîsenni ǃgao nî māsen ǃkhaisa. (Psa. 110:1-3) ǁÎb ge a ǂan ǀnambits asa. Tsî a ǂan ǁkhāts as kōsets ǁîba ra ǃoaba ǂgaosa. Nau khoen ǀkha ǃnūǃnâxa re. Tā ǃnoe re ǁkhāǁkhāsents ra xūnats ga dīhō tama io. Dīsāts ga o ǁkhāǁkhās tsî ǁnamas hînats ra hōsa ū ǃoa re. Tsî ǁnāsa mû re Jehovaba xu i ra ǀkhīse. (Heb. 12:6) Tsî māhe du ra ǁgaumâis hoasa ǃamku ǀgaub ǃnâ dī re. Tsî ǂhâǂhâsase dī du ra xūn hoan ǃnâ. Sadu di ǀhomsi ǁGûba ǂkhîǂkhî re.—ǂKhm. 27:11. w21.03 7 ¶17-18

ǂGui xūn xa da ge a ǂkhabuǂâi kaihe ǁkhā. ǀNîna ǂganaga tsî ǀnîna ǃauga. Nēs ge ǀoasaoǃnâsib, ǂkhabusasib tsî ǀaeb mâsina ǃkhōǂga hâ. Tamas ka io da ge Jehovab ǃoabas ǃnâ da ǂhâba hâ ǁgaumâisa hō tama hâ. Tsî da ge ǀnîsi khoen ǃgâda tama hâ lokasi di ǃnâ ra aoǁnâ. Tsū xūn hîna da ge a dīn tsî sida xa ǁgaise tsâs tsîn ge kaise a supu. ǁNā-amaga da ge a ǂâi ǁkhā, tsū xūna da ra dīs ǃaromab ge Jehovaba paradais ǃnâ ǂgao da tama hâ ti. Nēti i ǂâiǀgauba ūhâs ge kaise a ǃaoroxa. Jesub Xristuba ǂoa tsî i ge hoa khoena a “ǁore-ao.” (Rom. 3:23) Xawe Jehovab ge sida tsūse ra dī xūn ǀguina kō tama hâ tsî ǀoasasiba ǃâubasen tama hâ. Xaweb ge a ǀnamxaǃnâ ǁgû huida ǂgaoraba. ǁÎb ge a ǃnūǃnâxa. ǁÎb ge a ǂan ǂkhabusasigu xa da a ǃgombahe ǃkhaisa. Tsî da ǃgâi xū-e dīs xa ǃgombahe tsî ǁgaise sida xa ra tsâsa. Tsîb ge ra huida ǂgao.—Rom. 7:18, 19. w20.12 22 ¶1-3

Hoada ge daob ai hâ. Tsî da ge ǃgarise ra sîsen Jehovaba ǃoabasa. Î da ǀasa ǃhūbaib ǃnâ Jehovab di ǀnamǀnamxa ǂgaeǂguis ǃnāka ûi. Tsēs hoasa da ge ǀamo ûib ǃoa garu daoba ra sao-ai. Xawe i ge Jesub ge mî khami ǁnā daoba sao-aisa kaise a ǃgom ǁkhā. (Mat. 7:13, 14) ǀOasa kurusa da ūhâ tama amaga, i ge kaise a supu sida ǁnā daoba ǁnāxūsa. (Gal. 6:1) ǂŌ daob hîna ǀamo ûiba ǃoa garub ai ta ga ra hâ ǂgao o. O da ge sida di ǂâiǀgaub, taen xa ta a ǃgâibahes tsî ǃgâibahe tamas. Tsî sida di tanisen ǀgauga ǀkharaǀkharasa nî mā-amsen. Apostel Paulub ge ra ǂkhâǃnâ da î da “ǁnamakaisen.” Sida di ǂâidi tsî tsâsin tsîna ôaǃnâs ge supu tama hâ. Sida di ǂgaogu ra gāxaǃnâ da amaga. Kaise i ge a ǃgom ǂansa tae-eb ǂgaoba a dī kai da ǁkhāsa. (Jer. 17:9) Kaise i ge a supu “aitsama” gâre ǂâidi ǀkha ǂgaeǂhapu kaisensa. (Jak. 1:22) Elobmîsa da ge nî sîsen-ū î da aitsama ôaǃnâsen. Elobmîs ge ǂganaga da mati ī sa ra ǁgau, sida di “ǂâidi tsî ǀapeǀapedi ǂgaob” di di mati ī sa.—Heb. 4:12, 13. w20.11 18 ¶1-3

ǃGamǃgamsen tsîda ga ǀnî xūna dī sa da mā-amhe tama hâ ǃkhaisa ǂanǃgâ o, o da ge nî ǂkhî. Tae-i ǃaroma? ǀNî xūna dīsa da mā-amhe tama hâ ǃkhaisa da ga ǂanǃgâ tsî da ga nau khoen xa a hui-e o, da ge kaise nî gangan. Aiǁgause, Jesub ge 10 ǃomamaxa khoega a ǂgauǂgau ǁaeb xa ǂâi re. ǁNā ǁgaora ǀaeba xub aitsama ǂgauǂgausen hō tide ǃkhaisab ge ǂanǃgâ amagab ge ǀgui khoeba oaǀkhī. Tsî Jesuba ge gangan ǂgauǂgaubib ge o. Nē ǃgamǃgamsenxa khoeb ge hōb ge huiba kaise ge gangan tsî Eloba koasa ge mā. (Luk. 17:11-19) ǃGamǃgamsenxasiba ūhâ khoen ge nau khoen ǀkha ǃgâise ra sîsen ǀhao tsî ǃgâi ǀhōsana ūhâ. Tae-i ǃaroma? ǁÎn ge nau khoen ǃgâi ǀgauga ūhâsa ra ǂanǃgâ tsî nē khoenan ǂgomǃgâ hâsa ra ǁgau. ǃGamǃgamsen tsî ǀnî xūnan a dī ǁoasa ra mûǂan khoen ge nau khoen ga ǃgâisen sîsen-e ra dī amaga. A koahe o a ǂkhî tsîn ge ǁîna supuse nē khoena koa tsî ra ǃgôa. w20.08 12 ¶17-18