XRISTEǁÎN ÛIǀGAUB

ǃGâi tanisens tsî ǃgôasib tsîn ge khoe-i ǂgaoba a tsautsau ǁkhā

Jehovaba ra ǃoaba ǃgame hâ ǃgâsadi ge ǁîdi tanisen ǀgaub ǃnâ-ū ǃnāsa ǁaeba ǁîdi kaikhoega amab ǃnâ ra ǂgāxa-ū. Xawe nēs ge ǂgui kuriga di ǁguiǂgāsen hâs khaoǃgâ ǀgui ra ī. (1Pet. 2:21-23; 3:1, 2) ǃGâi ǀgaub ǃnâ du hâ-ūhe tama hâ xawe dītsâ re, i du ǂkhababa ǃgâib ǀkha dan. (Rom. 12:21) Sadu mîdi xas ge sadu ǃgâi aiǁgausa ǃnāsa sîsenǂuiba nî ūhâ.

Sadu ǃgame hâ khoe-i ra tsâ ǀgaub xa ǂâi re. (Fil. 2:3, 4) ǁÎb ǂaidi ǃnâ mâisen tsî ǁkhaeǂgao bi re. ǁÎb taras ase du nî dīse i xūna noxoba ǃgôasib ǀkha dī re. ǂGaob hoab ǀkha ǃgâ re, ǃhoab ga ra o. (Jak. 1:19) ǃNūǃnâxasiba ūhâ re tsî sadu kaikhoeba ǁgau re, ama ǀnam bi du a ǃkhaisa. Sadu tsaurase tsî ǃgôasib ǀkha ra hâ-ū bi, khamab ǁîba sadu hâ-ū tama xawe ǂâis ǃnâ ūhâ re, Jehovab sadu ǂgomǂgomsasiba ra ǃgôaǃgâ ǃkhaisa.—1Pet. 2:19, 20.

JEHOVAB GE RA ǀGAIǀGAI DA Î DA SIDA ǃGOMSIGA TANI DI HÂ VIDIOBA ǀHURU TSÎ SAO RA DÎDE ǃEREAM RE:

Grace Lis ǃgameba ǂguro mati ge tsâ i?
ǁÎsa tae-i xa amaba ǃoa ge ǂgaehe?
ǃGâsas Lisa ǁâǁnâs khaoǃgâ mati ǃgomsin ǃnâ ge mâǀgai?
ǃGâsas Lisa tae-e ǀgores ǃnâ ge mî?
ǃGâsas Lisa ǃgâi tanisen ǀgaub tsî ǃgam ǃgôasibas ge ūhâ i amaga, mâ ǀkhaega ra hōǃâ?

ǃGâsas ge Grace Lisa Elobmîsa ra ǁkhāǁkhā, Grace ge ǃauga mâ tsî ra ā, Grace ge ǁîs ǀgôan ǀkha ǀhaosa ǃgoa ra ī, Grace Lis tsî ǁîs omaris — ǃGâi tanisen ǀgaub tsî ǃgam ǃgôasib ge ǀgaisa sîsenǂuiba ūhâ.