XRISTEǁÎN ÛIǀGAUB
Jehovab ta mû du khami, mûsen re
Jehovab ge “ǁaes âb ǃnâ ǃgâiǃgâibasensa ūhâ.” (Psa. 149:4) ǀOasa kurusa da ūhâ tama xaweb ge ǃgâi ǀgauga sida ǃnâ ra mû. Tsî tae-e da hānîǁaeb ǃnâ a dī ǁkhās tsîna. Xawe ǀnî ǁaegu ai i ge a ǃgom sida ǃgâi ǀgauga mûsa. Nau khoen xa da ra hâ-ūhe ǀgaub xa ǃaromahe hâse da ge ǀnî ǁaegu ai ra ǃgôaǁnâsen. Tamas ka io da ga ǃkharu gere ǁaeb ai da ge dīsā xūn ai sida ǂâisa ǂnûi. O da ge a îganǀgē ǁkhā, Jehovab amabes ǃnâ a ǀnam dasa. Tae-e a huida ǁkhā nēti i tsâsina da ga ūhâ o?
ǂÂisǃnâ ūhâ re, Jehovab ge khoen mû tama xūna ra mû. (1Sam. 16:7) Nēs ge ra ǂâibasen ǁîb sida mû tama xūna sida ǃnâ ǃnāsase ra mûsa. Kaise a ǃgâi ǃkhais ge Elobmîs ge ra huida, î da Jehovab ra mû da ǀgausa mû. Nēsa da ge a ǁnâuǃā ǁkhā Elobmîs xoadi ǃnâ da ga, Jehovab mati kōse ǁîb ǃoaba-aona a ǀnam ǀgaub xa khomai o.
ǂGOMǃGÂSIBA ŪHÂ RE JEHOVAB ǀNAM DU SA, TI ǀON HÂ VIDIOBA ǀHURU. TSÎ ǁNĀPAXU SAORA DÎDE ǃEREAM RE:
Tae-es ǃkhoe ra khoeb tsî ǁîb dadasab aiǁgausa ra ǁkhāǁkhāda, Jehovab ra mûda ǀgaub xa?
Tsū ǁoreba dī hâ khoe-i ga ǁî-i ǀhōsagusisa Jehovab ǀkha ǃgâiǃgâi, o i mati ǁî-i ǂgaoba ǁîb aiǃâ a ǁapoǁapo ǁkhā?—1Jhn. 3:19, 20
ǃGâsaba mati ǃgâiba ge hō Davib tsî Josafati xa khomai tsî ǂâiǃgâsa xu?