Naun ǀkha du ǀgoragu ǁkhā xūna ǂâis ǃnâ ūhâse ǁkhāǁkhāsen

Elobmîsa aitsama ôaǃnâs ge kaise ra khoakhoa da. Xawe da ge ǃnāsase ra khoakhoahe naun ǀkha da ga ôaǃnâs ǃnâ da go hō xūna a ǀgoraguo. ǂKhoamîdi 11:25 ge ra mî: “ǁNā-i nau khoe-e ǁgam-e ra mā-i tsîn ge nî mā-oahe.”

ǁKhāǁkhāsen da go xūna da ga naun ǀkha ǀgoraguo, da ge supuse ǁnā-e ra ǂâi-oa hō tsîs ge nēsa sida ǁnâuǃāba ra ǀgaiǀgai. Nau khoen ǀkha da ga ǀgoraguo da ge sida ǀguida ǃgâiba ǀama tama hâ xawes ge nēsa ǃgâiaǂgaob tsîna ra mā da.—ǃNǃkh. 20:35.

Nēsa dī tsâ: Saora wekhegu ǃnâ mîǁgui tsî ǁkhāǁkhāsen du go xū-e naun ǀkha ǀgoragu. Nēsa du ge omaris ǁani-i, ǀhaohâb ǃnâ hâ ǃgâsa-i, sîsenǁare-ao-i, ǁanǁare-ao-i tamas ka io aoǁnâ sîsenni ǃnâ du ra ǀhao-ū khoe-i ǀkha a ǀgoragu ǁkhā. Dītsâ tsî nēsa sadu mîdi ǃnâ ǁguiǃā, supu tsî ǃgāsa ǀgaub ǃnâ.

ǂÂis ǃnâ ūhâ: ǁKhāǁkhāsen du go xūna nau khoena du ra ǂkhâǃnâ ǂgao ǃkhais ǃgao dī re, tā hoana du a ǂansa mûmûsen ǃaroma dī.—1Kor. 8:1.