¿TONI KIJTOUA BIBLIA?

¿Toni techpanoua keman timomikiliaj?

SEKIN KINELTOKAJ ke tiyouj tinemitij okseko, sayoj ke oksekin kinemiliaj ke ijkuak timomikiliaj nochi ompa tami. Uan tejuatsin, ¿toni tikonnemilia?

TEIN KIJTOUA BIBLIA

“Akin momikilijkejya [...] amo kimatijok nion teyi” (Eclesiastés 9:5). Nejon kijtosneki ke ijkuak timomikiliaj, amo tinemijok.

¿TONI OKACHI KIJTOUA BIBLIA?

• Kijtoua ke yekinika takat, Adán, oksepa mokepak talnex keman momikilij (Génesis 2:7; 3:19). No ijkon, nochin akin momikiliaj mochiuaj talnex (Eclesiastés 3:19, 20).

• Keman aksa momikilia, Dios kitapojpoluia itajtakoluan (Romanos 6:7). Yejua ika, satepan ke momikilia amo kitatsakuiltiaj.

¿Uelis oksepa nemiskej akin momikilijkejya?

¿TONI TIONTANANKILISKIA?

• Kemaj

• Amo

• Xa kemaj

TEIN KIJTOUA BIBLIA

“Totajtsin Dios kinpankixtis yoltokke nochi in ánimajme [oso mikemej]” (Hechos 24:15).

¿TONI OKACHI KIJTOUA BIBLIA?

• Biblia miakpa kijtoua ke ijkuak aksa momikilia kemej yeskia kochi (Juan 11:11-14). Dios ueli kinijxitia akin momikilijkejya ijkon kemej tejuan ueli tikijxitiaj aksa akin kochtok (Job 14:13-15).

• Itech Biblia tikajsij miak tajkuilolmej tein techpaleuiaj maj tikyekmatikan ke akin momikilijkejya oksepa nemiskej (1 Reyes 17:17-24; Lucas 7:11-17; Juan 11:39-44).