¿Tikonmatiya toni tikonselis komo moneki ijsiujka tionyas iuan tapajtijkej?
Tikmatij ke ijsiujka uelis tikokolispeuaskej uan monekis tiyaskej iuan tapajtijkej (Sant. 4:14). Yejua ika, akin kinextia tamatilis kichiua tein moneki achto ke moajsis itech nejon ouijkayot (Pro. 22:3). ¿Tikonmatiya toni taman pajti uan tapajtilis tikonselis uan tikonamatalijya? Mochijchiuak video Asistencia médica sin transfusiones. Necesidades y derechos del paciente tein mitsonpaleuis itech nejon. Nejin yejua ojpatika video tein kipia DVD tein motokaytia Alternativas a las transfusiones. Serie documental. Ijkon kemej tikonitstiyas, xikonnankili nejin netajtanilmej. Kemej itech nejin video tepitsin moita keniuj kitekij se akin mokokoua, tetatmej moneki kiixejekoskej ox kiitaskej imiuan konemej.
1) ¿Keyej seki tapajtianij itech tapajtiloyamej kiixejekojtokej ox kisentokaskej kitekitiltiskej esti itech tapajtilis? 2) Xikonijto eyi neskayomej tein kinextiaj ke ueli kintekij akin mokokouaj maski tel ouij uan amo moneki kikuiskej esti. 3) ¿Keyej noyampa taltikpak tel miakej tapajtianij uan akin tetekij motemakaj kinpajtiskej akin mokokouaj maski amo kitekitiltiskej esti? 4) ¿Toni yankuixtok kiajsikej keman kiitakej itech tataman tapajtiloyamej tein panoua ijkuak motekitiltia esti itech tapajtilis? 5) ¿Toni tein amo kuali uelis kipanos akin kipanoltiliaj esti? 6) ¿Toni tein kuali kiitanij tapajtianij ke mochiua keman motekitiltia pajti uan tapajtilis kemej iixpatka esti? 7) ¿Toni kichiua maj aksa esyojtami uan toni ika uelis kichikaualtiskej iesyo? 8) ¿Keniuj uelis kichiuaskej maj momiakili eritrocitos oso glóbulos rojos itech inakayo akin mokokoua? 9) ¿Toni tapaleuia maj amo semi tami esti keman kitekij se akin mokokoua? 10) ¿Uelis kitekitiltiskej se taman pajti oso tapajtilis tein mokui kemej iixpatka esti iuan se konet oso iuan se akin motelkokoua? 11) ¿Toni tanemilil tein motelneki tapaleuia maj kinpajtikan kemej moneki akin mokokouaj?
Seki taman tapajtilis tein moita itech nejin video tisejsemej moneki tikixejekoskej ox tikseliaj, sayoj ke amo xikonchia maj mochiua se ijsiujkayot uan ijkuak tikonnemilis toni tikonselis uan toni amo. Amaix “Inetasojtalis Dios” itech capítulo 7 uan okseki tamachtilis tein ompa kijtoua maj se kiita, ijkon kemej amatamajsikayot tein kiualkui Nuestro Ministerio del Reino noviembre 2006 mitsonpaleuis xikonmati toni tikonselis. Uan, komo tionmoauijya, xikonijkuilo tein tikonixpejpenak itech amatsin DPA uan nochipa xikonuikatinemi.
[Tanemilil itech página 3]
¿Tikonmatiya toni taman pajti uan tapajtilis tikonselis uan tikonamatalijya?