Itech tonal 1 metsti marzo peuas se ueyi tekit
1. ¿Kemanian peuas tikmoyauaskej tayoleualismej uan keyej okachi uejkauas nejin xiuit?
1 Itech tonal viernes 1 metsti marzo tikpeualtiskej tekit tein ika tikinyoleuaj oksekin maj touan monechikokan keman tikelnamikiskej imikilis Jesús. Nejin nechikol yeski itech tonal 26 metsti marzo, tein kijtosneki ke tayoleualismej tikmoyauaskej okachi miak tonalmej ke seki xiujmej achto. Nejin tapaleuis porin okachi miakej taltikpakneminij uelis kiseliskej se tayoleualis, uan okachiok komo itech nechikol onkak miak xolalmej kampa motanojnotsa.
2. ¿Keniuj tikseliskej tayoleualismej itech nechikol uan keniuj titekitiskej itech nochi xolalmej?
2 Keniuj mochiuas tekit. Tayekananij kijtoskej keniuj mochiuas tekit itech nochi xolalmej kampa titanojnotsaj, uan no keman tikauaskej tayoleualismej komo amo akin tikajsij itech se kali. Keman titamitekitiskej kajkalpan itech nochi xolalmej uan mokauaskejok tayoleualismej, uelis tikmoyauaskej kampa tikinajsiskej miakej taltikpakneminij. Akin kiixyekana tanojnotsalis itech nechikol kiitas maj kitalikan tayoleualismej kampa motemakaj amaixmej uan ompa uelis kikuiskej tokniuan; sayoj ke moneki kitaliskej ijkon kemej monektiyas uan ompa moneki ijkuiliujtos kani uan toni hora yeski nechikol. Moneki tikuiskej sayoj tein tiktekitiltiskej itech se semana.
3. ¿Toni moneki tikelnamikiskej keman tikmoyauaskej tayoleualismej?
3 Toni tikijtoskej. Moneki amo tiuejkauaskej, ijkon tikinkauiliskej tayoleualismej okachi taltikpakneminij. Itech página 4 moajsi se tanemilil tein uelis tikijtoskej ijkon kemej kinamikis kampa titanojnotsaskej. Maski ijkon, uelis okachi titajtoskej komo taltikpaknenkej kuali techkaki oso kichiua netajtanilmej. Keman tikmoyauaskej tayoleualismej itech sábado uan domingo, no tiktemakaskej revistas keman tikitaskej ke uelis. Itech tonal 2 metsti marzo sayoj tikmoyauaskej tayoleualismej uan amo tikpeualtiskej nemachtilmej ika Biblia.
4. ¿Keyej moneki titapaleuiskej ika miak yolpakilis itech nejin ueyi tekit?
4 Tiknekij maj tel miakej touan monechikokan nejon tonal. Itech tanojnots tein motemakas, momelauas toni yekmelauj kichiuak Jesús (1 Cor. 11:26). No moijtos keniuj techpaleuia imikilis (Rom. 6:23). Uan no monextis keyej motelneki maj tikelnamikikan (Juan 17:3). Yejua ika, maj titapaleuikan ika miak yolpakilis itech nejin ueyi tekit.