Itech metsti noviembre noyampa tikmoyauaskej tratado: Tanauatilmej ika iTekiuajyo Dios tapoual 38
1. ¿Toni motajtaniaj miakej taltikpakneminij, uan toni tekit mochiuas noviembre tein kinankilis ininnetajtaniluan?
1 Mikilis tinochin techajsi, maski tikpiaskej tein yeski taneltokalis (1 Cor. 15:26). Miakej taltikpakneminij motajtaniaj keniuj moajsij mikemej uan ox se tonal oksepa kinitaskej. Yejua ika, amo uejkaua, noyampa taltikpak titapaleuiskej maj momoyaua tratado Tanauatilmej ika iTekiuajyo Dios tapoual 38, tein motokaytia ¿Uelis oksepa nemiskej akin momikilijkejya? Nejin peuas itech tonal 1 metsti noviembre uan mochiuas nochi metsti. Satepan ke tamis nejon metsti, nejin tratado tiksentokaskej tiktekitiltiskej itech tanojnotsalis.
2. ¿Keniuj chijchiujtok tratado Tanauatilmej ika iTekiuajyo Dios tapoual 38?
2 Keniuj chijchiujtok. Tratado Tanauatilmej ika iTekiuajyo Dios tapoual 38 mochijchiuak kemej uelis se kikelpachos. Ipeujyan moajsi itokay tein semi teyolnotsa iuan netajtanil: “¿Tikonijtoskia ke kemaj, amo oso xa kemaj?”. Keman taltikpaknenkej kitapos, kiitas toni kijtoua Biblia uan keniuj kipaleuia kimatis nejon. No kiitas keyej uelis kineltokas tein Biblia kijtoua. Uan taikan kiajsis okse netajtanil tein kitanemililtis uan kiolinis maj kineki kimatis okachi.
3. ¿Keniuj momoyauas tratado Tanauatilmej ika iTekiuajyo Dios tapoual 38?
3 Keniuj tikmoyauaskej. Nejin mochiuas kemej ijkuak titayoleuaj maj touan monechikokan keman tikelnamikij imikilis Cristo uan itech ueyi nechikol tein uejkaua eyi tonal. Tayekananij kijtoskej keniuj tikmoyauaskej tratados itech nochi xolalmej kampa titanojnotsaj, ijkon kemej kijtoua carta tein kinmakakej tayekananij ika tapoual 1 metsti abril xiuit 2013. Itech nechikolmej kampa amo miak xolalmej kipiaj kampa tanojnotsaj uelis tapaleuiskej itech nechikolmej tein ompakauin moajsij uan tanojnotsaj itech miak xolalmej. Keman tanojnotsanij kiseliskej inintratados, moneki sayoj kikuiskej tein kitekitiltiskej itech se semana. Komo satepan ke tiktamimoyaujkej tratados itech nochi kalmej mokauajok seki, uelis tikmoyauaskej kampa moajsij miakej taltikpakneminij. Uan komo tamij achto ke tamis metsti, tiktemakaskej amaixmej tein ixyetok ika titanojnotsaskej nejon metsti. Itech yekinika sábado tein kipia metsti okachi tikmoyauaskej tratados uan amo tikpeualtiskej nemachtilmej ika Biblia. Uan itamian sejse semana, komo ueli, tiktemakaskej revistas. Maj tikixtalijtiyakan titapaleuiskej ijkuak momoyauas nejin tratado noyampa taltikpak.