Komo siuat chipaujkanemi uan kipoujkaita inamik, kipaleuis maj kiseli tamachtilis tein melauak

Keman siuat akin kichiua kemej Cristo kuali monejnemiltia, uelis kipaleuis inamik maj kiseli tamachtilis tein melauak. Sayoj ke, nejon xa uelis mochiuas satepan ke inamik kiixnamikik miak xiujmej (1Pe 2:21-23; 3:1, 2). Komo tejuatsin tiontajyouijtok, xikonsentoka xikonchiua tein kuali maski mitsonchiuiliskej tein amo kuali (Ro 12:21). Komo kuali tionmonejnemiltia, uelis tikonpaleuis monamik maj amo kiixnamikiok tamachtilis tein melauak.

Xikonnemili keniuj momachilia monamik (Flp 2:3, 4). Xikonajsikamati uan xikonikneli. No kuali xikonchiua tein moneki tikonchiuas. Kuali xikonkaki (Snt 1:19). Amo xionyolijsiui uan xikonnextili ke tikontasojta. Maski tikonitas ke amo tapaleuia tikontasojtas uan tikonpoujkaitas, uelis tikonyekmatis ke Jiova yolpaki porin tikontakamati (1Pe 2:19, 20).

SATEPAN KE MOITAS VIDEO JIOVA TECHMAKA CHIKAUALIS TEIN TECHPALEUIA MAJ TITAXIKOKAN, XIKONCHIUA NEJIN NETAJTANILMEJ:

• ¿Toni kipanouaya Grace Li satepan ke monamiktij?

• ¿Keyej peuak momachtia Biblia?

• ¿Toni kipaleuij tokniuj Li maj kixiko taixnamikilis satepan ke moauij?

• ¿Toni tokniuj Li kitajtanij Jiova maj kipaleui inamik maj kiajsikamati?

• ¿Toni tatiochiualismej kiseliani tokniuj Li porin chipaujkanemi uan kipoujkaita inamik?