¿Uelis aksa amo yeskiok itaixpantijkauj Jiova?
Kemaj. Uelis aksa amo yeskiok itaixpantijkauj Jiova ika ome taman:
Maj ijkon tajtani. Aksa uelis kijtos oso kijkuilos ke kiixtalij amo yeskiok itaixpantijkauj Jiova.
Kemej monejnemiltia. Aksa uelis kichiuas teisa tein ika kinextis ke amo kineki pouisok iniuan itaixpantijkauan Jiova (1 Pedro 5:9). Kemej neskayot, uelis kipatas itaneltokalis uan kinextis ke ompa kineki pouis (1 Juan 2:19).
¿Uan komo aksa amo tanojnotsaok uan amo youiok nechikolmej? ¿Kiitaj kemej yeskia amook itaixpantijkauj Jiova?
Amo. Taman keman aksa amo kinekiok yeski itaixpantijkauj Jiova uan keman aksa itakuaujtamatilis amo chikauak. Miakpa, akin amo kitekitiliajok Jiova kemej achto amo porin amo kinekiok pouis itech itaneltokalis, ta porin amo chikauak itakuaujtamatilis. Yejua ika, tiktemouaj tikpaleuiskej uan tikyolchikauaskej, amo tikinixtopeuaj (1 Tesalonicenses 5:14; Judas 22). Uan komo kineki nepaleuil, tayekananij akin yekinika kipaleuiaj (Gálatas 6:1; 1 Pedro 5:1-3).
Sayoj ke, tayekananij itech nechikol amo kichikaujkauiaj nion akin maj kisentoka kemej itaixpantijkauj Jiova. Sejse kiixtalia itech katiyejua itaneltokalis pouis (Josué 24:15). Tikneltokaj ke akin kiueyichiuaj Dios moneki kichiuaskej porin ijkon kinekij, ika nochi ininyolo (Salmo 110:3; Mateo 22:37).