Watchtower BIBLIOTECA ITECH TEPOS
Watchtower
BIBLIOTECA ITECH TEPOS
náhuatl del norte de Puebla
  • BIBLIA
  • AMAIXMEJ
  • NECHIKOLMEJ
  • km 7/12 págs. 2-3
  • Maj tikinpaleuikan taltikpakneminij maj kikakikan Dios

Amo moajsi nion se video ika tein tikonixpejpenak

Xitechontapojpolui, se taman kitsakuilij maj amo moita video.

  • Maj tikinpaleuikan taltikpakneminij maj kikakikan Dios
  • ITekiyo Dios tein Tikchiuaj 2012
  • Tamachtilis tein iuan mouika
  • Keniuj uelis tikuiskej amaix Maj tikakikan Dios
    Tein timomachtiaj itech nechikol Tonemilis uan toTanojnotsalis (2017)
  • Keniuj tiktekitiltiskej amaix Kuali tanauatilmej tein Dios kitemaka
    ITekiyo Dios tein Tikchiuaj 2013
  • Maj tikinnojnotsakan nochin tataman taltikpakneminij
    ITekiyo Dios tein Tikchiuaj 2012
  • ¿Tikontekitiltijtok nejin folletos?
    ITekiyo Dios tein Tikchiuaj 2012
Xikonita okachi
ITekiyo Dios tein Tikchiuaj 2012
km 7/12 págs. 2-3

Maj tikinpaleuikan taltikpakneminij maj kikakikan Dios

1. ¿Toni amaixmej motemakakej itech Ueyi Nechikol “Maj uiki iTekiuajyo Dios”, uan keyej tel tapaleuiaj?

1 Itech Ueyi Nechikol tein uejkaua eyi tonal “Maj uiki iTekiuajyo Dios”, tikselijkej ome yankuik amaixmej: Maj tikakikan Dios uan tinemiskej nochipaya uan se tein okachi amo ouij, Maj tikakikan Dios. Kemej amo kipiaj miak tajkuilol amo ouij mokepa itech okseki tataman tajtolmej. Ijkuak motemakak itech ueyi nechikol amaix Maj tikakikan Dios uan tinemiskej nochipaya moixtalij maj mokepa itech 431 tajtolmej.

2. ¿Akonimej kinpaleuis nejin amaixmej?

2 ¿Akonimej uelis kinpaleuis nejin amaixmej? Maj tikitakan seki taman tein mochiujtok semanauak taltikpak:

• Se tanojnotskej akin tajtoua iuan se taltikpaknenkej, itech yekinika takalpanolis oso itech ojpatika, kiita ke amo taixmati oso amo yektaixmati.

• Se tanojnotskej kinnojnotsa akin tajtouaj se tajtol kampa amo miak amaixmej onkak oso nion se itech nejon tajtol. Oso no uelis panos ke tel miakej amo uelij taixtajtoltiaj itech inintajtol.

• Se tanojnotskej kinnojnotsa ika señas akin amo uelij takakij.

• Semej tetatmej kineki kimachtis ikonetsin akin ayamo taixmati maj kiixmati Dios.

3. ¿Keniuj chijchiujtok amaix Maj tikakikan Dios?

3 Keniuj chijchiujtokej. Amaix Maj tikakikan Dios amo semi miak tajkuilol kipia. Tatsintan itech sejse página kipia se tanemilil tein amo ouij moajsikamatis uan kani moajsi itech Biblia tein kinextia tamachtilis tein tayekantok. ¿Keyej? Maj timonemilikan ke techmakaj se amaix tein ijkuiliujtok itech okse tajtol, xa ika seki tajkuilolmej tein amo keman tikitstoyaj. ¿Mitsonpaleuiskia maski kipiaskia kualtsitsin taixkopimej? Xa amo. No ijkon, akin amo taixmatij amo semi kinpaleuia amaixmej tein kipiaj miak tajkuilolmej. Yejua ika, sejse página mochijchiuak ika nejmachkayot maj kipia taixkopimej, uan seki taman tein kinextiaj keniuj tipanoskej itech se taixkopin iuan okse.

4. ¿Keniuj chijchiujtok amaix Maj tikakikan Dios uan tinemiskej nochipaya?

4 Amaix Maj tikakikan Dios uan tinemiskej nochipaya no kipia taixkopimej tein kipia amaix Maj tikakikan Dios. Mochijchiuak kemej tapaleuis keman timomachtiskej iuan akin amo yektaixmati oso yekin momachtijtok taixtajtoltis. Komo tikmachtijtokej aksa ika amaix Maj tikakikan Dios, uelis tikuiskej Maj tikakikan Dios uan tinemiskej nochipaya sayoj kemej se nepaleuil. Sejse tamachtilis kikui ome página. Itech ipeujyan sejse tamachtilis moajsi se netajtanil tein monankilia itech nejon ome página. Itech taixkopimej ijkuiliujtokej tanemililmej uan tajkuilolmej tein moajsij itech Biblia. Tanakastan, itech miak página tatsintan kipia okseki tanemililmej uan tajkuilolmej tein moajsij itech Biblia tein uelis tikitaskej iuan akin tikmachtiaj, ijkon kemej moitas ke ueli.

5. ¿Kemanian uan keniuj uelis tiktemakaskej nejin amaixmej?

5 Keniuj tiktekitiltiskej. Nochipa keman monekis, uelis titemakaskej semej amaixmej keman titanojnotsaskej kajkalpan, maski amo ixyetok motemakas itech nejon metsti (xikonita kampa kijtoua “Keniuj uelis tiktemakaskej”). Keman oksepa tikalpanoskej aksa sayoj uelis tikiluiskej ke tikuikiliaj se taman tein tiknekij tiknextiliskej uan maj tikmakakan amaix.

6. ¿Keniuj titemakaskej nemachtilmej ika nejin amaixmej?

6 Kemej amaix Maj tikakikan Dios amo kipia netajtanilmej, nemachtil amo moneki yeski ika netajtanilmej uan tanankililmej ijkon kemej keman timomachtiaj ika amaix Tamachtia Biblia. Itech nochi tataman xolalmej, taltikpakneminij kiuelitaj maj kintapouikan teisa. Yejua ika, ika taixkopimej xikontapoui seki tanojnotsmej tein moajsij itech Biblia. Xikonmelaua sejse taixkopin. Xiontajto ika yolpakilis uan xikontajtani momachtijkej maj kijto keniuj kiita tamachtilis uan toni kinemilia. Xikonixtajtolti itech Biblia tajkuilolmej tein moajsij itamiampa página, uan xiksenitakan tein techmachtia. Xikonchiuili netajtanilmej, ta ijkon amo sayoj tejuatsin tiontajtos, uan xikonita maj kiajsikamati tein momachtijtok. Komo taltikpaknenkej kikui amaix Maj tikakikan Dios uan tinemiskej nochipaya, xiksenixtajtoltikan tein kijtoua itech sejse taixkopin iuan tajkuilolmej tein mokixtia itech Biblia.

7. ¿Keniuj uelis tikpaleuiskej maj moskalti itakuaujtamatilis akin tikmachtiaj?

7 Maj tikinpaleuikan momachtianij maj moskalti inintakuaujtamatilis. Nemachtil tein kiselis taltikpaknenkej kipaleuis maj kineki momachtis taixtajtoltis uan ijkon okachi kiixmatis Jiova (Mat. 5:3; Juan 17:3). Yejua ika, komo tikonmachtia aksa ika amaix Maj tikakikan Dios, satepan xa uelis tikonmachtis maj no ueli taixtajtolti, uan uelis tikonsentokas nemachtil ika amaix Maj tikakikan Dios uan tinemiskej nochipaya. Yeski tein yeski amaix tikonkuis, momachtijkej ayamo uelis moauis keman kitamis nemachtil ika nejon amaix. Moneki kiselis nemachtil ika amaix Tamachtia Biblia oso okse amaix tein kipaleuis maj okachi kiajsikamati tein kijtoua iTajtol Dios.

8. ¿Keyej moneki timotasojkamatiskej ika nejin yankuik nepaleuilmej tein tikuiskej itech tanojnotsalis?

8 Komo taltikpakneminij kinekij nemiskej nochipaya, moneki kikakiskej Ueyi Taixyekankej itech nochi semanauak (Isa. 55:3). Jiova kineki maj “nochi in taltikpakuani”, akin no ompa pouij akin amo taixmatij, kimatikan keniuj kitajtolkakiskej (1 Tim. 2:3, 4). ¡Semi timotasojkamatij porin tikpiaj nejin ome nepaleuil tein uelis tikuiskej keman tikinmachtiskej taltikpakneminij maj kikakikan Dios!

[Recuadro itech página 3]

Keniuj uelis tiktemakaskej

Xikonnextili taltikpaknenkej página 2 uan 3, uan xikontajtani: “¿Tikonuelitaskia tionnemis itech se taltikpak kemej nejin? [Xikonkaua maj tanankili.] Nejin Tajkuilol kijtoua ke amo uejkaua Dios kichiuas maj nejin taltikpak mokepa takualtsinkan uan maj onka yolseuilis, kampa amo akin kokolispeuas nion kipanos tatasojtilis. Xikonita tein moneki tikchiuaskej uan ijkon tinemiskej ompa. [Xikonixtajtolti Isaías 55:3, tein ijkuiliujtok itech ikuapan página 3.] Nejin techiluia maj timotokikan iuan uan maj tikakikan. Sayoj ke ¿keniuj tikakij Dios?”. Xikonita página 4 uan 5 uan xiksenitakan tanankilil. Komo amo kemanti, xikonkauili amaix uan xionmotenkaua iuan kemanian nankiitaskej tanankilil.

    Amaixmej itech Náhuatl (norte de Puebla) (2003-2025)
    Kampa se kisa
    Kampa se kalaki
    • náhuatl del norte de Puebla
    • Maj se kipanoltili okse
    • Kampa se kipata kemej se kineki
    • Copyright © 2025 Watch Tower Bible and Tract Society of Pennsylvania
    • Kemej kinamiki motekitiltis
    • Keniuj tikyekpiaj tein tikseliaj
    • Kampa mopata seki taman
    • JW.ORG
    • Kampa se kalaki
    Maj se kipanoltili okse