Keniuj uelis tikuiskej amaix Maj tikakikan Dios

Amaix Maj tikakikan Dios kipia taixkopimej tein kinextiaj tamachtilismej tein kipia Biblia tein tayekantokej. Nejin techpaleuis maj tikinmachtikan akin kinouijmaka taixtajtoltiskej. Sejse tamachtilis moajsi itech ome página uan kipia taixkopimej tein kuali moixpejpenkej, kipia se taman tein kinextia katiyejua taixkopin kisentoka.

Amaix Maj tikakikan Dios uan tinemiskej nochipaya no kipia taixkopimej tein kipia amaix Maj tikakikan Dios, sayoj ke ika okachi tajkuilol. Akin okachi uelij taixtajtoltiaj uelis tikinmachtiskej ika nejin amaix. Yejua nejin amaix tein okachi kikuij tanojnotsanij keman kitemakaj nemachtilmej ika Biblia maski momachtijkej kikui amaix Maj tikakikan Dios. Seki páginas kipiaj se recuadro tein uelis moitas iuan momachtijkej komo tikitaj ke kinamiki.

Nochipa uelis tikontemakas semej nejon ome amaixmej, maski amo motemakatos itech nejon metsti. Keman tikontemakatos nemachtilmej ika Biblia, xikonkui taixkopimej uan ika xikonmelaua tein kijtoua Biblia. Xikonchiua netajtanilmej tein kipaleuis momachtijkej maj tanankili uan tein mitsonpaleuis xikonmati ox kiajsikamati tamachtilis. Xikonixtajtolti uan xikonmelaua textos tein moajsij itamian sejse página. Keman nankitamiskej amaix, ximomachtikan amaix ¿Toni yekmelauj tamachtia Biblia? tein ika tikonpaleuis momachtijkej maj kichikaua itakuaujtamatilis uan maj moaui.