Komo kuali tionmomachtia mitsonpaleuis xiontachixto

Xikonixtajtolti Daniel 9:1-19 para tikonitas keyej semi moneki kuali tionmomachtis.

Xikontemo toni panok. ¿Toni panok achto uan keniuj mopatak tein Daniel kichiuaya? (Dan. 5:29–6:5). ¿Keniuj tionmomachiliskia komo no ijkon mitsonpanoskia?

Okseki taman tein mitsonpaleuis. ¿Toni “amatajkuilolmej” kiixtajtoltij Daniel? (Dan. 9:2, nota; w11-S 1/1 22 § 1). ¿Keyej Daniel kijtoj itajtakoluan uan no itajtakoluan xolal Israel? (Lev. 26:39-42; 1 Rey. 8:46-50; dp-S 182-184). ¿Keniuj keman Daniel motataujtij kinextij ke kuali momachtiaya iTajtol Dios? (Dan. 9:11-13).

Xikonnemili toni mitsomachtia. Xionmotajtani:

• “¿Toni uelis nikchiuas para maj amo semi nechtekipacho tein panoua nikan taltikpak?” (Miq. 7:7).

• “¿Keniuj nechpaleuis komo kuali nimomachtia iTajtol Dios ijkon kemej kichiuak Daniel?” (w04-S 1/8 12 § 17).

• “Komo nikneki nochipa nitachixtos, ¿toni tamachtilismej moneki nimomachtis?” (Mat. 24:42, 44; w12 1/8 13 § 7, 8).