Keyej kisentokaj moteuiaj uan takuejmolchiuaj

TAJTAKOL

Dios kinchijchiuak Adán uan Eva kemej yejua tamati. Yejuan ueliskia kichiuaskej kemej Dios porin tetasojtaskiaj uan amo tateuiskiaj (Génesis 1:27; 1 Corintios 14:33; 1 Juan 4:8). Sayoj ke yejuan amo kitakamatkej Dios uan tajtakolchiujkej, uan kemej tinochin tiikoneuan, techpanoltilijkej tajtakol uan yejua ika timomikiliaj (Romanos 5:12). Kemej titajtakouanij, uelis tiknemiliskej tein amo kuali uan nejon uelis kichiuas maj tikchiuakan tein amo moneki, kemej titateuiskej (Génesis 6:5; Marcos 7:​21, 22).

AKIN TAIXYEKANAJ NIKAN TALTIKPAK

Dios amo techchijchiuak kemej tejuan toselti uelis timoixyekanaskej. Biblia kijtoua ke “takat amo kinamiki iselti moixyekanas” (Jeremías 10:23). Yejua ika, akin taixyekanaj nikan taltikpak, amo ueli kichiuaj maj itech nochi taltikpak amo moteuikanok nion maj takuejmolchiuakanok.

SATANÁS UAN AMOKUALI EJEKAMEJ

Biblia kijtoua ke “nochi in taltikpak moajsi imako in Amokuali” (1 Juan 5:19). In Amokuali yejua Satanás uan yejua se temiktijkej (Juan 8:44). Yejua uan amokuali ejekamej kichiuaj maj akin nemij nikan taltikpak moteuikan uan maj takuejmolchiuakan (Apocalipsis 12:​9, 12).