Xikonmachti maj nochipa kitekitilikan Jiova ika nochi ininyolo

Moitani ke ijkuak se yankuik tanojnotskej kimachtiaj maj nochipa tanojnotsa ika yolpakilis, kipaleuia maj mochiua se kuali tanojnotskej (Pr 22:6; Flp 3:16). Maj tikitakan seki tayolmajxitilismej tein ika uelis tikonpaleuis momachtijkej maj kuali peua itech tanojnotsalis:

• Keman momachtijkej kiixtaliskej kemej tanojnotskej niman xikonmachti keniuj tanojnotsas (km 8/15 pág. 1). Xikonpaleui maj kiita ke motelneki maj kiixtali tanojnotsas nochi semanas (Flp 1:10). Keman ika tiontajtos xolalmej kampa nantanojnotsaj xikonijto tanemililmej tein kipaleuis (Flp 4:8). Xikonyolchikaua maj iuan tanojnotsa tokniuj akin kiixyekana oloch tanojnotsanij uan iniuan okseki tokniuan ijkon uelis kiitas keniuj yejuan tanojnotsaj (Pr 1:5; km 10/12 pág. 6 § 3).

  

• Satepan ke moauis akin tikonmachtia, xikonsentoka xikonyolchikaua uan xikonmachti keniuj tanojnotsas, okachi komo momachtijtokok amaix “Inetasojtalis Dios” (km 12/13 pág. 7).

  

• Komo tiontanojnotsa iuan se yankuik tanojnotskej, xikonkui tajtolmej tein amo ouijkej tein ika tionpeuas tiontanojnotsas. Keman tamitajtos, xikonilui tein kuali kichiuak. Xikonilui tein kipaleuis maj okachi kuali tanojnotsa (km 5/10 pág. 7).