TAMACHTILIS 13

Xikonnexti keniuj tapaleuia tamachtilis

Proverbios 3:21

TEIN MONEKI TIKONCHIUAS: Xikonpaleui akin mitsonkakij maj kiitakan keniuj tamachtilis sejsemej kinpaleuia uan xikonnextili toni moneki kichiuaskej.

KENIUJ TIKONCHIUAS:

Inintech xiontanemili akin mitsonkakij. Xikonnemili keyej moneki kikakiskej tein tikonijtoti uan xikonita toni tanemililmej okachi kuali kinpaleuis.
Keman tikontemakatos tamachtilis, kuali xikonnexti tein moneki kichiuaskej. Keman tionpeuas, nochi takakinij monekiskia kinemiliskej: “¡Nejin nejua nechnamiki!”. Keman tikonmelauas sejse tanemilil tein tayekantok, xikonyeknexti keniuj uelis kitekitiltiskej itech ininnemilis.

Xikonnexti ika netasojtalis keniuj uelis kichiuaskej tein Biblia tayolmajxitia uan xikonnexti ke tionteajsikamati. Amo xionteyolxokoli, ta xiontepaleui maj okachi takuaujtamatikan iuan Dios uan maj okachi kitasojtakan. Xiontakuaujtamati ke tein tikonijtos kinolinis maj kichiuakan tein kuali.