¿Ken mitspaleuis iTekiuajkayo toTajtsin Dios?

Ken otimomachti, tiiTlaixpantijkauan Jehová tikpatioitaj iTekiuajkayo toTajtsin Dios. Uan uelis omitspakti seki tlamantli tlen kichiuas nin Tekiuajkayotl, pero uelis noijki tikneltoka amo keman mochiuas nochi nin tlamantli.

Sapanoa miak ipati ma timomaluikan uan amo ma tikneltokakan nochi tlen moijtoa (Proverbios 14:15). Uan non tlen okichijkej tokniuan tlen ochantiayaj Berea.a Ijkuak okintlapouijkej itech Tekiuajkayotl amo san ijkon okineltokakej nochi tlen okintlapouijkej. Okachi kuali yejuan omomachtijkej Biblia “para kitaskeh kox milák tlan [...] okimiliayah” (Hechos 17:11). Yejuan okitakej kox tlen okintlapouijkej melauak ken moijtoa itech Biblia uan yejuan okajsikamatkej tlen melauak.

TiiTlaixpantijkauan Jehová tiknekij xikchiua ken okichijkej tokniuan itech achto siglo. Tla timomachtis Biblia uelis tikitas kox melauak tlen titetlapouiaj itech Tekiuajkayotl uan kox kisa itech Biblia, noijki amo tiktlaxtlauas tla mitsmachtitiui mokalijtik.

Amo san timomachtis itech Tekiuajkayotl, noijki uelis tikinmajsis intlanankilis ninmej tlajtlanilmej.

• ¿Kanin tiuitsej?

• ¿Tleka tiyoltokej?

• ¿Tleka toTajtsin Dios kikajtok ma titlajyouikan?

• ¿Tlen techpanoa ijkuak timikij?

• ¿Kipojpoloskej Tlaltikpak?

• ¿Ken uelis yolpakiskej kalchanejkej?

Uan noijki tla timomachtis Biblia okachi timotokis itech toTajtsin Dios, non tlen okachi ipati (Santiago 4:8). Uan ijkuak okachi kuali timouikas iuan toTajtsin Dios, okachi kuali tikitas nochi tlen kichiuas iTekiuajkayo axkan uan satepan. Jesús okitlatlaujti iTajtsin: “Tla mitsixmatiskeh sanwel Tejwatsi n de milajka Dios, iwa Cristo Jesús, Akin Tejwatsi otikwaltítlanki, kipiaskeh n yolílistli tlan ayik tlamis” (Juan 17:3).