¿KEN UELIS AYAKMO TITEKOKOLISKEJ?

1 | Amikaj xikchikoita

Biblia kijtoua:

“Dios amo kintlasojtla san sikimeh, iwa oksikimeh amó, yej itech nochi nin tlaltíkpaktli, Dios kinselia akimeh kitlakitah iwa kichiwah tlan kuali” (HECHOS 10:34, 35).

¿Tlen kijtosneki?

Maski tlatlamantli toaltepe, tiixchipajkej noso amo, Jehováa amo techikoita. Ye okachi kipatioita tlen timokuayejyekouaj uan ken timomachiliaj. Biblia kijtoua: “Tlaltikpaktlakatl kita san tlen kitaj ixtololouan pero Jehová kita tlen onka itech inyolo” (1 Samuel 16:7).

Nin uelis tikchiuas:

Maski amo tikmatij tlen mokuayejyekouaj oksekimej, uelis tikchiuaskej ken Jehová, amo ma titechikoitakan. Ximochijchikaua para amo tikijtos nochtin kichiuaj tlen amo kuali, moneki tikitas tlen sejse kichiua. Tla tikita tikinchikoita oksekimej xamo porque oksekan inmialtepe noso ixchipajkej noso amo, xikilui Jehová ma mitspaleui para ayakmo ijkon tikmachilis (Salmo 139:23, 24). Ye mitspaleuis para ayakmo xitechikoita (1 Pedro 3:12).

a ToTajtsin Dios itoka Jehová (Salmo 83:18).

“Amo onimouikaya iuan se akin ixchipauak [...]. Opejki nipoui iuan miakej tlen tlatlamantli inmialtepe uan motlasojtlaj” (TITUS).

Ma tikitakan tlen okipanok: TITUS

Ayakmo tekokolia

Titus omouikaya iuan sekimej tlen otlateuiayaj, sapanoua okualaniayaj porque okatkaj seki tlanauatilmej kanin okijtouaya uelis kintlayouiltiskiaj akinmej oksekan inmialtepe. Ye okijto: “Otiayaj itech hoteles uan kanin otlakoniayaj porque ompa amo okinkauiliayaj ma kalakikan akinmej amo ixchipajkej uan ompa otimoteuiayaj”. Titus kijtoua otekokoliaya porque okikokoliayaj. Noijki okijto: “Ijkuak onimokualaniaya iuan se tlakatl noso se siuatl, san niman onikteuiaya”.

Ijkuak iTlaixpantijkauan Jehová opejkej kimachtiaj Titus tlen kijtoua Biblia, okipaleui ma kipatla inemilis. Tlen okitlajtolti itech Biblia okipaleui. Okiyolini ijkuak omomachti tlen panos satepan: “Ayakmó yetos mikílistli, nion chokílistli, nion neyolkókoli, nion tekipanólistli” (Apocalipsis 21:3, 4).

Okitaya oui ayakmo ikaj kikokolis. Ye okijto: “Onikitak oui nimokuayejyekos uan nikchiuas ken moneki”. Pero okipaleui tlen kijtoua Hechos 10:34 uan 35, ompa kijtoua toTajtsin Dios amikaj kichikoita.

¿Tlen okipanok satepan? Titus okijto: “Ijkuak onikitak ken iTlaixpantijkauan Jehová motlasojtlaj maski tlatlamantli inmialtepe, ixchipajkej uan akinmej amo ixchipajkej, onikneltokak yejuan okiueyichiuayaj toTajtsin Dios ken ye kineki. Ijkuak ayamo onimoapolaktiaya se iTlaixpantijka Jehová ixchipauak onechyole ma nitlakuati ikalijtik. Sapanoua oniyolpakik porque amo onimouikaya iuan se akin ixchipauak nion iuan onitlakuaya. Opejki nipoui iuan miakej tlen tlatlamantli inmialtepe uan motlasojtlaj”.