Jehová kineki iuan ximouika

Jehová kineki xikyekixmati. ¿Tleka? Porque tla tikmatis ken iyelis, ken kichiua seki tlamantli uan tlen mokuayejyekojtok kichiuas satepan, okachi tiknekis iuan timouikas. Pero ¿melauak uelis timouikaskej iuan toTajtsin Dios? (Xiktlajtolti Salmo 25:14). ¿Tlen moneki tikchiuas para iuan timouikas? Biblia kijtoua tlen tiknekij tikmatiskej uan noijki techiluia tleka miak ipati timouikaskej iuan Jehová.

1. ¿Tlen kineki Jehová xikchiua?

“Ximotokikan inauak toTajtsin Dios uan ye namonauak motokis” (Santiago 4:8). ¿Tlen kijtosneki tlen nikan kijtoua? Jehová kineki iuan ximouika. Sekimej mokuayejyekouaj amo uelis mouikaskej iuan toTajtsin Dios porque amo kitaj. Pero ye otechmakak iTlajtol para matikyekixmatikan uan ijkon iuan matimouikakan. Maski amo tikitaj toTajtsin Dios, uelis okachi iuan timouikaskej tla tiktlajtoltiaj iTlajtol.

2. ¿Tleka miak ipati matimouikakan iuan Jehová?

Jehová sapanoua mitstlasojtla. Ye kineki xiyolpaki uan xikilui mamitspaleui ijkuak itlaj mitstekipachoua. Uelis ‘tiktlalis imak toTajtsin Dios nochi tlen mitstekipachoua’ porque kitekipachoua tlen mitspanotok (1 Pedro 5:7). Jehová nochipa kinkaki, kinpaleuia uan kinyolseuia akinmej iuan mouikaj (xiktlajtolti Salmo 94:18, 19).

3. ¿Tlen kineki Jehová makichiuakan akinmej iuan mouikaj?

Jehová nochtin kintlasojtla “pero ye kuali mouika iuan akinmej yolmelauakej” (Proverbios 3:32). Jehová kineki akinmej iuan mouikaj mamochijchikauakan makichiuakan tlen kipaktia uan amo makichiuakan tlen amo kuali. Xamo sekimej mokuayejyekouaj amo uelis kichiuaskej nochi tlen kipaktia. Pero ye techajsikamati, ikinon tla tejuan timochijchikauaj tikchiuaskej tlen kipaktia uan melauak tiktlasojtlaj, ye techselis (Salmo 147:11; Hechos 10:34, 35).

MATIMOMACHTIKAN

4. Abrahán kuali omouikaya iuan Jehová

Tlen okipanok Abrahán (noijki okiluiayaj Abrán), techpaleuia matikajsikamatikan ken uelis timouikaskej iuan toTajtsin Dios. Xikitakan tlen okipanok Abrahán itech Génesis 12:1-4 uan satepan xikitakan tlen namechmachtia.

• ¿Tlen okinauati Jehová makichiua Abrahán?

• ¿Tlen okilui Jehová kichiuaskia?

• ¿Tlen okichi Abrahán ijkuak Jehová okilui tlen omonekiaya kichiuas?

5. ¿Tlen kineki Jehová makichiuakan akinmej iuan mouikaj?

Tinochtin tiknekij itlaj makichiuakan akinmej inmiuan timouikaj.

• ¿Tlen tikneki makichiuakan akinmej inuan timouika?

Xiktlajtoltikan 1 Juan 5:3 uan satepan xikitakan tlen namechmachtia.

• ¿Tlen kineki Jehová makichiuakan akinmej iuan mouikaj?

Tla tiknekij timouikaskej iuan Jehová, xamo moneki tikchiuaskej seki tlamantli. Xiktlajtoltikan Isaías 48:17, 18 uan satepan xikitakan tlen namechmachtia.

• ¿Tleka Jehová kineki ayakmo ma tikchiuakan seki tlamantli?

6. ¿Ken kinpaleuia Jehová akinmej iuan mouikaj?

VIDEO: Jehová onechpaleui (3:20)

• ¿Ken okipaleui Jehová se siuatl para ayakmo okachi mamoyolkoko?

Xiktlajtoltikan Isaías 41:10, 13 uan satepan xikitakan tlen namechmachtia.

• ¿Ken kinpaleuis Jehová nochtin akinmej iuan mouikaj?

• ¿Tikneltoka Jehová melauak techpaleuis? ¿Tleka ijkon tikijtoua?

7. Tla tiknekij timouikaskej iuan Jehová, moneki iuan timotlapouiskej

Ijkuak nochipa timotlapouiaj inuan oksekimej okachi kuali inuan timouikaj. Xiktlajtoltikan Salmo 86:6, 11 uan satepan xikitakan tlen namechmachtia.

• ¿Ken uelis timotlapouiskej iuan Jehová?

• ¿Ken techtlapouia Jehová?

XIKILNAMIKTO

Jehová kineki iuan ximouika uan mitspaleuis para ijkon xikchiua.

Matikojpauikan

• ¿Ken kinpaleuia Jehová akinmej iuan mouikaj?

• ¿Tleka Jehová kinmiluia ayakmo makichiuakan seki tlamantli?

• ¿Tikneltoka Jehová kineki matikchiuakan itlaj tlen sapanoua oui? ¿Tleka ijkon tikijtoua?

NIN NOIJKI MITSPAKTIS

¿Ken mitspaleuis tla timouikas iuan toTajtsin Dios?

“Moneki ma tikixmatikan Jehová” (Akin Tetlapouijtok, 15 de febrero 2003)

Ximochijchikaua ximouika iuan toTajtsin Dios.

“¿Ken uelis timouikaskej iuan toTajtsin Dios?” (Telpochmej uan ichpochmej tlajtlanij. Nin kinpaleuis [volumen 2], capítulo 35)

Xikita tleka se siuatl okijto omomakixti ijkuak opejki mouika iuan Jehová.

“Oniknekiaya niyoltos” (Akin Tetlapouijtok, núm. 1, 2017)

Xikita tlen kijtouaj sekimej telpochmej uan ichpochmej.

¿Tlen kijtosneki timouikaskej iuan toTajtsin Dios? (1:46)