UDUTHERONOMI
1 La ngamazwi uMosi awatshela bonke abantu bako-Israyeli esabelweni seJodani enkangala, emagcekeni aphambi kweSufi phakathi kwePharani, leThofeli, leLabhani, leHazerothi kanye leDizahabi. 2 Kuthatha insuku ezingu-11 ukusuka eHorebhi usiya eKhadeshi-bhaneya+ nxa uhamba ngendlela eya entabeni iSeyiri. 3 Mhlaka 1 ngenyanga yesi-11 ngomnyaka wesi-40,+ uMosi wakhuluma labantu bako-Israyeli* ebatshela konke uJehova ayethe abatshele khona. 4 Ngalesosikhathi uMosi wayesenqobe uSihoni+ inkosi yama-Amori eyayihlala eHeshibhoni kanye lo-Ogi+ inkosi yaseBhashani eyayihlala e-Ashitharothi e-Edreyi.+ 5 UMosi waqalisa ukuchasisela abantu uMthetho+ esabelweni seJodani elizweni lakoMowabi wathi:
6 “UJehova uNkulunkulu wethu wakhuluma lathi eHorebhi wathi, ‘Selihlale kakhulu endaweni le esezintabeni.+ 7 Sukani liqonde emangweni wama-Amori+ osezintabeni laseduze kwazo zonke indawo akhelane lazo e-Arabha,+ lasezintabeni, laseShefela, laseNegebhi, lasendaweni eziseduze kolwandle,+ laselizweni lamaKhenani kanye laseLebhanoni*+ lize liyefika emfuleni omkhulu, umfula uYufrathe.+ 8 Khangelani, sengibeke ilizwe phambi kwenu. Ngenani lilithathe ilizwe uJehova afunga ngalo kuboyihlo, u-Abrahama lo-Isaka+ loJakhobe+ ukuthi uzabanika lona libe ngelabo kanye lezizukulwane zabo ezizalandela ngemva kwabo.’+
9 “Ngalesosikhathi ngalitshela ngathi, ‘Angenelisi ukulithwala ngingedwa.+ 10 UJehova uNkulunkulu wenu uselenze landa kakhulu, khathesi selibanengi njengezinkanyezi ezisemazulwini.+ 11 Kwangathi uJehova uNkulunkulu wabokhokho benu angalenza libe banengi+ okuphindwe ka-1 000 ukwedlula lokhu eliyikho khona, kwangathi angalibusisa njengoba nje walithembisa.+ 12 Kambe ngingenelisa yini ukulithwala ngingedwa, ngithwale lenhlupho zenu kanye lengxabano zenu?+ 13 Khethani phakathi kwezizwana zenu amadoda ahlakaniphileyo alokuqedisisa futhi alolwazi, ngizawabeka ukuthi abe ngabakhokheli benu.’+ 14 Lina laselingiphendula lathi, ‘Lokho othi sikwenze kuhle sibili.’ 15 Ngakho ngathatha abakhokheli bezizwana zenu, amadoda ahlakaniphileyo futhi alolwazi ngawabeka ukuthi abe zinduna zabantu abayinkulungwane, lezinduna zabantu abalikhulu, lezinduna zabantu abangamatshumi amahlanu, lezinduna zabantu abalitshumi kanye labaphathi bezizwana zenu.+
16 “Ngalesosikhathi ngatshela abahluleli benu ngathi, ‘Nxa lithonisisa icala labafowenu elilethwe kini kumele lahlulele ngendlela elungileyo+ phakathi komuntu lomfowabo kumbe lowesinye isizwe.+ 17 Akumelanga libe lobandlululo nxa lisahlulela.+ Kumele lilalele umuntukazana ngendlela elilalela ngayo umhlonitshwa.+ Lingaqhuqhi muntu+ ngoba ukwahlulela ngokukaNkulunkulu+ futhi nxa indaba inzima kakhulu kini kumele liyilethe kimi ngiyizwe.+ 18 Ngalesosikhathi ngalitshela konke okwakumele likwenze.
19 “Ngemva kwalokho sasuka eHorebhi sadabula phakathi kwayo yonke inkangala leyana enkulu futhi eyesabekayo+ elayibonayo ngesikhathi sisendleleni eya esabelweni sama-Amori esisezintabeni,+ njengoba nje uJehova uNkulunkulu wethu wayetshilo kithi futhi sacina sifikile eKhadeshi-bhaneya.+ 20 Ngasengisithi kini, ‘Khathesi selifikile esabelweni sama-Amori esisezintabeni, leso uJehova uNkulunkulu wethu asinika sona. 21 Khangelani, uJehova uNkulunkulu wenu uselinike ilizwe. Qansani lilithathe njengoba nje uJehova uNkulunkulu wabokhokho benu etshilo kini.+ Lingesabi njalo lingethuki.’
22 “Lanxa kunjalo lonke labuya kimi lathi, ‘Asithumeni amadoda ahambe phambi kwethu ayesihlolela ilizwe, abesephenduka azositshela ukuthi yiphi indlela okufanele sihambe ngayo lokuthi amadolobho esiya kuwo anjani.’+ 23 Ngalithanda icebo lelo, ngasengikhetha amadoda angu-12 phakathi kwenu, indoda eyodwa esizwaneni ngasinye.+ 24 Ngakho asuka aqansa aya emangweni osezintabeni+ aze ayafika esigodini se-Eshikholi alihlola ilizwe. 25 Akha ezinye izithelo zalelolizwe abuya lazo kithi njalo afika asitshela athi, ‘Ilizwe uJehova uNkulunkulu wethu asinika lona lihle.’+ 26 Kodwa layala ukuya kulo futhi lahlamuka layekela ukulandela umlayo elaliwuphiwe nguJehova uNkulunkulu wenu.+ 27 Lalilokhu likhonona lisematendeni enu lisithi, ‘UJehova uyasizonda sibili yikho wasikhipha elizweni leGibhithe ukuze azosinikela kuma-Amori asitshabalalise. 28 Yindawo bani le esiya kuyo? Abafowethu basenza saphela amandla,+ bathi: “Kulenkalakatha zabantu, abade kulathi, lamadolobho abo makhulu futhi alezivikelo ezitshaya khonale emazulwini,*+ size sabona lamadodana ka-Anakhi+ kuleyondawo.”’
29 “Ngakho ngathi kini, ‘Lingatshaywa luvalo njalo lingabesabi.+ 30 UJehova uNkulunkulu wenu uzahamba phambi kwenu njalo uzalilwela+ njengoba nje wenza eGibhithe lizibonela ngawenu.+ 31 Lazibonela indlela uJehova uNkulunkulu wenu alithwala ngayo enkangala njengendoda ethwele umntanayo, walithwala loba ngaphi lapho elalisiya khona laze lafika endaweni le.’ 32 Kodwa phezu kwakho konke lokhu kalizange libe lokholo kuJehova uNkulunkulu wenu,+ 33 owayehamba phambi kwenu endleleni ukuze alidingele indawo elizakhempa kuyo. Wayebonakala ngomlilo ebusuku kuthi emini abonakale ngeyezi ukuze alitshengise indlela okufanele lihambe ngayo.+
34 “Kusenzakala konke lokhu uJehova wayesizwa elalikukhuluma njalo wathukuthela waze wafunga+ wathi, 35 ‘Kakho loyedwa umuntu kulesi sizukulwane esibi ozalibona ilizwe elihle engathembisa ukulinika oyihlo+ 36 ngaphandle kukaKhalebhi indodana kaJefune. Uzalibona njalo ilizwe ahamba kulo ngizalinika yena lamadodana akhe ngoba ulandele uJehova ngenhliziyo yonke.*+ 37 (UJehova waze wangizondela lami ngenxa yenu wathi: “Lawe futhi awusoze ungene kulo.+ 38 UJoshuwa indodana kaNuni oma phambi kwakho+ nguye ozangena elizweni lelo.+ Mqinise*+ ngoba nguye ozakwenza abako-Israyeli balithathe libe lilifa labo.”) 39 Kanti njalo abantwabenu ebelisithi bazathunjwa+ kanye lamadodana enu angakwaziyo okubi lokuhle lamuhla, yibo abazangena kulo njalo ngizabanika lona libe ngelabo.+ 40 Kodwa lina phendukani libuyele enkangala ngendlela eya oLwandle Olubomvu.’+
41 “Lina langiphendula lathi, ‘Sonile kuJehova. Sizaqansa siyehlasela njengoba nje uJehova uNkulunkulu wethu etshilo.’ Ngakho ngamunye wenu wahloma ngezikhali zakhe zempi njalo lalicabanga ukuthi kuzakuba yinto elula nje ukuqansa intaba liyehlasela.+ 42 Kodwa uJehova wathi kimi, ‘Batshele uthi: “Akumelanga liqanse liyehlasela ngoba angisoze ngihambe lani.+ Nxa lingahamba izitha zenu zizalinqoba.’” 43 Ngakho ngakhuluma lani kodwa alizange lingilalele. Lahlamuka layekela ukulandela umlayo elawunikwa nguJehova njalo lenza inkani lazama ukuqansa intaba. 44 Ama-Amori ayehlala entabeni leyo athi ekubona lokho ehla alihlangabeza njalo alixotshanisa njengokwenziwa zinyosi, alisabalalisa eSeyiri laze layafika eHoma. 45 Ngakho laphenduka laqalisa ukukhala phambi kukaJehova kodwa uJehova kazange alilalele futhi kazange abe lendaba lani. 46 Yikho laqhubeka lihlala eKhadeshi okwesikhathi sonke leso.
2 “Ngemva kwalokho saphenduka saqonda enkangala ngendlela eya eLwandle Olubomvu njengoba nje uJehova wayetshilo kimi+ njalo sahamba okwamalanga amanengi sibhoda entabeni iSeyiri. 2 Ekucineni uJehova wasesithi kimi, 3 ‘Selibhode entabeni le okwesikhathi eside. Khathesi qondani enyakatho. 4 Khuluma labantu uthi kubo: “Lizadlula emngceleni wabafowenu, izizukulwane zika-Esawu+ abahlala eSeyiri.+ Bazalesaba+ njalo kumele liqaphele kakhulu. 5 Lingalwi labo* ngoba angisoze ngilinike loba yiphi indawo yabo, ngitsho yona indawo engenela ukubeka unyawo nje ngoba intaba iSeyiri ngayinika u-Esawu ukuthi ibe lilifa lakhe.+ 6 Kumele libhadalele ukudla kwabo elizakudla futhi libhadalele lamanzi abo elizawanatha.+ 7 Phela uJehova uNkulunkulu wenu ulibusisile kukho konke elikwenzileyo. Ukwazi mhlophe ukuhamba kwenu lidabula phakathi kwenkangala le enkulu. UJehova uNkulunkulu wenu ubelani okweminyaka yonke le engu-40 njalo alizange liswele lutho.’”+ 8 Ngakho sadlula kubafowethu, izizukulwane zika-Esawu+ abahlala eSeyiri, satshiya indlela eya e-Arabha le-Elathi le-Eziyoni-gebheri.+
“Ngemva kwalokho sangena indlela eqonda enkangala yakoMowabi.+ 9 UJehova wasesithi kimi, ‘Lingawahlaseli amaMowabi njalo lingalwi lawo ngoba angisoze ngilinike loba yiphi indawo yawo ibe ngeyenu, ngenxa yokuthi i-Ari ngayinika izizukulwane zikaLothi+ ukuthi ibe lilifa lazo. 10 (Indawo leyo yayihlala ama-Emimi+ ayezinkalakatha zabantu, emanengi futhi emade njengama-Anakhi. 11 AmaRefayimi+ lawo ayefanana lama-Anakhi+ futhi abakoMowabi babewabiza ngokuthi ngama-Emimi. 12 Ekuqaliseni amaHori+ ayehlala eSeyiri kodwa izizukulwane zika-Esawu zawahlasela zawatshabalalisa zathatha indawo yawo zahlala kuyo,+ njengalokho okuzakwenziwa ngabako-Israyeli elizweni elizakuba lilifa labo, ilizwe uJehova azabanika lona loba sekutheni.) 13 Ngakho hambani liyechapha isigodi seZeredi.’ Lakanye sachapha isigodi seZeredi.+ 14 Kwasithatha iminyaka engu-38 ukusuka eKhadeshi-bhaneya saze sayachapha isigodi seZeredi, kwaze kwaphela sonke isizukulwane samadoda empi ezihonqweni njengoba nje uJehova wayefungile kuwo.+ 15 Isandla sikaJehova samelana lawo sawatshabalalisa wonke aze aphela ezihonqweni.+
16 “Kwathi wonke amadoda empi esefile aphela phakathi kwabantu,+ 17 uJehova waphinda wakhuluma lami wathi, 18 ‘Lamuhla lizakwedlula endaweni yamaMowabi, okutsho i-Ari. 19 Nxa lingafika eduze kwama-Amoni lingawahlukuluzi kumbe lilwe lawo ngoba angisoze ngilinike loba yiphi indawo yama-Amoni ukuthi ibe ngeyenu, ngenxa yokuthi ngayinika izizukulwane zikaLothi ukuthi ibe lilifa lazo.+ 20 Ilizwe leli lalo kwakuthiwa lilizwe lamaRefayimi.+ (AmaRefayimi ayehlala kulo njalo ama-Amoni ayejayele ukuwabiza ngokuthi ngamaZamuzumi. 21 Ayezinkalakatha zabantu ababebanengi futhi bebade njengama-Anakhi+ kodwa uJehova wawatshabalalisa phambi kwama-Amoni futhi ama-Amoni awadudula asehlala elizweni lawo. 22 Lokhu yikho akwenzela izizukulwane zika-Esawu esezihlala eSeyiri+ ngesikhathi etshabalalisa amaHori+ phambi kwazo ukuze ziwathathele indawo yawo njalo zihlale kuyo kuze kube lamuhla. 23 Ama-Avimi wona ayehlala ezindaweni ezazitshaya zize ziyefika eGaza,+ kwaze kwaba yilapho etshabalaliswa ngamaKhafithori+ ayevela eKhafithori* njalo ahlala endaweni yawo.)
24 “‘Sukani lihambe liyechapha isigodi se-Arinoni.+ Senginikele uSihoni+ um-Amori inkosi yaseHeshibhoni esandleni senu. Ngakho qalisani ukulithatha ilizwe lakhe njalo limhlasele. 25 Kusukela lamuhla ngizaqalisa ukwenza ukuthi bonke abantu abangaphansi kwamazulu abazakuzwa umbiko ngani besabe njalo bathuthumele. Bazakhathazeka njalo batshaywe luvalo* ngenxa yenu.’+
26 “Ngemva kwalokho ngathuma izithunywa kuSihoni inkosi yaseHeshibhoni, zisuka enkangala yeKhedemothi+ zilamazwi okuthula+ athi: 27 ‘Sicela ukuquma elizweni lakho. Sizadlula ngomgwaqo njalo asisoze siphambukele kwesokudla loba kwesenxele.+ 28 Sizakudla ukudla ozasithengisela khona kuphela sinathe lamanzi ozasithengisela wona. Esikucelayo nje yikuthi usivumele sidlule ngenyawo, 29 size siyechapha umfula uJodani siye elizweni uJehova uNkulunkulu wethu azasinika lona. Senzele lokho esikwenzelwe yizizukulwane zika-Esawu ezihlala eSeyiri kanye lamaMowabi ahlala e-Ari.’ 30 Kodwa uSihoni inkosi yaseHeshibhoni kazange asivumele ukuthi sidlule ngenxa yokuthi uJehova uNkulunkulu wenu wavumela ukuthi abe lenkani+ njalo omise inhliziyo yakhe, ukuze amnikele esandleni sethu* njengoba nje kunjalo khathesi.+
31 “UJehova wasesithi kimi, ‘Sengihle ngaqalisa ukunikela uSihoni lelizwe lakhe kini. Qalisani ukuthatha ilizwe lakhe.’+ 32 USihoni wathi ephuma labo bonke abantu bakhe ukuze azokulwa lathi eJahazi,+ 33 uJehova uNkulunkulu wethu wamnikela kithi samnqoba yena lamadodana akhe labo bonke abantu ayelabo. 34 Ngalesosikhathi sathumba wonke amadolobho akhe sawatshabalalisa, satshabalalisa amadoda labesifazana labantwana. Asitshiyanga ngitsho loyedwa.+ 35 Sathatha izifuyo zabo kuphela kanye lempahla esayithola emadolobheni esasiwathumbile. 36 Alikho idolobho esingazange sifike kulo kusukela e-Aroweri+ esemqolweni wesigodi se-Arinoni (kugoqela ledolobho elisesigodini) kuze kuyefika eGiliyadi. UJehova uNkulunkulu wethu wanikela wonke amadolobho lawo kithi.+ 37 Kodwa kalizange lisondele elizweni lama-Amoni,+ kuyo yonke indawo esesigodini seJabhokhi+ lasemadolobheni asesabelweni esisezintabeni loba kwenye nje indawo uJehova uNkulunkulu wethu ayethe singafiki kuyo.
3 “Ngemva kwalokho saphenduka sangena indlela eya eBhashani njalo u-Ogi inkosi yaseBhashani waphuma wasihlangabeza lalo lonke ibutho lakhe ezokulwa lathi e-Edreyi.+ 2 Ngakho uJehova wathi kimi, ‘Lingamesabi ngoba ngizamnikela esandleni senu, yena labo bonke abantu bakhe kanye lelizwe lakhe njalo lizamenza lokho elikwenze kuSihoni inkosi yama-Amori ebihlala eHeshibhoni.’ 3 Ngakho uJehova uNkulunkulu wethu wanikela lo-Ogi inkosi yaseBhashani lalo lonke ibutho lakhe esandleni sethu njalo saqhubeka sibabulala baze baphela du, kakho loyedwa owasalayo. 4 Ngemva kwalokho sathumba wonke amadolobho akhe. Akula lelilodwa idolobho esalitshiyayo kuwo wonke angu-60, sathumba sonke nje isabelo se-Arigobi embusweni ka-Ogi eBhashani.+ 5 Wonke amadolobho la ayevikelwe ngemiduli emide lamagedi lemigoqo njalo sathatha lamanye amanengi ayengavikelwanga ngemiduli. 6 Loba kunjalo sawatshabalalisa wonke+ njengalokho esakwenza kuSihoni inkosi yaseHeshibhoni. Satshabalalisa wonke amadolobho kanye labesilisa labesifazana labantwana.+ 7 Sathatha zonke izifuyo lempahla esayithola emadolobheni lawo.
8 “Ngalesosikhathi sathatha ilizwe lamakhosi amabili ama-Amori+ ayehlala esabelweni esisempumalanga kukaJodani kusukela esigodini se-Arinoni kuze kuyefika entabeni iHemoni+ 9 (intaba le amaSidoni ayeyibiza ngokuthi yiSiriyoni, ama-Amori wona eyibiza ngokuthi yiSeniri). 10 Sawathatha wonke amadolobho asendaweni echayileyo, lonke nje elaseGiliyadi layo yonke iBhashani kuze kuyefika eSalekha lase-Edreyi,+ amadolobho ayengaphansi kombuso ka-Ogi eBhashani. 11 Phela u-Ogi inkosi yaseBhashani wayengowokucina kwabosendo lwamaRefayimi. Uhlaka* lwakhe lokungcwaba lwalwenziwe ngensimbi* njalo lulokhu lukhona lalamuhla eRabha yama-Amoni. Uhlaka lwakhona luzingalo* ezingu-9 ubude lengalo ezine ububanzi. 12 Ngalesosikhathi salithatha ilizwe lelo laba ngelethu kusukela e-Aroweri+ eseduze kwesigodi se-Arinoni kanye lengxenye yeGiliyadi esezintabeni njalo senginike isizwana sakoRubheni lesakoGadi+ amadolobho elizwe lelo. 13 Yonke ingxenye eseleyo yeGiliyadi layo yonke iBhashani esembusweni ka-Ogi ngiyinike ingxenye yesizwana sakoManase.+ Sonke nje isabelo se-Arigobi esingaphansi kweBhashani sasisaziwa ngokuthi lilizwe lamaRefayimi.
14 “UJayiri+ indodana kaManase wathatha sonke isabelo se-Arigobi+ kuze kuyefika emngceleni wamaGeshuri lamaMahakhathi+ njalo wabiza imizi leyo yaseBhashani ngebizo lakhe wathi yiHavothi-jayiri.*+ Lelo yilo ibizo layo kuze kube lamuhla. 15 UMakhiri yena ngimnike iGiliyadi.+ 16 Kanti njalo abakoRubheni labakoGadi+ ngibanike indawo esukela eGiliyadi kuze kuyefika esigodini se-Arinoni. Umngcele wabo uphakathi kwesigodi leso njalo utshaya uze uyefika eJabhokhi esigodini esisemngceleni wama-Amoni, 17 le-Arabha, lomfula uJodani kanye lomngcele wakhona kusukela eKhinerethi kuze kuyefika eLwandle lwe-Arabha, uLwandle Lwesawudo, endaweni ezehlileyo zePhisiga ngasempumalanga.+
18 “Ngemva kwalokho ngakhuluma lani ngathi: ‘UJehova uNkulunkulu wenu uselinike indawo le ukuthi ibe ngeyenu. Wonke amaqhawe enu azathwala izikhali achaphe aye phetsheya phambi kwabafowenu ama-Israyeli.+ 19 Emadolobheni engilinike wona kuzasala amakhosikazi enu labantwabenu kanye lezifuyo zenu kuphela (ngoba ngiyakwazi ukuthi izifuyo zenu zidlana uboya), 20 kuze kube yilapho uJehova esenike abafowenu ukuphumula njengoba nje esekwenzile kini futhi sebeze balithatha ilizwe uJehova uNkulunkulu wenu azabanika lona ukuthi libe ngelabo ngaphetsheya komfula uJodani. Ngemva kwalokho lizaphenduka ngamunye abuyele elifeni lakhe engimnike lona.’+
21 “Ngalesosikhathi ngakhuluma loJoshuwa+ ngathi: ‘Uzibonele ngawakho lokho uJehova uNkulunkulu wethu akwenze emakhosini la amabili. UJehova uzakwenza okufananayo lakuyo yonke imibuso eliya kuyo ngaphetsheya.+ 22 Akumelanga liyesabe imibuso le ngoba uJehova uNkulunkulu wenu nguye olilwelayo.’+
23 “Ngalesosikhathi ngancenga uJehova ngathi, 24 ‘Awu Nkosi Enkulu Jehova usuqalisile ukutshengisa inceku yakho ubukhulu bakho kanye lengalo yakho elamandla.+ Kambe nguphi unkulunkulu emazulwini loba emhlabeni oseke wenza izimanga ezinkulu kangaka njengawe?+ 25 Ngicela ungivumele ngichaphe ngiyebona ilizwe elihle elingaphetsheya kukaJodani, isabelo lesi esihle esisezintabeni kanye leLebhanoni.’+ 26 Kodwa uJehova wayelokhu engizondele ngenxa yenu+ njalo kazange angilalele. UJehova wathi kimi, ‘Kwanele! Ungaphindi ukhulume lami ngendaba le. 27 Qansa uye esiqongweni sentaba iPhisiga+ ukhangele entshonalanga, lasenyakatho, laseningizimu, lasempumalanga ulibuke ilizwe ngoba awusoze uwuchaphe umfula lo uJodani.+ 28 Beka uJoshuwa esikhundleni sakho+ umkhuthaze njalo umqinise ngoba nguye ozachapha+ phambi kwabantu laba futhi nguye ozakwenza ukuthi balithathe ilizwe ozalibona libe lilifa labo.’ 29 Konke lokhu kwenzakala ngesikhathi sihlala esigodini esiphambi kweBhethi-phewori.+
4 “Zwana we Israyeli imilayo lemithetho yokwahlulela engikufundisa yona ukuthi uyigcine ukuze uphile+ njalo ungene ulithathe ilizwe uJehova uNkulunkulu wabokhokho bakho akunika lona. 2 Akumelanga wengezelele lutho elizwini engikunika lona njalo ungakhiphi lutho kulo+ ukuze ugcine imithetho kaJehova uNkulunkulu wakho engikunika yona.
3 “Lizibonele ngawenu lokho uJehova akwenzileyo endabeni kaBhali wasePheyori, uJehova uNkulunkulu wenu watshabalalisa bonke abantu phakathi kwenu abalandela uBhali wasePheyori.+ 4 Kodwa lina lonke eliqhubeka libambelele kuJehova uNkulunkulu wenu lilokhu lisaphila lalamuhla. 5 Sengilifundisile imilayo kanye lemithetho yokwahlulela+ njengoba nje uJehova uNkulunkulu wami etshilo kimi, ukuze liyilandele seliselizweni elizalithatha libe ngelenu. 6 Kumele liyilandele ngonanzelelo+ ngoba lokho kuzatshengisa ukuthi lingabantu abahlakaniphileyo+ labazwisisayo+ phambi kwezizwe ezizakuzwa ngayo yonke imilayo le njalo zizakuthi, ‘Isizwe lesi esikhulu yisizwe sabantu abahlakaniphileyo futhi abazwisisayo.’+ 7 Kambe yisiphi esinye isizwe esilabonkulunkulu abaseduze kwaso njengoJehova uNkulunkulu wethu ohlala eseduze ngaloba yisiphi isikhathi nxa simbiza?+ 8 Yisiphi esinye isizwe esikhulu esilemilayo elungileyo kanye lemithetho yokwahlulela enjengawo wonke uMthetho lo engiwubeka phambi kwenu lamuhla?+
9 “Ngakho nanzelelani njalo liqaphelisise, lingazikhohlwa zonke izinto elizibone ngamehlo enu ukuze zingasuki enhliziyweni zenu kuzo zonke insuku zokuphila kwenu. Kanti njalo kumele lizifundise abantwabenu labazukulu benu.+ 10 Ngosuku elama ngalo phambi kukaJehova uNkulunkulu wenu eHorebhi, uJehova wathi kimi, ‘Buthanisa abantu phambi kwami bazokuzwa amazwi ami+ ukuze bafunde ukungesaba+ kuzo zonke insuku zokuphila kwabo njalo benelise lokufundisa abantwababo.’+
11 “Lakanye lasondela phansi kwentaba njalo entabeni kwakulavuka umlilo otshaya khonale emazulwini, kwakumnyama, kulamayezi lomnyama ojiyileyo.+ 12 UJehova waseqalisa ukukhuluma lani ephakathi komlilo.+ Lezwa ilizwi kuphela kodwa yena alimbonanga,+ kwakuzwakala ilizwi kuphela.+ 13 Wamemezela kini isivumelwano sakhe,+ okutsho iMithetho Elitshumi*+ njalo walikhuthaza ukuthi lisigcine. Ngemva kwalokho wayibhala ematsheni amabili ayizibhebhedu.+ 14 Ngalesosikhathi uJehova wangitshela ukuthi ngilifundise imilayo kanye lemithetho yokwahlulela elizayilandela elizweni elizangena kulo ukuze lilithathe libe ngelenu.
15 “Alimbonanga uJehova ngelanga ekhuluma lani ephakathi komlilo eHorebhi, ngakho kumele linanzelele sibili 16 ukuze lingaxhwali beselizenzela loba yisiphi isithombe esibaziweyo esingumfanekiso waloba yini, kungaba ngumfanekiso womuntu wesilisa kumbe owesifazana,+ 17 loba umfanekiso waloba yiphi inyamazana esemhlabeni kumbe owaloba yiphi inyoni ephaphayo emkhathini,+ 18 loba umfanekiso wesinye nje isinanakazana esihamba emhlabathini kumbe owaloba yiphi inhlanzi esemanzini ngaphansi komhlaba.+ 19 Kanti njalo nxa liphakamisela amehlo enu emazulwini beselibona ilanga lenyanga lezinkanyezi, lonke nje ibutho elisemazulwini, lingahugwa ukuthi likhothamele izinto lezi kumbe lizikhonze.+ UJehova uNkulunkulu wenu unike bonke abantu abangaphansi kwamazulu izinto lezi. 20 Kodwa lina uJehova walikhipha eGibhithe, eziko lokuncibilikisa insimbi ukuze libe ngabantu bakhe*+ njengoba kunjalo lamuhla.
21 “UJehova wangizondela ngenxa yenu+ njalo wafunga wathi ngingachaphi uJodani njalo ngingangeni elizweni elihle uJehova uNkulunkulu wenu alinika lona ukuthi libe lilifa lenu.+ 22 Ngakho mina ngizafela lapha angisoze ngichaphe uJodani+ kodwa lina lizachapha lilithathe ilizwe leli elihle. 23 Nanzelelani lingasikhohlwa isivumelwano uJehova uNkulunkulu wenu asenze lani+ njalo lingazenzeli isithombe esibaziweyo, esingumfanekiso waloba yini uJehova uNkulunkulu athe lingayenzi.+ 24 Phela uJehova uNkulunkulu wenu ungumlilo otshabalalisayo,+ nguNkulunkulu ofuna umuntu azinikele kuye kuphela.+
25 “Nxa selihlale isikhathi eside elizweni njalo selilabantwana labazukulu beseliqalisa ukuxhwala lenze isithombe esibaziweyo+ saloba yini futhi lenze okubi emehlweni kaJehova uNkulunkulu wenu ukuze limcaphule,+ 26 ngithi amazulu lomhlaba akube ngofakazi lamuhla, bokuthi loba sekutheni lizakufa liphele masinyane elizweni elichapha uJodani ukuze liyelithatha libe ngelenu. Alisoze lihlale isikhathi eside kulo kodwa lizabhujiswa liphele nya.+ 27 UJehova uzalichithachitha phakathi kwezizwe+ njalo kuzasinda abalutshwana phakathi kwenu+ nxa selisezizweni lezo uJehova azalidudula liye kuzo. 28 Nxa selikhonale lizakhonza onkulunkulu abenziwe ngezigodo lamatshe, umsebenzi wezandla zomuntu,+ onkulunkulu abangenelisiyo ukubona, lokuzwa, lokudla kanye lokuhogela.
29 “Nxa lingamdinga uJehova uNkulunkulu wenu likhonale lizamthola loba sekutheni,+ nxa lizamdinga ngenhliziyo yenu yonke langomphefumulo wenu wonke.+ 30 Nxa seliphakathi kobunzima obukhulu njalo izinto zonke lezi sezenzakele kini ngezikhathi ezizayo, lapho-ke lizabuyela kuJehova uNkulunkulu wenu lilalele ilizwi lakhe.+ 31 Phela uJehova uNkulunkulu wenu nguNkulunkulu olesihawu.+ Kasoze alitshiye loba alitshabalalise kumbe asikhohlwe isivumelwano asenza labokhokho benu.+
32 “Buzani khathesi ngalokho okwenzakala kudala lingakabi khona, kusukela ngelanga uNkulunkulu adala ngalo umuntu emhlabeni. Dingani lisuka komunye umkhawulo wamazulu lize liyefika komunye umkhawulo wamazulu. Kambe ikhona into enkulu kangaka eyake yenzakala kumbe kwezwakala into enjengale yini?+ 33 Bakhona yini abanye abantu abake bezwa ilizwi likaNkulunkulu ekhuluma phakathi komlilo ngendlela lina elalizwa ngayo kodwa laqhubeka liphila?+ 34 UNkulunkulu wake wazama yini ukuthatha isizwe phakathi kwesinye isizwe ukuthi sibe ngesakhe esebenzisa izahlulelo, lezibonakaliso, lezimangaliso,+ lempi,+ lesandla esilamandla,+ lengalo eyeluliweyo kanye lezenzo ezesabekayo+ njengalokho uJehova uNkulunkulu wenu akwenze kini eGibhithe likhangele ngawenu? 35 Lina ngokwenu litshengiswe izinto lezi ukuze likwazi ukuthi uJehova nguNkulunkulu weqiniso,+ kakho omunye ngaphandle kwakhe.+ 36 Wenza ukuthi lizwe ilizwi lakhe esemazulwini ukuze aliqondise njalo wenza ukuthi libone umlilo wakhe omkhulu emhlabeni futhi lezwa amazwi akhe evela phakathi komlilo.+
37 “Wahamba lani ngesikhathi elikhipha eGibhithe ngamandla akhe amakhulu ngenxa yokuthi wayebathanda okhokho benu njalo wakhetha izizukulwane zabo ezalandela ngemva kwabo.+ 38 Ududule izizwe ezinkulu phambi kwenu njalo ezilamandla kulani ukuze alilethe elizweni lazo futhi alinike lona libe lilifa lenu njengoba nje kunjalo lamuhla.+ 39 Ngakho-ke yazini lamuhla njalo likugcine enhliziyweni zenu ukuthi uJehova nguNkulunkulu weqiniso phezulu emazulwini lasemhlabeni phansi.+ Kakho omunye.+ 40 Kumele ligcine imilayo yakhe lemithetho yakhe engilinika yona lamuhla, ukuze kulihambele kuhle lina labantwabenu abazalandela ngemva kwenu. Lokhu kuzakwenza ukuthi lihlale isikhathi eside elizweni uJehova uNkulunkulu wenu alinika lona.”+
41 Ngalesosikhathi uMosi wakhetha amadolobho amathathu empumalanga kukaJodani.+ 42 Nxa umuntu angabulala omunye ngengozi njalo kungayisikho ukuthi ubemzonda+ kumele abalekele kwelinye lamadolobho lawo ukuze aphile.+ 43 Amadolobho la yiBhezeri+ esenkangala endaweni echayileyo, ezakuba ngeyabakoRubheni, leRamothi+ eseGiliyadi ezakuba ngeyabakoGadi kanye leGolani+ eseBhashani ezakuba ngeyabakoManase.+
44 Lo yiwo uMthetho+ uMosi awethula phambi kwabantu bako-Israyeli. 45 Lezi yizo izikhumbuzo lemilayo kanye lemithetho yokwahlulela uMosi ayinika abako-Israyeli ngemva kokuphuma kwabo eGibhithe.+ 46 Babesesabelweni esisempumalanga kukaJodani esigodini esikhangelane leBhethi-pheyori,+ elizweni likaSihoni inkosi yama-Amori eyayihlala eHeshibhoni,+ eyanqotshwa nguMosi lama-Israyeli sebephumile eGibhithe.+ 47 Kanti njalo bathatha ilizwe lakhe kanye lelizwe lika-Ogi+ inkosi yaseBhashani, amakhosi amabili ama-Amori ayehlala esabelweni esisempumalanga kukaJodani, 48 kusukela e-Aroweri+ esemqolweni wesigodi* se-Arinoni kuze kuyefika entabeni iSiyoni okutsho iHemoni+ 49 kanye lomango wonke we-Arabha esabelweni esisempumalanga kukaJodani kuze kuyefika eLwandle lwe-Arabha* phansi le endaweni ezehlileyo zePhisiga.+
5 UMosi wasebiza bonke abantu bako-Israyeli wathi kubo: “Zwana we Israyeli, imilayo kanye lemithetho yokwahlulela engikutshela yona lamuhla njalo kumele uyifunde futhi uyigcine ngonanzelelo. 2 UJehova uNkulunkulu wethu wenza isivumelwano lathi eHorebhi.+ 3 Isivumelwano lesi uJehova kasenzanga labokhokho bethu kodwa wasenza lathi, thina sonke esisaphila lamuhla. 4 UJehova wakhuluma lani ubuso ngobuso entabeni, phakathi komlilo.+ 5 Ngalesosikhathi mina ngangimi phakathi laphakathi kukaJehova lani+ ukuze ngilitshele ilizwi likaJehova ngoba lalisesaba umlilo njalo kalizange likhwele entabeni.+ UNkulunkulu wathi:
6 “‘NginguJehova uNkulunkulu wakho owakukhipha elizweni laseGibhithe, elizweni lobugqili.+ 7 Ungaqali ukuba labanye onkulunkulu ngaphandle kwami.+
8 “‘Akumelanga uzenzele isithombe esibaziweyo+ kumbe isithombe saloba yini ephezulu emazulwini loba emhlabeni phansi kumbe esemanzini ngaphansi komhlaba. 9 Akumelanga ukhothamele izinto lezi kumbe uhugwe ukuthi uzikhonze+ ngoba mina Jehova uNkulunkulu wakho, nginguNkulunkulu ofuna umuntu azinikele kimi kuphela+ njalo ojezisa amadodana ngenxa yamacala aboyise kuze kufike kusizukulwane sesithathu lesesine salabo abangizondayo,+ 10 kodwa ngiba lothando oluqotho kuzizukulwane eziyinkulungwane zalabo abangithandayo njalo abagcina imithetho yami.
11 “‘Akumelanga ulisebenzise kubi*+ ibizo likaJehova uNkulunkulu wakho ngoba uJehova kasoze ayekele ukujezisa loba ngubani olisebenzisa kubi ibizo lakhe.+
12 “‘Khumbula ilanga leSabatha, uligcine lingcwele njengoba nje uJehova uNkulunkulu wakho etshilo kuwe.+ 13 Kumele usebenze amalanga ayisithupha uqede yonke imisebenzi yakho,+ 14 kodwa ilanga lesikhombisa lisabatha likaJehova uNkulunkulu wakho.+ Akumelanga wenze loba yiwuphi umsebenzi,+ wena lendodana yakho lendodakazi yakho, lesigqili sakho lesigqilikazi sakho, lenkunzi yakho lobabhemi wakho, loba esinye nje isifuyo sakho kumbe umuntu wesinye isizwe ohlala emadolobheni* akini,+ ukuze isigqili sakho lesigqilikazi sakho labo baphumule njengawe.+ 15 Khumbula ukuthi lawe wawusiyigqili elizweni laseGibhithe, lokuthi uJehova uNkulunkulu wakho wakukhipha khona ngesandla esilamandla langengalo eyeluliweyo.+ Yikho uJehova uNkulunkulu wakho ekulaya ukuthi ugcine ilanga leSabatha.
16 “‘Hlonipha uyihlo lonyoko+ njengoba uJehova uNkulunkulu wakho etshilo kuwe ukuze uphile isikhathi eside njalo uphumelele* elizweni uJehova uNkulunkulu wakho akunika lona.+
17 “‘Ungabulali.+
18 “‘Ungafebi.+
19 “‘Ungatshontshi.+
20 “‘Ungafakazi amanga ngomakhelwane wakho.*+
21 “‘Ungahawukeli umfazi kamakhelwane wakho.+ Ungabi lobuhwaba uhawukele indlu kamakhelwane wakho kumbe isigqili sakhe loba isigqilikazi sakhe loba inkunzi yakhe loba ubabhemi wakhe loba insimu yakhe kumbe okunye nje okungokwakhe.’+
22 “Imithetho le* uJehova wayikhuluma phambi kwalo lonke ibandla lenu entabeni, phakathi komlilo leyezi kanye lomnyama ojiyileyo.+ Wakhuluma ngelizwi elikhulu njalo kazange angezelele lutho emazwini la. Ngemva kwalokho wayibhala ezibhebhedwini zamatshe ezimbili wasenginika zona.+
23 “Kodwa lathi lisizwa ilizwi livela emnyameni ngesikhathi umlilo uvutha entabeni,+ bonke abakhokheli bezizwana zenu kanye labadala babuya kimi. 24 Laselisithi, ‘UJehova uNkulunkulu wethu usesitshengisile inkazimulo yakhe lobukhulu bakhe futhi silizwile ilizwi lakhe liphuma phakathi komlilo.+ Lamuhla sikubonile ukuthi uNkulunkulu uyenelisa ukukhuluma lomuntu futhi lowomuntu aqhubeke ephila.+ 25 Manje kungani kumele sife? Phela umlilo lo omkhulu kangaka ungasitshisa usilobise. Nxa singaqhubeka sisizwa ilizwi likaJehova uNkulunkulu wethu sizakufa sibili. 26 Kambe ngubani phakathi kwabo bonke abantu owake wezwa ilizwi likaNkulunkulu ophilayo ekhuluma phakathi komlilo kodwa waqhubeka ephila njengathi? 27 Wena ngokwakho nguwe okumele usondele eduze uyekuzwa konke uJehova uNkulunkulu wethu azakutsho njalo nguwe ozasitshela konke uJehova uNkulunkulu wethu akukhulumileyo kuwe futhi sizakulalela, sikwenze.’+
28 “Ngakho uJehova wakuzwa lokho elalikutsho njalo uJehova wathi kimi, ‘Ngiwazwile amazwi abantu laba abakutshele wona. Konke abakukhulumileyo kuqondile.+ 29 Aluba nje bebengahlala belenhliziyo engesabayo+ njalo bagcine yonke imithetho yami,+ lapho-ke izinto bezizabahambela kuhle bona labantwababo kuze kube nini lanini.+ 30 Hamba uyebatshela uthi: “Buyelani ematendeni enu.” 31 Kodwa wena uzaqhubeka ulami lapha ukuze ngikutshele yonke imithetho lemilayo kanye lemithetho yokwahlulela okumele ubafundise yona futhi okufanele bayigcine nxa sebeselizweni engizabanika lona ukuthi libe ngelabo.’ 32 Ngakho kumele linanzelele ukuthi lenza khona kanye uJehova uNkulunkulu wenu alitshele khona.+ Akumelanga liphambukele kwesokudla loba kwesenxele.+ 33 Kumele liyilandele ngokupheleleyo indlela uJehova uNkulunkulu wenu athe lihambe ngayo+ ukuze liphile njalo liphumelele futhi liphile isikhathi eside elizweni elizalithatha libe ngelenu.+
6 “Le yimithetho lemilayo kanye lemithetho yokwahlulela uJehova uNkulunkulu wakho akunike yona ukuthi akufundise ukuze uyigcine nxa usuchaphele elizweni ozalithatha libe ngelakho, 2 ukuze umesabe uJehova uNkulunkulu wakho, ugcine yonke imilayo yakhe lemithetho yakhe engikunika yona lamuhla, wena kanye labantwabakho labazukulu bakho+ kuzo zonke insuku zokuphila kwenu ukuze liphile isikhathi eside.+ 3 Kumele ulalele we Israyeli, njalo uyigcine ngonanzelelo ukuze uphumelele njalo wande elizweni eligeleza uchago loluju, njengoba nje uJehova uNkulunkulu wakho ekuthembisile.
4 “Lalela we Israyeli: UJehova uNkulunkulu wethu nguJehova munye.+ 5 Kumele umthande uJehova uNkulunkulu wakho ngenhliziyo yakho yonke langomphefumulo wakho wonke+ langamandla akho wonke.*+ 6 Amazwi la engikutshela wona lamuhla kumele abe senhliziyweni yakho, 7 njalo kumele uwagcizelele* ebantwaneni bakho,+ ukhulume ngawo nxa uhlezi endlini yakho, nxa uhamba endleleni, lapho ulala lalapho uvuka.+ 8 Wabophele esandleni sakho abe yisikhumbuzo njalo kumele abe njengophawu* ebunzini lakho.+ 9 Wabhale emigubazini yakho lasemagedini akho.
10 “Nxa uJehova uNkulunkulu wakho esekungenisile elizweni afunga ngalo kubokhokho bakho u-Abrahama lo-Isaka loJakhobe ukuthi uzakunika lona,+ ilizwe elilamadolobho amakhulu futhi amahle ongazange uwakhe,+ 11 lezindlu ezigcwele yonke imihlobo yezinto ezinhle ongazange uzisebenzele, lemigodi yamanzi ongazange uyigebhe kanye lamasimu amagilebisi lezihlahla zama-oliva ongazange uzihlanyele, nxa usudlile wasutha+ 12 nanzelela ungamkhohlwa uJehova+ owakukhipha elizweni laseGibhithe, elizweni lobugqili. 13 Kumele umesabe uJehova uNkulunkulu wakho,+ umkhonze+ njalo kumele ufunge ngebizo lakhe.+ 14 Akumelanga ulandele abanye onkulunkulu, loba yibaphi onkulunkulu bezizwe ezikugombolozeleyo,+ 15 ngoba uJehova uNkulunkulu wakho ophakathi kwenu nguNkulunkulu ofuna umuntu azinikele kuye kuphela.+ Phela ungayekela ukwenza njalo uJehova uNkulunkulu wakho uzakuthukuthelela,+ akutshabalalise emhlabeni.+
16 “Akumelanga umlinge uJehova uNkulunkulu wakho+ ngendlela owamlinga ngayo eMasa.+ 17 Kumele uzimisele ukulalela imithetho kaJehova uNkulunkulu wakho lezikhumbuzo zakhe kanye lemilayo yakhe akunike yona ukuthi uyigcine. 18 Kumele wenze okulungileyo lokuhle emehlweni kaJehova ukuze uphumelele njalo ungene uyelithatha ilizwe elihle uJehova afunga ngalo kubokhokho bakho,+ 19 uzidudule zonke izitha zakho phambi kwakho njengoba nje uJehova ethembisile.+
20 “Ngesikhathi esizayo nxa umntanakho angakubuza athi: ‘Kungani uJehova uNkulunkulu wakho wakunika izikhumbuzo lezi lemilayo kanye lemithetho yokwahlulela?’ 21 Kumele umphendule uthi, ‘Saba yizigqili zikaFaro eGibhithe kodwa uJehova wasikhipha eGibhithe ngesandla esilamandla. 22 Sazibonela ngawethu uJehova eqhubeka esenza izimangaliso lezibonakaliso ezinkulu lezesabekayo phezu kweGibhithe,+ laphezu kukaFaro laphezu kwabo bonke abemuli yakhe.+ 23 Wasikhipha khonale wasiletha lapha ukuze azosinika ilizwe afunga ngalo kubokhokho bethu.+ 24 Ngemva kwalokho uJehova wasitshela ukuthi sigcine yonke imilayo le njalo simesabe uJehova uNkulunkulu wethu ukuze kuhlale kusihambela kuhle,+ siqhubeke siphila+ njengoba kunjalo lamuhla. 25 Kanti njalo kuzathiwa silungile nxa singayigcina ngonanzelelo yonke imithetho le, silalele uJehova* uNkulunkulu wethu njengoba nje etshilo kithi.’+
7 “Nxa uJehova uNkulunkulu wenu eselilethe elizweni eselizangena kulo lilithathe ukuthi libe ngelenu,+ uzadudula izizwe ezilabantu abanengi phambi kwenu,+ amaHithi, lamaGirigashi, lama-Amori,+ lamaKhenani, lamaPherizi, lamaHivi kanye lamaJebusi.+ Izizwe eziyisikhombisa ezilabantu abanengi futhi ezilamandla kulani.+ 2 UJehova uNkulunkulu wenu uzazinikela kini njalo lizazinqoba.+ Loba sekutheni kumele lizitshabalalise. Akumelanga lenze izivumelwano+ lazo kumbe libe lesihawu kuzo.+ 3 Lingendiselani lazo izizwe lezi. Lingendiseli amadodakazi enu emadodaneni azo kumbe lithathele amadodana enu abafazi phakathi kwamadodakazi azo,+ 4 ngoba azakwenza amadodana enu aphambuke, ayekele ukungilandela ayekhonza abanye onkulunkulu.+ Lapho-ke ulaka lukaJehova luzavutha phezu kwenu ahle alitshabalalise masinyane.+
5 “Kodwa nanku okumele likwenze kuzo: Dilizani ama-alithare azo, liphahlaze insika zazo ezingcwele,+ ligamule lezithombe zika-Ashera*+ njalo litshise lezithombe zazo ezibaziweyo.+ 6 Phela lina liyisizwe esingcwele kuJehova uNkulunkulu wenu njalo uJehova uNkulunkulu wenu ulikhethile phakathi kwazo zonke izizwe ezisemhlabeni ukuthi libe ngabantu bakhe, impahla yakhe eqakathekileyo.*+
7 “Ayisikho ukuthi uJehova walihawukela njalo walikhetha ngenxa yokuthi laliyisizwe esilabantu abanengi ukwedlula zonke ezinye izizwe.+ Phela lina lalivele liyisizwe esincane kulazo zonke.+ 8 Kodwa kungenxa yokuthi uJehova walithanda njalo wayefuna ukugcwalisa isifungo asenza kubokhokho benu,+ yikho uJehova walikhipha ngesandla esilamandla ukuze alikhulule elizweni lobugqili,+ emandleni kaFaro,* inkosi yaseGibhithe. 9 Likwazi mhlophe ukuthi uJehova uNkulunkulu wenu nguNkulunkulu weqiniso, uNkulunkulu othembekileyo ogcina isivumelwano sakhe njalo ohlala elothando oluqotho kuze kufike kuzizukulwane eziyinkulungwane zalabo abamthandayo, abagcina imithetho yakhe.+ 10 Kodwa labo abamzondayo uzabajezisa yena ngokwakhe, ababhubhise.+ Ngeke aphuze ukujezisa labo abamzondayo, yena ngokwakhe uzaphindisela kubo. 11 Ngakho wobani leqiniso lokuthi liyayigcina imithetho lemilayo kanye lemithetho yokwahlulela engilinika yona lamuhla ukuthi liyilandele.
12 “Nxa lingaqhubeka lilalela njalo ligcina imithetho le yokwahlulela futhi liyilandela, uJehova uNkulunkulu wenu uzasigcina isivumelwano sakhe njalo abe lothando oluqotho kini njengoba nje wafunga kubokhokho benu. 13 Uzalithanda alibusise futhi alenze libe banengi. Uzalibusisa sibili libe labantwana abanengi,+ abusise lesivuno somhlabathi wenu, lamabele enu, lewayini lenu elitsha, lamafutha enu,+ lamathole emihlambi yenkomo zenu lemvana zemihlambi yezimvu zenu, elizweni afunga ngalo kubokhokho benu ukuthi uzalinika lona.+ 14 Lizakuba yisizwe esibusisiweyo ukwedlula zonke izizwe,+ kakho owesilisa loba owesifazana ongasoze abe labantwana phakathi kwenu futhi asikho isifuyo senu esingasoze sizale.+ 15 UJehova uzasusa konke ukugula kini njalo kasoze alehlisele loba yiphi imikhuhlane emibi elaliyibona eGibhithe.+ Kodwa uzayithumela kubo bonke abalizondayo. 16 Kumele litshabalalise zonke izizwe uJehova uNkulunkulu wenu azinikela kini.+ Akumelanga lizizwele izizwe lezo+ njalo lingakhonzi onkulunkulu bazo+ ngoba lokho kuzakuba ngumjibila kini.+
17 “Nxa lingathi enhliziyweni zenu, ‘Izizwe lezi zinengi kulathi. Kambe singenelisa yini ukuzidudula?’+ 18 Akumelanga lizesabe.+ Kumele likhumbule lokho uJehova uNkulunkulu wenu akwenza kuFaro lakulo lonke elaseGibhithe,+ 19 lazibonela ngawenu izahlulelo ezinkulu, lezibonakaliso, lezimangaliso,+ lesandla esilamandla kanye lengalo eyeluliweyo okwasetshenziswa nguJehova uNkulunkulu wenu ukuze alikhiphe khona.+ Yikho kanye uJehova uNkulunkulu wenu azakwenza kuzo zonke izizwe elizesabayo.+ 20 UJehova uNkulunkulu wenu uzakwenza abantu bazo baphele amandla* baze batshabalale bonke abaseleyo+ kanye lalabo akade belicatshele. 21 Lingatshaywa luvalo ngenxa yabo ngoba uJehova uNkulunkulu wenu ulani,+ uNkulunkulu omkhulu futhi owesabekayo.+
22 “Loba sekutheni uJehova uNkulunkulu wenu uzazidudula kancane kancane izizwe lezi phambi kwenu.+ Alisoze livunyelwe ukuzidudula ziphele masinyane ukuze inyamazana zeganga zingagcwali besezilikhulela. 23 UJehova uNkulunkulu wenu uzazinikela kini njalo uzazitshaya azibhuqe zize ziphele nya.+ 24 Uzanikela amakhosi azo esandleni senu+ njalo lizacitsha amabizo awo ngaphansi kwamazulu.+ Kakho loyedwa ozamisana lani+ lize lizitshabalalise ziphele nya!+ 25 Kumele litshise izithombe ezibunjiweyo zabonkulunkulu bazo.+ Lingahawukeli isiliva kumbe igolide elikuzo futhi lingalithathi libe ngelenu+ ukuze lingabi ngumjibila kini ngoba izinto lezi ziyenyanyeka kuJehova uNkulunkulu wenu.+ 26 Akumelanga lilethe into eyenyanyekayo ezindlini zenu ukuze lani lingatshabalaliswa njengayo. Kumele liyenyanye njalo ibe ngenengekayo kakhulu kini ngoba iyinto enikelwe ukuthi itshabalaliswe.
8 “Kumele libe leqiniso lokuthi liyayigcina yonke imithetho engilinika yona lamuhla ukuze liqhubeke liphila+ njalo lande futhi lingene liyethatha ilizwe uJehova afunga ukuthi uzalinika okhokho benu.+ 2 Khumbulani uhambo olude uJehova uNkulunkulu wenu enze ukuthi liluhambe okweminyaka le engu-40 enkangala+ ukuze alenze lithobeke njalo alilinge,+ ukwenzela ukuthi abone okusezinhliziyweni zenu,+ ukuthi lizayigcina yini imithetho yakhe loba hatshi. 3 Ngakho walenza lathobeka waliyekela lilamba,+ walinika imana+ elalingayazi, lina kanye laboyihlo ukuze alenze likwazi ukuthi umuntu kaphili ngesinkwa sodwa kodwa uphila ngawo wonke amazwi aphuma emlonyeni kaJehova.+ 4 Okweminyaka le engu-40 izigqoko zenu azizange zidabuke lenyawo zenu kazizange zivuvuke.+ 5 Likwazi mhlophe enhliziyweni zenu ukuthi uJehova uNkulunkulu wenu ubeliqondisa njengobaba eqondisa indodana yakhe.+
6 “Ngakho kumele ligcine imithetho kaJehova uNkulunkulu wenu ngokuhamba ezindleleni zakhe langokumesaba. 7 Phela uJehova uNkulunkulu wenu ulingenisa elizweni elihle,+ ilizwe elilezifula zamanzi lemithombo* kanye lendawo ezimpompoza amanzi agelezela emagcekeni lasendaweni elezintaba, 8 ilizwe lengqoloyi lebhali, lamasimu amagilebisi, lezihlahla zomkhiwa, lamaharinathi,+ ilizwe elilamafutha ama-oliva kanye loluju,+ 9 ilizwe elilokudla okunengi njalo ngeke liswele lutho kulo, ilizwe elilamatshe alensimbi futhi lizagebha ikhopha ezintabeni zalo.
10 “Nxa selidlile lasutha kumele limdumise uJehova uNkulunkulu wenu ngenxa yelizwe elihle alinike lona.+ 11 Nanzelelani lingamkhohlwa uJehova uNkulunkulu wenu ngokwehluleka ukugcina imithetho yakhe lemilayo yakhe kanye lemithetho yakhe yokwahlulela engilinika yona lamuhla. 12 Nxa selidlile lasutha, lakha izindlu ezinhle futhi selihlala kuzo,+ 13 nxa imihlambi yezifuyo zenu isiminengi, lesiliva kanye legolide lenu selilinengi, konke elilakho sekukunengi kakhulu, 14 lingavumeli inhliziyo zenu ziziphakamise+ besekubangela ukuthi limkhohlwe uJehova uNkulunkulu wenu owalikhipha elizweni laseGibhithe, elizweni lobugqili,+ 15 lowo owenza ukuthi lidabule enkangala enkulu njalo eyesabekayo,+ elezinyoka eziyingozi lenkume, indawo elomhlabathi owomileyo ongelamanzi. Wenza ukuthi amanzi aphume edwaleni,+ 16 walinika imana+ enkangala, into oyihlo ababengayazi ukuze alenze lithobeke+ njalo alilinge ukuze kulincede esikhathini esizayo.+ 17 Nxa lingaziyenga ezinhliziyweni zenu lithi, ‘Inotho engilayo ngayisebenzela ngamandla ami langezandla zami lezi,’+ 18 khumbulani ukuthi uJehova uNkulunkulu wenu nguye olinika amandla okuthi lizuze inotho+ ukuze agcwalise isivumelwano asenza kubokhokho benu, njengoba nje kunjalo lamuhla.+
19 “Ngiyalixwayisa lamuhla ukuthi nxa lingake limkhohlwe uJehova uNkulunkulu wenu beselilandela abanye onkulunkulu libakhonze njalo libakhothamele, lizakufa loba sekutheni.+ 20 Lani lizatshabalala njengezizwe uJehova azibhubhisayo phambi kwenu ngenxa yokuthi liyabe lingalilalelanga ilizwi likaJehova uNkulunkulu wenu.+
9 “Zwana we Israyeli, lamuhla usuchapha uJodani+ ukuze ungene uyethathela izizwe ezinkulu njalo ezilamandla kulawe ilifa lazo.+ Izizwe ezilamadolobho amakhulu alemiduli etshaya khonale emazulwini,*+ 2 ezilenkalakatha zabantu abade, amadodana ama-Anakhi,+ abantu obaziyo njalo owezwa kukhulunywa ngabo kuthiwa, ‘Kambe ngubani ongamisana lamadodana ka-Anakhi?’ 3 Ngakho-ke kumele ukwazi lamuhla ukuthi uJehova uNkulunkulu wakho uzachapha phambi kwakho.+ Yena ungumlilo otshabalalisayo+ njalo uzabatshaya ababhuqe. Uzabanqoba phambi kwamehlo akho ukuze ubadudule* masinyane njalo ubatshabalalise njengoba nje uJehova ekuthembisile.+
4 “Nxa uJehova esezidudula izizwe lezi phambi kwakho, ungaziyengi enhliziyweni yakho uthi, ‘Ukulunga kwami yikho okwenze uJehova wangiletha lapha ukuze ngithathe ilizwe leli libe ngelami.’+ Phela ukuxhwala kwezizwe lezi+ yikho okwenza uJehova azidudule phambi kwakho. 5 Ukulunga kwakho kanye lobuqotho benhliziyo yakho ayisikho okuzakwenza uthathe ilizwe lazo. Kodwa uJehova uNkulunkulu wakho uyazidudula izizwe lezi phambi kwakho+ ngenxa yokuxhwala kwazo njalo uJehova wenzela ukuthi agcwalise isifungo asenza kubokhokho bakho u-Abrahama+ lo-Isaka+ loJakhobe.+ 6 Ngakho kumele ukwazi ukuthi ukulunga kwakho ayisikho okwenza uJehova uNkulunkulu wakho akunike ilizwe leli elihle ukuthi libe ngelakho ngoba lina livele lingabantu abayiziqholo.*+
7 “Khumbulani njalo lingakhohlwa indlela elamzondisa ngayo uJehova uNkulunkulu wenu enkangala.+ Kusukela ngelanga elaphuma ngalo eGibhithe lize lifike endaweni le belilokhu limhlamukela uJehova.+ 8 LaseHorebhi lamzondisa uJehova njalo uJehova walithukuthelela kakhulu okokuthi wayesefuna ukulitshabalalisa.+ 9 Ngathi ngiqansa intaba ngisiyathatha izibhebhedu zamatshe,+ izibhebhedu zesivumelwano uJehova ayesenze lani+ ngaqhubeka ngikhonale entabeni okwamalanga angu-40 lobusuku obungu-40,+ angizange ngidle lutho kumbe nginathe amanzi. 10 Ngemva kwalokho uJehova wanginika izibhebhedu zamatshe ezimbili ezazibhalwe ngomunwe kaNkulunkulu njalo kuzo kwakubhalwe wonke amazwi uJehova ayewakhulume lani entabeni, ephakathi komlilo ngelanga lomhlangano.*+ 11 Kwathi esephelile amalanga angu-40 lobusuku obungu-40, uJehova wanginika izibhebhedu zamatshe ezimbili, izibhebhedu zesivumelwano, 12 uJehova wasesithi kimi, ‘Yehla ubuyele phansi ngoba abantu bakho owabakhipha eGibhithe sebenze ukuxhwala,+ masinyane nje sebephambukile endleleni engabatshela ukuthi bayilandele, sebezenzele isithombe sethole.’+ 13 UJehova wasesithi kimi, ‘Sengibonile ukuthi abantu laba bayiziqholo* sibili.+ 14 Ngakho ngiyekela ngibatshabalalise ngicitshe ibizo labo ngaphansi kwamazulu, besengisenza wena ube yisizwe esilamandla njalo esilabantu abanengi kulabo.’+
15 “Ngasengiphenduka ngehla entabeni, intaba ivutha umlilo+ njalo ngangiphethe izibhebhedu ezimbili zamatshe esivumelwano ngezandla zami zombili.+ 16 Ngathi ngiyakhangela ngabona ukuthi laselimonele uJehova uNkulunkulu wenu, selizenzele isithombe sethole. Masinyane nje laseliphambukile endleleni uJehova ayelilaye ukuthi liyilandele.+ 17 Ngakho ngathatha izibhebhedu zamatshe ezimbili ngaziphosela phansi ngezandla zami zombili, ngaziphahlaza likhangele.+ 18 Ngemva kwalokho ngaguqa ngakhothamisa ikhanda phambi kukaJehova okwamalanga angu-40 lobusuku obungu-40 njengakuqala, angizange ngidle lutho kumbe nginathe amanzi,+ ngenxa yazo zonke izono elalizenzile ngokwenza okubi phambi kukaJehova kanye lokumcaphula. 19 Ngangisesaba kakhulu ngoba uJehova wayelizondele kakhulu+ esezimisele ukulitshabalalisa. Loba kunjalo uJehova waphinda wangilalela ngalesosikhathi.+
20 “UJehova wayemzondele kakhulu u-Aroni okokuthi wayesefuna ukumbulala+ kodwa ngamthandazela ngimncengela langalesosikhathi. 21 Ngemva kwalokho ngathatha ithole lelo,+ into eyisono elaliyenzile ngalitshisa ngomlilo, ngaliganda njalo ngalichola laze laba yimpuphu, ngasengithatha impuphu leyo ngayiphosela esifuleni esasigeleza sisuka entabeni.+
22 “Kanti njalo laphinda lamzondisa uJehova eThabhera+ laseMasa+ kanye laseKhibrothi-hathava.+ 23 UJehova wathi elithuma lisuka eKhadeshi-bhaneya+ esithi, ‘Qansani liyethatha ilizwe engizalinika lona loba sekutheni libe ngelenu,’ laphinda lamhlamukela uJehova uNkulunkulu wenu,+ layekela ukulandela ayelitshele khona, alizange libe lokholo+ kuye futhi alimlalelanga. 24 Selokhu ngaqalisa ukulazi belilokhu limhlamukela uJehova.
25 “Ngakho ngaqhubeka ngiguqa phambi kukaJehova okwamalanga angu-40 lobusuku obungu-40,+ ngangiguqa ngaleyondlela ngoba uJehova wayesethe uzalitshabalalisa. 26 Ngaqalisa ukuthandaza ngincenga uJehova ngisithi, ‘Awu Nkosi Enkulu Jehova ungabatshabalalisi abantu bakho, bayimpahla yakho,*+ abantu owabahlenga ngamandla akho njalo wabakhipha eGibhithe ngesandla esilamandla.+ 27 Khumbula izinceku zakho u-Abrahama lo-Isaka loJakhobe,+ ungabi lendaba lobuqholo babantu laba, lokuxhwala kwabo kanye lesono sabo.+ 28 Phela nxa ungabatshabalalisa, abantu belizwe owasikhipha kulo bazakuthi: “UJehova wehlulekile ukungenisa abantu laba elizweni ayebathembise lona futhi wabakhipha lapha ngenxa yokuthi wayebazonda, efuna ukuyababulalela enkangala.”+ 29 Abantu laba ngabakho, impahla yakho,*+ abantu owabakhipha ngamandla akho amakhulu langengalo yakho eyeluliweyo.’+
10 “Ngalesosikhathi uJehova wathi kimi, ‘Baza amanye amatshe amabili ayizibhebhedu anjengawokuqala,+ ubusuqansa intaba uze kimi njalo kumele uzibazele ibhokisi ngezigodo. 2 Ngizabhala kuzo amazwi abebhalwe ezibhebhedwini zakuqala oziphahlazileyo njalo kumele uzifake ebhokisini.’ 3 Ngakho ngabaza ibhokisi ngezigodo zesinga, ngabaza lezibhebhedu zamatshe ezimbili ezinjengezakuqala, ngasengikhwela entabeni ngiphethe izibhebhedu lezo ngesandla.+ 4 UJehova wasebhala ezibhebhedwini lezo amazwi ayewabhale kuqala,+ iMithetho Elitshumi,*+ amazwi ayewakhulume lani entabeni, phakathi komlilo+ ngelanga lomhlangano*+ futhi uJehova wanginika izibhebhedu lezo. 5 Ngemva kwalokho ngaphenduka ngehla entabeni+ njalo ngafaka izibhebhedu lezo ebhokisini engangilenzile futhi zilokhu zikulo njengoba nje uJehova wayetshilo kimi.
6 “Abako-Israyeli basebesuka eBheherothi Bhene-jakhani baya eMoserothi. U-Aroni wafela kuleyondawo njalo wangcwatshwa khona+ futhi indodana yakhe u-Eliyazari yangena esikhundleni sakhe yaba ngumphristi.+ 7 Basuka kuleyondawo baya eGudigoda, basebesuka eGudigoda baya eJothibhatha+ elizweni elilezifula ezigeleza amanzi.
8 “Ngalesosikhathi uJehova wehlukanisa abesizwana sakoLevi+ lezinye izizwana ukuze bathwale ibhokisi lesivumelwano sikaJehova+ njalo bame phambi kukaJehova ukuze bamkhonze futhi babusise ngebizo lakhe+ njengoba belokhu bekwenza kuze kube lamuhla. 9 Ngenxa yalokhu abesizwana sakoLevi abaphiwanga isabelo kumbe ilifa phakathi kwabafowabo. UJehova ulilifa labo njengoba nje uJehova uNkulunkulu wakho etshilo kubo.+ 10 Mina ngahlala entabeni okwamalanga angu-40 lobusuku obungu-40+ njengakuqala njalo uJehova waphinda wangilalela langalesosikhathi.+ UJehova wayengasafuni ukulibhubhisa. 11 Ngemva kwalokho uJehova wathi kimi, ‘Hamba phambi kwabantu laba, lilungele ukusuka ukuze bangene bathathe ilizwe engafunga kubokhokho babo ukuthi ngizabanika lona.’+
12 “Awu Israyeli! Kambe kuyini uJehova uNkulunkulu wakho akufunayo kuwe?+ Akufunayo yikuthi umesabe uJehova uNkulunkulu wakho,+ uhambe kuzo zonke indlela zakhe,+ umthande, umkhonze uJehova uNkulunkulu wakho ngenhliziyo yakho yonke langomphefumulo wakho wonke+ 13 njalo ugcine imilayo kanye lemithetho kaJehova engikunika yona lamuhla ukuze kukuhambele kuhle.+ 14 Amazulu ngakaJehova uNkulunkulu wakho, wona kanye amazulu aphakeme kakhulu* kanye lomhlaba lakho konke okukuwo.+ 15 Kodwa uJehova wasondela kuboyihlo njalo wabathanda futhi ukhethe lina izizukulwane zabo+ kuzo zonke izizwe njengoba nje kunjalo lamuhla. 16 Ngakho kumele lihlambulule inhliziyo* zenu+ njalo liyekele ubuqholo.*+ 17 Phela uJehova uNkulunkulu wenu nguNkulunkulu wabonkulunkulu,+ uyiNkosi yamakhosi, uNkulunkulu omkhulu, olamandla futhi owesabekayo. Kabandlululi muntu+ futhi kavumi ukufunjathiswa. 18 Wahlulela kuhle intandane lomfelokazi+ njalo uyamthanda umuntu wesinye isizwe,+ uyamnika ukudla kanye lezigqoko. 19 Lani kumele libathande abantu bezinye izizwe, ngoba lani lake laba ngabezizweni elizweni laseGibhithe.+
20 “UJehova uNkulunkulu wakho nguye okumele umesabe, umkhonze,+ unamathele kuye njalo ufunge ngebizo lakhe. 21 Nguye okumele umdumise.+ UnguNkulunkulu wakho okwenzele izinto zonke lezi ezinkulu lezimangalisayo ozibone ngawakho.+ 22 Okhokho bakho baya eGibhithe beliqembu labantu abangu-70* kuphela+ kodwa khathesi uJehova uNkulunkulu wakho uselenze laba banengi njengezinkanyezi ezisemazulwini.+
11 “Kumele umthande uJehova uNkulunkulu wakho+ njalo uqhubeke usenza lokho akukhangelele kuwe, ugcine imithetho yakhe lemilayo yakhe kanye lemithetho yakhe yokwahlulela. 2 Liyakwazi ukuthi lamuhla ngikhuluma lani, hatshi abantwabenu abangayaziyo njalo abangazange bayibone indlela uJehova uNkulunkulu wenu ajezisa ngayo.+ Abazange babubone ubukhulu bakhe+ lesandla sakhe esilamandla+ kanye lengalo yakhe eyeluliweyo. 3 Abazange bazibone izibonakaliso zakhe lalokho akwenza eGibhithe kuFaro inkosi yaseGibhithe lakulo lonke ilizwe lakhe,+ 4 loba lokho akwenza ebuthweni laseGibhithe, lalokho akwenza emabhizeni kaFaro lezinqola zakhe zempi, okwagubuzelwa ngamanzi oLwandle Olubomvu ngesikhathi belixotshanisa, uJehova wabatshabalalisa baphela nya.+ 5 Abakubonanga lokho alenzela khona* enkangala laze lafika endaweni le, 6 kumbe lokho akwenza kuDathani lo-Abhiramu amadodana ka-Eliyabi indodana kaRubheni ngesikhathi umhlaba uvuleka ubaginya kanye lezimuli zabo lamatende abo layo yonke into ephilayo ababelayo, bonke abako-Israyeli bekhangele.+ 7 Lizibonele ngawenu zonke izinto ezimangalisayo uJehova azenzileyo.
8 “Kumele ligcine wonke umthetho engilinika wona lamuhla ukuze liqine njalo lichaphe liyengena elizweni lilithathe libe ngelenu, 9 futhi lihlale isikhathi eside+ elizweni uJehova afunga ukuthi uzalinika okhokho benu lezizukulwane zabo,*+ ilizwe eligeleza uchago loluju.+
10 “Ilizwe eliya kulo ukuyalithatha alifanani lelizwe laseGibhithe elisuke kulo, lapho ebelihlanyela khona inhlanyelo njalo lisebenza nzima lithelela* amasimu ngendlela okuthelelwa ngayo ingadi yemibhida. 11 Kodwa ilizwe eselizachapha liyelithatha lilizwe elilezintaba lamagceke,+ ilizwe elithelelwa ngamanzi ezulu,+ 12 lilizwe elinakekelwa nguJehova uNkulunkulu wenu. Amehlo kaJehova uNkulunkulu wenu ahlala ekulo kokuphela kusukela ekuqaliseni komnyaka kuze kube sekupheleni kwawo.
13 “Nxa lingazimisela ukulalela imithetho yami engilinika yona lamuhla njalo limthande uJehova uNkulunkulu wenu futhi limkhonze ngenhliziyo yenu yonke langomphefumulo wenu wonke,+ 14 lami ngizakwenza ukuthi izulu line ngesikhathi salo elizweni lenu, izulu lokuqala* lezulu lokucina njalo lizabutha isivuno senu samabele lewayini lenu elitsha kanye lamafutha enu.+ 15 Lizakudla lisuthe+ njalo ngizakwenza ukuthi emadlelweni kube lotshani bezifuyo zenu. 16 Nanzelelani inhliziyo zenu zingahugwa beseliphambuka likhonze abanye onkulunkulu njalo libakhothamele.+ 17 Nxa lingaphambuka, uJehova uzalithukuthelela avale amazulu, izulu lingani,+ lomhlabathi awusoze uthele izithelo zawo futhi lizatshabalala masinyane elizweni elihle uJehova alinika lona.+
18 “Amazwi ami la kumele liwagxilise ezinhliziyweni zenu lasemiphefumulweni yenu njalo liwabophele ezandleni zenu abe yisikhumbuzo futhi kumele abe njengophawu* emabunzini enu.+ 19 Wafundiseni abantwabenu, likhulume ngawo nxa lihlezi ezindlini zenu, lalapho lihamba endleleni, langesikhathi lilala lalapho livuka.+ 20 Wabhaleni emigubazini yezindlu zenu lasemagedini enu, 21 ukuze lina labantwabenu lihlale isikhathi eside+ elizweni uJehova afunga ukuthi uzalinika okhokho benu+ nxa nje amazulu elokhu engaphezu komhlaba.
22 “Nxa lingawugcina ngonanzelelo umthetho lo engilinika wona njalo liwulandele, limthande uJehova uNkulunkulu wenu,+ lihambe kuzo zonke izindlela zakhe futhi linamathele kuye,+ 23 uJehova uzazidudula zonke izizwe lezi phambi kwenu+ njalo lizathatha ilifa lezizwe ezinkulu futhi ezilabantu abanengi kulani.+ 24 Yonke indawo elizanyathela kuyo izakuba ngeyenu.+ Umngcele wenu uzasukela enkangala uze uyefika eLebhanoni, usukele emfuleni, umfula uYufrathe uze uyefika elwandle olusentshonalanga.*+ 25 Kakho ozamisana lani.+ UJehova uNkulunkulu wenu uzakwenza ukuthi abantu belizwe lonke elizahamba kulo batshaywe luvalo njalo besabe+ njengoba nje elithembisile.
26 “Khangelani, sengifaka isibusiso lesiqalekiso phambi kwenu lamuhla.+ 27 Nxa lingalalela imithetho kaJehova uNkulunkulu wenu engilinika yona lamuhla, lizathola izibusiso.+ 28 Kodwa nxa lingayekela ukulalela imithetho kaJehova uNkulunkulu+ wenu njalo liphambuke endleleni engilitshela ukuthi liyilandele lamuhla, beselilandela abanye onkulunkulu elingabaziyo, lizaqalekiswa.
29 “Nxa uJehova uNkulunkulu wenu eselingenisa elizweni elizalithatha, kumele limemezele* isibusiso entabeni iGerizimu njalo limemezele isiqalekiso entabeni i-Ebhali.+ 30 Intaba lezi zingaphetsheya entshonalanga komfula uJodani, elizweni lamaKhenani ahlala e-Arabha maqondana leGiligali, eceleni kwezihlahla ezinkulu zaseMore.+ 31 Phela selichapha umfula uJodani ukuze lingene lithathe ilizwe uJehova uNkulunkulu wenu aselinika lona.+ Nxa selilithethe njalo selihlala kulo 32 kumele linanzelele ukuthi liyayigcina yonke imilayo kanye lemithetho yokwahlulela engiyibeka phambi kwenu lamuhla.+
12 “Le yimilayo kanye lemithetho yokwahlulela okumele liyigcine ngonanzelelo kuzo zonke insuku zokuphila kwenu elizweni uJehova uNkulunkulu wabokhokho benu azalinika lona ukuthi libe ngelenu. 2 Kumele lidilize ngokupheleleyo zonke indawo lapho izizwe elizazithathela ilifa lazo ezikhonzela khona onkulunkulu bazo,+ kungaba sezintabeni ezinde, emaqaqeni loba kwesinye nje isihlahla esiyisithingithingi. 3 Kumele lidilize ama-alithare azo, liphahlaze insika zazo ezingcwele,+ litshise lezithombe zazo zika-Ashera* njalo ligamule lezithombe ezibaziweyo zabonkulunkulu bazo,+ licitshe amabizo abo kuleyondawo.+
4 “Akumelanga likhonze uJehova uNkulunkulu wenu ngaleyondlela.+ 5 Kodwa kumele limdinge uJehova uNkulunkulu wenu loba ngaphi lapho azakhetha ukuthi ibizo lakhe lihlale khona, endaweni yakhe yokuhlala phakathi kwazo zonke izizwana zenu futhi yikho okumele liyekhona.+ 6 Endaweni leyo yikho okufanele lilethe khona iminikelo yenu yokutshiswa,+ lemihlatshelo yenu, leminikelo yenu yokwetshumi,+ leminikelo evela esandleni senu,+ leminikelo yenu yezifungo, leminikelo yenu yokuzithandela+ kanye lamazibulo emihlambi yenu yenkomo leyezimvu leyembuzi.+ 7 Lina kanye lezimuli zenu kumele lidlele phambi kukaJehova uNkulunkulu wenu+ kuleyondawo njalo lijabule kukho konke elikwenzayo+ ngoba uJehova uNkulunkulu wenu ulibusisile.
8 “Akumelanga lenze njengalokhu esikwenza lapha lamuhla, wonke umuntu uzenzela loba yini ayibona iqondile emehlweni akhe,* 9 ngenxa yokuthi alikafiki endaweni yokuphumula,+ elifeni uJehova uNkulunkulu wenu alinika lona. 10 Nxa selichaphile uJodani,+ selihlala elizweni uJehova uNkulunkulu wenu alinika lona ukuthi libe ngelenu, loba sekutheni uzaliphumuza kuzo zonke izitha zenu eziligombolozeleyo njalo lizahlala livikelekile.+ 11 Kumele lilethe konke engilitshela khona, likulethe endaweni uJehova uNkulunkulu wenu azakhetha ukuthi ibizo lakhe lihlale kuyo.+ Lizaletha iminikelo yenu yokutshiswa, lemihlatshelo yenu, leminikelo yenu yokwetshumi,+ leminikelo evela esandleni senu kanye leminikelo yazo zonke izifungo elizenza kuJehova. 12 Lizathokoza phambi kukaJehova uNkulunkulu wenu,+ lina lamadodana enu, lamadodakazi enu, lezigqili lezigqilikazi zenu kanye lamaLevi aphakathi kwamadolobho* enu njengoba engaphiwanga isabelo loba ilifa phakathi kwenu.+ 13 Kumele linanzelele ukuthi aliphongunikela iminikelo yenu yokutshiswa kuloba yiphi enye indawo elizayibona.+ 14 Iminikelo yenu yokutshiswa kumele liyinikele kuphela endaweni uJehova azayikhetha, phakathi kwenye yezindawo zezizwana zenu njalo nxa selikhonale kumele lenze konke engilitshela khona.+
15 “Loba nini lapho elifisa khona ukudla inyama lingahlaba isifuyo+ kusiya ngesibusiso uJehova uNkulunkulu wenu alinike sona kuwo wonke amadolobho* enu, umuntu ohlanzekileyo longcolileyo bangadla inyama yaso njengalapho lisidla inyama yempala. 16 Kodwa akumelanga lidle igazi,+ kumele lilichithele phansi emhlabathini njengamanzi.+ 17 Alisoze livunyelwe ukudlela emadolobheni* enu okwetshumi kwamabele enu, lokwewayini lenu elitsha, lokwamafutha enu kanye lamazibulo enkomo zenu lawezimvu lawembuzi+ loba eminye nje iminikelo yezifungo zenu elizenzayo, leminikelo yokuzithandela kumbe iminikelo evela ezandleni zenu. 18 Izinto lezi kumele liyezidlela phambi kukaJehova uNkulunkulu wenu endaweni uJehova uNkulunkulu wenu azayikhetha,+ lina kanye lamadodana enu, lamadodakazi enu, lezisebenzi zenu zesilisa lezesifazana kanye lamaLevi aphakathi kwamadolobho* enu njalo lizathokoza phambi kukaJehova uNkulunkulu wenu kukho konke elikwenzayo. 19 Nanzelelani lingawakhohlwa amaLevi+ nxa nje lilokhu lisahlala elizweni lenu.
20 “Nxa uJehova uNkulunkulu wenu eseqhelisa indawo yenu+ njengoba nje elithembisile,+ beselisithi, ‘Sifuna ukudla inyama’ ngoba seliyikhanuka, lingadla inyama loba nini nxa seliyikhanuka.+ 21 Nxa indawo ezakhethwa nguJehova uNkulunkulu wenu ukuthi abeke ibizo lakhe+ kuyo ikhatshana lalapho elikhona, lingahlaba ezinye izifuyo zenu emihlambini yenu yenkomo leyezimvu leyembuzi uJehova alinike yona njengoba nje ngitshilo kini njalo kumele lidlele inyama yazo phakathi kwamadolobho* enu loba nini nxa liyikhanuka. 22 Lingadla inyama yazo njengalapho lisidla inyama yempala,+ umuntu ongcolileyo lohlanzekileyo bangayidla inyama yazo. 23 Kumele libe leqiniso lokuthi kalidli igazi+ ngoba igazi liyikuphila*+ futhi akumelanga lidle ukuphila kanye lenyama. 24 Akumelanga lilidle, kumele lilichithele phansi emhlabathini njengamanzi.+ 25 Akumelanga lilidle ukuze kulihambele kuhle lina labantwabenu abazalandela ngemva kwenu, ngoba liyabe lisenza okulungileyo emehlweni kaJehova. 26 Nxa selisiya endaweni uJehova azayikhetha kumele lithathe kuphela izinto zenu ezingcwele kanye leminikelo yenu yezifungo. 27 Endaweni leyo yikho lapho elizanikela khona iminikelo yenu yokutshiswa, inyama kanye legazi,+ e-alithareni likaJehova uNkulunkulu wenu njalo igazi lemihlatshelo yenu kumele lithelwe eceleni kwe-alithare+ likaJehova uNkulunkulu wenu, kodwa inyama lingayidla.
28 “Kumele libe leqiniso lokuthi liyawalalela wonke amazwi la engilitshela wona ukuze kuhlale kulihambela kuhle lina labantwabenu abazalandela ngemva kwenu, ngoba liyabe lisenza okuhle kanye lokulungileyo phambi kukaJehova uNkulunkulu wenu.
29 “Nxa uJehova uNkulunkulu wenu esetshabalalisa izizwe elizazithathela ilifa lazo+ futhi nxa selihlezi elizweni lazo, 30 nanzelelani lingalandeli indlela zazo nxa sezitshabalalisiwe phambi kwenu njalo lingabuzi ngabonkulunkulu bazo lithi, ‘Kanti vele izizwe lezi bezibakhonza njani onkulunkulu bazo? Lathi sizakwenza okufananayo.’+ 31 Akumelanga lenzele uJehova uNkulunkulu wenu into enjalo ngoba abantu bezizwe lezi benzela onkulunkulu babo izinto ezenyanyekayo, uJehova azizondayo, baze batshise amadodana lamadodakazi abo emlilweni, benikela ngawo kubonkulunkulu babo.+ 32 Kumele libe leqiniso lokuthi liyawalandela wonke amazwi engilitshela wona lamuhla,+ akumelanga lingezelele kumbe likhiphe lutho kuwo.+
13 “Nxa kungavela umphrofethi phakathi kwenu kumbe umuntu othi uphupha izinto ezizakwenzakala abesememezela isibonakaliso kumbe abike ukuthi kuzakwenzakala okuthile, 2 lakanye isibonakaliso leso kumbe lokho alitshele ukuthi kuzakwenzakala kugcwaliseke sibili, abesesithi kini, ‘Asilandeleni abanye onkulunkulu sibakhonze,’ esitsho onkulunkulu elingabaziyo, 3 akumelanga liwalalele amazwi akhulunywa ngumphrofethi lowo kumbe umuntu lowo ophupha amaphupho+ ngoba uJehova uNkulunkulu wenu uyalilinga+ ukuze abone ukuthi liyamthanda yini uJehova uNkulunkulu wenu ngenhliziyo yenu yonke langomphefumulo wenu wonke.+ 4 UJehova uNkulunkulu wenu nguye okumele limlandele njalo nguye okumele limesabe. Kumele ligcine imithetho yakhe lilalele ilizwi lakhe njalo nguye okumele limkhonze futhi nguye okumele libambelele kuye.+ 5 Kodwa umphrofethi lowo kumbe lowomuntu ophupha amaphupho kumele abulawe+ ngoba ukhuthaze abantu ukuthi bahlamukele uJehova uNkulunkulu wabo, owabakhipha elizweni laseGibhithe njalo wabahlenga elizweni lobugqili. Phela wenze lokho ukuze aliphambule endleleni uJehova uNkulunkulu wenu alitshele ukuthi lihambe ngayo. Kumele lisuse okubi phakathi kwenu.+
6 “Nxa umfowenu ongumntakanyoko loba indodana yakho kumbe indodakazi yakho loba inkosikazi yakho oyithandayo kumbe umngane wakho osekhwapheni ekuyenga ensitha esithi, ‘Asambe siyekhonza abanye onkulunkulu,’+ esitsho onkulunkulu wena laboyihlo elingazange libazi, 7 onkulunkulu bezizwe eziligombolozeleyo kungelani lokuthi ngeziseduze kumbe ngezikhatshana lani, kusukela komunye umkhawulo welizwe kuze kuyefika komunye umkhawulo welizwe, 8 akumelanga uvume ekuyenga kumbe umlalele.+ Ungamzweli futhi ungabi lesihawu kuye kumbe umvikele 9 kodwa kumele umbulale loba sekutheni.+ Wena nguwe okumele ube ngowokuqala ukumfaka isandla ukuze umbulale besekulandela bonke abanye abantu.+ 10 Kumele umkhande ngamatshe+ ngoba ubefuna ukukuphambula kuJehova uNkulunkulu wakho owakukhipha ebugqilini elizweni laseGibhithe. 11 Lapho-ke bonke abako-Israyeli bazakuzwa lokhu besabe njalo abasoze baphinde benze into embi njengale phakathi kwenu.+
12 “Nxa lingezwa umbiko kwelinye lamadolobho enu uJehova uNkulunkulu wenu alinika wona ukuthi lihlale kuwo, othi 13 ‘Kulamadoda angelancedo asuke phakathi kwenu ukuze ayephambula izakhamizi zedolobho lawo esithi: “Asihambeni siyekhonza abanye onkulunkulu,” onkulunkulu elingabaziyo,’ 14 kumele liyihlole indaba leyo lichwayisise okuzwayo njalo libuzisise.+ Nxa kungatholakala ukuthi into le eyenyanyekayo yenzakele sibili phakathi kwenu, 15 loba sekutheni kumele litshabalalise abantu abahlala edolobheni lelo ngenkemba.+ Kumele lilitshabalalise+ ngenkemba idolobho lelo lakho konke okukulo kanye lezifuyo zakhona. 16 Ngemva kwalokho kumele lithathe yonke impahla eliyithumbe kulo liyihambise phakathi laphakathi kwegceke ledolobho lelo. Ngemva kwalokho beselithungela idolobho lelo ngomlilo njalo impahla eliyithumbe kulo izakuba ngumnikelo ogcweleyo oya kuJehova uNkulunkulu wenu. Idolobho lelo lizahlala lilunxiwa, akumelanga lakhiwe kutsha. 17 Akumelanga lithathe loba yini okumele itshabalaliswe+ ukuze uJehova angaqhubeki ethukuthele kodwa abe lesihawu lozwelo kini futhi alenze libe banengi njengoba nje wafunga kubokhokho benu.+ 18 Phela kumele limlalele* uJehova uNkulunkulu wenu ngokugcina yonke imithetho yakhe engilinika yona lamuhla, lenze okulungileyo phambi kukaJehova uNkulunkulu wenu.+
14 “Lina lingabantwana bakaJehova uNkulunkulu wenu. Lingazisikasiki emzimbeni+ kumbe ligele inwele eziphezu kwamabunzi enu lizilela umuntu ofileyo.+ 2 Phela lina lingabantu abangcwele+ kuJehova uNkulunkulu wenu njalo uJehova ulikhethile ukuthi libe ngabantu bakhe, impahla yakhe eqakathekileyo* phakathi kwazo zonke izizwe ezisemhlabeni.+
3 “Akumelanga lidle loba yini eyenyanyekayo.+ 4 Nanzi inyamazana elingazidla:+ Inkomo, lemvu, lembuzi, 5 lempala, lomziki, lembuzi yeganga, lengugama, lemvu yeganga, lemvu yezintabeni. 6 Lingadla loba yiphi inyamazana elamasondo ehlukene phakathi futhi eyentshisayo. 7 Kodwa akumelanga lidle inyamazana ezilandelayo ngoba ziyentshisa kodwa amasondo azo kawehlukananga: ikamela lomvundla kanye lembila. Inyamazana lezi ziyentshisa kodwa amasondo azo kawehlukananga, zingcolile kini.+ 8 Lengulube lingayidli ngoba ilamasondo ehlukeneyo kodwa ayentshisi, ingcolile kini. Akumelanga lidle inyama yazo kumbe lithinte izidumbu zazo.
9 “Nanzi elingazidla kuzo zonke ezihlala emanzini: Lingadla loba yini elamaxolo kanye lamaphiko.+ 10 Kodwa akumelanga lidle loba yini engelampiko lamaxolo, ingcolile kini.
11 “Lingadla loba yiphi inyoni ehlanzekileyo. 12 Kodwa lezi ezilandelayo lingazidli: ukhozi, ukhozi lwenhlanzi, lelinqe elimnyama,+ 13 lomzwazwa obomvu, lomzwazwa omnyama layo yonke imihlobo yenkozi ezincane, 14 layo yonke imihlobo yamawabayi, 15 lentshe, lesikhova, lendwandwe layo yonke imihlobo yohelwane, 16 lomandukulo, lomabhengwane, ledada elilentamo ende, 17 lephelikheni,* lelinqe, letshayamanzi, 18 lengabuzane, layo yonke imihlobo yamalanda, lemvenduna kanye lomalulwane. 19 Zonke izibungu eziphaphayo lazo zingcolile kini, akumelanga zidliwe. 20 Loba yisiphi isidalwa esiphaphayo esihlanzekileyo lingasidla.
21 “Akumelanga lidle loba yiphi inyamazana ezifeleyo.+ Lingayinika owesinye isizwe ohlala phakathi kwamadolobho* enu ukuthi ayidle, kumbe liyithengisele umuntu wesinye isizwe. Phela lina lingabantu abangcwele kuJehova uNkulunkulu wenu.
“Akumelanga lixhwathise izinyane lembuzi ngochago lukanina.+
22 “Kumele ube leqiniso lokuthi uyakhipha okwetshumi kuzo zonke izithelo zenhlanyelo yakho oyihlanyela emasimini akho minyaka yonke.+ 23 Uzakudla okwetshumi kwamabele akho, lokwewayini lakho elitsha, lokwamafutha akho kanye lamazibulo enkomo zakho lawezimvu lawembuzi, phambi kukaJehova uNkulunkulu wakho endaweni azayikhetha ukuthi ibizo lakhe lihlale kuyo,+ ukuze ufunde ukuhlala umesaba uJehova uNkulunkulu wakho.+
24 “Kodwa nxa uhambo lwakhona lulude kakhulu kuwe njalo ungenelisi ukuthwala okwetshumi uyelakho endaweni uJehova uNkulunkulu wakho azakhetha ukuthi ibizo lakhe lihlale kuyo,+ ngenxa yokuthi iyabe ikhatshana kakhulu lawe (ngoba uJehova uNkulunkulu wakho uzakubusisa), 25 ungakutshintsha kube yimali, ubusuthatha imali leyo uhambe layo endaweni uJehova uNkulunkulu wakho azayikhetha. 26 Imali leyo usungayisebenzisa ukuthenga loba yini oyifunayo, kungaba zinkomo, izimvu loba imbuzi, iwayini loba eminye imihlobo yotshwala kumbe okunye nje okuthandayo, njalo uzakudla phambi kukaJehova uNkulunkulu wakho uthokoze wena labendlu yakho.+ 27 Ungawakhohlwa amaLevi asemadolobheni akho+ ngoba kawaphiwanga isabelo loba ilifa phakathi kwenu.+
28 “Ngaso sonke isikhathi ekupheleni kweminyaka emithathu kumele ukhiphe okwetshumi kuso sonke isivuno sakho ukufake emadolobheni akho.+ 29 Lapho-ke amaLevi wona angaphiwanga isabelo loba ilifa phakathi kwenu, lowesinye isizwe, lentandane kanye lomfelokazi abasemadolobheni akho bazabuya badle basuthe+ ukuze uJehova uNkulunkulu wakho akubusise kukho konke okwenzayo.+
15 “Ngaso sonke isikhathi ekupheleni kweminyaka eyisikhombisa kumele likhulule abantu ezikweledeni zabo.+ 2 Nansi indlela elizakwenza ngayo: Wonke umuntu okweledise umakhelwane wakhe uzamkhulula esikweledeni alaso. Akumelanga ayethonisa isikwelede leso kumakhelwane wakhe loba kumfowabo ngoba lokhu kuyabe kuyikukhululwa okwenzelwa uJehova.+ 3 Umuntu wesinye isizwe nguye kuphela ongayathonisa kuye isikwelede+ kodwa umfowenu kumele umcitshele loba yini akukweleda yona. 4 Lanxa kunjalo kakho phakathi kwenu okumele abe ngumyanga ngoba uJehova uzalibusisa sibili+ elizweni uJehova uNkulunkulu wenu alinika lona ukuthi libe lilifa lenu, 5 nxa nje lizazimisela ukulalela ilizwi likaJehova uNkulunkulu wenu njalo ligcine ngonanzelelo yonke imithetho engilinika yona lamuhla.+ 6 Phela uJehova uNkulunkulu wenu uzalibusisa njengoba nje elithembisile. Lizabolekisa* izizwe ezinengi kodwa lina alisoze liboleke+ njalo lizabusa izizwe ezinengi kodwa zona azisoze zilibuse.+
7 “Nxa omunye wabafowenu angaba ngumyanga phakathi kwenu kwelinye lamadolobho aselizweni uJehova uNkulunkulu wenu alinika lona, ungenzi inhliziyo yakho ibe lukhuni kumbe ube ngoncitshanayo kumfowenu ongumyanga,+ 8 ngoba kumele ube lomusa umvulele isandla sakho+ njalo kumele ube leqiniso lokuthi uyamboleka loba yini ayifunayo kumbe ayiswelayo. 9 Nanzelela ungabi lomcabango lo omubi enhliziyweni yakho ubususithi, ‘Umnyaka wesikhombisa, umnyaka wokukhululwa ezikweledeni ususondele,’+ ubusuyekela ukuba lomusa kumfowenu ongumyanga futhi ungamniki lutho. Nxa angakhala ngawe kuJehova, uyabe wenze isono.+ 10 Ungamniki ukhonona enhliziyweni yakho kodwa kumele umnike ngomusa+ ngoba lokho kuzakwenza uJehova uNkulunkulu wakho abusise yonke imisebenzi yakho kanye lakho konke okwenzayo. + 11 Phela abayanga bazahlala bekhona elizweni,+ yikho ngisithi kuwe, ‘Kumele ube lomusa, uvule isandla sakho uncede abafowenu abahluphekayo labangabayanga abaselizweni lenu.’+
12 “Nxa ungathengiselwa omunye wabafowenu, owesilisa loba owesifazana ongumHebheru futhi nxa esekusebenzele okweminyaka eyisithupha, kumele umkhulule ngomnyaka wesikhombisa.+ 13 Nxa usumkhulula ukuthi ahambe, ungamyekeli abuyele elengise izandla. 14 Kumele umnike ngomusa okunye okuvela emhlambini wakho wezimvu lowembuzi, lasesizeni sakho, lasesikhamelweni sakho samafutha lesewayini. Lawe kumele umnike umfowenu njengoba nje uJehova uNkulunkulu wakho ekubusisile. 15 Khumbula ukuthi lani lake laba yizigqili elizweni laseGibhithe lokuthi uJehova uNkulunkulu wenu walihlenga. Yikho ngikutshela lamuhla ukuthi ukwenze lokhu.
16 “Kodwa nxa umfowenu angathi kuwe, ‘Angisoze ngisuke kuwe’ ngoba ekuthanda wena labendlu yakho ngenxa yokuthi ubethokoza ngesikhathi sonke elawe,+ 17 lapho-ke kumele uye laye emnyango ubusubhoboza indlebe yakhe ngosungulo njalo uzakuba yisigqili sakho okwempilo yakhe yonke. Kumele wenze okufananayo lakulowo oyisigqilikazi sakho. 18 Nxa ungathi umkhulula abesevuma ukuhamba ungakuthathi njengomthwalo onzima ngoba umsebenzi akwenzele wona okweminyaka eyisithupha udlula kabili lowo obungenziwa yisisebenzi esiqhatshiweyo njalo uJehova uNkulunkulu wakho ukubusisile kukho konke.
19 “Kumele wehlukanise wonke amazibulo enkomo zakho lawezimvu lawembuzi abe ngakaJehova uNkulunkulu wakho.+ Akumelanga wenze loba yiwuphi umsebenzi onzima ngamazibulo omhlambi wakho wenkomo kumbe ugele uboya bamazibulo omhlambi wakho wezimvu lowembuzi. 20 Wena labendlu yakho kumele liwadlele phambi kukaJehova uNkulunkulu wakho minyaka yonke endaweni uJehova azayikhetha.+ 21 Kodwa nxa izibulo lakhona lilesici, kungaba yikuqhula, ukungaboni loba obunye nje ubulima, akumelanga wenzele uJehova uNkulunkulu wakho umhlatshelo ngalo.+ 22 Kumele ulidlele phakathi kwamadolobho* enu. Umuntu ohlanzekileyo longahlanzekanga bangayidla inyama yalo njengalapho lisidla inyama yempala.+ 23 Kodwa igazi lalo akumelanga ulidle.+ Kumele ulichithele phansi emhlabathini njengamanzi.+
16 “Khumbulani inyanga ka-Abhibhi* njalo linanze iPhasika likaJehova uNkulunkulu wenu,+ ngoba ngenyanga ka-Abhibhi uJehova uNkulunkulu wenu walikhipha eGibhithe ebusuku.+ 2 Kumele lihlabele uJehova uNkulunkulu wenu umhlatshelo wePhasika+ eliwuthethe emihlambini yenu yezimvu leyembuzi kanye leyenkomo,+ endaweni uJehova azayikhetha ukuthi ibizo lakhe lihlale kuyo.+ 3 Akumelanga liwudle laloba yini elemvubelo,+ kumele lidle isinkwa esingelamvubelo okwamalanga ayisikhombisa, isinkwa sokuhlupheka ngoba laphuma elizweni laseGibhithe ngesiphangiphangi.+ Qhubekani likwenza lokhu nxa nje lisaphila ukuze likhumbule ilanga elaphuma ngalo elizweni laseGibhithe.+ 4 Okwamalanga ayisikhombisa akumelanga kutholakale ifulawa elemvubelo kuzo zonke indawo elihlala kuzo+ futhi inyama elizakwenza ngayo umhlatshelo ngelanga lokuqala kusihlwa, akumelanga ilale ubusuku bonke kuze kuse.+ 5 Alisoze livunyelwe ukuhlaba umhlatshelo wePhasika kuloba yiliphi idolobho uJehova uNkulunkulu wenu alinika lona. 6 Kodwa kumele liwuhlabe endaweni uJehova uNkulunkulu wenu azakhetha ukuthi ibizo lakhe lihlale kuyo. Kumele lihlabe umhlatshelo wePhasika kusihlwa, ilanga lisanda kutshona,+ ngesikhathi esibekiweyo elaphuma ngaso eGibhithe. 7 Kumele liwupheke njalo liwudlele+ endaweni uJehova uNkulunkulu wenu azayikhetha,+ besekusithi ekuseni libuyele ematendeni enu. 8 Lizakudla isinkwa esingelamvubelo okwamalanga ayisithupha besekusithi ngelanga lesikhombisa lenzele uJehova uNkulunkulu wenu umhlangano ongcwele. Akumelanga lisebenze ngalelolanga.+
9 “Kumele libale amaviki ayisikhombisa. Kufanele liqalise ukubala amaviki ayisikhombisa kusukela ngesikhathi elizaqala ngaso ukuvuna amabele emasimini.+ 10 Ngemva kwalokho, kumele linanze uMkhosi Wamaviki lisenzela uJehova uNkulunkulu wenu,+ liphethe umnikelo wokuzithandela ovela esandleni senu eliwukhiphe kuhambelana lesibusiso uJehova uNkulunkulu wenu alinike sona. + 11 Kumele lithokoze phambi kukaJehova uNkulunkulu wenu, lina kanye lamadodana enu, lamadodakazi enu, lezigqili lezigqilikazi zenu, lamaLevi aphakathi kwamadolobho* enu, lowesinye isizwe, lezintandane kanye labafelokazi abaphakathi kwenu, endaweni uJehova uNkulunkulu wenu azakhetha ukuthi ibizo lakhe lihlale kuyo.+ 12 Khumbulani ukuthi laliyizigqili eGibhithe.+ Gcinani njalo lilandele imilayo le.
13 “Nxa selibutha lokho okusezizeni zenu lasezikhamelweni zenu zamafutha lezewayini kumele linanze uMkhosi Wezihonqo*+ okwamalanga ayisikhombisa. 14 Kumele lithokoze ngesikhathi somkhosi wenu,+ lina kanye lamadodana enu, lamadodakazi enu, lezigqili lezigqilikazi zenu, lamaLevi, lowesinye isizwe, lezintandane kanye labafelokazi abaphakathi kwamadolobho enu. 15 Kufanele lenzele uJehova uNkulunkulu wenu umkhosi okwamalanga ayisikhombisa+ endaweni uJehova azayikhetha. Phela uJehova uNkulunkulu wenu uzabusisa sonke isivuno senu lakho konke elikwenzayo+ futhi kuzakuba yintokozo yodwa kini.+
16 “Kathathu ngomnyaka, wonke amadoda aphakathi kwenu kumele abuye azokuma phambi kukaJehova uNkulunkulu wenu endaweni azayikhetha, ngesikhathi soMkhosi Wesinkwa Esingelamvubelo,+ loMkhosi Wamaviki+ kanye loMkhosi Wezihonqo*+ futhi kakho phakathi kwawo okumele azokuma phambi kukaJehova elengise izandla. 17 Isipho ngamunye azasiletha kumele sihambelane lesibusiso uJehova uNkulunkulu wenu amnike sona.+
18 “Kumele likhethe abahluleli+ kanye labaphathi esizwaneni ngasinye kuwo wonke amadolobho* uJehova uNkulunkulu wenu alinika wona futhi kumele bahlulele abantu ngokulunga. 19 Akumelanga lahlulele kubi,+ libe lobandlululo+ kumbe livume ukufunjathiswa* ngoba ukufunjathiswa kwenza abahlakaniphileyo babe angathi yiziphofu+ njalo kuyawatshintsha amazwi abalungileyo. 20 Kubambeni likugagadlele ukwahlulela okuhle+ ukuze liqhubeke liphila njalo lilithathe ilizwe uJehova uNkulunkulu wenu alinika lona.
21 “Lingahlanyeli loba yisiphi isihlahla ukuze sibe lugodo olungcwele*+ eduze kwe-alithare likaJehova uNkulunkulu wenu, elizazenzela lona.
22 “Lingamisi insika engcwele elizayikhonza+ ngoba uJehova uNkulunkulu wenu uyakuzonda lokho.
17 “Akumelanga lenzele uJehova uNkulunkulu wenu umhlatshelo ngenkunzi loba imvu elesici loba elokunye nje okusolekayo kuyo, ngoba isifuyo esinjalo siyenyanyeka kuJehova uNkulunkulu wenu.+
2 “Nxa kungatholakala indoda loba owesifazana phakathi kwenu, kwelinye lamadolobho enu uJehova uNkulunkulu alinika wona, owenza okubi phambi kukaJehova uNkulunkulu wenu, esephula isivumelwano sakhe,+ 3 abesephambuka ayekhonza abanye onkulunkulu abakhothamele kumbe akhothamele ilanga loba inyanga kumbe lonke nje ibutho elisemazulwini,+ esenza lokho engingazange ngililaye khona,+ 4 njalo nxa lingabikelwa ngendaba leyo kumbe ifike endlebeni zenu kumele lidingisise ngayo okuzwayo. Nxa kungatholakala ukuthi into eyenyanyeka njengaleyo yenzakele sibili+ ko-Israyeli, 5 kumele lithathe indoda leyo kumbe owesifazana lowo owenze into embi limkhiphele ngaphandle kwamagedi edolobho njalo indoda leyo loba owesifazana lowo kumele atshaywe ngamatshe aze afe.+ 6 Umuntu lowo kumele abulawe. Kodwa kumele abulawe nxa lokho akwenzileyo kufakazelwa ngofakazi ababili kumbe abathathu.+ Akumelanga abulawe nxa kulofakazi oyedwa kuphela.+ 7 Ofakazi labo yibo okumele babe ngabokuqala ukumfaka isandla ukuze bambulale, besekulandela bonke abanye abantu. Kumele lisuse okubi phakathi kwenu.+
8 “Nxa kwelinye lamadolobho enu kungavuka indaba enzima kakhulu ukuthi liyahlulele, kungelani lokuthi ngephathelane lokubulala+ loba yindaba emangaliweyo loba udlakela olwenzakeleyo loba okunye nje ukungazwanani, kumele liye endaweni uJehova uNkulunkulu wenu azayikhetha.+ 9 Kufanele liye kubaphristi abangamaLevi lakumahluleli+ oyabe ekhona ngalezonsuku liyebuzisisa ngodaba lwenu futhi bazalitshela isinqumo sabo.+ 10 Ngemva kwalokho kumele lilandele isinqumo abazalinika sona endaweni uJehova azayikhetha. Kumele libe leqiniso lokuthi liyakwenza konke abalitshela khona. 11 Kumele lilandele umthetho abazalitshengisa wona njalo lilandele lesinqumo abazalitshela sona.+ Lingaphambuki kuleso sinqumo abazalinika sona liye kwesokudla loba kwesenxele.+ 12 Umuntu ozazenza iqhalaqhala angalaleli umahluleli kumbe umphristi osebenzela uJehova uNkulunkulu wenu kumele abulawe.+ Kumele lisuse okubi ko-Israyeli.+ 13 Ngemva kwalokho bonke abantu bazakuzwa besabe futhi kakho ozaphinda abe liqhalaqhala.+
14 “Nxa selingenile elizweni uJehova uNkulunkulu wenu alinika lona, selilithethe laba ngelenu futhi selihlala kulo beselisithi, ‘Asikhetheni inkosi njengazo zonke izizwe ezisigombolozeleyo,’+ 15 nxa kungaba njalo kumele libe leqiniso lokuthi libeka inkosi ekhethwe nguJehova uNkulunkulu wenu.+ Kumele likhethe inkosi phakathi kwabafowenu, lingakhethi umuntu wesinye isizwe ongasimfowenu ukuthi alibuse. 16 Inkosi leyo akumelanga ibe lamabhiza amanengi+ kumbe ithume abantu ukuthi babuyele eGibhithe ukuze bayezuza amabhiza amanengi khonale+ ngoba uJehova walitshela wathi, ‘Akumelanga liphinde libuyele eGibhithe.’ 17 Inkosi akumelanga ithathe abafazi abanengi ukuze inhliziyo yayo ingaphambuki+ futhi akumelanga ibuthelele isiliva esinengi kanye legolide.+ 18 Nxa isihlala esihlalweni sobukhosi embusweni wayo, kumele ithathe ibhuku* izibhalele uMthetho lo kulo, iwuthatha kulelo eligcinwe ngabaphristi abangamaLevi.+
19 “Kumele ihlale ilawo njalo iwubale kuzo zonke insuku zokuphila kwayo,+ ukuze ifunde ukumesaba uJehova uNkulunkulu futhi igcine wonke amazwi oMthetho lo kanye lemilayo le ngokuyilandela.+ 20 Lokhu kuzakwenza ukuthi ingaziphakamisi, izibone ingcono kulabafowabo futhi ayisoze iphambuke emthethweni iye kwesokudla loba kwesenxele, ukuze ihlale isikhathi eside embusweni wayo yona kanye lamadodana ayo phakathi kwabantu bako-Israyeli.
18 “Abaphristi abangamaLevi, laso sonke nje isizwana sakoLevi abasoze baphiwe isabelo loba ilifa ko-Israyeli. Bazakudla iminikelo etshiselwa uJehova ngomlilo okuyilo ilifa lakhe.+ 2 Ngakho akumelanga baphiwe ilifa phakathi kwabafowabo. UJehova nguye ilifa labo njengoba nje etshilo kubo.
3 “Nanku-ke okumele kuphiwe abaphristi okuvela ebantwini: Loba ngubani owenza umhlatshelo ngenkunzi loba ngemvu kumele anike umphristi umkhono lemihlathi kanye lolusu. 4 Kumele limnike lezithelo zokuqala zamabele enu lewayini lenu elitsha lamafutha enu kanye loboya bokuqala obugelwe emhlambini yenu yezimvu leyembuzi.+ 5 UJehova uNkulunkulu wenu umkhethile yena lamadodana akhe kuzo zonke izizwana zenu ukuthi bakhonze ebizweni likaJehova ngazo zonke izikhathi.+
6 “Kodwa nxa umLevi angasuka endaweni ahlala kuyo kwelinye lamadolobho+ ako-Israyeli futhi efisa ukuya endaweni uJehova azayikhetha,*+ 7 angakhonza ebizweni likaJehova uNkulunkulu wakhe kuleyondawo njengabo bonke abafowabo abangamaLevi abasebenza phambi kukaJehova khonale.+ 8 Uzaphiwa isabelo sokudla esilingana lesabo,+ phezu kwalokho azakuthola nxa angathengisa impahla yabokhokho bakhe.
9 “Nxa selingenile elizweni uJehova uNkulunkulu wenu alinika lona, akumelanga lilingisele imikhuba eyenyanyekayo eyenziwa yizizwe lezo.+ 10 Phakathi kwenu akumelanga kutholakale loba ngubani otshisa indodana kumbe indodakazi yakhe emlilweni, esenza umhlatshelo ngayo,*+ laloba ngubani ohlahlulayo,+ lowenza amasalamusi,+ lobuza kwabatshaya amathambo,+ loloyayo,+ 11 laloba ngubani ophosa abanye ngamaphoso, lobuza esangomeni+ kumbe emuntwini olomoya wokutshela abantu ngekusasa+ loba obuza kwabafileyo.+ 12 Phela loba ngubani owenza izinto lezi uyenyanyeka kuJehova njalo uJehova uNkulunkulu wenu uyazidudula izizwe lezi phambi kwenu ngenxa yezinto lezi ezenyanyekayo. 13 Kumele libe msulwa phambi kukaJehova uNkulunkulu wenu.+
14 “Phela izizwe lezi elizazithathela ilifa lazo bezibalalela abantu abenza amasalamusi+ labahlahlulayo+ kodwa uJehova uNkulunkulu wenu kalivumelanga ukuthi lenze loba yini enjengale. 15 UJehova uNkulunkulu wenu uzalivusela umphrofethi onjengami phakathi kwabafowenu, kumele limlalele.+ 16 Le yimpendulo yalokho elakucela kuJehova uNkulunkulu wenu eHorebhi ngelanga lomhlangano*+ lapho lisithi, ‘Ungasivumeli ukuthi sizwe ilizwi likaJehova uNkulunkulu wethu kumbe ukuthi siphinde sibone umlilo lo owesabekayo ukuze singafi.’+ 17 Ngemva kwalokho uJehova wathi kimi, ‘Abakutshoyo kuqondile. 18 Ngizabavusela umphrofethi onjengawe+ phakathi kwabafowabo njalo ngizafaka amazwi ami emlonyeni wakhe+ futhi uzabatshela konke engimtshela khona.+ 19 Umuntu ongasoze alalele amazwi ami azawakhuluma ebizweni lami kuzamele alandise loba sekutheni.+
20 “‘Loba nguphi umphrofethi ozakuba liqhalaqhala akhulume ilizwi esebenzisa ibizo lami ngingamthumanga ukuthi alikhulume kumbe akhulume ngebizo labanye onkulunkulu, umphrofethi lowo kumele abulawe.+ 21 Mhlawumbe selingathi enhliziyweni zenu: “Manje sizakwazi njani ukuthi uJehova kalikhulumanga ilizwi lelo?” 22 Nxa umphrofethi lowo angakhuluma ilizwi ebizweni likaJehova beseliyekela ukugcwaliseka loba akutshoyo kungabi liqiniso, uJehova uyabe engalikhulumanga ilizwi lelo. Umphrofethi lowo uyabe ezenze iqhalaqhala wakhuluma ilizwi. Akumelanga limesabe.’
19 “Nxa uJehova uNkulunkulu wenu esetshabalalise izizwe ezihlala elizweni uJehova uNkulunkulu wenu alinika lona ukuthi libe ngelenu futhi nxa selizithathele ilifa lazo, selihlala emadolobheni azo lasezindlini zazo,+ 2 kumele likhethe amadolobho amathathu phakathi kwelizwe lenu, uJehova uNkulunkulu wenu alinika lona ukuthi libe ngelenu.+ 3 Kumele lehlukanise ilizwe uJehova uNkulunkulu wenu alinike lona ukuthi libe ngelenu libe yizigaba ezintathu njalo lilungise imigwaqo ukuze umuntu obulele omunye abalekele kwelinye lamadolobho lawo.
4 “Nanku okumele kwenzakale nxa umbulali angabalekela khona ukuze aphile: Nxa enze iphutha wabulala omunye engahlosanga futhi kungayisikho ukuthi ubemzonda,+ 5 ngokwesibonelo, nxa angayatheza inkuni egangeni lomakhelwane wakhe,* abesephakamisa ihloka ukuthi agamule isihlahla, ihloka beselikhumuka emphinini liyetshaya umakhelwane wakhe afe, umbulali kumele abalekele kwelinye lamadolobho lawo ukuze aphile.+ 6 Phela nxa umango wokuya edolobheni lokuphephela umude kakhulu, ophindiselayo*+ angamlandela ezonde efile amxotshanise aze amfice ambulale. Kodwa umuntu lowo kuyabe kungamelanga abulawe ngoba ubengamzondi umakhelwane wakhe.+ 7 Yikho ngililaya ngisithi: ‘Khethani amadolobho amathathu.’
8 “UJehova uNkulunkulu wenu uzaqhelisa indawo yenu njengoba nje wafunga kubokhokho benu+ futhi alinike lonke ilizwe athembisa ukulinika okhokho benu.+ 9 Kodwa ukuze lokhu kwenzakale kumele liwugcine ngokuthembeka umthetho lo engilinika wona lamuhla, limthande uJehova uNkulunkulu wenu futhi liqhubeke lihamba ezindleleni zakhe,+ lapho-ke kuzamele lengezelele amanye amadolobho amathathu phezu kwala amathathu.+ 10 Ngaleyondlela akulagazi lomuntu ongelacala elizachithwa+ elizweni lenu uJehova uNkulunkulu wenu alinika lona ukuthi libe lilifa lenu njalo akulacala legazi elizakuba phezu kwenu.+
11 “Kodwa nxa kuyikuthi umuntu ubemzonda umakhelwane wakhe,+ wasemcathamela wamtshaya wambulala futhi yena wasebalekela kwelinye lamadolobho la, 12 abadala bedolobho lakibo kumele bambize, besebemhambisa kulowo ophindiselayo futhi kumele ambulale.+ 13 Akumelanga* limzwele njalo kumele lisuse icala lokubulawa komuntu ongelacala ko-Israyeli+ ukuze kulihambele kuhle.
14 “Nxa selilitholile ilifa lenu elizweni uJehova uNkulunkulu wenu alinika lona ukuthi libe ngelenu, akulamuntu okumele atshedise umngcele kamakhelwane wakhe+ awususe lapho okhokho benu abawumisa khona.
15 “Umuntu akumelanga agwetshwe nxa icala loba isono asenzileyo sifakazelwa ngumuntu oyedwa.+ Yonke indaba kumele iqiniswe yibufakazi babantu* ababili kumbe abathathu. + 16 Nxa umuntu angafakaza amanga ngomunye umuntu futhi amgcone esithi ulecala,+ 17 bobabili abamangalelanayo bazakuma phambi kukaJehova laphambi kwabaphristi kanye labahluleli abazabe bekhona ngalezonsuku.+ 18 Abahluleli bazachwayisisa okuzwayo,+ nxa kungatholakala ukuthi umuntu lowo ungufakazi wamanga lokuthi lokho akutshoyo ngomfowabo akusilo qiniso, 19 kumele limenze khona kanye abefuna ukukwenza umfowabo+ futhi kumele lisuse okubi phakathi kwenu.+ 20 Bonke abanye abantu bazakuzwa besabe futhi abasoze baphinde benze into embi njengale phakathi kwenu.+ 21 Akumelanga* libe lozwelo:+ Impilo kumele iphindiselwe ngempilo,* ilihlo ngelihlo, izinyo ngezinyo, isandla ngesandla, unyawo ngonyawo.+
20 “Nxa lingaphuma lisiyakulwa lezitha zenu, beselibona amabhiza azo lezinqola zazo zempi lamabutho azo kukunengi kulokwenu, lingazesabi ngoba uJehova uNkulunkulu wenu owalikhipha elizweni laseGibhithe ulani.+ 2 Nxa selizakuyahlasela, umphristi kumele asondele ebantwini akhulume labo.+ 3 Kumele athi kubo, ‘Zwana we Israyeli, ususiyahlasela izitha zakho. Ungapheli amandla, ungesabi, ungatshaywa luvalo futhi ungabi lomhedehede ngenxa yazo, 4 ngoba uJehova uNkulunkulu wakho uhamba lawe ukuze ayekulwela ezitheni zakho njalo akusindise.’+
5 “Izikhulu zebutho lazo kumele zikhulume labantu zithi, ‘Ukhona yini ongakavuli indlu yakhe entsha ayakhileyo? Kabuyele endlini yakhe ngoba angafela empini indlu yakhe icine isivulwa ngomunye umuntu. 6 Ukhona yini ongakaqalisi ukuvuna izithelo zensimu yakhe yamagilebisi ayihlanyelileyo? Kabuyele emzini wakhe ngoba angafela empini ibisiqalisa ukusetshenziswa ngomunye umuntu. 7 Ukhona yini ongakathathi intombi athembisane layo? Kabuyele emzini wakhe+ ngoba angafela empini intombi leyo ibisithathwa ngomunye umuntu.’ 8 Kanti njalo izikhulu zebutho kumele zibuze abantu zithi, ‘Ngubani owesabayo futhi otshaywa luvalo?+ Kabuyele emzini wakhe ukuze angenzi abafowabo besabe njengaye.’+ 9 Nxa izikhulu zebutho seziqedile ukukhuluma labantu, kumele zikhethe induna zebutho ezizakhokhela ibutho.
10 “Nxa lingafika edolobheni elithile lisiyalihlasela kumele liqale litshele abantu balo ukuthi kumele benzeni ukuze babe lokuthula lani.+ 11 Nxa bangavuma ukuthi kube lokuthula phakathi kwenu labo njalo balivulele amagedi, bonke abantu elizabathola lapho bazakuba yizigqili zenu balisebenzele.+ 12 Kodwa nxa besala ukuthi kube lokuthula phakathi kwenu labo, besebelihlasela balwe lani, kumele lilivimbezele idolobho lelo, 13 loba sekutheni uJehova uNkulunkulu wenu uzanikela idolobho lelo esandleni senu futhi bonke abesilisa elizabathola kulo kumele libabulale ngenkemba. 14 Kodwa abesifazana, labantwana, lezifuyo lakho konke okusedolobheni lelo, yonke nje impahla ekulo, lingazithathela kube ngokwenu+ futhi lizakudla lokho elikuthumbe ezitheni zenu, elikunikwe nguJehova uNkulunkulu wenu.+
15 “Lokhu yikho elizakwenza kuwo wonke amadolobho akhatshana kakhulu lani, amadolobho angayisiwo ezizwe lezi elakhelane lazo. 16 Kodwa kumele libulale yonke into ephefumulayo emadolobheni ezizwe lezi uJehova uNkulunkulu wenu alinika wona ukuthi abe lilifa lenu.+ 17 Kumele libatshabalalise abantu bawo, amaHithi, lama-Amori, lamaKhenani, lamaPherizi, lamaHivi kanye lamaJebusi,+ njengoba nje uJehova uNkulunkulu wenu etshilo kini, 18 ukuze bangalifundisi ukulandela yonke imikhuba yabo eyenyanyekayo abayenzela onkulunkulu babo, besebebangela ukuthi lenze isono kuJehova uNkulunkulu wenu.+
19 “Nxa lingavimbezela idolobho elithile ukuze lilithumbe futhi sekulensuku ezinengi lisilwa lalo, akumelanga ligamule izihlahla ezikulo lizitshabalalise. Lingadla izithelo ezisezihlahleni lezo kodwa akumelanga lizigamule.+ Kambe selingavimbezela isihlahla esisegangeni ngendlela elingavimbezela ngayo umuntu? 20 Lingatshabalalisa kuphela isihlahla elikwaziyo ukuthi asidliwa. Lingasigamula lakhe ngaso uthango lokuvimbezela idolobho elilwa lalo, lize lilithumbe.
21 “Nxa umuntu angatholakala ebulewe egangeni, elizweni uJehova uNkulunkulu wenu alinika lona ukuthi libe ngelenu njalo kungaziwa ukuthi ubulewe ngubani, 2 abadala labahluleli benu+ kumele bahambe bayelinganisa umango kusukela esidunjini leso kusiya emadolobheni aseduze. 3 Ngemva kwalokho abadala bedolobho eliseduze lesidumbu leso kumele bathathe ithokazi emhlambini wenkomo, elingakaze lisebenze loba lifakwe ejogweni, 4 njalo abadala bedolobho lelo kumele baqhube ithokazi lelo baye lalo esigodini esigeleza amanzi, endaweni engakaze ilinywe kumbe ihlanyelwe inhlanyelo, besebelephula intamo khonapho esigodini.+
5 “Abaphristi abangamaLevi bazasondela babusise ngebizo likaJehova+ ngoba uJehova uNkulunkulu wenu ubakhethile ukuthi bamsebenzele.+ Bazakhuluma ukuthi zonke ingxabano ezilodlakela kumele zilungiswe njani.+ 6 Ngemva kwalokho bonke abadala bedolobho eliseduze lesidumbu leso kumele bageze izandla zabo+ phezu kwethokazi lelo elephulwe intamo esigodini, 7 njalo kumele bathi, ‘Asizange simbulale umuntu lo* futhi asimbonanga ebulawa. 8 Awu Jehova, ungabethesi icala leli abantu bakho bako-Israyeli owabahlengayo.+ Ungavumeli ukuthi icala legazi lomuntu ongelacala libe phezu kwabantu bakho, abako-Israyeli.’+ Ngakho abasoze babekwe icala lokubulala umuntu. 9 Ngaleyondlela lizasusa icala legazi lomuntu ongelacala phakathi kwenu ngokwenza okuhle phambi kukaJehova.
10 “Nxa lingaphuma liye empini lisiyakulwa lezitha zenu njalo uJehova uNkulunkulu wenu abe selinqobela zona lizithumbe,+ 11 ubusubona phakathi kwabathunjiweyo kulowesifazana omuhle, okuthatha umoya njalo ufune ukumthatha abe ngumkakho, 12 ungamletha endlini yakho. Kumele aphuce ikhanda, aqume lenzipho zakhe 13 njalo akhiphe lezigqoko athunjwe ezigqokile, abesehlala endlini yakho. Uzakhalela uyise lonina okwenyanga yonke,+ ngemva kwalokho usungaya laye emacansini. Uzakuba yinkosikazi yakho wena ube ngumkakhe. 14 Kodwa nxa ungathokozi ngaye kumele umyekele ahambe+ loba ngaphi lapho afuna ukuya khona. Akumelanga umthengise ngemali kumbe umphathe kubi ngoba usumthelele ihlazo.
15 “Nxa indoda ilabafazi ababili kodwa ithanda omunye ukwedlula omunye* njalo bobabili bayizalele amadodana futhi olizibulo ezelwe yinkosikazi engathandwayo,+ 16 ngelanga ezakwabela ngalo amadodana ayo ilifa ayisoze ivunyelwe ukuphatha indodana yomfazi emthanda kakhulu angathi yiyo izibulo esikhundleni sendodana yowesifazana ongathandwayo eyiyo elizibulo. 17 Kumele itshengise ukuthi indodana yowesifazana ongathandwayo yiyo izibulo ngokuyinika okuphindwe kabili kukho konke elakho ngoba iyisiqalo samandla ayo okuzala. Ilungelo lokuba lizibulo ngelayo.+
18 “Nxa umuntu elendodana eyisiqholo elihlongandlebe njalo edelela uyise loba unina+ futhi sebeke bazama ukuyiqondisa kodwa yala ukubalalela,+ 19 uyise lonina kumele bayibambe, bayihambise ebadaleni egedini ledolobho lakibo 20 futhi kumele bakhulume labadala bedolobho lakibo bathi, ‘Indodana yethu le iyisiqholo, ilihlongandlebe njalo ayifuni ukusilalela. Iyisihwaba+ futhi iyisidakwa.’+ 21 Ngakho wonke amadoda edolobho lakibo kumele ayitshaye ngamatshe ize ife. Kumele lisuse okubi phakathi kwenu futhi bonke abako-Israyeli bazakuzwa besabe.+
22 “Nxa umuntu angenza isono esifanele isigwebo sokufa abesebulawa+ futhi nxa limlengise esigodweni,+ 23 isidumbu sakhe akumelanga silenge ubusuku bonke esigodweni+ kodwa kumele libe leqiniso lokuthi liyamngcwaba ngalelolanga ngoba umuntu olengisiweyo uyinto eqalekisiweyo kuNkulunkulu.+ Lingangcolisi ilizwe uJehova uNkulunkulu wenu alinika lona ukuthi libe lilifa lenu.+
22 “Nxa ungabona inkunzi yomfowenu loba imvu yakhe ihlanhlatha ungayiyekeli ngabomo.+ Kumele ube leqiniso lokuthi uyayiqhuba uyibuyisele kumfowenu. 2 Kodwa nxa umfowenu ehlala khatshana lawe kumbe nxa ungamazi kumele uthathe isifuyo leso uhambe laso emzini wakho futhi sizaqhubeka silawe umfowenu aze abuye esidinga. Lapho-ke kumele usibuyisele kuye.+ 3 Lokhu yikho okumele ukwenze ngobabhemi wakhe lesigqoko sakhe kanye lokunye nje okomfowenu okulahlekileyo wasukuthola. Akumelanga ukutshiye.
4 “Nxa ungabona ubabhemi womfowenu kumbe inkunzi yakhe iwile emgwaqweni, akumelanga uyitshiye ngabomo. Kumele ube leqiniso lokuthi uyamncedisa avuse isifuyo sakhe.+
5 “Owesifazana akumelanga agqoke izigqoko zomuntu oyindoda, lomuntu oyindoda akumelanga agqoke izigqoko zomuntu wesifazana. Ngoba loba ngubani owenza lokhu uyenyanyeka kuJehova uNkulunkulu wakho.
6 “Nxa ungabona isidleke senyoni endleleni silamaphuphu kumbe amaqanda, kungelani lokuthi sisesihlahleni kumbe siphansi emhlabathini futhi unina ephezu kwamaphuphu kumbe amaqanda lawo, ungathathi inyoni leyo ndawonye lamaphuphu ayo.+ 7 Kumele ube leqiniso lokuthi uyayekela unina aphaphe ahambe kodwa amaphuphu ungazithathela wona. Kwenze lokhu ukuze kukuhambele kuhle njalo uphile isikhathi eside.
8 “Nxa usakha indlu entsha kumele wakhe umduli omfitshane ogombolozele uphahla+ ukuze kungabi lomuntu owayo kuyo ubusuletha icala legazi endlini yakho.
9 “Akumelanga uhlanyele imihlobo emibili yenhlanyelo+ ensimini yakho yamagilebisi. Phela nxa ungenza njalo sonke isivuno senhlanyelo oyihlanyelileyo lalokho okuzaphuma ensimini yakho yamagilebisi uzakuthathelwa kuhanjiswe endaweni engcwele.
10 “Ungabophi inkunzi ndawonye lobabhemi nxa ulima.+
11 “Ungagqoki isigqoko esithungwe ngewulu lelineni kwahlanganiswa ndawonye.+
12 “Kumele ufake intshaka emaceleni amane esigqoko sakho osigqokayo.+
13 “Nxa indoda ingathatha umfazi ilale laye kodwa ngemva kwalokho ibisimzonda,* 14 imgcone isithi kaziphathanga futhi ingcolise ibizo lakhe isithi: ‘Ngithethe owesifazana lo kodwa ngithe ngisiya laye emacansini angibutholanga ubufakazi bokuthi uyintombi egcweleyo,’ 15 abazali bentombi leyo kumele baye ebadaleni egedini ledolobho bayebatshengisa ubufakazi bokuthi ubeyintombi egcweleyo. 16 Uyise wentombi kumele akhulume labadala athi, ‘Indoda le ngayendisela indodakazi yami kodwa iyayizonda 17 njalo iyayigcona isithi kayiziphathanga, ithi: “Angibutholanga ubufakazi bokuthi indodakazi yakho iyintombi egcweleyo.” Kodwa nampu ubufakazi bokuthi indodakazi yami ibiyintombi egcweleyo.’ Ngemva kwalokho bazakwendlala ilembu lobufakazi phambi kwabadala bedolobho. 18 Abadala bedolobho+ bazathatha indoda leyo bayijezise.+ 19 Bazayihlawulisa amashekheli* esiliva angu-100, bawanike uyise wentombi ngoba indoda leyo yehlise intombi egcweleyo yako-Israyeli isithunzi+ futhi izaqhubeka ingumkayo. Okwempilo yayo yonke ayisoze ivunyelwe ukuyidivosa intombi leyo.
20 “Kodwa nxa icala eletheswayo liliqiniso njalo kungelabufakazi bokuthi ibiyintombi egcweleyo, 21 kumele bahambe layo emnyango wendlu kayise futhi amadoda edolobho lakibo kumele ayitshaye ngamatshe ize ife ngoba yenze into elihlazo+ ko-Israyeli ngokwenza ubufebe* endlini kayise.+ Ngakho kumele lisuse okubi phakathi kwenu.+
22 “Nxa indoda ingatholakala ilele lomfazi womuntu, bobabili kumele babulawe, indoda leyo kanye lowesifazana wakhona.+ Ngakho kumele lisuse okubi ko-Israyeli.
23 “Nxa intombi egcweleyo ithembisane lejaha besekusenzakala ukuthi enye indoda ihlangane layo edolobheni njalo ibisisiyalala layo, 24 bobabili kumele bahanjiswe egedini ledolobho lelo, bakhandwe ngamatshe baze bafe. Intombi leyo izafela ukuthi ayizange ihlabe umkhosi edolobheni futhi indoda leyo izafela ukuthi yenze into elihlazo emfazini kamakhelwane wayo.*+ Ngakho kumele lisuse okubi phakathi kwenu.
25 “Kodwa nxa indoda ingahlangana lentombi egangeni, ethembisane lenye indoda njalo ibisiyibamba ngenkani ilale layo, indoda leyo elele layo kumele ibulawe, 26 kodwa intombi leyo lingenzi lutho kuyo ngoba akulasono esenzileyo esifanela ukuthi ibulawe. Icala leli liyafanana lelomuntu ohlasela umfowabo ambulale.+ 27 Phela indoda leyo ihlangane layo egangeni futhi intombi leyo ihlabe umkhosi kodwa bekungelamuntu ongayilamulela.
28 “Nxa indoda ingahlangana lentombi egcweleyo engathembisananga lomuntu ibisiyithatha ilale layo njalo besebebanjwa,+ 29 indoda leyo elele layo kumele inike uyise wentombi amashekheli esiliva angu-50 futhi intombi leyo izakuba ngumkayo.+ Okwempilo yayo yonke ayisoze ivunyelwe ukudivosa intombi leyo ngoba ekwenze kuyo kulihlazo.
30 “Akulamuntu okumele athathe umfazi kayise ukuze angatheleli uyise ihlazo.*+
23 “Loba ngubani owathenwa ngokuchotshozwa amasende loba owaqunywa isitho sensitha kasoze avunyelwe ukungena ebandleni likaJehova.+
2 “Akulamntwana ozelwe ngobufebe ongangena ebandleni likaJehova.+ Lanxa kungaba yisizukulwane setshumi kakho owosendo lwakhe ongangena ebandleni likaJehova.
3 “Kakho um-Amoni loba umMowabi ongangena ebandleni likaJehova.+ Lanxa kungaba yisizukulwane setshumi kakho owosendo lwabo okumele angene ebandleni likaJehova, 4 ngenxa yokuthi abazange balihlangabeze bazolinceda ngokudla lamanzi ngesikhathi lisendleleni livela eGibhithe,+ langenxa yokuthi baqhatsha uBhalamu indodana kaBheyori owayevela ePhethori eMesophothamiya ukuthi azoliqalekisa.+ 5 Kodwa uJehova uNkulunkulu wenu kazange amlalele uBhalamu.+ UJehova uNkulunkulu wenu watshintsha isiqalekiso leso saba yisibusiso kini,+ ngenxa yokuthi uJehova uNkulunkulu wenu uyalithanda.+ 6 Akumelanga libasize ukuthi babe lenhlalakahle kumbe libenze baphumelele kuzo zonke insuku zokuphila kwenu.+
7 “Lingabazondi abako-Edomi ngoba bangabafowenu.+
“Akumelanga lizonde amaGibhithe ngoba lalingabezizweni elizweni lawo.+ 8 Isizukulwane sesithathu sabantwababo singangena ebandleni likaJehova.
9 “Nanzelelani lingenzi loba yini embi* nxa selikhempile,+ selilungele ukuhlasela izitha zenu. 10 Nxa indoda ingangcola ngenxa yokuphuma ubudoda ebusuku+ kumele iphume ngaphandle kwezihonqo futhi akumelanga iphenduke ezihonqweni. 11 Nxa sekuntambama kumele igeze ngamanzi ibisibuyela ezihonqweni ilanga litshona.+ 12 Khethani indawo esithekileyo* ngaphandle kwezihonqo futhi yikho okumele umuntu ayekhona nxa esiya ngaphandle. 13 Kumele libe lesimbo phakathi kwamathuluzi enu ukwenzela ukuthi nxa umuntu esiyaqutha ngaphandle esiyazinceda agebhe igodi ngaso, abesegqibela ingcekeza yakhe. 14 Phela uJehova uNkulunkulu wenu uyahambahamba phakathi kwezihonqo zenu+ ukuze alikhulule njalo anikele izitha zenu kini. Ngakho izihonqo zenu kumele zibe ngcwele+ ukuze angaboni loba yini engcolileyo, abeselitshiya ayekele ukuhamba lani.
15 “Lingabuyiseli isigqili enkosini yaso nxa singabaleka kuyo size kini. 16 Singahlala phakathi kwenu kuloba yiphi indawo esiyikhethayo kwelinye lamadolobho enu, loba ngaphi esifisa ukuhlala khona. Akumelanga lisiphathe kubi.+
17 “Phakathi kwamadodakazi ako-Israyeli kakho okumele abe liwule lethempelini,+ lasemadodaneni ako-Israyeli kakho okumele abe liwule lethempelini.+ 18 Akumelanga ulethe endlini kaJehova uNkulunkulu wakho imali ebhadalwe owesifazana oliwule loba imali ebhadalwe* owesilisa oliwule ukuze ugcwalise isifungo, ngoba bobabili bayenyanyeka kuJehova uNkulunkulu wakho.
19 “Nxa ungaboleka umfowenu imali akumelanga uthi akubuyisele isizele,+ njalo ungambhadalisi nxa umboleke ukudla loba okunye nje. 20 Umuntu wesinye isizwe nguye ongambhadalisa kulokho omboleke khona+ kodwa umfowenu akumelanga umbhadalise inzuzo+ ukuze uJehova uNkulunkulu wakho akubusise kukho konke ozakwenza elizweni elizalithatha libe ngelenu.+
21 “Nxa ungenza isifungo kuJehova uNkulunkulu wakho+ ungaphuzi ukusigcwalisa+ ngoba uJehova uNkulunkulu wakho uzasibuza kuwe, nxa ungayekela ukusigcwalisa uyabe wenze isono.+ 22 Kodwa nxa ungayekela ukwenza isifungo awusoze ube lesono.+ 23 Kumele uligcine ilizwi eliphuma emlonyeni wakho+ futhi kumele wenze lokho ozikhulumele khona, isifungo sakho sinjengomnikelo wokuzithandela kuJehova uNkulunkulu wakho.+
24 “Nxa ungangena ensimini kamakhelwane wakho yamagilebisi ungazidlela amagilebisi owafunayo uze usuthe kodwa akumelanga ufake amanye esitsheni sakho.+
25 “Nxa ungangena ensimini kamakhelwane wakho elamabele ungakha izikhwebu ezivuthiweyo ngesandla sakho kodwa akumelanga ufake isikela emabeleni kamakhelwane wakho.+
24 “Nxa indoda ingathatha umfazi kodwa icine ingasamfuni ngenxa yokuthi iyabe ithole okuthile okulihlazo ngaye, kumele imbhalele incwadi yokumdivosa+ imnike, ibisimxotsha endlini yayo.+ 2 Nxa esesukile endlini yayo, angayakwendela kwenye indoda.+ 3 Nxa indoda yesibili layo ingamzonda* ibisimbhalela incwadi yokumdivosa imnike, ibisimxotsha endlini yayo kumbe nxa angafelwa yindoda yakhe yesibili, 4 indoda yakuqala eyamxotshayo ngeke ivunyelwe ukuthi iphinde imthathe abe ngumkayo ngemva kokuba esengcolisiwe ngoba lokho kuyenyanyeka kuJehova. Akumelanga lilethe isono elizweni uJehova uNkulunkulu wenu alinika lona ukuthi libe lilifa lenu.
5 “Nxa indoda isanda kuthatha akumelanga iye empini kumbe iphiwe eminye imisebenzi. Kumele ikhululeke okomnyaka owodwa, ihlale emzini wayo ithokozise umkayo.+
6 “Kakho okumele athathe ilitshe lokuchola kumbe imbokodo yakhona kube yisibambiso sesikwelede+ ngoba lokhu kufanana lokuthathela umuntu lokho aziphilisa ngakho* kube yisibambiso.
7 “Nxa kungatholakala ukuthi umuntu uthumbe umfowabo ongum-Israyeli wasemphatha kubi futhi wamthengisa,+ lowo othumbe omunye kumele abulawe.+ Kumele lisuse okubi phakathi kwenu.+
8 “Nxa kungaba lomkhuhlane wobulephero* kumele libe leqiniso lokuthi lilandela konke abaphristi abangamaLevi abalitshela khona.+ Nanzelelani ukuthi lenza khona kanye engibalaye khona. 9 Khumbulani lokho uJehova uNkulunkulu wenu akwenza kuMiriyamu ngesikhathi lisendleleni livela eGibhithe.+
10 “Nxa ungakweledisa umakhelwane wakho+ loba yini akumelanga ungene endlini yakhe uthathe lokho athe uzakunika khona kube yisibambiso. 11 Wena kumele ume phandle njalo lowomuntu omkweledisileyo uzathatha lokho akunika khona ukuthi kube yisibambiso abuye lakho phandle lapho okhona. 12 Nxa umuntu edubeka akumelanga uyelala ulokhu ugcine lokho akunike khona ukuthi kube yisibambiso.+ 13 Kumele uzame ngazo zonke indlela ukuthi ilanga lisanda nje kutshona ubuyisele kuye lokho akunike khona ukuthi kube yisibambiso njalo uzakuyalala eselesigqoko sakhe+ futhi uzakubusisa. Okwenzileyo kuzabalwa njengokulunga phambi kukaJehova uNkulunkulu wakho.
14 “Ungaqilibezeli isisebenzi esiqhatshiweyo esidubekayo futhi esingumyanga, kungelani lokuthi ngomunye wabafowenu kumbe ngumuntu wesinye isizwe oselizweni lenu, phakathi kwamadolobho* enu.+ 15 Kumele umnike umholo wakhe ngalelolanga+ ilanga lingakatshoni ngoba uyadubeka futhi umholo wakhe yiwo aziphilisa ngawo. Phela ungayekela ukwenza njalo, uzakhala ngawe kuJehova futhi wena uzakuba lesono.+
16 “Obaba akumelanga babulawe ngenxa yalokho okwenziwe ngabantwababo labantwana akumelanga babulawe ngenxa yalokho okwenziwe ngoyise.+ Umuntu kumele abulawe ngenxa yesono sakhe kuphela.+
17 “Akumelanga wahlulele kubi umuntu wesinye isizwe kumbe intandane+ njalo akumelanga uthathele umfelokazi isigqoko sakhe ukuthi sibe yisibambiso sesikwelede.+ 18 Khumbula ukuthi lawe wake waba yisigqili elizweni laseGibhithe lokuthi uJehova uNkulunkulu wakho wakuhlenga khonale.+ Yikho ngikutshela ukuthi ukwenze lokhu.
19 “Nxa ungathi uvuna amabele ensimini yakho ubusukhohlwa isithungo ungabuyeli uyesithatha. Kumele usitshiyele umuntu wesinye isizwe lentandane kanye lomfelokazi+ ukuze uJehova uNkulunkulu wakho akubusise kukho konke okwenzayo.+
20 “Nxa ukhithiza izithelo esihlahleni sakho sama-oliva akumelanga uphindaphinde ukunyikinya ingatsha zaso. Okuseleyo kumele kutshiyelwe umuntu wesinye isizwe lentandane kanye lomfelokazi.+
21 “Nxa usikha amagilebisi ensimini yakho yamagilebisi akumelanga ubuyele uyebutha okuseleyo. Okuseleyo kumele kutshiyelwe umuntu wesinye isizwe lentandane kanye lomfelokazi. 22 Khumbula ukuthi lawe wake waba yisigqili elizweni laseGibhithe. Yikho ngikutshela ukuthi ukwenze lokhu.
25 “Nxa kungavuka ingxabano phakathi kwabantu ababili, bangahambisa indaba yabo kubahluleli+ njalo bazabahlulela batsho ukuthi olungileyo kalacala lokuthi owenze okubi ulecala.+ 2 Nxa owenze okubi kumele atshaywe,+ umahluleli uzakuthi alale phansi njalo uzatshaywa phambi kwakhe. Inswazi azazitshaywa kumele zihambelane lokubi akwenzileyo. 3 Angamtshaya inswazi ezingu-40+ kodwa angedluli lapho. Nxa angaqhubeka emtshaya inswazi ezidlula lezi, umfowenu uzayangeka phambi kwamehlo akho.
4 “Ungayifaki isayeke inkunzi nxa ibhula amabele.+
5 “Nxa amadoda ayizelamani ehlala ndawonye, omunye abesesifa engelamntwana, umfazi walowo ofileyo akumelanga ayekwendela komunye umuntu ongasiwemuli leyo. Umfowabo womkakhe kumele ayekuye amngene futhi amthathe abe yinkosikazi yakhe.+ 6 Izibulo elizazalwa ngowesifazana lowo lizaqhubekisela phambili ibizo lendoda leyo efileyo+ ukuze ibizo layo lingacitshwa ko-Israyeli.+
7 “Kodwa nxa indoda leyo ingayala ukuthatha umkamfowabo, kumele ahambe ebadaleni egedini ledolobho afike athi, ‘Umfowabo womkami walile ukulondoloza ibizo lomfowabo ko-Israyeli. Kavumanga ukungingena ngibe yinkosikazi yakhe.’ 8 Abadala bedolobho lakibo kumele bambize bakhulume laye. Nxa angaphikelela esithi, ‘Angifuni ukumthatha,’ 9 lapho-ke umkamfowabo kumele asondele eduze kwakhe phambi kwabadala, amkhiphe inyathela enyaweni,+ amkhafulele ebusweni njalo athi, ‘Lokhu yikho okumele kwenziwe endodeni engafuniyo ukwakha indlu yomfowabo.’ 10 Ngemva kwalokho ibizo labemuli yakhe* ko-Israyeli lizakwaziwa ngokuthi, ‘Yindlu yalowo owakhitshwa inyathela.’
11 “Nxa amadoda amabili angathi esilwa, umfazi womunye wabo abesengenela ukuze avikele indoda yakhe kulowo oyitshayayo njalo elule isandla sakhe amuthi xhaka amaphambili, 12 kumele limqume isandla. Akumelanga limzwele.*
13 “Esikhwameni sakho akumelanga kube lamatshe okukala amabili atshiyeneyo,+ elikhulu lelincane. 14 Akumelanga ube lezilinganiso* zokukala ezimbili ezitshiyeneyo endlini yakho,+ esikhulu lesincane. 15 Kumele ugcine ilitshe lokukala eliqondileyo hatshi elobuqili kanye lesilinganiso esiqondileyo lesifaneleyo ukuze uhlale isikhathi eside elizweni uJehova uNkulunkulu wakho akunika lona.+ 16 Phela wonke umuntu owenza ubuqili obunjalo uyenyanyeka kuJehova uNkulunkulu wakho.+
17 “Khumbulani lokho elakwenziwa ngama-Amaleki ngesikhathi lisendleleni lisuka eGibhithe,+ 18 indlela alihlangabeza ngayo endleleni ahlasela bonke ababesalele emuva ngesikhathi selidiniwe njalo seliphele amandla. Kawazange amesabe uNkulunkulu. 19 Nxa uJehova uNkulunkulu wenu eseliphumuzile kuzo zonke izitha zenu eziligombolozeleyo elizweni uJehova uNkulunkulu wenu alinika lona ukuthi libe lilifa lenu,+ kumele lilicitshe ibizo lama-Amaleki ngaphansi kwamazulu.+ Akumelanga likukhohlwe lokho.
26 “Nxa usungenile elizweni uJehova uNkulunkulu wakho akunika lona ukuthi libe lilifa lakho, nxa usulithethe laba ngelakho futhi usuhlala kulo, 2 kumele uthathe ezinye izithelo zakuqala ozaziqoqa kuso sonke isivuno* somhlabathi elizweni uJehova uNkulunkulu wakho akunika lona, kumele uzifake ebhasikitini, ubususiya endaweni uJehova uNkulunkulu wakho azakhetha ukuthi ibizo lakhe lihlale kuyo.+ 3 Kumele uye kumphristi oyabe ekhonza ngalezonsuku ufike uthi kuye, ‘Lamuhla ngizobika kuJehova uNkulunkulu wakho ukuthi sengifikile elizweni uJehova afunga ngalo kubokhokho bethu ukuthi uzasinika lona.’+
4 “Umphristi uzathatha-ke ibhasikiti leyo esandleni sakho ayibeke phambi kwe-alithare likaJehova uNkulunkulu wakho. 5 Ngemva kwalokho kumele ukhulume phambi kukaJehova uNkulunkulu wakho uthi, ‘Ubaba wayengum-Aramu ozulazulayo+ njalo waya eGibhithe+ wayahlala khona engowezizweni, elabantu abalutshwana emulini yakhe+ kodwa esekhonale waba yisizwe esikhulu, esilamandla futhi esilabantu abanengi.+ 6 Kanti njalo amaGibhithe asihlukuluza, asicindezela futhi asiphatha kabuhlungu esenza izigqili.+ 7 Ngakho saqala ukukhala kuJehova uNkulunkulu wabokhokho bethu njalo uJehova walizwa ilizwi lethu futhi wakubona ukuhlupheka kwethu lodubo lwethu kanye lokucindezelwa kwethu.+ 8 Ekucineni uJehova wasikhipha eGibhithe ngesandla esilamandla, langengalo eyeluliweyo,+ langezenzo ezesabekayo, lezibonakaliso kanye lezimangaliso.+ 9 Ngemva kwalokho wasiletha endaweni le njalo wasinika ilizwe leli, ilizwe eligeleza uchago loluju.+ 10 Khathesi-ke sengilethe izithelo zakuqala zomhlabathi uJehova anginike wona.’+
“Kumele ufake ibhasikiti leyo phambi kukaJehova uNkulunkulu wakho njalo ukhothame phambi kukaJehova uNkulunkulu wakho. 11 Ngemva kwalokho uzathokoza ngakho konke uJehova uNkulunkulu wakho akunike khona, wena labendlu yakho lomLevi kanye lowesinye isizwe abaphakathi kwenu.+
12 “Nxa usuqedile ukukhipha konke okwetshumi+ kwesivuno sakho ngomnyaka wesithathu, umnyaka wokukhipha okwetshumi, kumele ukunike umLevi, lowesinye isizwe, lentandane kanye lomfelokazi njalo bazakudla basuthe phakathi kwamadolobho* enu.+ 13 Ngemva kwalokho uzakhuluma phambi kukaJehova uNkulunkulu wakho uthi, ‘Sengisikhiphile isabelo esingcwele endlini yami ngasinika umLevi, lowesinye isizwe, lentandane kanye lomfelokazi+ njengoba nje utshilo kimi. Angiwephulanga umthetho wakho njalo angizange ngiyekele ukuwulandela. 14 Angidlanga lutho kuso ngesikhathi ngisalila njalo angikhiphanga lutho kuso ngesikhathi ngisangcolile futhi angizange nginikele loba yini yaso kwabafileyo. Ngililalele ilizwi likaJehova uNkulunkulu wami futhi ngikwenzile konke angilaye khona. 15 Khathesi-ke, khangela phansi usendaweni yakho engcwele, emazulwini, ubusise abantu bakho bako-Israyeli kanye lelizwe osinike lona+ njengoba nje wafunga kubokhokho bethu,+ ilizwe eligeleza uchago loluju.’+
16 “Lamuhla uJehova uNkulunkulu wakho uyakulaya ukuthi ulandele yonke imilayo lemithetho le yokwahlulela. Kumele uyigcine njalo uyilandele ngenhliziyo yakho yonke+ langomphefumulo wakho wonke. 17 Lamuhla usuthole ilizwi kuJehova elokuthi uzakuba nguNkulunkulu wakho njengoba uhamba ezindleleni zakhe, ugcina imithetho yakhe+ lemilayo yakhe+ kanye lemithetho yakhe yokwahlulela+ futhi ulalela ilizwi lakhe. 18 Kanti njalo lamuhla uJehova usethole ilizwi elivela kini elokuthi lizakuba ngabantu bakhe, impahla yakhe eqakathekileyo*+ njengoba nje elithembisile, lokuthi lizayigcina yonke imithetho yakhe, 19 kanye lokuthi uzaliphakamisa libe phezu kwazo zonke izizwe azenzileyo,+ alinike udumo, lokubatshazwa kanye lenkazimulo njengoba liqhubeka litshengisa ukuthi lingabantu abangcwele kuJehova uNkulunkulu wenu,+ njengoba nje ethembisile.”
27 Ngemva kwalokho uMosi labadala bako-Israyeli bakhuluma labantu bathi: “Gcinani yonke imithetho engilinika yona lamuhla. 2 Ngelanga elizachapha ngalo uJodani lingene elizweni uJehova uNkulunkulu wenu alinika lona kumele limise amatshe amakhulu liwagudule ngodaka.*+ 3 Ngemva kwalokho kumele libhale ematsheni lawo wonke amazwi oMthetho lo nxa selichaphile ukuze lingene elizweni uJehova uNkulunkulu wenu alinika lona, ilizwe eligeleza uchago loluju njengoba nje uJehova uNkulunkulu wabokhokho benu elithembisile.+ 4 Nxa selichaphile uJodani kumele limise amatshe la entabeni i-Ebhali+ njalo liwagudule ngodaka* njengoba nje ngilitshela lamuhla. 5 Kanti njalo kumele lakhele uJehova uNkulunkulu wenu i-alithare ngamatshe kuleyondawo. Akumelanga lisebenzise amathuluzi ensimbi kuwo.+ 6 Kumele lakhele uJehova uNkulunkulu wenu i-alithare ngamatshe angabazwanga beselinikela iminikelo yokutshiswa kuJehova uNkulunkulu wenu phezu kwalo. 7 Kumele linikele imihlatshelo yobudlelwano+ njalo liyidlele khonapho+ futhi lizathokoza phambi kukaJehova uNkulunkulu wenu.+ 8 Kufanele libhale wonke amazwi oMthetho lo ngendlela ecacileyo ematsheni lawo.”+
9 Ngemva kwalokho uMosi labaphristi abangamaLevi bakhuluma labo bonke abako-Israyeli bathi: “Awu Israyeli! Thula ulalele, lamuhla selibe ngabantu bakaJehova uNkulunkulu wenu.+ 10 Kumele lilalele ilizwi likaJehova uNkulunkulu wenu njalo ligcine imithetho yakhe+ lemilayo yakhe engilinika yona lamuhla.”
11 Ngalelolanga uMosi watshela abantu wathi: 12 “Nxa selichaphile uJodani izizwana ezilandelayo zizakuma entabeni iGerizimu+ zibusise abantu: uSimiyoni, loLevi, loJuda, lo-Isakhari, loJosefa kanye loBhenjamini. 13 Ikanti lezi ezilandelayo zizakuma entabeni i-Ebhali+ zimemezele isiqalekiso: uRubheni, loGadi, lo-Asheri, loZebhuloni, loDani kanye loNafithali. 14 AmaLevi azakhuluma labo bonke abantu bako-Israyeli ngelizwi eliphezulu athi:+
15 “‘Uqalekisiwe umuntu owenza isithombe esibaziweyo+ kumbe isithombe esenziwe ngensimbi,+ into eyenyanyekayo kuJehova,+ umsebenzi womuntu oyingcitshi,* njalo abesesifihla.’ (Bonke abantu bazaphendula bathi, ‘Ameni!’*)
16 “‘Uqalekisiwe umuntu oweyisa uyise loba unina.’+ (Bonke abantu bazaphendula bathi, ‘Ameni!’)
17 “‘Uqalekisiwe umuntu otshedisa umngcele kamakhelwane wakhe.’+ (Bonke abantu bazaphendula bathi, ‘Ameni!’)
18 “‘Uqalekisiwe umuntu obangela ukuthi umuntu oyisiphofu aphambuke endleleni.’+ (Bonke abantu bazaphendula bathi, ‘Ameni!’)
19 “‘Uqalekisiwe lowo obangela ukuthi umuntu wesinye isizwe, intandane loba umfelokazi+ ahlulelwe kubi.’+ (Bonke abantu bazaphendula bathi, ‘Ameni!’)
20 “‘Uqalekisiwe umuntu olala lenkosikazi kayise ngoba uthelela uyise ihlazo.’*+ (Bonke abantu bazaphendula bathi, ‘Ameni!’)
21 “‘Uqalekisiwe umuntu olala laloba yiphi inyamazana.’+ (Bonke abantu bazaphendula bathi, ‘Ameni!’)
22 “‘Uqalekisiwe umuntu olala lodadewabo, indodakazi kayise loba indodakazi kanina.’+ (Bonke abantu bazaphendula bathi, ‘Ameni!’)
23 “‘Uqalekisiwe umuntu olala loninazala.’+ (Bonke abantu bazaphendula bathi, ‘Ameni!’)
24 “‘Uqalekisiwe umuntu ocathamela umakhelwane wakhe ambulale.’+ (Bonke abantu bazaphendula bathi, ‘Ameni!’)
25 “‘Uqalekisiwe umuntu ovuma ukufunjathiswa* ukuze abulale umuntu ongelacala.’+ (Bonke abantu bazaphendula bathi, ‘Ameni!’)
26 “‘Uqalekisiwe umuntu ongasoze agcine amazwi oMthetho lo futhi ongasoze awalandele.’+ (Bonke abantu bazaphendula bathi, ‘Ameni!’)
28 “Nxa lingalilalela sibili ilizwi likaJehova uNkulunkulu wenu ngokuba leqiniso lokuthi liyayilandela yonke imithetho yakhe engilinika yona lamuhla, loba sekutheni uJehova uNkulunkulu wenu uzaliphakamisa libe phezu kwazo zonke izizwe ezisemhlabeni.+ 2 Izibusiso zonke lezi zizakwehlela phezu kwenu ngobunengi bazo+ ngenxa yokuthi liyabe liqhubeka lilalela ilizwi likaJehova uNkulunkulu wenu:
3 “Lizabusiswa edolobheni, libusiswe lasemaphandleni.+
4 “Abantwabenu bazabusiswa,*+ kubusiswe lesithelo somhlabathi wenu kanye lalokho okuzelwe yizifuyo zenu, amathole enkomo zenu lamazinyane ezimvu zenu.+
5 “Amabhasikiti+ enu lemiganu yenu yokuvubela ifulawa kuzabusiswa.+
6 “Lizabusiswa nxa lingena, libusiswe lanxa liphuma.
7 “UJehova uzakwenza ukuthi izitha zenu ezilihlaselayo zinqotshwe phambi kwenu.+ Zizalihlasela zivelela eceleni elilodwa kodwa zizalibalekela zisabalale zisiya emaceleni ayisikhombisa.+ 8 UJehova uzakwenza ukuthi isibusiso sehlele eziphaleni zenu+ lakukho konke elikwenzayo. Loba sekutheni uJehova uNkulunkulu wenu uzalibusisa elizweni alinika lona. 9 UJehova uzalimisa libe yisizwe sakhe esingcwele+ njengoba nje elithembisile+ ngenxa yokuthi liyabe liqhubeka ligcina imithetho kaJehova uNkulunkulu wenu njalo lihamba ezindleleni zakhe. 10 Zonke izizwe ezisemhlabeni zizabona ukuthi libizwa ngebizo likaJehova+ futhi zizalesaba.+
11 “UJehova uzalenza libe labantwana abanengi kakhulu, lezifuyo ezinengi okumangalisayo futhi uzalinika lomhlabathi ovundileyo+ elizweni uJehova afunga kubokhokho benu ukuthi uzalinika lona.+ 12 UJehova uzavula isiphala sakhe esihle, amazulu, ukuze izulu line ngesikhathi salo elizweni lenu+ njalo abusise konke elikwenzayo. Lizabolekisa izizwe ezinengi kodwa lina akusoze kudingakale ukuthi liboleke.+ 13 UJehova uzalenza libe likhanda hatshi umsila, alenze libe phezulu+ hatshi phansi, nxa nje lizaqhubeka lilalela imithetho kaJehova uNkulunkulu wenu engilinika yona lamuhla ukuthi liyigcine futhi liyilandele. 14 Akumelanga liphambuke kuwo wonke amazwi engilitshela wona lamuhla, liye kwesokudla loba kwesenxele+ njalo akumelanga lilandele abanye onkulunkulu ukuze libakhonze.+
15 “Kodwa nxa lingayekela ukulalela ilizwi likaJehova uNkulunkulu wenu ngokuba leqiniso lokuthi liyayilandela yonke imithetho yakhe lemilayo yakhe engilinika yona lamuhla, iziqalekiso zonke lezi zizakwehlela phezu kwenu futhi zizaligijimisa zize zilifice:+
16 “Lizaqalekiswa edolobheni, liqalekiswe lasemaphandleni.+
17 “Amabhasikiti+ enu lemiganu yenu yokuvubela ifulawa kuzaqalekiswa.+
18 “Abantwabenu bazaqalekiswa,*+ kuqalekiswe lesithelo somhlabathi wenu lamathole enkomo zenu kanye lamazinyane ezimvu zenu.+
19 “Lizaqalekiswa nxa lingena, liqalekiswe nxa liphuma.
20 “UJehova uzakwehlisela isiqalekiso phezu kwenu, alenze liphithane amakhanda njalo alijezise kukho konke elikwenzayo lize liphele nya futhi litshabalale masinyane ngenxa yezinto ezimbi elizenzayo kanye lokumhlamukela kwenu.+ 21 UJehova uzabangela ukuthi linamathelwe ngumkhuhlane aze alitshabalalise liphele elizweni elizalithatha libe ngelenu.+ 22 UJehova uzalehlisela umkhuhlane wofuba, loqhuqho, lokuvuvuka, lokutshisa komzimba,+ lenkemba,+ lokutshisa okuhangulayo kanye lomkhuhlane ohlasela izilimo.+ Izinto lezi zizalixotshanisa lize litshabalale. 23 Isibhakabhaka esiphezu kwamakhanda enu sizakuba njengekhopha lomhlaba phansi ube njengensimbi.+ 24 UJehova uzakwenza ukuthi izulu elizakuna elizweni lenu libe lubhuqu kanye lothuli, kuzakwehlela kini kuvela emazulwini lize litshabalale. 25 UJehova uzabangela ukuthi linqotshwe phambi kwezitha zenu.+ Lizazihlasela livelela eceleni elilodwa kodwa lizazibalekela lisiya emaceleni ayisikhombisa atshiyeneyo njalo yonke imibuso yomhlaba izasala ithithibele ngenxa yalokho okuzalehlela.+ 26 Izidumbu zenu zizakuba yikudla kwazo zonke inyoni eziphaphayo emkhathini kanye lenyamazana ezisemhlabeni, kakho ozazethusa zibaleke.+
27 “UJehova uzalihlasela ngamathumba aseGibhithe, lenyama ezikhula esithweni sokuya ngaphandle, lokuqubuka, lezilonda ezibhibhidlayo kanye lemikhuhlane engelaphekiyo. 28 UJehova uzakwehlisela kuwe ukuhlanya lobuphofu+ kanye lokuphithana kwengqondo. 29 Uzahamba uphumputha emini libalele njengomuntu oyisiphofu ohamba ephumputha emnyameni.+ Awusoze uphumelele kuloba yikuphi okwenzayo, uzahlala uqilibezelwa, utshontshelwa futhi akulamuntu ozakuvikela.+ 30 Uzathi uthembisane lowesifazana enye indoda imbambe iganyavu. Uzakwakha indlu kodwa awusoze uhlale kuyo,+ uzahlanyela insimu yamagilebisi kodwa awusoze usebenzise izithelo zayo.+ 31 Inkunzi yakho izahlatshwa phambi kwakho kodwa inyama yayo awusoze uyidle. Ubabhemi wakho uzatshontshwa ukhangele kodwa kasoze aphenduke kuwe. Imvu yakho izanikwa izitha zakho kodwa kakho ozakuvikela. 32 Amadodana lamadodakazi akho azaphiwa abanye abantu+ ukhangele njalo uzahlala uwakhumbula kodwa akulalutho ozalwenza. 33 Izithelo zomhlabathi wakho kanye lakho konke ozakuvuna kuzadliwa ngabantu ongabaziyo+ njalo uzahlala uqilibezelwa futhi ucindezelwa. 34 Ozakubona ngamehlo akho kuzakutshiya uphambene.
35 “UJehova uzalihlasela ngamathumba abuhlungu futhi angelaphekiyo. Azalihlasela emadolweni lasenyaweni, kusukela ngaphansi kwenyawo kuze kuyefika okhakhayini. 36 UJehova uzalidudula lina kanye lenkosi elizikhethele yona ukuthi ilibuse liye elizweni lina labokhokho benu elalingalazi+ njalo nxa selikhonale lizakhonza abanye onkulunkulu, onkulunkulu abenziwe ngezigodo lamatshe.+ 37 Abantu bendawo uJehova azalidudula liye kuzo bazasala bethithibele ngenxa yalokho okwenzakale kini, bazalichothoza balenze inhlekisa.+
38 “Lizahlanyela inhlanyelo enengi emasimini kodwa lizavuna insalela+ ngoba intethe zizatshaya zibhuqe. 39 Lizahlanyela amasimu amagilebisi njalo liwahlakulele kodwa alisoze lilinathe iwayini lakhona futhi alisoze livune lutho+ ngoba izibungu zizawatshabalalisa. 40 Lizakuba lezihlahla zama-oliva kuyo yonke indawo yenu kodwa alisoze liwathole amafutha okugcoba ngoba izithelo zenu zama-oliva zizakhithika. 41 Lizazala amadodana lamadodakazi kodwa kawasoze ahlale engawenu ngoba azathunjwa.+ 42 Imitshitshi yezibungu eziphaphayo izatshaya ibhuqe izihlahla zenu kanye lezithelo zomhlabathi wenu. 43 Umuntu wesinye isizwe ohlezi phakathi kwenu uzaqhubeka ephakama kakhulu kulani kodwa lina lizaqhubeka lilokhu lisiya phansi njalonje. 44 Uzakuboleka kodwa wena awusoze umboleke.+ Yena uzakuba likhanda wena uzakuba ngumsila.+
45 “Iziqalekiso zonke lezi+ zizakwehlela phezu kwenu. Zizalixotshanisa zize zilifice, lize litshabalaliswe+ ngenxa yokuthi kalililalelanga ilizwi likaJehova uNkulunkulu wenu ngokugcina imithetho yakhe kanye lemilayo yakhe engilinika yona.+ 46 Kanti njalo zizaqhubeka ziphezu kwenu labantwabenu zibe yisibonakaliso esingapheliyo kanye lesixwayiso,+ 47 ngenxa yokuthi kalizange likhonze uJehova uNkulunkulu wenu ngenjabulo langenhliziyo ethokozayo ngesikhathi likhomba ngophakathi.+ 48 UJehova uzathumela izitha zenu zizolihlasela njalo lizazisebenzela+ lilambile,+ lomile, ligqoke amanikiniki futhi liswela yonke into. Uzaligaxa ijogwe lensimbi entanyeni lize litshabalale.
49 “UJehova uzalivusela isizwe esivela khatshana sizolihlasela,+ esivela emikhawulweni yomhlaba, sizahwitha njengokhozi,+ isizwe esikhuluma ulimi elingasoze liluzwe,+ 50 isizwe esesabekayo nxa usikhangele njalo esingasoze sibe lendaba lomuntu omdala kumbe sibe lozwelo kosesemutsha.+ 51 Bazakudla isithelo somhlabathi wenu kanye lalokho okuzelwe yizifuyo zenu lize litshabalaliswe. Abasoze balitshiyele lutho kungaba ngamabele, iwayini elitsha loba amafutha kumbe amathole enkomo loba amazinyane ezimvu baze balibhubhise.+ 52 Bazalivimbezela balivalele phakathi kwawo wonke amadolobho enu* akulo lonke ilizwe lenu kuze kudilike imiduli yenu emide futhi eqinileyo eliyithembileyo. Bazalivimbezela sibili phakathi kwawo wonke amadolobho enu akulo lonke ilizwe lenu uJehova uNkulunkulu alinike lona.+ 53 Lapho-ke lizakudla abantwabenu,* inyama yamadodana enu leyamadodakazi enu+ uJehova uNkulunkulu wenu alinike wona, ngenxa yobunzima bokuvinjezelwa kanye lokuhlupheka okuzabangelwa yisitha senu kini.
54 “Ngitsho lendoda ebuthakathaka futhi elozwelo kakhulu phakathi kwenu ayisoze imzwele umfowabo loba inkosikazi yayo eyithandayo loba abantwabayo abaseleyo, 55 njalo izazidlela yodwa inyama yabantwabayo ngoba iyabe ingelakho okunye, ngenxa yobunzima bokuvinjezelwa kanye lokuhlupheka okuzabangelwa yisitha senu emadolobheni enu.+ 56 Kanti njalo lowesifazana obuthakathaka futhi olozwelo kulabo bonke phakathi kwenu ongeke akucabange ukunyathela ngonyawo lwakhe emhlabathini ngenxa yokuthi ubuthakathaka,+ kasoze amzwele umkakhe loba indodana yakhe kumbe indodakazi yakhe, 57 kasoze azwele ngitsho lalokho okuphuma phakathi kwamathangazi akhe nxa esanda kubeletha kanye labantwana abazalayo. Uzabadlela ensitha ngenxa yobunzima bokuvinjezelwa kanye lokuhlupheka okuzalethwa yisitha senu emadolobheni enu.
58 “Nxa lingayekela ukuwagcina ngonanzelelo wonke amazwi oMthetho lo alotshwe ebhukwini leli+ njalo lingalesabi ibizo leli elikhazimulayo futhi elibabazekayo,+ ibizo likaJehova+ uNkulunkulu wenu, 59 uJehova uzakwehlisela phezu kwenu labantwabenu inhlupho ezinzima, inhlupho ezinkulu futhi ezingapheliyo+ kanye lemikhuhlane ebuhlungu engelaphekiyo. 60 Uzabuyisela kini yonke imikhuhlane yaseGibhithe elaliyesaba, izanamathela kini loba sekutheni. 61 Kanti njalo uJehova uzakwehlisela kini leminye imikhuhlane kanye lenhlupho ezingabhalwanga ebhukwini leli loMthetho lize litshabalaliswe. 62 Lanxa selibanengi njengenkanyezi ezisemazulwini+ kuzasala abalutshwana phakathi kwenu+ ngenxa yokuthi alililalelanga ilizwi likaJehova uNkulunkulu wenu.
63 “Njengoba nje kwamthokozisa uJehova ukulenza liphumelele kanye lokulandisa libe banengi, ngaleyondlela kuzamthokozisa uJehova ukulibhubhisa kanye lokulitshabalalisa njalo lizakhitshwa elizweni eselizalithatha libe ngelenu.
64 “UJehova uzalichithachitha liye phakathi kwazo zonke izizwe, kusukela komunye umkhawulo womhlaba kuze kuyefika komunye umkhawulo womhlaba+ njalo nxa selikhonale kuzamele likhonze onkulunkulu abenziwe ngezigodo kanye lamatshe, onkulunkulu lina labokhokho benu elalingabazi.+ 65 Kalisoze likuthole ukuthula phakathi kwezizwe lezo,+ lenyawo zenu kazisoze ziyithole indawo yokuphumula. Kodwa nxa selikhonale uJehova uzabangela ukuthi inhliziyo zenu zikhathazeke+ lokuthi amehlo enu afiphale futhi lihlulukelwe.+ 66 Ukuphila kwenu kuzakuba sengozini enkulu njalo lizadlela evalweni emini lobusuku futhi lizahlala lingelathemba lokuthi lizasinda. 67 Ekuseni lizakuthi, ‘Ngabe kuyahlwa!’ Kusihlwa lithi, ‘Ngabe kusekuseni!’ ngenxa yokwesaba okuzakuba senhliziyweni zenu langenxa yalokho elizakubona ngamehlo enu. 68 Loba sekutheni uJehova uzalibuyisela eGibhithe ngomkhumbi, ngendlela engalitshela ngayo ngathi, ‘Alisoze liphinde liyibone,’ futhi nxa selikhonale lizazithengisa ezitheni zenu ukuthi libe yizigqili lezigqilikazi zazo kodwa kakho ozalithenga.”
29 La ngamazwi esivumelwano uJehova alaya uMosi ukuthi asenze labantu bako-Israyeli elizweni lakoMowabi, phezu kwesivumelwano asenza labo eHorebhi.+
2 Ngemva kwalokho uMosi wabuthanisa bonke abantu bako-Israyeli wathi kubo: “Lazibonela konke uJehova akwenza phambi kwamehlo enu elizweni laseGibhithe, lakuFaro lakuzo zonke izinceku zakhe lakulo lonke ilizwe lakhe,+ 3 lazibona izahlulelo ezinkulu, lezibonakaliso lezo ezesabekayo kanye lezimangaliso.+ 4 Kodwa kuze kube lamuhla uJehova kakaliniki inhliziyo ezwisisayo lamehlo abonayo lendlebe ezizwayo.+ 5 ‘Bengilokhu ngilikhokhela okweminyaka le engu-40 enkangala+ njalo izigqoko elizigqokileyo azizange ziguge lamanyathela asenyaweni zenu kawazange aguge.+ 6 Kalizange lidle isinkwa futhi alizange linathe iwayini loba okunye nje okudakayo ukuze likwazi ukuthi nginguJehova uNkulunkulu wenu.’ 7 Ngokuhamba kwesikhathi lafika endaweni le njalo uSihoni inkosi yeHeshibhoni+ lo-Ogi inkosi yeBhashani+ baphuma bazosihlasela kodwa sabanqoba.+ 8 Ngemva kwalokho sathatha ilizwe labo salinika abakoRubheni labakoGadi lengxenye yesizwana sakoManase ukuthi libe lilifa labo.+ 9 Ngakho-ke gcinani amazwi esivumelwano lesi liwalalele ukuze liphumelele kukho konke elikwenzayo.+
10 “Lamuhla lonke limi phambi kukaJehova uNkulunkulu wenu, abakhokheli bezizwana zenu, labadala benu, labaphathi benu, lawo wonke amadoda ako-Israyeli, 11 labantwabenu, lamakhosikazi enu+ kanye labezinye izizwe+ abaphakathi kwezihonqo zenu, kusukela kulowo olithezela inkuni kuze kuyefika kulowo olikhela amanzi. 12 Lilapha lamuhla ukuze lenze isifungo sokungena esivumelwaneni sikaJehova uNkulunkulu wenu, isivumelwano uJehova uNkulunkulu wenu asenza lani lamuhla,+ 13 ukuze alimise libe ngabantu bakhe+ lamuhla kanye lokuthi abe nguNkulunkulu wenu+ njengoba nje walithembisa, lanjengoba nje wafunga kubokhokho benu u-Abrahama+ lo-Isaka+ loJakhobe.+
14 “Ngakho-ke isivumelwano lesi kanye lesifungo lesi angisenzi lani kuphela 15 kodwa ngisenza lalabo abami lapha kanye lathi lamuhla phambi kukaJehova uNkulunkulu wethu, lalabo abangekho lapha lamuhla. 16 (Phela liyazi mhlophe indlela esasiphila ngayo elizweni laseGibhithe kanye lendlela esidabule ngayo phakathi kwezizwe ezitshiyeneyo phakathi kohambo lwethu.+ 17 Kanti njalo lalihlala lizibona izinto ezenyanyekayo ababelazo kanye lezithombe zabo ezenyanyekayo*+ ezenziwe ngezigodo, lamatshe, lesiliva kanye legolide.) 18 Nanzelelani kungabikhona phakathi kwenu umuntu wesilisa loba owesifazana, imuli loba abantu besizwana esithile, abazakuba lenhliziyo ephambukayo kuJehova uNkulunkulu wethu behlose ukuyakhonza onkulunkulu bezizwe lezo,+ ukuze phakathi kwenu kungabi lempande ethela izithelo eziletshefu kanye lesihlahlakazana esibaba gamu.*+
19 “Kodwa nxa umuntu angathi esizwa amazwi esifungo lesi abesezikhukhumeza enhliziyweni yakhe athi, ‘Ngizakuba lokuthula lanxa ngiqhubeka ngisenza engikutshelwa yinhliziyo yami,’ abesebangela ukuthi konakale yonke into endleleni yakhe, 20 uJehova kasoze amthethelele+ kodwa ulaka lukaJehova olwesabekayo luzavutha phezu kwakhe futhi sonke isiqalekiso esibhalwe ebhukwini leli sizakwehlela kuye+ loba sekutheni njalo uJehova uzalicitsha ibizo lakhe ngaphansi kwamazulu. 21 UJehova uzamkhetha phakathi kwazo zonke izizwana zako-Israyeli ukuze ehlelwe luhlupho oluhambelana laso sonke isiqalekiso sesivumelwano esibhalwe ebhukwini leli loMthetho.
22 “Nxa isizukulwane sabantwabenu abazalandela ngemva kwenu kanye lowesinye isizwe ovela elizweni elikhatshana bebona inhlupho eziselizweni lemikhuhlane uJehova ayehlisele phezu kwalo, 23 isalufa, lesawudo kanye lokutshisa ukuze kungasahlanyeleki elizweni lonke njalo kungasahlumi lutho futhi kungasamili lutho kulo, libhujiswe ngendlela okwabhujiswa ngayo iSodoma leGomora,+ le-Adima leZebhoyimi+ indawo ezatshabalaliswa nguJehova ngolaka lwakhe langentukuthelo yakhe, 24 bona kanye lazo zonke izizwe bazakuthi, ‘Kanti uJehova ukwenzeleni lokhu elizweni leli?+ Lubangelwe yini ulaka lolu olwesabekayo futhi oluvuthayo?’ 25 Lapho-ke abantu bazakuthi, ‘Kungenxa yokuthi batshiya isivumelwano sikaJehova+ uNkulunkulu wabokhokho babo asenza labo ngesikhathi ebakhipha elizweni laseGibhithe.+ 26 Kodwa basuka bayakhonza abanye onkulunkulu njalo babakhothamela, onkulunkulu ababengabazi futhi ayengazange abavumele ukuthi babakhonze.*+ 27 UJehova waselithukuthelela ilizwe lelo, wehlisela kulo sonke isiqalekiso esibhalwe ebhukwini leli.+ 28 Ngakho-ke uJehova wabasiphuna ngolaka emhlabathini wabo,+ ethukuthele futhi ezonde kakhulu, wasebahambisa kwelinye ilizwe lapho abakhona lamuhla.’+
29 “Izinto ezifihlakeleyo ngezikaJehova uNkulunkulu wethu+ kodwa izinto eziveziweyo ngezethu kanye lezizukulwane zethu kuze kube nini lanini ukuze sikwenze konke okusemazwini oMthetho lo.+
30 “Nxa amazwi wonke la esegcwalisekile kini, isibusiso lesiqalekiso engisifake phambi kwenu+ lamuhla futhi nxa lingawakhumbula*+ likuwo wonke amazwe uJehova uNkulunkulu wenu azalisabalalisa liye kuwo,+ 2 beselibuyela kuJehova uNkulunkulu wenu,+ lina kanye labantwabenu njalo lilalele ilizwi lakhe ngokuvumelana lakho konke engililaya ngakho lamuhla futhi likwenze ngenhliziyo yenu yonke langomphefumulo wenu wonke,+ 3 lapho-ke uJehova uNkulunkulu wenu uzabaphendukisa abathunjiweyo benu,+ abe lesihawu kini+ futhi aliqoqe kutsha livela kuzo zonke izizwe uJehova uNkulunkulu wenu ayabe elisabalalise laya kuzo.+ 4 Lanxa abantu bakini besabalale baze bayafika emikhawulweni yomhlaba, uJehova uNkulunkulu wenu uzaliqoqa khonale aliphendukise.+ 5 UJehova uNkulunkulu wenu uzaliletha elizweni elathathwa ngoyihlo laba ngelabo njalo lizalithatha libe ngelenu, uzalenza liphumelele futhi alenze libe banengi ukwedlula oyihlo.+ 6 UJehova uNkulunkulu wenu uzahlambulula* inhliziyo zenu lenhliziyo zabantwabenu+ ukuze limthande uJehova uNkulunkulu wenu ngenhliziyo yenu yonke langomphefumulo wenu wonke njalo liphile.+ 7 Ngemva kwalokho uJehova uNkulunkulu wenu uzakwehlisela iziqalekiso zonke lezo phezu kwezitha zenu ebezilizonda futhi zilihlukuluza.+
8 “Lapho-ke lizaphenduka, lilalele ilizwi likaJehova njalo ligcine yonke imithetho yakhe engilinika yona lamuhla. 9 UJehova uNkulunkulu wenu uzalenza liphumelele kakhulu kuwo wonke umsebenzi wezandla zenu,+ andise labantwabenu lezifuyo zenu kanye lezithelo zomhlabathi wenu. Phela kuzamthokozisa uJehova ukuliphumelelisa njengoba nje wathokoziswa ngokhokho benu.+ 10 Lapho-ke lizalilalela ilizwi likaJehova uNkulunkulu wenu njalo lizayigcina imithetho lemilayo yakhe elotshwe ebhukwini leli loMthetho futhi lizabuyela kuJehova uNkulunkulu wenu ngenhliziyo yenu yonke langomphefumulo wenu wonke.+
11 “Umthetho lo engilinika wona lamuhla awunzima kini futhi awukhatshana lani.+ 12 Awukho emazulwini okokuthi selingaze lithi, ‘Ngubani ozakuya emazulwini ayesithathela wona ukuze siwuzwe njalo siwugcine?’+ 13 Kanti njalo awukho ngaphetsheya kolwandle okokuthi selingaze lithi, ‘Ngubani ozachapha aye phetsheya kolwandle ayesithathela wona ukuze siwuzwe njalo siwugcine?’ 14 Phela ilizwi liseduze kwenu, lisemilonyeni yenu lasenhliziyweni zenu+ ukuze lililandele.+
15 “Khangelani, ngibeka phambi kwenu lamuhla ukuphila kanye lokuhle, ukufa kanye lokubi.+ 16 Nxa lingalalela imithetho kaJehova uNkulunkulu wenu engilinika yona lamuhla, likwenze lokhu ngokumthanda uJehova uNkulunkulu wenu,+ langokuhamba endleleni zakhe, langokugcina imithetho yakhe lemilayo yakhe kanye lemithetho yakhe yokwahlulela, lapho-ke lizaphila+ njalo lande libe banengi futhi uJehova uNkulunkulu wenu uzalibusisa elizweni elizalithatha libe ngelenu.+
17 “Kodwa nxa inhliziyo zenu zingaphambuka,+ liyekele ukulalela njalo lihugwe futhi likhothamele abanye onkulunkulu libakhonze,+ 18 ngiyalitshela lamuhla ukuthi lizatshabalala loba sekutheni.+ Alisoze lihlale isikhathi eside elizweni eselichapha uJodani ukuthi liyelithatha libe ngelenu. 19 Ngibeka amazulu lomhlaba ukuthi kube ngofakazi abamelane lani lamuhla, bokuthi sengibeke ukuphila kanye lokufa phambi kwenu, isibusiso kanye lesiqalekiso+ futhi kumele likhethe ukuphila ukuze liphile+ lina kanye lezizukulwane zenu,+ 20 ngokumthanda uJehova uNkulunkulu wenu,+ langokulalela ilizwi lakhe, langokunamathela kuye+ ngoba yena uyikuphila kwenu futhi nguye ozakwenza lihlale isikhathi eside elizweni uJehova afunga ukulinika okhokho benu u-Abrahama lo-Isaka loJakhobe.”+
31 Ngemva kwalokho uMosi wahamba wayatshela bonke abantu bako-Israyeli amazwi la, 2 wathi kubo: “Sengileminyaka engu-120 lamuhla.+ Angisenelisi ukuqhubeka ngilikhokhela* ngoba uJehova uthe kimi, ‘Awusoze uwuchaphe umfula lo uJodani.’+ 3 UJehova uNkulunkulu wenu nguye ozachapha phambi kwenu njalo yena ngokwakhe uzatshabalalisa izizwe lezi phambi kwenu futhi lizazidudula.+ UJoshuwa nguye ozalikhokhela ukuze lichaphe+ njengoba nje uJehova etshilo. 4 UJehova uzakwenza kuzo lokho akwenza kuSihoni+ lo-Ogi,+ amakhosi ama-Amori laselizweni lawo ngesikhathi ewatshabalalisa.+ 5 UJehova uzalinqobela zona njalo kumele lenze kuzo ngokuvumelana lawo wonke umthetho engilinike wona.+ 6 Qinani libe lesibindi,+ lingesabi njalo lingabanjwa ngumhedehede+ ngoba uJehova uNkulunkulu wenu nguye ohamba lani. Kasoze alitshiye njalo kasoze alilahle.”+
7 Ngemva kwalokho uMosi wabiza uJoshuwa wakhuluma laye phambi kwabo bonke abako-Israyeli wathi: “Qina ube lesibindi+ ngoba nguwe ozangenisa abantu laba elizweni uJehova afunga ngalo kubokhokho babo ukuthi uzabanika lona futhi nguwe ozabanika lona libe lilifa labo.+ 8 UJehova nguye ohamba phambi kwakho njalo uzaqhubeka elawe.+ Kasoze akutshiye kumbe akulahle. Ungesabi futhi ungatshaywa luvalo.”+
9 Ngemva kwalokho uMosi wabhala uMthetho lo+ wawunika abaphristi abangamaLevi abathwala ibhokisi lesivumelwano sikaJehova, wawunika labo bonke abadala bako-Israyeli. 10 UMosi wasesithi kubo: “Ekupheleni kwayo yonke iminyaka eyisikhombisa, ngesikhathi esibekiweyo ngomnyaka wokukhululwa,+ ngesikhathi soMkhosi Wezihonqo,*+ 11 nxa bonke abako-Israyeli bezokuma phambi kukaJehova+ uNkulunkulu wenu endaweni azayikhetha, kumele libale uMthetho lo ukuze bonke abako-Israyeli bawuzwe.+ 12 Buthanisani abantu,+ amadoda labesifazana labantwana* kanye labezinye izizwe abaphakathi kwamadolobho* enu, ukuze balalele njalo bafunde ngoJehova uNkulunkulu wenu bamesabe futhi babe leqiniso lokuthi bayawalandela wonke amazwi oMthetho lo. 13 Lapho-ke abantwababo abangawaziyo uMthetho lo bazalalela+ njalo bafunde ukumesaba uJehova uNkulunkulu wenu kuzo zonke izinsuku zokuphila kwenu elizweni eselichapha uJodani ukuthi liyelithatha libe ngelenu.”+
14 UJehova wasesithi kuMosi: “Isikhathi sokufa kwakho sesisondele,+ biza uJoshuwa libuye* etendeni lokuhlangana ukuze ngimbeke abe ngumkhokheli.”+ Ngakho uMosi loJoshuwa baya etendeni lokuhlangana. 15 UJehova wasebonakala etendeni ensikeni yeyezi njalo insika yeyezi yama emnyango wetende.+
16 UJehova wasesithi kuMosi: “Usuzakufa* njalo abantu laba bazaqala ukukhonza onkulunkulu* bezinye izizwe ezizabe zingomakhelwane babo elizweni abaya kulo.+ Bazangitshiya+ futhi bephule isivumelwano sami engisenze labo.+ 17 Ngalesosikhathi ulaka lwami luzakwehlela phezu kwabo+ njalo ngizabatshiya,+ ngibafihlele lobuso bami,+ baze batshabalaliswe. Kodwa bazakuthi sebehlelwe zinhlupho ezinengi lobunzima+ besebesithi, ‘UNkulunkulu kakho phakathi kwethu yikho sisehlelwa zinhlupho lezi.’+ 18 Kodwa ngizaqhubeka ngibafihlele ubuso bami ngalolosuku ngenxa yakho konke okubi abakwenzileyo ngokukhonza abanye onkulunkulu.+
19 “Ngakho bhalani ingoma le+ beseliyifundisa abako-Israyeli.+ Bafundiseni yona* ingoma le ukuze ibe ngufakazi wami omelane labantu bako-Israyeli.+ 20 Nxa sengibangenisile elizweni engafunga ukulinika okhokho babo,+ ilizwe eligeleza uchago loluju,+ bazakuthi sebedle basutha njalo baphumelela,*+ besebesiya kwabanye onkulunkulu babakhonze futhi bangiphathe ngendlela engelanhlonipho, bephule lesivumelwano sami.+ 21 Kuzakuthi nxa sebesehlelwa zinhlupho ezinengi lobunzima,+ ingoma le izakuba ngufakazi kubo (izizukulwane zabo akumelanga ziyikhohlwe) ngoba ngiyazi mhlophe imicabango asebelayo+ lanxa ngingakabangenisi elizweni engifunge ngalo kubo.”
22 Ngakho uMosi wayibhala phansi ingoma leyo ngalelolanga, waseyifundisa abantu bako-Israyeli.
23 Ngemva kwalokho wabeka* uJoshuwa+ indodana kaNuni esikhundleni sokuba ngumkhokheli wasesithi kuye: “Qina ube lesibindi+ ngoba nguwe ozangenisa abako-Israyeli elizweni engafunga ngalo kubo+ njalo ngizaqhubeka ngilawe.”
24 UMosi wathi eqeda nje ukubhala wonke amazwi oMthetho lo ebhukwini,+ 25 wasekhuluma lamaLevi athwala ibhokisi lesivumelwano sikaJehova wathi: 26 “Thathani ibhuku leli loMthetho+ lilifake eceleni kwebhokisi+ lesivumelwano sikaJehova uNkulunkulu wenu futhi lizakuba ngufakazi omelane lani khonapho. 27 Phela ngikwazi mhlophe ukuhlamuka kwenu+ lobuqholo benu.*+ Nxa belimhlamukela kangaka uJehova ngisaphila ngilani, pho kuzakuba njani nxa sengifile? 28 Buthanisani bonke abadala bezizwana zenu labaphathi benu beze kimi ngikhulume labo bazizwele amazwi la futhi amazulu lomhlaba akube ngofakazi kumelane labo.+ 29 Phela ngikwazi mhlophe ukuthi nxa sengifile lizakwenza okubi+ sibili njalo lizaphambuka endleleni engilitshele yona. Loba sekutheni lizakwehlelwa yibunzima+ ekucineni kwezinsuku ngenxa yokuthi liyabe lisenza okubi phambi kukaJehova futhi lizamcaphula ngemisebenzi yezandla zenu.”
30 Ngemva kwalokho uMosi wakhuluma amazwi engoma le kusukela ekuqaliseni kuze kuyefika ekucineni ibandla lonke lako-Israyeli lisizwa,+ wathi:
32 “Awu mazulu! Lalelani ngikhulume,
Akuthi umhlaba uzwe amazwi omlomo wami.
2 Imfundiso yami izakuna njengezulu,
Amazwi ami akhithike njengamazolo,
Njengemikhizo phezu kotshani,
Lanjengezulu elinengi phezu kwezimila.
Bayisizukulwane esixhwalileyo lesonakeleyo!+
6 Kambe le yiyo indlela okumele limphathe ngayo uJehova,+
Awu lina bantu abayiziwula futhi abangahlakaniphanga?+
Angithi nguye uYihlo owenza laba khona,+
Lowo owalenzayo njalo walimisa laqina?
7 Khumbulani izinsuku zakudala,
Licabange ngeminyaka yezizukulwane ezadlulayo.
Buzani oyihlo bazalitshela,+
Libuze labadala benu bazalixoxela.
8 Ngesikhathi oPhezukonke enika izizwe ilifa lazo,+
Lapho esehlukanisa amadodana ka-Adamu,*+
Wabeka umngcele wezizwe,+
Kusiya ngenani labantwana bako-Israyeli.+
11 Njengokhozi olunyikinya isidleke salo,
Lundize phezu kwamatsiyane alo,
Lwelule impiko zalo luwathathe,
Luwathwale ngamaphiko alo,+
Akulankulunkulu wesinye isizwe owayelaye.+
Wamondla ngoluju oluphuma edwaleni,
Langamafutha aphuma elitsheni eliqinileyo,
14 Langezankefu ezivela emihlambini yenkomo, lochago oluvela emihlambini yembuzi leyezimvu,
Kanye lezimvu ezinonileyo,*
Langenqama zeBhashani lempongo,
Kanye lengqoloyi enhle kakhulu.+
Wanatha lewayini eliphuma egazini lamagilebisi.*
15 UJeshuruni* wathi esenonile, waraha ehlamuka.
Usunonile, usuzimukile, usube yisigqimugqimu.+
Ngakho wamtshiya uNkulunkulu owamenzayo,+
Walidela iDwala lensindiso yakhe.
17 Babesenzela amadimoni imihlatshelo, hatshi uNkulunkulu,+
Onkulunkulu ababengabazi,
Onkulunkulu abatsha ababesanda kuvela,
Onkulunkulu okhokho benu ababengabazi.
19 UJehova wathi ekubona lokhu wabalahla,+
Ngenxa yokuthi amadodana lamadodakazi akhe amcaphula.
20 Ngakho wathi, ‘Ngizabafihlela ubuso bami,+
Ngibone ukuthi bazaphetha ngani.
21 Bangenze ngathukuthela* ngalokho okungasinkulunkulu,+
Bangizondisa ngezithombe zabo ezingelancedo,+
Ngakho ngizabenza babe lobukhwele ngalokho okungasibantu,+
Ngizabacaphula ngesizwe esiyisiphukuphuku.+
22 Phela ulaka lwami lulumathise umlilo,+
Ozatshisa uze uyefika ekujuleni kwengcwaba,+
Uzatshisa ulobise umhlaba lesivuno sawo,
Ulumathise lezisekelo zezintaba.
23 Ngizangezelela inhlupho zabo,
Ngisebenzise imitshoko yami kubo.
Ngizathumela kubo izilo ezilamazinyo amade,+
Ngibathumele lobuhlungu bezinanakazana ezihuquzela emhlabathini.
25 Phandle abantwababo bazadliwa yinkemba,+
Ngaphakathi abantu bazadlela evalweni,+
Kokubili, ijaha lentombi egcweleyo,
Usane kanye lexhegu.+
26 Bengizakuthi: “Ngizabachitha basabalale,
Ngizakwenza ukukhunjulwa kwabo kuphele du ebantwini,”
27 Aluba angesabi ukuthi isitha sizakuthini,+
Ngoba izitha zingaba lombono onxele,+
Zingathi: “Sinqobe ngamandla ethu,+
UJehova kayisuye okwenzileyo konke lokhu.”
29 Aluba nje bebehlakaniphile!+ Bebezanakana ngalokhu.+
Bebezacabangisisa ngesiphetho sabo.+
30 Kambe kungenzakala njani ukuthi umuntu oyedwa axotshanise abangu-1 000,
Lokuthi ababili benze abantu abangu-10 000 babaleke?+
Ngeke kwenzeke ngaphandle nxa iDwala labo libathengisile,+
Kumbe nxa uJehova ebanikele kubo.
32 Isihlahla sabo samagilebisi sivela kweseSodoma,+
Sivela khonale ezingadini zeGomora.
Amagilebisi abo ngamagilebisi aletshefu,
Amaxha awo ababa gamu!+
33 Iwayini labo linjengobuhlungu bezinyoka,
Ubuhlungu bamaphimpi obuyingozi.
34 Lokhu akugcinwanga kimi yini?
Akuvalelwanga esiphaleni sami na?+
35 Ukuphindisela ngokwami kanye lokubuyisela,+
Kuzakwenzakala ngesikhathi esibekiweyo, nxa unyawo lwabo selutshelela,+
Ngoba usuku lokutshabalala kwabo selusondele,
Lalokho okubalindeleyo kuzafika masinyane.’
36 UJehova uzabahlulela abantu bakhe,+
Uzazizwela usizi izinceku* zakhe,+
Lapho ebona ukuthi amandla abo asephelile,
Lokuthi sekusele abangelamandla okuzivikela lababuthakathaka.
37 Lapho-ke uzakuthi, ‘Bangaphi onkulunkulu babo,+
Idwala ababephephela kulo,
38 Ababejayele ukudla amafutha emihlatshelo yabo,*
Benatha lewayini leminikelo yabo yokunathwayo?+
Kabasukume balincede,
Babe yindawo yenu yokuphephela.
40 Ngiphakamisela isandla sami ezulwini,
Njalo ngiyafunga ngithi: “Njengoba ngiphila kuze kube nini lanini,”+
41 Nxa ngingayilola inkemba yami ephazimayo,
Ngenze lesandla sami silungele ukwahlulela,+
Ngizaphindisela kulabo abaphikisana lami,+
Ngikhwitshize lakulabo abangizondayo.
42 Imitshoko yami izadakwa ligazi,
Igazi lababuleweyo labathunjiweyo,
Inkemba yami izakudla inyama,
Lamakhanda abakhokheli besitha.’
43 Jabulani lina zizwe kanye labantu bakhe,+
Ngoba uzaphindisela igazi lezinceku zakhe,+
Aphindisele kulabo abaphikisana laye,+
Njalo ahlawulele* ilizwe labantu bakhe.”
44 Ngakho uMosi wabuya wakhuluma wonke amazwi engoma le abantu besizwa,+ eloHosheya*+ indodana kaNuni. 45 UMosi wathi eseqedile ukutshela bonke abantu bako-Israyeli wonke amazwi la, 46 wathi kubo: “Wagcineni ezinhliziyweni zenu wonke amazwi engilitshele wona ngilixwayisa lamuhla,+ ukuze lilaye abantwabenu ukuthi babe leqiniso lokuthi bayawalandela wonke amazwi aseMthethweni lo.+ 47 Phela leli akusilizwi elingatsho lutho, kodwa litsho ukuphila kini+ futhi ngalo ilizwi leli lizahlala isikhathi eside elizweni eselichapha uJodani ukuthi liyelithatha libe ngelenu.”
48 Ngalelolanga uJehova wakhuluma loMosi wathi kuye: 49 “Khwela entabeni le yase-Abharimi,+ intaba iNebho,+ eselizweni lakoMowabi, emaqondana leJerikho njalo ubone ilizwe leKhenani engilinika abantu bako-Israyeli ukuthi libe ngelabo.+ 50 Ngemva kwalokho uzafela phezu kwentaba yonale osuzayiqansa njalo uzangcwatshwa njengabanye abantu bakini, njengoba nje umfowenu u-Aroni wafela phezu kwentaba iHori+ wangcwatshwa njengabanye abantu bakibo, 51 ngenxa yokuthi lobabili alizange lithembeke kimi phakathi kwabantu bako-Israyeli, emanzini aseMeribha+ yeKhadeshi, enkangala yaseZini, ngoba alizange lingingcwelise phambi kwabantu bako-Israyeli.+ 52 Uzalibonela khatshana ilizwe lelo, kodwa awusoze ungene elizweni engizalinika abantu bako-Israyeli.”+
33 Lesi yiso-ke isibusiso uMosi, umuntu kaNkulunkulu weqiniso asitshela abantu bako-Israyeli engakafi.+ 2 Wathi kubo:
“UJehova wabuya evela eSinayi,+
Wakhanya phezu kwabo eseSeyiri.
Wakhanya ngenkazimulo yakhe esezintabeni zePharani,+
Elamatshumi ezinkulungwane zezingilosi ezingcwele,+
Esandleni sakhe sokudla kulamabutho akhe.+
7 Wasebusisa uJuda wathi:+
“Awu Jehova! Zwana ilizwi likaJuda,+
Kwangathi ungabuyisela abantu bakhe kuye.
8 KuLevi wathi:+
Waqalisa ukulwisana layo ngasemanzini aseMeribha.+
9 Indoda eyakhuluma ngoyise lonina yathi, ‘Angizange ngibananze.’
Ngitsho labafowabo ayizange ibamukele,+
Labantwabayo ayizange ibe lendaba labo,
Ngoba balilalela ilizwi lakho,
Bagcina lesivumelwano sakho.+
10 Kwangathi bangafundisa uJakhobe imithetho yakho yokwahlulela,+
Bafundise u-Israyeli uMthetho wakho.+
Kwangathi bangatshisa impepha ibe luqhatshi olumnandi kuwe,*+
Banikele leminikelo egcweleyo e-alithareni lakho.+
11 Awu Jehova! Busisa amandla akhe,
Kwangathi ungathokoziswa ngumsebenzi wezandla zakhe.
Vodloza inyawo* zalabo abasukuma bamelane laye,
Ukuze labo abamzondayo bangaphindi basukume.”
12 KuBhenjamini wathi:+
“Kwangathi othandekayo kaJehova angahlala evikelwe nguye;
Ngesikhathi emvikela ilanga lonke,
Uzahlala phakathi kwamahlombe akhe.”
13 KuJosefa wathi:+
“UJehova kabusise ilizwe lakhe,+
Ngezinto ezinhle ezivela ezulwini,
Ngamazolo kanye lamanzi avela phansi emithonjeni,+
14 Ngezinto ezinhle ezikhuliswa lilanga,
Langesivuno esihle inyanga ngayinye,+
15 Ngezinto ezinhle ezivela ezintabeni zasendulo,*+
Langezinto ezinhle ezivela emaqaqeni ami kuze kube nini lanini,
16 Ngezinto ezinhle ezisemhlabeni lalokho okugcwele kuwo,+
Kwangathi izibusiso lezi zingehlela phezu kwekhanda likaJosefa,
Phezu komqhele walowo okhethwe phakathi kwabafowabo.+
17 Udumo lwakhe lunjengolwenkunzi ezelwe kuqala,
Impondo zakhe zimpondo zenkunzi yeganga.
Uzasunduza* izizwe ngazo,
Zonke kanye kanye kuze kuyefika emikhawulweni yomhlaba.
Zingamatshumi ezinkulungwane zika-Efrayimi,+
Lezinkulungwane zikaManase.”
18 KuZebhuloni wathi:+
“Awu Zebhuloni! Thokoza nxa uphuma,
Lawe Isakhari ematendeni akho.+
19 Bazabizela abantu ezintabeni.
Banikele imihlatshelo yokulunga khonale
Ngenxa yokuthi bazathatha* inotho enengi yezilwandle,
Kanye lamagugu afihlwe etshebetshebeni.”
20 KuGadi wathi:+
“Ubusisiwe lowo oqhelisa imingcele kaGadi.+
Ulala khonapho njengesilwane,
Esilungele ukudlithiza ingalo lekhanda.
Labo abangabakhokheli babantu bazabuthana ndawonye.
Uzalwela ukulunga kukaJehova,
Lemithetho yakhe yokwahlulela esenzela u-Israyeli.”
22 KuDani wathi:+
23 KuNafithali wathi:+
“UNafithali usuthisekile ngokwamukelwa,
Ugcwele isibusiso sikaJehova.
Thatha ilizwe elisentshonalanga leliseningizimu.”
24 Ku-Asheri wathi:+
“U-Asheri ubusiswe ngamadodana.
Kwangathi angamukelwa ngabafowabo,
Kwangathi angacwilisa* inyawo zakhe emafutheni.
25 Amakhiye amagedi akho ngawensimbi lekhopha,+
Uzahlala uvikelekile kuzo zonke izinsuku zokuphila kwakho.*
26 Kakho onjengoNkulunkulu weqiniso+ kaJeshuruni,+
Odabula phakathi kwamazulu ukuze akuncede,
Ogada phezu kwamayezi esebukhosini bakhe.+
27 UNkulunkulu uyisiphephelo kusukela ezinsukwini zakudala,+
Ingalo zakhe zaphakade zingaphansi kwakho,+
Uzadudula isitha phambi kwakho,+
Abesesithi, ‘Batshabalaliseni!’+
28 U-Israyeli uzahlala evikelekile,
Umthombo kaJakhobe uzahlala wodwa,
Elizweni elilamabele lewayini elitsha,+
Elizakhithika amazolo avela emkhathini.+
29 Uyathokoza wena Israyeli!+
Kambe ngubani onjengawe?+
Isizwe esikholisa ukusindiswa nguJehova,+
Ihawu lakho elikuvikelayo,+
Inkemba yakho enkulu,
Izitha zakho zizathithibala phambi kwakho,+
Uzahamba phezu kwemihlane yazo.”*
34 Ngemva kwalokho uMosi waqansa esuka emagcekeni akoMowabi waya entabeni iNebho+ esiqongweni sePhisiga+ esikhangelane leJerikho.+ UJehova wasemtshengisa lonke ilizwe kusukela eGiliyadi kuze kuyefika koDani,+ 2 layo yonke indawo yakoNafithali, leyako-Efrayimi, leyakoManase kanye layo yonke indawo yakoJuda kuze kuyefika olwandle* olusentshonalanga,+ 3 leNegebhi+ kanye lesigaba saseJodani,+ lamagceke eJerikho, idolobho elilezihlahla zelala kutshaye kuze kuyefika eZowari.+
4 UJehova wasesithi kuye: “Leli yilo ilizwe engafunga ngalo ku-Abrahama lo-Isaka loJakhobe ngathi, ‘Ngizalinika izizukulwane zenu.’*+ Ngikuvumele ukuthi ulibone ngamehlo kodwa awusoze uchaphe uye kulo.”+
5 Ngemva kwalokho uMosi inceku kaJehova wafela khonapho elizweni lakoMowabi njengoba nje uJehova wayetshilo.+ 6 Wamngcwaba* esigodini elizweni lakoMowabi maqondana leBhethi-pheyori futhi kakho okwaziyo ukuthi ithuna lakhe lingaphi kuze kube lamuhla.+ 7 UMosi wafa eseleminyaka engu-120.+ Amehlo akhe ayelokhu engakafiphali futhi wayelokhu elamandla. 8 Abantu bako-Israyeli bamlilela uMosi emagcekeni akoMowabi okwamalanga angu-30.+ Ngemva kwalokho zaphela insuku zokulilela uMosi lokumkhalela.
9 UJoshuwa indodana kaNuni wayegcwele umoya wokuhlakanipha ngoba uMosi wayembeke izandla+ njalo abantu bako-Israyeli baqalisa ukumlalela futhi benza khona kanye uJehova ayekutshele uMosi.+ 10 Kodwa akuzange kuphinde kuvele omunye umphrofethi onjengoMosi+ ko-Israyeli, lowo uJehova ayemazi ubuso ngobuso.+ 11 UMosi wenza zonke izibonakaliso lezimangaliso uJehova ayemthume ukuthi ayezenza elizweni laseGibhithe, kuFaro lakuzo zonke izinceku zakhe lakulo lonke ilizwe lakhe,+ 12 watshengisa lamandla amangalisayo lesandla esilamandla, phambi kwamehlo abo bonke abako-Israyeli.+
NgesiHebheru, “lamadodana ako-Israyeli.”
Lapha kungabe kutshiwo ezintabeni zeLebhanoni.
Lapha kutshiwo imiduli emide.
NgesiHebheru, “ngokugcweleyo; ngokupheleleyo.”
Ezinye inguqulo zithi, “UNkulunkulu usemqinisile.”
Kumbe, “Lingabaqali.”
Lapha kutshiwo eKhrethe.
Kumbe, “bafikelwe yibuhlungu obunjengemihelo.”
NgesiHebheru, “esandleni sakho.”
Lapha kutshiwo umbheda okwakubekwa kuwo isidumbu.
Ezinye inguqulo zithi, “ngelitshe elimnyama.”
Ingalo yayilingana lamasentimitha angu-44,5. Khangela iSengezo ku-B14.
Ibizo leli litsho ukuthi, “Imizi kaJayiri elamatende.”
NgesiHebheru, “Amazwi Alitshumi.”
Kumbe, “abalilifa lakhe.”
Kumbe, “wesihotsha.”
Lapha kutshiwo uLwandle Lwesawudo.
Kumbe, “Ungalisebenzisi ngendlela engelanhlonipho.”
NgesiHebheru, “emagedini.”
Kumbe, “ukuze kukuhambele kuhle.”
Kumbe, “ngomunye wakho; ngomngane wakho.”
NgesiHebheru, “Amazwi la.”
Kumbe, “langakho konke olakho.”
Kumbe, “uwaphindaphinde; uwagxilise.”
Kumbe, “njengelembu elibotshelwa.”
NgesiHebheru, “phambi kukaJehova.”
Khangela iNgcazelo Yamabala.
Kumbe, “inotho yakhe eligugu.”
NgesiHebheru, “esandleni sikaFaro.”
Ezinye inguqulo zithi, “batatazele; besabe.”
Kumbe, “leziziba ezitshonayo.”
Lapha kutshiwo imiduli emide.
Kumbe, “ubathathele ilifa labo.”
NgesiHebheru, “abalentamo ezilukhuni.”
Kumbe, “lombuthano.”
NgesiHebheru, “balentamo ezilukhuni.”
Kumbe, “balilifa lakho.”
Kumbe, “balilifa lakho.”
NgesiHebheru, “Amazwi Alitshumi.”
Kumbe, “lombuthano.”
Kumbe, “amazulu amazulu.”
NgesiHebheru, “lisoke ijwabu lenhliziyo.”
NgesiHebheru, “lingaphindi lenze intamo zenu zibe lukhuni.”
Kumbe, “beyimiphefumulo engu-70.”
Kumbe, “akwenza kini.”
NgesiHebheru, “lenzalo yabo.”
NgesiHebheru, “lithelela ngenyawo zenu.” Lapha kutshiwo indlela yokuthelela upompa amanzi ngenyawo kungaba sevirini lokuthelela kumbe ngokuvula lokuvala imigelo yamanzi ngenyawo.
Kumbe, “insewula.”
Kumbe, “njengelembu elibotshelwe.”
Lapha kutshiwo uLwandle Olukhulu olubizwa langokuthi luLwandle lweMedithera.
Kumbe, “linike.”
Khangela iNgcazelo Yamabala.
Kumbe, “acabanga ukuthi kuqondile.”
NgesiHebheru, “asemagedini.”
NgesiHebheru, “phakathi kwawo wonke amagedi.”
NgesiHebheru, “phakathi kwamagedi.”
NgesiHebheru, “kwamagedi.”
NgesiHebheru, “kwamagedi.”
Kumbe, “lingumphefumulo.”
Kumbe, “ulalele ilizwi.”
Kumbe, “eligugu.”
Le yinyoni enkulu elomlomo omude.
NgesiHebheru, “kwamagedi.”
Kumbe, “Lizabolekisa ngesibambiso.”
NgesiHebheru, “emagedini.”
Khangela iSengezo ku-B15.
NgesiHebheru, “kwamagedi.”
Kumbe, “Wamadumba.”
Kumbe, “Wamadumba.”
NgesiHebheru, “phakathi kwawo wonke amagedi enu.”
Kumbe, “ukudizwa.”
Khangela iNgcazelo Yamabala.
Kumbe, “incwadimgoqwa.”
Lapha kutshiwo indawo uJehova azayikhetha ukuthi ibe ngeyokukhonzela.
NgesiHebheru, “odlulisa indodana loba indodakazi yakhe emlilweni.”
Kumbe, “lombuthano.”
Kumbe, “lomunye wakhe; lomngane wakhe.”
Kumbe, “umphindiseli wegazi.”
NgesiHebheru, “Akumelanga ilihlo lakho.”
NgesiHebheru, “ngumlomo wabofakazi.”
NgesiHebheru, “Akumelanga ilihlo lakho.”
Kumbe, “Umphefumulo ngomphefumulo.”
NgesiHebheru, “Izandla zethu azilichithanga igazi leli.”
NgesiHebheru, “ilabafazi ababili, omunye ethandwa, omunye ezondwa.”
Kumbe, “ibisimala.”
Ishekheli yayilingana lamagremu angu-11,4. Khangela iSengezo ku-B14.
Kumbe, “ubuwule.”
Kumbe, “womunye wayo.”
NgesiHebheru, “angembuli isidwaba sikayise.”
Kumbe, “engcolisayo.”
Lapha kutshiwo indawo ezasetshenziswa njengesambuzi.
Kumbe, “umholo obhadalwe.”
NgesiHebheru, “ingamala.”
Kumbe, “ukuphila kwakhe.”
Ibala lesiHebheru elihunyutshwe ngokuthi “ubulephero” libanzi, lingatsho umkhuhlane othelelwanayo ophuma phezu kwejwabu kumbe eminye nje imikhuhlane etholakala ezigqokweni lasezindlini.
NgesiHebheru, “kwamagedi.”
Kumbe, “ibizo labendlu yakhe.” NgesiHebheru, “ibizo lakhe.”
NgesiHebheru, “Ilihlo lakho akumelanga limzwele.”
NgesiHebheru, “le-efa kanye le-efa.” Khangela iSengezo ku-B14.
NgesiHebheru, “isithelo.”
NgesiHebheru, “kwamagedi.”
Kumbe, “eligugu.”
Kumbe, “liwahuqe ngekalaga.”
Kumbe, “liwahuqe ngekalaga.”
Kumbe, “womuntu osebenza ngensimbi lesigodo.”
Kumbe, “Akube njalo!”
NgesiHebheru, “wembule isidwaba sikayise.”
Kumbe, “ukudizwa.”
NgesiHebheru, “Isithelo sesibeletho sakho sizabusiswa.”
NgesiHebheru, “Isithelo sesibeletho sakho sizaqalekiswa.”
NgesiHebheru, “kwamagedi.”
NgesiHebheru, “isithelo sesibeletho sakho.”
Ibala lesiHebheru elisetshenziswe lapha lingabe lihambelana lebala elitsho ubulongwe futhi lisetshenziswa nxa kukhulunywa ngento enyanyisayo.
Kumbe, “lomhlonyane.”
NgesiHebheru, “ayengazange ababele bona.”
NgesiHebheru, “lingawabuyisela enhliziyweni zenu.”
NgesiHebheru, “uzasoka.”
NgesiHebheru, “ukuphuma lokungena.”
Kumbe, “Wamadumba.”
NgesiHebheru, “labancane.”
NgesiHebheru, “kwamagedi.”
Kumbe, “lithathe indawo zenu.”
NgesiHebheru, “Usuzakuyalala laboyihlo.”
Kumbe, “ukufeba labonkulunkulu.”
NgesiHebheru, “Yifakeni emilonyeni yabo.”
NgesiHebheru, “bazimuka.”
Lapha kungabe kutshiwo uNkulunkulu.
NgesiHebheru, “lentamo zenu ezilukhuni.”
Ezinye inguqulo zithi, “abantu.”
Lapha kutshiwo uJakhobe.
NgesiHebheru, “lamafutha ezimvu.”
Kumbe, “umhluzi wamagilebisi.”
Ibizo leli litsho ukuthi, “Oqotho,” njalo libizo lika-Israyeli lokuhlonipha.
Kumbe, “ngaba lobukhwele.”
Ezinye inguqulo zithi, “esingelakwelulekwa.”
Kumbe, “Uzazisola ngenxa yezinceku.”
Kumbe, “ukudla imihlatshelo yabo emihle kakhulu.”
Kumbe, “ahlambulule.”
Leli libizo likaJoshuwa. Nxa kuthiwa uHosheya kuyabe kufitshaniswa ibizo elithi Hoshayiya elitsho ukuthi, “Ukusindiswa nguJah loba uJah usindisile.”
Ibizo leli litsho ukuthi, “Oqotho,” njalo libizo lika-Israyeli lokuhlonipha.
Kumbe, “zikulwele.”
Ibala elithi “yakho” lelithi “kuwe” asevesini le atsho uNkulunkulu.
NgesiHebheru, “emakhaleni akho.”
Kumbe, “inqulu.”
Ezinye inguqulo zithi, “ezintabeni zasempumalanga.”
Kumbe, “esixukwini.”
Kumbe, “Uzathuza.”
NgesiHebheru, “bazamunya.”
Kumbe, “angageza.”
NgesiHebheru, “Amandla akho azakuba njengezinsuku zakho.”
Ezinye inguqulo zithi, “ezindaweni eziphakemeyo.”
Lapha kutshiwo uLwandle Olukhulu, uLwandle lweMedithera.
NgesiHebheru, “inzalo yenu.”
Lapha kungabe kutshiwo uNkulunkulu.