AMAHUBO
IBHUKU LOKUQALA
(AmaHubo 1-41)
1 Uyajabula umuntu ongalandeli izeluleko zababi,
Ongami endleleni yezoni,+
Ongahlaliyo esihlalweni sabachothozayo.+
2 Kodwa yena uthokoziswa ngumthetho kaJehova,+
Ubala umthetho kaNkulunkulu ngelizwi eliphansi* ubusuku lemini.+
3 Uzakuba njengesihlahla esihlanyelwe emifuleni yamanzi,
Esithela izithelo ngesikhathi esifaneleyo,
Esilamahlamvu angabuniyo.
Konke akwenzayo kuzaphumelela.+
4 Kodwa ababi bona kabanjalo,
Banjengomule ophetshulwa ngumoya.
5 Ngakho bazatholakala belecala nxa besahlulelwa,+
Izoni azisoze zitholakale embuthanweni wabalungileyo,+
6 Ngoba uJehova uyayazi indlela yabalungileyo,+
Kodwa indlela yababi izatshabalala.+
3 Bathi: “Asiqamuleni amaketane abasibophe ngawo,
Silahlele khatshana intambo zabo!”
4 Lowo ohlezi esihlalweni sobukhosi ezulwini uzahleka,
UJehova uzabahleka ubuthutha.
5 Uzabethusa ngolaka lwakhe oluvuthayo
Akhulume labo ezondile,
6 Athi: “Inkosi engiyikhethileyo isiqalisile ukubusa.+
Isibusa eZiyoni,+ intaba yami engcwele.”
7 Ngizamemezela lokho uJehova akukhulumileyo,
Uthe kimi: “Wena uyindodana yami,+
Lamuhla sengibe nguyihlo.+
8 Cela kimi, ngizakupha izizwe zibe lilifa lakho,
Lomhlaba wonke ube ngowakho.+
10 Ngakho-ke hlakaniphani lina makhosi,
Livume ukuqondiswa* lina bahluleli bomhlaba.
11 Khonzani uJehova ngokwesaba,
Lithokoze lithuthumela.
12 Hloniphani* indodana+ ukuze uNkulunkulu angalithukutheleli
Ngoba ulaka lwakhe luyaphangisa ukuvutha.
Bayathokoza bonke abaphephela kuye.
Ihubo likaDavida ngesikhathi ebalekela indodana yakhe u-Abhisalomu.+
3 Awu Jehova, kungani izitha zami sezizinengi kangaka?+
Kungani bebanengi kangaka abangihlamukelayo?+
2 Abanengi bathi:
“UNkulunkulu kasoze amsindise.”+ (Selah)*
3 Kodwa wena Jehova ulihawu lami, ungivikela macele wonke.+
Ungipha inkazimulo,+ ungenze ngibe lesibindi.*+
4 Ngizakhala kuJehova,
Yena uzangiphendula esentabeni yakhe engcwele.+ (Selah)
6 Angizesabi izinkulungwane zabantu
Ezingihanqileyo zizongihlasela.+
7 Sukuma awu Jehova! Ngisindisa+ Nkulunkulu wami!
Zonke izitha zami uzazitshaya emhlathini.
Uzakhumula amazinyo abantu abenza okubi.+
8 UnguMsindisi wethu, awu Jehova!+
Abantu bakho uyababusisa. (Selah)
Kumqondisi wokuhlabela. Kumele lihlatshelwe kutshaywa iziginci. Ihubo likaDavida.
4 Ngicela ungiphendule nxa ngikubiza, awu Nkulunkulu wami olungileyo.+
Ngicela ungivulele indlela yokuphunyuka* nxa ngisebunzimeni,
Ube lomusa kimi, uzwe umthandazo wami.
2 Lina madodana abantu, kuzaze kube nini lingidelela?
Kuzaze kube nini lithanda izinto ezingancediyo futhi lidinga izinto ezingamanga? (Selah)
3 Yazini ukuthi uJehova uzamphatha kuhle* lowo oqotho kuye.
UJehova uzangizwa nxa ngimbiza.
4 Zondani kodwa lingoni.+
Khulumelani enhliziyweni lilele emibhedeni yenu, kodwa liqhubeke lithule. (Selah)
5 Nikela imihlatshelo ngenhliziyo elungileyo,
Umthembe uJehova.+
6 Banengi abathi: “Ngubani ozakwenza sibone okuhle?”
Sicela ube lomusa kithi, awu Jehova.+
7 Ungenze ngathokoza kakhulu,
Ukwedlula labo abatshaye inala labalewayini elitsha elinengi.
Kumqondisi weNehilothi.* Ihubo likaDavida.
5 Lalela amazwi ami, awu Jehova,+
Uzwe nxa ngikhala kuwe.
2 Lalela nxa ngikhalela uncedo,
Ngoba ngithandaza kuwe Nkosi yami loNkulunkulu wami.
3 Awu Jehova, uzalizwa ilizwi lami ekuseni,+
Ekuseni ngizakutshela okungikhathazayo+ besengilinda ngilethemba.
5 Kakho ozigqajayo ongama phambi kwakho.
Uyabazonda bonke abenza okubi.+
6 Uzababhubhisa abakhuluma amanga.+
UJehova uyabenyanya abalodlakela labangamaqili.+
7 Kodwa mina ngizangena endlini yakho+ ngoba uthando lwakho oluqotho lukhulu.+
Ngizakhothama ngikhangele ethempelini lakho elingcwele* ukuze ngitshengise ukuthi ngiyakwesaba.+
8 Awu Jehova, ngikhokhela ezindleleni zakho ezilungileyo, ungivikele ezitheni zami.
Ngisiza ukuthi ngihambe endleleni yakho ngingakhubeki.+
9 Konke abakutshoyo ngeke kuthenjwe.
Inhliziyo zabo zigcwele amacebo amabi,
Imiphimbo yabo ilingcwaba elivulekileyo.
Bayaqila ngolimi lwabo.+
10 Kodwa uNkulunkulu uzakuthi balecala,
Amacebo abo yiwo azabawisa.+
Baxotshe ngenxa yezono zabo ezinengi,
Ngoba bakuhlamukele.
Abathanda ibizo lakho bazathokoza ngenxa yakho.
12 Loba ngubani olungileyo uzambusisa, awu Jehova,
Uzamamukela kube angathi umvikele ngehawu elikhulu.+
Kumqondisi wokuhlabela. Ihubo leli kumele lihlatshelwe kutshaywa iziginci ngetshuni yeSheminithi.* Lihubo likaDavida.
6 Awu Jehova, ungangikhuzi ngolaka,
Ungangiqondisi uzondile.+
2 Woba lomusa* kimi awu Jehova, ngoba sengiphela amandla.
Ngisilisa Jehova+ ngoba amathambo ami ayaqhaqhazela.
4 Phenduka awu Jehova ungikhulule,+
Ngisindisa ngenxa yothando lwakho oluqotho,+
5 Ngoba akulamuntu ongakhuluma ngawe* esefile.
Kambe ukhona ongakudumisa esesengcwabeni?+
6 Sengidiniwe ngokukhala,+
Ngikhala ubusuku bonke umbheda uze ubemanzi.
Isofa lami selimanzi te ngezinyembezi.+
7 Amehlo ami asefiphele ngenxa yosizi,+
Awasaboni kuhle ngenxa yalabo abangihlukuluzayo.
8 Sukani kimi lonke lina elenza okubi,
Ngoba uJehova uzakuzwa ukukhala kwami.+
9 UJehova uzakuzwa ukukhala kwami ngicela umusa,+
UJehova uzawuphendula umthandazo wami.
10 Zonke izitha zami zizayangiswa zidane,
Zizabaleka masinyane sezilenhloni.+
Ingoma yokulila uDavida ayihlabela phambi kukaJehova mayelana lamazwi kaKhushi umBhenjamini.
7 Awu Jehova Nkulunkulu wami, ngiphephela kuwe.+
Ngikhulula kubo bonke abangihlukuluzayo ungisindise,+
2 Ngoba bazangidabudabula njengesilwane sidlithiza inyamazana,+
Bangithwale bahambe lami kungelamuntu ongangikhulula.
3 Awu Jehova Nkulunkulu wami, nxa ngilecala
Njalo ngenze okubi,
4 Nxa ngiphathe kubi umuntu ongenzela okuhle,+
Nxa ngithathele isitha sami impahla yaso kungelasizatho,*
5 Isitha kasingixotshanise size singifice,
Kasingigxobagxobe ngize ngife,
Udumo lwami luphelele emhlabathini. (Selah)
6 Awu Jehova sukuma uzondile,
Ulwe lezitha zami ezilolaka.+
Sukuma ungincede njalo wenze ukuthi ngiphathwe kuhle.+
7 Izizwe kazibuthane zikuhanqe,
Ubususilwa lazo usezulwini.
8 UJehova uzakwahlulela izizwe.+
Ngahlulela awu Jehova ukhumbule izenzo zami ezilungileyo,
Lokuthi ngiqotho kuwe.+
9 Ngicela uqede konke okubi okwenziwa ngababi,
Kodwa uqinise abalungileyo,+
Ngoba wena unguNkulunkulu olungileyo,+ ohlola inhliziyo+ lemizwa ejulileyo.+
10 UNkulunkulu ulihawu lami+ loMsindisi walabo abaqotho enhliziyweni.+
11 UNkulunkulu unguMahluleli olungileyo,+
Umemezela izahlulelo zakhe nsuku zonke.
13 Ulungisa izikhali zakhe eziyingozi,
Alungise lemitshoko yakhe evutha amalangabi.+
15 Ugebha igodi alitshonise kakhulu,
Kodwa abesewela kulo igodi aligebhileyo.+
16 Inhlupho azidalayo zizamphendukela,+
Udlakela lwakhe luzamtshibilikela.
17 Ngizamdumisa uJehova ngoba wahlulela kuhle,+
Ngizahlabela izingoma ngidumisa ibizo likaJehova+ uNkulunkulu oPhezukonke.+
Kumqondisi wokuhlabela; ngeGithithi.* Ihubo likaDavida.
8 Awu Jehova Nkosi yethu, ibizo lakho liphakeme kakhulu emhlabeni wonke!
Inkazimulo yakho uyenze yabankulu ukwedlula amazulu ngokwawo.*+
2 Utshengise ukuthi ulamandla usebenzisa imilomo yabantwana leyezinsane+
Ukuze isitha sakho esilolunya futhi esiphikisana lawe
Singabi lakho esingakutsho.
3 Nxa ngibona amazulu, imisebenzi yezandla zakho,
Inyanga lezinkanyezi ozidalileyo,+
4 Kambe umuntu uyini ukuthi usungaze umkhumbule,
Lendodana yomuntu iyini ukuthi usungaze uyinakekele?+
6 Wamenza wabusa phezu kwezinto owazenzayo,+
Ubeke konke ngaphansi kwenyawo zakhe:
7 Yonke imihlambi yezimvu leyembuzi kanye leyenkomo,
Lazo zonke izinyamazana zeganga,+
8 Lezinyoni ezisemkhathini lenhlanzi eziselwandle,
Laloba yini ehamba elwandle.
9 Awu Jehova Nkosi yethu, ibizo lakho liphakeme kakhulu emhlabeni wonke!
Kumqondisi wokuhlabela; ngetshuni yeMuthilabheni.* Ihubo likaDavida.
א [Aleph]
9 Awu Jehova, ngizakudumisa ngenhliziyo yami yonke,
Ngizakhuluma ngayo yonke imisebenzi yakho emangalisayo.+
2 Ngizathokoza ngijabule ngenxa yakho,
Ngizahlabela ngidumise ibizo lakho, wena oPhezukonke.+
ב [Beth]
3 Nxa izitha zami sezibaleka,+
Zizakuwa zife phambi kwakho,
4 Ngoba uyangilwela ukuze ngahlulelwe kuhle,
Uhlezi esihlalweni sakho sobukhosi usahlulela ngokulunga.+
ג [Gimel]
5 Ukhuze izizwe,+ wabhubhisa abenza okubi,
Wacitsha ibizo lazo kwaze kwaba nini lanini.
6 Isitha sesitshabalele, asisoze siphinde sibe khona.
Uwadilizile amadolobho aso,
Asisoze sikhunjulwe futhi.+
ה [He]
7 UJehova uzabusa kuze kube nini lanini,+
Isihlalo sakhe sobukhosi usimise saqina njalo uhlala esahlulela kuhle.+
ה [Waw]
ז [Zayin]
11 Hlabelani lidumise uJehova, yena ohlala eZiyoni,
Tshelani abantu ngezenzo zakhe.+
12 Kasoze akukhohlwe ukukhala kwalabo abahlukuluzwayo,+
Uzabakhumbula aphindisele kulabo abababulalayo.+
ז [Heth]
13 Woba lomusa kimi awu Jehova, ubone ukuthi abangizondayo bangihlukuluza njani,
Wena ongikhipha emagedini okufa.+
14 Lapho-ke ngizakhuluma ngezenzo zakho ezimangalisayo emagedini edolobho leZiyoni,*+
Ngizathokoza ngoba ungisindisile.+
ז [Teth]
15 Izizwe ziwele egodini eziligebhileyo,
Zibanjwe yinethi ebezithiye ngayo.+
16 UJehova waziwa ngezahlulelo zakhe.+
Umuntu owenza okubi uthiywa yimisebenzi yakhe emibi.+
Higayoni.* (Selah)
י [Yod]
17 Ababi bazakwehlela engcwabeni,
Yikho lapho okuzakuya khona zonke izizwe ezikhohlwa uNkulunkulu.
כ [Kaph]
19 Sukuma awu Jehova, ungavumeli abantu banqobe.
Kwangathi ungazahlulela izizwe.+
20 Benze besabe awu Jehova,+
Yenza izizwe zikwazi ukuthi zingabantu nje. (Selah)
ל [Lamed]
10 Awu Jehova, kungani umela khatshana?
Kungani uzifihla nxa sisebunzimeni?+
3 Omubi uzigqaja ngezifiso zakhe ezimbi,+
Njalo ubusisa umuntu oyisihwaba.
נ [Nun]
Udelela uJehova.
4 Ngenxa yokuziphakamisa kwakhe, omubi kazihluphi ngokudinga uNkulunkulu.
Engqondweni yakhe uthi: “AkulaNkulunkulu.”+
Uyazihleka zonke izitha zakhe.
6 Uthi enhliziyweni yakhe: “Akulalutho oluzanginyikinya.
Kusukela kwesinye isizukulwane kusiya kwesinye,
Angisoze ngikubone ukuhlupheka.”+
פ [Pe]
7 Emlonyeni wakhe kugcwele ukuthuka* lamanga lokusongela.+
Ngaphansi kolimi lwakhe kulamazwi alimazayo adala inhlupho.+
8 Ucathama eduze lemizi yabantu,
Abesephuma lapho acatshe khona abulale umuntu ongelacala.+
ע [Ayin]
Uyakhangelisisa edinga umuntu angamhlasela.+
9 Njengesilwane esisesixukwini, uyalinda esendaweni acatshe kuyo.+
Ucathamela labo abangelamandla,
Ababambe ngenethi yakhe abavalele phakathi.+
10 Ababambileyo ubawisela phansi abachoboze,
Abangelamandla bawela ezandleni zakhe.
11 Uthi enhliziyweni yakhe: “UNkulunkulu usekhohliwe.+
Ukhangele eceleni.
Kaboni lutho.”+
ק [Qoph]
12 Sukuma awu Jehova.+ Phakamisa isandla sakho Nkulunkulu.+
Ungabakhohlwa abangelamandla.+
13 Kungani omubi edelela uNkulunkulu?
Phela enhliziyweni yakhe uthi: “Awusoze ungenze lutho.”
ר [Resh]
14 Kodwa wena Nkulunkulu uyazibona inhlupho losizi.
Uyakhangela ubusulungisa.+
Abangelamandla bakhala kuwe.+
Nguwe onceda izintandane.+
ש [Shin]
16 UJehova uyiNkosi kuze kube nini lanini.+
Izizwe sezitshabalele emhlabeni.+
ת [Taw]
17 Awu Jehova, uzabezwa abamnene nxa becela kuwe.+
Uzabalalela+ ubenze babe lesibindi.+
Kumqondisi wokuhlabela. Ihubo likaDavida.
11 Mina ngiphephela kuJehova.+
Manje kungani lisithi kimi:
“Baleka njengenyoni uye entabeni?
2 Khangela ukuthi ababi bawagobisa njani amadandili* abo,
Bakhokha imitshoko yabo besemnyameni,
Ukuze batshoke labo abaqotho enhliziyweni.
3 Nxa izisekelo zokwahlulela okuhle sezidiliziwe,
Abalungileyo bangenzani?”
4 UJehova usethempelini lakhe elingcwele.+
Isihlalo sobukhosi sikaJehova sisezulwini.+
Amehlo akhe ayabona, amehlo akhe ayabahlola abantu.+
7 UJehova ulungile,+ uthanda izenzo ezinhle.+
Abaqotho bazabona ubuso bakhe.*+
Kumqondisi wokuhlabela. Kumele lihlatshelwe ngetshuni yeSheminithi.* Ihubo likaDavida.
12 Awu Jehova ngisindisa ngoba akuselamuntu oqotho,
Abathembekileyo abasekho.
2 Abantu baqambelana amanga,
Bayayengana njalo imilomo yabo iveza ubuqili obusezinhliziyweni zabo.+
3 UJehova uzabaquma imilomo bonke abayenga abanye,
Uzabaquma ulimi labo abazigqajayo,+
4 Labo abathi: “Sizanqoba ngamazwi ethu.
Sikhuluma loba yini esiyifunayo,
Akula ongasibusa.”+
5 “Ngenxa yokuthi abahluphekayo bayacindezelwa,
Labayanga bayakhala,+
Ngizaphakama ngibasindise,” kutsho uJehova.
“Ngizabakhulula kulabo ababahlukuluzayo.”
6 Amazwi kaJehova ahlambulukile,+
Anjengesiliva esicengwe esithandweni somlilo, sahlanjululwa kasikhombisa.
8 Abantu ababi bazihambela bekhululekile,
Ngoba amadodana abantu ayazamukela izinto ezimbi.+
Kumqondisi wokuhlabela. Ihubo likaDavida.
13 Uzangikhohlwa kuze kube nini awu Jehova?
Uzangilibala kokuphela yini?
Uzangifihlela ubuso bakho kuze kube nini?+
2 Kuzaze kube nini ngilokhu ngikhathazekile,
Lenhliziyo yami ihlala ibuhlungu?
Isitha sizangehlula kuze kube nini?+
3 Awu Jehova Nkulunkulu wami, ngikhangela ungiphendule.
Nginika amandla* ukuze ngingafi,
4 Ukwenzela ukuthi isitha sami singathi: “Ngimnqobile!”
Ungavumeli izitha zami zithabele ukuwa kwami.+
6 Ngizahlabelela uJehova
ngoba ungibusise kakhulu.+
Kumqondisi wokuhlabela. Ihubo likaDavida.
14 Umuntu oyisithutha* uthi enhliziyweni yakhe:
“UJehova kakho.”+
Baxhwalile futhi izenzo zabo ziyenyanyeka,
Kakho owenza okuhle.+
2 Kodwa uJehova uyabakhangela abantu esezulwini
Ukuze abone ukuthi ukhona yini olokuqedisisa lokuthi ukhona yini odinga uJehova.+
3 Bonke baphambukile,+
Bonke baxhwalile.
Kakho owenza okuhle,
Akula ngitsho loyedwa.
4 Ukhona yini ozwisisayo phakathi kwalabo abenza okubi?
Baqeda abantu bami angathi ngabantu bezidlela isinkwa.
Kabambizi uJehova.
5 Kodwa bazakwethuka kakhulu,+
Ngoba uJehova ukhona phakathi kwesizukulwane sabalungileyo.
6 Lina elenza okubi lizama ukuphambanisa amacebo omuntu ohluphekayo,
Kodwa uJehova uyamvikela.+
7 Kwangathi insindiso ka-Israyeli ingavela eZiyoni!+
Kwangathi uJakhobe angathokoza, u-Israyeli ajabule,
Nxa uJehova eseqoqa abantu bakhe abathunjiweyo.
Ihubo likaDavida.
15 Awu Jehova, ngonjani umuntu omamukela etendeni lakho?
Ngubani ongahlala entabeni yakho engcwele?+
Uyasigcwalisa isithembiso* sakhe lalapho kubuhlungu ukwenza njalo.+
5 Kaboleki muntu imali yakhe abeseyifuna isizele,+
Kavumi ukufunjathiswa ukuze athi olungileyo ulecala.+
Umuntu onjalo kasoze anyikinywe.+
Imikhithamu* kaDavida.
16 Awu Nkulunkulu, ngivikela ngoba ngiphephele kuwe.+
2 Ngithe kuJehova: “Wena unguJehova, nguwe onginika konke okuhle.
4 Abatshisekela ukukhonza abanye onkulunkulu bandisa inhlupho zabo.+
Angisoze ngithulule iminikelo yabo yegazi,
Njalo angisoze ngiqambe amabizo abo ngomlomo wami.+
5 UJehova uyisabelo sami+ lenkomitsho yami,+ nguye ongipha konke.
Ulinda ilifa lami.
6 Unginike indawo ezinhle.
Ngisuthisekile ngelifa lami.+
7 Ngizamdumisa uJehova ngoba uyangeluleka.+
Lasebusuku imicabango yami ejulileyo iyangiqondisa.+
8 UJehova ngimgcina ephambi kwami sonke isikhathi.+
Angisoze nginyikinywe ngoba usesandleni sami sokudla.+
9 Ngakho inhliziyo yami iyathokoza, ngiyajabula kakhulu.
Ngivikelekile.
11 Uyangifundisa indlela okumele ngiphile ngayo,+
Kuyangithokozisa kakhulu ukuba phambi kwakho,+
Esandleni sakho sokudla kulentokozo engapheliyo.
Umthandazo kaDavida.
17 Awu Jehova, ngicela ungilalele nxa ngicela ukwahlulelwa kuhle,
Ngilalela nxa ngikhalela uncedo,
Lalela umthandazo wami engiwutsho ngiqotho.+
2 Ngicela ungahlulele kuhle,+
Kwangathi amehlo akho angabona okulungileyo.
Nxa ungangihlola uzathola ukuthi akulacebo elibi engilibumbileyo,
Lokuthi angizange ngone ngomlomo wami.
4 Kungelani lokuthi abanye benzani,
Mina ngilalela amazwi akho, angihambi ezindleleni zezigebenga.+
5 Ngivumela ngihambe ezindleleni zakho
Ukuze ngingakhubeki.+
6 Ngiyakubiza awu Nkulunkulu,+ ngoba uzangiphendula.
Lalelisisa engikutshoyo,* uzwe amazwi ami.+
7 Tshengisa ukuthi ulothando oluqotho ngemisebenzi yakho emangalisayo,+
Wena osindisa abaphephela esandleni sakho sokudla,
Ubakhulule kulabo abakuhlamukelayo.
9 Ngivikela kwababi abangihlaselayo,
Ezitheni zami ezingihanqileyo.+
10 Izitha zami azilazwelo,
Zikhuluma zizigqaja.
12 Isitha sinjengesilwane esicathemeyo,
Esifuna ukudlithiza inyamazana.
13 Sukuma awu Jehova, ulwe laso+ usilahle phansi.
Ngikhulula komubi ngenkemba yakho.
14 Awu Jehova, ngikhulula ngesandla sakho
Ebantwini bomhlaba lo abaphilela olwalamuhla,+
Labo obanika izinto ezinengi ezinhle,+
Abatshiyela amadodana abo amanengi ilifa.
15 Kodwa mina ngizabubona ubuso bakho ngoba ngilungile,
Kumqondisi wokuhlabela. Ihubo likaDavida inceku kaJehova. Walihlabelela uJehova ngemva kokukhululwa kwakhe nguJehova ezitheni zakhe zonke lasesandleni sikaSawuli. Wathi:+
18 Awu Jehova, mandla ami,+ ngiyakuthanda kakhulu.
2 UJehova ulidwala lami lenqaba yami, nguye ongikhululayo.+
UNkulunkulu wami ulidwala lami,+ nguye engizacatsha kuye.
Ulihawu lami lophondo* lwami lwensindiso,* indawo yami yokucatsha evikelekileyo.*+
3 Ngibiza uJehova onguye ofanele ukudunyiswa,
Ngizakhululwa ezitheni zami.+
5 Intambo zengcwaba zangithandela,
Ukufa kwafaka imijibila phambi kwami.+
6 Ngathi ngikhathazekile ngabiza uJehova,
Ngaqhubeka ngikhala kuNkulunkulu ngicela ukuthi angincede.
7 Umhlaba waqala ukuzamazama lokunyikinyeka,+
Izisekelo zezintaba zagedezela,
Zanyikinyeka ngenxa yokuthukuthela kwakhe.+
8 Kwathunqa intuthu emakhaleni akhe,
Kwaphuma umlilo ovuthayo emlonyeni wakhe,+
Kwakhihlika lamalahle avuthayo kuye.
11 Wazembesa ngobumnyama.+
Amayezi ezulu amnyama+
Amembesa angathi litende.
12 Ekukhanyeni okwakuphambi kwakhe
Kwakulesiqhotho lamalahle avuthayo okwehla kuvela emayezini.
13 UJehova wasekhwaza esemazulwini,+
OPhezukonke wakhuluma ilizwi lakhe lazwakala,+
Kwehla isiqhotho lamalahle avuthayo.
15 Awu Jehova, wakhwaza izisekelo zomhlaba zavela egcekeni,+
Kwabonakala itshebetshebe engaphansi kolwandle,
Ngenxa yomoya olamandla ophuma emakhaleni akho.+
16 Wangilalamela ekhonale phezulu,
Wangibamba wangikhipha emanzini atshonayo.+
18 Bangihlasela mhla ngisebunzimeni,+
Kodwa uJehova wayelami.
21 Ngizilandele izindlela zikaJehova,
Njalo angizange ngimtshiye uNkulunkulu wami ngenze okubi.
22 Ngihlala ngizikhumbula izahlulelo zakhe,
Angisoze ngidelele imilayo yakhe.
24 Kwangathi uJehova anganginika umvuzo ohambelana lokulunga kwami+
Kanye lobumsulwa bami phambi kwakhe.+
28 Awu Jehova, nguwe olumathisa isibane sami,
UNkulunkulu wami uyangikhanyisela emnyameni.+
29 Nxa ngincediswa nguwe ngingalwa lamabutho ahlaselayo,+
Ngamandla engiwaphiwa nguNkulunkulu ngingakhwela umduli.+
Ulihawu labo bonke abaphephela kuye.+
31 Ngubani omunye uNkulunkulu ngaphandle kukaJehova?+
Ngubani olidwala ngaphandle kukaNkulunkulu wethu?+
Ukuthobeka kwakho kwenza ngibe mkhulu.+
36 Indlela yami uyayiqhelisa,
Inyawo zami azisoze zitshelele.+
37 Izitha zami ngizazixotshanisa ngize ngizifice,
Angisoze ngiphenduke ngingaziqedanga zonke.
38 Zizawela phansi ngizinyathele,
Ngizichoboze zingaphindi zivuke.+
39 Uzanginika amandla okulwa empini,
Wenze izitha zami ziwe phambi kwami.+
41 Bakhalela uncedo kodwa akulamuntu obasizayo,
Baze bakhale lakuJehova kodwa kabaphenduli.
42 Ngizabachola babe njengothuli oluphetshulwa ngumoya,
Ngibalahlele phandle angathi ngumuntu olahla udaka emigwaqweni.
43 Wena uzangikhulula ebantwini abangibeka icala.+
Uzangenza ngibe ngumkhokheli wezizwe.+
Abantu engingabaziyo bazangisebenzela.+
44 Bazakuthi besizwa ngami bahle bangilalele,
Abezinye izizwe bazabuya kimi betshotshobele.+
45 Abezinye izizwe bazakwesaba,
Baphume ezinqabeni zabo babuye kimi beqhaqhazela.
46 UJehova uyaphila! Kalidunyiswe iDwala lami!+
Kaphakanyiswe uNkulunkulu ongisindisayo.+
47 UNkulunkulu weqiniso uyangiphindiselela,+
Unqoba izizwe azibeke ngaphansi kwami.
48 Uyangikhulula ezitheni zami ezizondileyo.
Wena uyangiphakamisa ngibe phezu kwalabo abangihlaselayo,+
Ungisindise emuntwini olodlakela.
50 UNkulunkulu wenza izenzo ezimangalisayo ukuze asindise inkosi ayikhethileyo,+
Ulothando oluqotho kogcotshiweyo wakhe,+
UDavida lezizukulwane zakhe kuze kube nini lanini.+
Kumqondisi wokuhlabela. Ihubo likaDavida.
2 Nsuku zonke izinto lezi ziyamdumisa,
Ziveza ulwazi ubusuku ngabunye.
3 Azikhulumi futhi azikhiphi mazwi,
Ilizwi lazo alizwakali.
Ufakele ilanga itende emazulwini.
5 Linjengomyeni ephuma endlini yabasanda kutshada,
Liyathokoza njengendoda elamandla egijima emncintiswaneni.
6 Liphuma komunye umkhawulo wamazulu,
Lihambe lize liyetshona komunye.+
Ukutshisa kwalo kufika yonke indawo.
7 Imithetho kaJehova iphelele,+ ivuselela ongelamandla.+
Izikhumbuzo zikaJehova zithembekile,+ zenza abangelalwazi bahlakaniphe.+
8 Izimiso zikaJehova zilungile, zenza inhliziyo ithokoze,+
Imilayo kaJehova ihlanzekile, inika umuntu ukukhanya.+
9 Ukwesaba uJehova+ kuhle,* kuhlala kuze kube nini lanini.
Izahlulelo zikaJehova ziliqiniso, zonke zilungile.+
10 Ziyathandeka ukwedlula igolide,
Ukwedlula igolide elihlambulukileyo,*+
Zimnandi kuloluju,+ uluju oluthonta enhlangeni.
12 Ngubani ongabona iziphambeko zakhe?+
Ungangibeki icala ngezono engizenze ngingananzeleli.
Kumqondisi wokuhlabela. Ihubo likaDavida.
20 Kwangathi uJehova angakuphendula nxa usebunzimeni.
Kwangathi ibizo likaNkulunkulu kaJakhobe lingakuvikela.+
3 Kwangathi angayikhumbula yonke iminikelo yakho yezipho,
Emukele ngomusa iminikelo yakho yokutshiswa. (Selah)
4 Kwangathi angakupha lokho okufisayo,+
Enze wonke amacebo akho aphumelele.
5 Sizamemeza ngentokozo ngenxa yezenzo zakho zokusindisa,+
Siphakamise uphawu lokunqoba sidumisa ibizo likaNkulunkulu wethu.+
Kwangathi uJehova angakupha konke okucelayo.
6 Khathesi sengikwazi ukuthi uJehova uyamsindisa ogcotshiweyo wakhe.+
7 Abanye bathembe izinqola zempi, abanye amabhiza,+
Kodwa thina sibiza ibizo likaJehova uNkulunkulu wethu.+
8 Bakhubeke bawa,
Kodwa thina sivuke sama.+
9 Awu Jehova, sindisa inkosi!+
Uzasiphendula* nxa sicela uncedo.+
Kumqondisi wokuhlabela. Ihubo likaDavida.
21 Awu Jehova, inkosi iyathokoza ngenxa yamandla akho.+
Iyathokoza kakhulu ngenxa yokuthi uyayisindisa!+
2 Uyinike lokho ebikufisa,+
Awuzange uyincitshe lokho ekucelileyo. (Selah)
4 Icele impilo wayipha,+
Uyiphe impilo ende, impilo engapheliyo.
5 Inkazimulo yayo inkulu ngoba uyisindisile.+
Uyenza ibe lesithunzi futhi ihlonitshwe.
8 Isandla sakho sizazibamba zonke izitha zakho,
Isandla sakho sokudla sizabamba bonke abakuzondayo.
9 Ngesikhathi osikhethileyo uzabatshabalalisa angathi ubaphosele esithandweni somlilo ovuthayo.
UJehova uzabathukuthelela ababhubhise, umlilo uzabaqeda bonke.+
10 Izizukulwane zabo uzazitshabalalisa emhlabeni,
Labantwababo ubaqede ebantwini,
11 Ngoba bebehlose ukwenza okubi kuwe.+
Babumbe amacebo angasoze aphumelele.+
12 Uzabenza babaleke+
Ngokubakhombela ngomtshoko wakho.
13 Awu Jehova, sukuma utshengise amandla akho.
Sizahlabela sibabaze amandla akho amakhulu.
Kumqondisi wokuhlabela; lihamba lomculo othi “Impalakazi Yokusa.” Ihubo likaDavida.
22 Nkulunkulu wami, Nkulunkulu wami, ungitshiyeleni?+
Kungani ungangisindisi?
Kungani ungezwa nxa ngikhala ngisebuhlungwini?+
2 Awu Nkulunkulu wami, ngikubiza imini yonke kodwa awungiphenduli,+
Lasebusuku angithuli, ngiqhubeka ngikubiza.
5 Bakhala kuwe wabasindisa,
Bathembela kuwe futhi awuzange ubadanise.+
6 Kodwa mina ngiyisibungwana nje, angisimuntu walutho.
Abantu bayangeyisa futhi bayangichothoza.+
8 “Uthembele kuJehova, kamkhulule phela sibone!
Kamsindise, angithi uyamthanda!”+
9 Nguwe owangikhipha esibelethweni,+
Wangenza ngazizwa ngivikelekile emabeleni kamama.
10 Ngabekwa ezandleni zakho kusukela ngizalwa,
Ubulokhu unguNkulunkulu wami kusukela ngisesibelethweni sikamama.
13 Izitha zami zingivulele ingavula zamazinyo,+
Njengesilwane esibhongayo esifuna ukudabudabula inyamazana.+
14 Ngithululwe njengamanzi,
Wonke amathambo ami akhumukile.
15 Amandla ami asephelile, sengome njengocezu lwembiza yomdaka.+
16 Izinja ziyangigombolozela,+
Iqembu lezigangi liyangihanqa,+
Lihlasela izandla zami lenyawo njengesilwane.+
17 Ngingawabala wonke amathambo ami.+
Bayangikhangela bangiqhuzulele amehlo.
19 Kodwa wena Jehova, ungahlali ukhatshana lami.+
Ungamandla ami, phangisa uzonginceda.+
20 Ngisindisa ngingabulawa yinkemba,
Usindise impilo yami enziphweni zezinja.+
21 Ngisindisa emlonyeni wesilwane+ lasezimpondweni zenkunzi zeganga,
Ngiphendula ungisindise.
23 Lina elesaba uJehova, mdumiseni!
Mkhazimuliseni lonke bantwana bakaJakhobe!+
Mesabeni lonke lina bantwana baka-Israyeli.
24 Kazange eyise umuntu ohluphekayo loba amenyanye ngesikhathi ecindezelwa,*+
Kazange amfihlele ubuso bakhe.+
Wathi ekhala kuye ecela uncedo wamuzwa.+
25 Ngizakudumisa ebandleni elikhulu.+
Ngizagcwalisa izifungo zami phambi kwalabo abamesabayo.
Kwangathi ungakholisa impilo* kuze kube nini lanini.
27 Bonke abantu emhlabeni bazakhumbula uJehova baye kuye.
29 Bonke abanothileyo emhlabeni bazakudla futhi bamkhothamele.
Bonke ababuyela ethulini bazaguqa phambi kwakhe.
Kakho phakathi kwabo ongalondoloza impilo yakhe.
30 Izizukulwane zabo zizamkhonza,
Isizukulwane esizayo sizatshelwa ngoJehova.
31 Bazakuza batshele abanye ngokulunga kwakhe.
Bazatshela abazazalwa lokho akwenzileyo.
Ihubo likaDavida.
Angisoze ngiswele lutho.+
Intonga yakho lodondolo lwakho kuyangiqinisa.*
5 Ungilungisela itafula yokudla phambi kwezitha zami,+
Ugcoba ikhanda lami ngamafutha ukuze ungivuselele.+
Inkomitsho yami igcwele iyachitheka.+
6 Ubuhle bakho lothando lwakho kuzangilandela zonke izinsuku zokuphila kwami,+
Awu Jehova, ngizahlala endlini yakho okwempilo yami yonke.+
Ihubo likaDavida.
24 Umhlaba lakho konke okukuwo ngokukaJehova,+
Ngelakhe ilizwe kanye lalabo abahlala kulo.
2 Umhlaba uwumise waqina phezu kwezilwandle,+
Wawumisa waqina phezu kwemifula.
3 Ngubani ongaqansa intaba kaJehova?+
Ngubani ongema endaweni yakhe engcwele?
4 Ngulowo olezandla ezingelacala lolenhliziyo emsulwa,+
Ongazange enze isithembiso samanga efunga ngempilo yami,
Longazange enze isifungo sobuqili.+
6 Lesi yisizukulwane salabo abamdingayo.
Yisizukulwane salabo abafuna ukwamukelwa nguwe, awu Nkulunkulu kaJakhobe. (Selah)
8 Ngubani iNkosi le ekhazimulayo?
10 Ngubani iNkosi le ekhazimulayo?
NguJehova wamabutho, nguye iNkosi ekhazimulayo.+ (Selah)
Ihubo likaDavida.
א [Aleph]
25 Awu Jehova, ngiphendukela kuwe.
ב [Beth]
Ungayekeli izitha zami zithaba ngenxa yenhlupho zami.+
ג [Gimel]
ד [Daleth]
ה [[He]
5 Ngifundisa ungenze ngihambe eqinisweni lakho,+
Ngoba wena unguNkulunkulu wami ongisindisayo.
ו [Waw]
Ngithembele kuwe ilanga lonke.
ז [Zayin]
ח [Heth]
7 Ungazikhumbuli izono engazenza ngisesemutsha kanye leziphambeko zami.
ט [Teth]
8 UJehova muhle futhi ulungile.+
Yikho efundisa izoni indlela okumele ziphile ngayo.+
י [Yod]
כ [Kaph]
10 Zonke izindlela zikaJehova zitshengisa ukuthi ulothando oluqotho lokuthi uthembekile
ל [Lamed]
11 Ngenxa yebizo lakho awu Jehova,+
Thethelela isono sami lanxa sisikhulu.
מ [Mem]
12 Ngubani owesaba uJehova?+
Uzamfundisa indlela okumele ayikhethe.+
נ [Nun]
ס [Samekh]
ע [Ayin]
פ [Pe]
16 Ngikhangela ube lomusa kimi,
Ngoba ngingedwa futhi angilamandla.
צ [Tsade]
17 Inhlupho zami sezizinengi,+
Ngikhulula ebunzimeni.
ר [Resh]
19 Khangela ukuthi izitha zami zinengi njani,
Lokuthi zingizonda kangakanani.
ש [Shin]
20 Linda impilo yami futhi ungisindise.+
Ungangiyekeli ngiyangiswe ngoba ngiphephele kuwe.
ת [Taw]
22 Awu Nkulunkulu, khulula* abako-Israyeli kuzo zonke inhlupho zabo.
Ihubo likaDavida.
26 Ngahlulela Jehova, ngoba ngiphila impilo eqotho.+
Angizange ngiyekele ukuthembela kuJehova.+
2 Ngihlola awu Jehova, ubone lokho engiyikho.
Hlola inhliziyo yami lemicabango yami ejulileyo.+
3 Ngihlala ngicabanga ngothando lwakho oluqotho,
Njalo ngihamba eqinisweni lakho.+
6 Ngizageza izandla zami ukuze ngitshengise ukuthi angilacala,
Ngizabhoda i-alithare lakho, awu Jehova,
7 Ukuze ngikubonge ngelizwi elizwakalayo,+
Njalo ngimemezele yonke imisebenzi yakho emangalisayo.
9 Ungangitshabalalisi ndawonye labenza okubi.+
11 Kodwa mina ngizahlala ngiqotho.
Ngikhulula* ube lomusa kimi.
12 Ngime endaweni echayileyo.+
Ngizamdumisa uJehova ebandleni elikhulu.+
Ihubo likaDavida.
27 UJehova uyikukhanya kwami+ lomsindisi wami.
Kambe ngubani engingamesaba?+
UJehova uyinqaba evikela impilo yami.+
Ngizakwesaba bani?
2 Abantu ababi abangizondayo bathi bengihlasela befuna ukungitshabalalisa,+
Bakhubeka bawa.
Lanxa kungaze kuvuke impi ngihlaselwe,
Ngizaqhubeka ngilethemba.
4 Ngicele into eyodwa zwi kuJehova,
Njalo yiyo engiyifisayo.
Ngifisa ukuhlala endlini kaJehova okwempilo yami yonke,+
Ukuze ngibone ubuhle bukaJehova,
5 Uzangicatshisa endaweni yakhe ngosuku lokuhlupheka,+
Angifihle endaweni esithekileyo etendeni lakhe.+
Uzangibeka phezulu esiqongweni sedwala.+
6 Khathesi sengizinqobile izitha zami* ezingigombolozeleyo.
Ngizanikela imihlatshelo etendeni lakhe ngentokozo enkulu,
Ngihlabele ngimdumise uJehova.
8 Enhliziyweni yami ngikhumbula amazwi akho athi:
“Dingani ukwamukelwa yimi.”*
Yikho ngizakudinga ukwamukelwa nguwe, awu Jehova.+
9 Ungangifihleli ubuso bakho.+
Ungayixotshi ngolaka inceku yakho.
Wena ungumsizi wami,+
Ungangilahli futhi ungangitshiyi, awu Nkulunkulu wami ongisindisayo.
11 Ngifundisa indlela yakho, awu Jehova,+
Ngikhokhela endleleni yokulunga ngoba ngihanqwe yizitha.
12 Unganginikeli ezitheni zami.+
Phela sekulabantu abafakaza amanga ngami,+
Bayangisongela befuna ukungilimaza.
Mthembe uJehova.
Ihubo likaDavida.
28 Ngiqhubeka ngikubiza, awu Jehova Dwala lami,+
Ungavali indlebe zakho.
2 Ngicela ungizwe nxa ngikhala kuwe ngicela uncedo,
Nxa ngiphakamise izandla ngikhangele endlini engaphakathi esendaweni yakho engcwele.+
3 Ungangihuduli ndawonye lababi, labo abahlala besenza okubi,+
Abakhuluma kuhle labomakhelwane babo kodwa belamacebo amabi ezinhliziyweni zabo.+
4 Banike umvuzo wezenzo zabo,+
Umvuzo ohambelana lezinto ezimbi abazenzileyo.
Banike umvuzo wemisebenzi yezandla zabo,
Kusiya ngalokho abakwenzileyo,+
5 Ngoba abazihluphi ngalokho okwenziwe nguJehova,+
Langemisebenzi yezandla zakhe.+
Yena uzabawisela phansi angabavusi.
6 Kadunyiswe uJehova
Ngoba usekuzwile ukukhala kwami ngicela uncedo.
Ungincedile, yikho inhliziyo yami ithokoza,
Ngizahlabela ingoma ngimdumise.
8 UJehova ungamandla abantu bakhe,
Uyinqaba, usindisa ogcotshiweyo wakhe ngendlela emangalisayo.+
9 Khulula abantu bakho, ubusise ilifa lakho.+
Beluse njalo ubathwale ezingalweni zakho kuze kube nini lanini.+
Ihubo likaDavida.
29 Nikani uJehova okumfaneleyo, lina elilamandla,*
Phanini uJehova okumfaneleyo ngoba ulamandla lenkazimulo.+
2 Nikani uJehova inkazimulo efanele ibizo lakhe,
3 Ilizwi likaJehova lizwakala phezu kwamanzi,
UNkulunkulu okhazimulayo uyakhwaza.+
UJehova uphezu kwamanzi amanengi.+
4 Ilizwi likaJehova lilamandla,+
Ilizwi likaJehova liyamangalisa.
5 Ilizwi likaJehova lephula imisedari,
UJehova uyayephula imisedari yaseLebhanoni.+
7 UJehova ukhuluma kuphazime imibane,+
8 Ilizwi likaJehova lenza inkangala inyikinyeke,+
UJehova wenza inkangala yeKhadeshi+ izamazame.
Bonke abasethempelini lakhe bathi: “Kakhazinyuliswe uNkulunkulu!”
10 Isihlalo sobukhosi sikaJehova siphezu kwamanzi amanengi,+
UJehova uyiNkosi kuze kube nini lanini.+
11 UJehova uzabanika amandla abantu bakhe.+
UJehova uzababusisa abantu bakhe abaphe ukuthula.+
Ihubo likaDavida. Ingoma yokunikelwa kwendlu.
30 Ngizakudumisa awu Jehova, ngoba ungiphakamisile.
Awuzange uvume ukuthi izitha zami zithokoze ngokuhlupheka kwami.+
2 Awu Jehova Nkulunkulu wami, ngakhala kuwe ngicela uncedo wangelapha.+
3 Awu Jehova, ungikhiphe engcwabeni.+
Ungigcine ngiphila, awuzange uvume ukuthi ngingene egodini.*+
4 Hlabelani lidumise uJehova lina abaqotho,+
Dumisani ibizo lakhe elingcwele,+
5 Ngoba uzondela umuntu okwesikhatshana nje,+
Kodwa abe lomusa kuye okwempilo yakhe yonke.+
Abantu bangakhala ebusuku, kodwa ekuseni bathokoze kakhulu.+
6 Ngesikhathi ngingelanhlupho ngathi:
“Angisoze nginyikinywe.”
7 Awu Jehova, ngesikhathi usangamukela wangenza ngaqina njengentaba.+
Kodwa wathi usungifihlele ubuso bakho, ngesaba.+
8 Ngaqhubeka ngikubiza Jehova,+
Ngaqhubeka ngincenga uJehova ukuthi abe lomusa kimi.
9 Kuzanceda ngani ukufa kwami? Kuzanceda ngani ukwehlela kwami engcwabeni?*+
Uthuli lungakudumisa yini?+ Lungakhuluma yini ngokuthembeka kwakho?+
10 Ngicela ungizwe Jehova, ube lomusa kimi.+
Nginceda awu Jehova.+
11 Wena utshintshe ukukhala kwami kwaba yikugida,
Ungikhiphe izigqoko zokulila,* wangigqokisa ezentokozo,
12 Ukuze ngihlabele ngikudumisa, ngingathuli.
Awu Jehova Nkulunkulu wami, ngizakudumisa kuze kube nini lanini.
Kumqondisi wokuhlabela. Ihubo likaDavida.
31 Ngiphephela kuwe Jehova.+
Ungavumeli ukuthi ngiyangiswe.+
Ngikhulula ngoba wena ulungile.+
2 Ngicela ulalele engikutshoyo.*
Woza masinyane uzongikhulula.+
Woba yintaba yami engivikelayo,
Indawo evikelekileyo engingacatsha kuyo.+
5 Impilo yami ngiyibeka* ezandleni zakho.+
Ungisindisile Jehova Nkulunkulu weqiniso.+
6 Ngiyabazonda abakhonza izithombe ezingancedi ngalutho.
Mina ngithembele kuJehova.
7 Ngiyathokoza kakhulu ngenxa yothando lwakho oluqotho,
Ngoba ukubonile ukuhlupheka kwami.+
Uyakwazi okungikhathazayo enhliziyweni yami.
8 Awunginikelanga ezitheni zami,
Kodwa ungimise endaweni evikelekileyo.*
9 Awu Jehova, woba lomusa kimi ngoba ngisebunzimeni.
Amehlo ami asefiphele ngenxa yobuhlungu engikubo,+ Umzimba wami wonke usumdambiyana.+
Sengiphela amandla ngenxa yesono sami,
Lamathambo ami asebuthakathaka.+
11 Zonke izitha zami ziyangichothoza,+
Ikakhulu omakhelwane bami.
Abangane bami sebengesaba,
Nxa bengibona bayangibalekela.+
12 Angisekho ezinhliziyweni zabo, sebekhohlwe ngami angathi sengafa.
Senginjengembiza ehlephukileyo.
13 Kunengi okubi esengizwe abantu bekukhuluma ngami,+
Ngiyesaba ngoba banengi abangisongelayo.
Lapho bebuthana ndawonye ukuze balwe lami,
Babumba amacebo okungibulala.+
14 Kodwa ngithembele kuwe awu Jehova.+
Ngithi: “UnguNkulunkulu wami.”+
15 Impilo yami isezandleni zakho.
Ngikhulula ezandleni zezitha zami lakulabo abangihlukuluzayo.+
16 Woba lomusa encekwini yakho.*+
Ngisindisa ngenxa yothando lwakho oluqotho.
17 Awu Jehova, ungavumi ukuthi ngiyangeke nxa ngikubiza.+
Abenza okubi akube yibo abayangekayo.+
Kabathuliswe engcwabeni.+
18 Kwangathi abaqamba amanga bangathuliswa,+
Labo abakhuluma bezigqaja bedelela abalungileyo.
19 Buyamangalisa ubuhle bakho!+
Kunengi okuhle okugcinele labo abakwesabayo,+
Ukwenze phambi kwabantu bonke, ukwenzela labo abaphephela kuwe.+
20 Uzabafihla endaweni yakho esithekileyo,+
Ubavikele ebantwini abalamacebo amabi.
Uzabafihla etendeni lakho,
Ubavikele ebantwini abathanda ingxabano.+
21 Kadunyiswe uJehova
Ngoba wangitshengisa uthando* olumangalisayo+ ngesikhathi ngisedolobheni elivinjezelweyo.+
22 Phela ngangisesaba ngaze ngathi:
“Ngizatshabalala phambi kwakho.”+
Kodwa wena wangizwa ngikhala ngicela uncedo kuwe.+
23 Thandani uJehova, lina lonke eliqotho kuye!+
Ihubo likaDavida. Imaskili.*
32 Uyathokoza umuntu osexolelwe isiphambeko sakhe, lowo osethethelelwe isono sakhe.+
3 Ngesikhathi ngithule, amandla ami aphela ngenxa yobuhlungu engangibuzwa ilanga lonke,+
4 Ngoba isandla sakho sasiphezu kwami, singisinda* ubusuku lemini.+
Amandla ami anyamalala njengamanzi etshiswa lilanga lehlobo. (Selah)
Ngathi: “Ngizavuma iziphambeko zami kuJehova.”+
Wena wasuthethelela iziphambeko lezono zami.+ (Selah)
Lapho-ke lenhlupho ezinjengezikhukhula zamanzi azisoze zibafice.
Uzangenza ngibe phakathi kwabantu abamemeza ngentokozo ngenxa yokusindisa kwakho.+ (Selah)
8 Wena wathi, “Ngizakwenza ube lokuqedisisa njalo ngikufundise indlela okumele uhambe ngayo.+
Ngizakweluleka futhi ngikulinde.+
9 Ungabi njengebhiza loba imbongolo* ngoba khona akuzwisisi.+
Kumele ukuqondise ngamatomu
Ukuze kukulalele.”
10 Kunengi okukhathaza abantu ababi,
Kodwa uJehova uyabavikela labo abamthembayo ngoba ulothando oluqotho.+
11 Thokozani ngoJehova lijabule lina abalungileyo,
Memezani ngentokozo lina lonke eliqotho enhliziyweni.
33 Lina abalungileyo, memezani lithokoze ngenxa kaJehova.+
Kufanele ukuthi abaqotho bamdumise.
2 Bongani uJehova limtshayele ihabhu,*
Hlabelani limdumise ngesiginci esilentambo ezilitshumi.
3 Mhlabeleleni ingoma entsha.+
Lizitshaye kamnandi iziginci ngapha limemeza ngentokozo.
4 Ilizwi likaJehova liliqiniso,+
Njalo uthembekile kukho konke akwenzayo.
5 Uthanda ukulunga lokwahlulela okuhle.+
Umhlaba wonke ugcwele uthando lukaJehova oluqotho.+
7 Ubuthelela amanzi olwandle abe angathi lidamu,+
Amanzi alamagagasi alamandla uwagcina eziphaleni zawo.
8 Umhlaba kawumesabe uJehova.+
Bonke abantu bomhlaba kabamesabe,
9 Ngoba wakhuluma, lakanye kwaba khona,+
Wakhipha umlayo kwenzakala.+
11 Izinqumo zikaJehova zizahlala kuze kube nini lanini,+
Lokho akuhlosileyo kuzahlala isizukulwane ngesizukulwane.
12 Siyathokoza isizwe esenza uJehova abe nguNkulunkulu waso,+
Isizwe asikhethileyo ukuthi sibe ngesakhe.+
13 UJehova ukhangela phansi esezulwini,
Abone bonke abantu.+
14 Uyabakhangela abantu abasemhlabeni,
Esendaweni yakhe ahlala kuyo.
15 Nguye obumba inhliziyo zabantu bonke,
Uyakuhlolisisa konke abakwenzayo.+
16 Ukuba lebutho elikhulu akutsho ukuthi inkosi izanqoba,+
Lokuba lamandla amakhulu akutsho ukuthi iqhawe lizaphunyuka.+
17 Ukuthemba ukuthi ibhiza lizakwenza unqobe* yikuziqila,+
Lanxa lilamandla amakhulu, umgadi walo angehluleka ukuphunyuka.
18 Amehlo kaJehova abakhangele labo abamesabayo,+
Labo abalindele uthando lwakhe oluqotho,
19 Ukuze abakhulule ekufeni,
Njalo abagcine bephila ngesikhathi sendlala.+
20 Silindele uJehova.
Ulihawu lethu futhi nguye osincedayo.+
21 Inhliziyo zethu ziyathokoza ngaye,
Ngoba sithembele ebizweni lakhe elingcwele.+
Ihubo likaDavida, ngesikhathi ezenza umuntu ohlanyayo+ phambi kuka-Abhimeleki, u-Abhimeleki wasemxotsha.
א [Aleph]
34 Ngizamdumisa uJehova zikhathi zonke,
Ngizahlala ngimdumisa ngomlomo wami.
ב [Beth]
2 Ngizazigqaja ngoJehova,+
Abamnene bazangizwa bathokoze.
ג [Gimel]
3 Asimdumiseni ndawonye uJehova,+
Asiliphakamiseni kanyekanye ibizo lakhe.
ד [Daleth]
4 Ngathandaza kuJehova wangiphendula.+
Wangikhulula kukho konke engangikwesaba.+
ה [He]
5 Ubuso balabo ababekhangele kuye bakhazimula,
Akukho lokukodwa okwabenza bayangeka.
ז [Zayin]
6 Ngathi ngisekuhluphekeni ngambiza uJehova, wangizwa.
Wangikhulula kubo bonke ubunzima engangikubo.+
ח [Heth]
ט [Teth]
י [Yod]
9 Mesabeni uJehova lina lonke abangcwele,
Ngoba abamesabayo abasweli lutho.+
כ [Kaph]
10 Lanxa izilwane zilamandla, zingaswela ukudla zilambe,
Kodwa labo abadinga uJehova abasoze baswele lutho oluhle.+
ל [Lamed]
11 Wozani kimi bantwabami, lingilalele.
Ngizalifundisa ukwesaba uJehova.+
מ [Mem]
12 Ngubani phakathi kwenu ofuna ukukholisa impilo,
Lofisa ukuphila isikhathi eside ukuze abone okuhle?+
נ [Nun]
ס [Samekh]
14 Fulathela okubi wenze okuhle.+
Dinga ukuthula, uzimisele ukukulondoloza.+
ע [Ayin]
פ [Pe]
16 Kodwa uJehova uyabazonda labo abenza okubi,
Uzababhubhisa bangaphindi bakhunjulwe emhlabeni.+
צ [Tsade]
ק [Qoph]
ר [Resh]
ש [Shin]
ת [Taw]
21 Abaxhwalileyo bazakwehlelwa ngokubi bafe,
Abazonda abalungileyo bazatholakala belecala.
Ihubo likaDavida.
3 Thatha umkhonto wakho lehloka lakho lempi* ulwe labangixotshanisayo.+
Wothi kimi: “Yimi engikusindisayo.”+
4 Kwangathi labo abangizingelayo bangayangiswa babe lenhloni.+
Kwangathi labo abafuna ukungibulala bangabaleka beyangekile.
5 Kababe njengomule ophetshulwa ngumoya,
Ingilosi kaJehova kayibaxotshele khatshana.+
6 Kwangathi indlela yabo ingaba mnyama futhi itshelele,
Nxa ingilosi kaJehova isibaxotshanisa,
7 Ngoba bangithiye ngenethi ngingelacala.
Bangigebhele igodi ngingonanga lutho.
8 Kwangathi bangawelwa yingozi belibele,
Lenethi abangithiye ngayo ibambe bona,
Bawele egodini abaligebhileyo bafe.+
9 Kodwa mina ngizathokoza ngoJehova,
Ngizajabula ngoba ungisindisile.
10 Wonke amathambo ami azakuthi:
“Ngubani onjengawe Jehova?
Wena uyabakhulula abahluphekayo kulabo abalamandla kulabo,+
Uvikele abahluphekayo labayanga kulabo ababaqilayo.”+
11 Ofakazi bamanga bayasukuma+
Bangibuze izinto engingazi lutho ngazo.
12 Okuhle engikwenzayo bakubuyisela ngokubi,+
Inhliziyo yami idabukile.
13 Kodwa ngesikhathi begula ngagqoka izigqoko zokulila,*
Ngazehlisa ngazila ukudla.
Ngathi ngibona umthandazo wami ungaphendulwa,
14 Ngahambahamba ngilila njengomuntu okhalela umngane wakhe loba umfowabo.
Ngakhothama ngenxa yosizi njengomuntu olilela unina.
15 Kodwa ngathi ngikhubeka babizana bethokoza,
Babuthana bangicathamela ukuze bangihlasele.
Bangidabudabula, abazange bayekele ukukhuluma ngami.
16 Abantu abangamesabiyo uNkulunkulu bayangichothoza,
Bangigedlela amazinyo bengithukuthelele.+
17 Awu Jehova, uzakhangela kuze kube nini ungenzi lutho?+
18 Lapho-ke ngizakubonga ngiphakathi kwebandla elikhulu,+
Ngikudumise ngiphakathi kwabantu abanengi.
19 Ungavumi ukuthi labo abangizonda kungelasizatho bathokoze ngokuwa kwami,
Ungavumi ukuthi labo abangizonda ngingonanga lutho+ banginyonkoloze,+
20 Ngoba abakhulumi amazwi okuthula,
Kodwa babumba amacebo alobuqili ukuze baphambanise abantu abalokuthula elizweni.+
21 Bavula imilomo yabo bengisola,
Besithi: “Ya! Sikubonile!”
22 Usukubonile lokhu Jehova, ungaqhubeki uthule.+
Awu Jehova, ungabi khatshana lami.+
23 Vuka usukume ungivikele,
Jehova Nkulunkulu wami, mela udaba lwami emthethweni.
24 Ngahlulela ngendlela evumelana lokulunga kwakho,+ awu Jehova Nkulunkulu wami,
Ungabavumeli ukuthi bathokoze ngobunzima engikubo.
25 Ungabavumeli ukuthi bathi: “Ya! Sikutholile esikufunayo.”
Kabangatsho ukuthi: “Siqedile ngaye.”+
26 Labo abathokoza ngobunzima engikubo
Abayangiswe bonke babe lenhloni.
Abayangeke labo abazibona bengcono kulami.
27 Kodwa labo abathanda ukulunga kwami kabamemeze ngentokozo,
Kabahlale besithi:
“Kakhazinyuliswe uJehova ngoba uthanda ukubona inceku yakhe ihlezi ngokuthula.”+
Kumqondisi wokuhlabela. Ihubo likaDavida inceku kaJehova.
36 Umuntu owenza okubi uhlala efuqwa ngokubi okusenhliziyweni yakhe,
Kamesabi ngitsho uNkulunkulu.+
2 Kenelisi ukubona isono sakhe lokusizonda,+
Ngoba uzibona eqakatheke kakhulu.
3 Amazwi awakhulumayo abuhlungu futhi alobuqili,
Kaqedisisi ukuthi angakwenza njani okuhle.
4 Ubumba amacebo amabi lalapho elele embhedeni wakhe.
Uhamba endleleni embi,
Kakwali okubi.
5 Awu Jehova, uthando lwakho oluqotho lufika khonale emazulwini,+
Ukuthembeka kwakho kufika emayezini.
Ulondoloza abantu lezinyamazana, awu Jehova.+
7 Uthando lwakho oluqotho luligugu kakhulu, awu Nkulunkulu!+
Abantu baphephela ngaphansi kwamaphiko akho.+
8 Bayazitika ngokunathwayo okugcwele endlini yakho,+
Ubanika izinto ezinengi ezinhle, kube angathi ubanathisa emfuleni olamanzi amanengi.+
11 Ungavumeli unyawo lwalowo ozikhukhumezayo lunginyathele,
Kumbe ukuthi isandla somubi singixotshe.
12 Khangela abenza okubi sebewile,
Bawiselwe phansi, abasenelisi ukuvuka.+
Ihubo likaDavida.
א [Aleph]
2 Bazaswaba masinyane njengotshani,+
Babune njengotshani obuluhlaza.
ב [Beth]
4 Thokoza kakhulu ngenxa kaJehova,
Yena uzakupha lokho okufisayo.
ג [Gimel]
6 Uzakwenza ukulunga kwakho kukhazimule njengelanga liphuma,
Enze lezinto ezinhle ozenzayo zikhanye njengelanga emini.
ד [Daleth]
7 Thula phambi kukaJehova,+
Umlindele ngesineke.
Ungamzondeli umuntu omubi
Nxa ephumelela ukwenza akucabangileyo.+
ה [He]
8 Yekela ukuzonda, utshiye ulaka.+
Ungacaphuki ucine ususenza okubi,*
9 Ngoba abantu abenza okubi bazatshabalaliswa,+
Kodwa labo abathemba uJehova bazakudla ilifa lomhlaba.+
ה [Waw]
10 Sekusele isikhathi esincane nje ukuthi ababi babe bengasekho.+
Uzakuthi ukhangela lapho ababekhona,
Ubone bengasekho.+
11 Kodwa abathobekileyo* bazakudla ilifa lomhlaba.+
Bazathokoza kakhulu ngoba kuyabe sekulokuthula okukhulu.+
ז [Zayin]
13 Kodwa uJehova uzamhleka
Ngoba uyakwazi ukuthi usuku lokubhujiswa kwakhe luzafika.+
ח [Heth]
14 Ababi bakhokha inkemba zabo lemitshoko yabo
Ukuze bamlahle phansi ocindezelwayo lodubekayo,
Babulale abalungileyo.
15 Kodwa inkemba zabo zizagwaza bona enhliziyweni.+
Lamadandili* abo azakwephuka.
ט [Teth]
16 Kungcono okulutshwana okomuntu olungileyo,
Kulokunengi okomuntu omubi,+
17 Ngoba izingalo zomuntu omubi zizakwephulwa,
Kodwa uJehova uzamsekela umuntu olungileyo.
י [Yod]
18 UJehova uyabubona ubunzima obehlela abantu abalungileyo.
Ilifa labo lizahlala kuze kube phakade.+
19 Abasoze bayangiswe ngezikhathi ezinzima,
Langesikhathi sendlala bazabe belokudla okunengi.
כ [Kaph]
20 Kodwa abantu ababi bazatshabalala,+
Izitha zikaJehova zizanyamalala njengamadlelo amahle,
Zizanyamalala njengentuthu.
ל [Lamed]
21 Umuntu omubi uboleka angabuyiseli,
Kodwa umuntu olungileyo ulomusa futhi uyaphana.+
22 Labo ababusiswe nguNkulunkulu bazakudla ilifa lomhlaba,
Kodwa labo abathukwe nguye bazasuswa.+
מ [Mem]
נ [Nun]
25 Ngangimncane, khathesi sengimdala,
Kodwa angikaze ngibone olungileyo elahliwe,+
Loba abantwabakhe beswele ukudla.+
26 Ubolekisa ngesihle.+
Abantwabakhe bazathola izibusiso.
ס [Samekh]
27 Balekela okubi wenze okuhle,+
Ungenza njalo uzaphila kuze kube nini lanini,
28 Ngoba uJehova uthanda ukwahlulela okuhle,
Kasoze abalahle abaqotho kuye.+
ע [Ayin]
פ [Pe]
30 Umlomo womuntu olungileyo ukhuluma amazwi okuhlakanipha,
Ulimi lwakhe lukhuluma okulungileyo.+
צ [Tsade]
32 Omubi ucathamela umuntu olungileyo
Efuna ukumbulala.
ק [Qoph]
34 Themba uJehova uhambe endleleni yakhe,
Uzakubusisa akunike ilifa lomhlaba.
Wena uzakubona lokhu+ nxa ababi sebesusiwe.+
ר [Resh]
35 Ngake ngabona umuntu ololunya
Ephumelela njengesihlahla esikhula kuhle emhlabathini waso.+
36 Kodwa ngesikhatshana nje wayengasekho esefile.+
Ngaqhubeka ngimdinga kodwa angizange ngimthole.+
ש [Shin]
37 Nanzelela umuntu ongelasici,
Uqhubeke ukhangele umuntu olungileyo,+
Ngoba ikusasa lakhe lizabe lilokuthula.+
38 Kodwa zonke izoni zizatshabalaliswa,
Abantu abenza okubi bazabhujiswa.+
ת [Taw]
40 UJehova uzabanceda futhi abakhulule.+
Uzabakhulula komubi abasindise
Ngoba baphephela kuye.+
Ihubo likaDavida, elokukhumbuza.
38 Awu Jehova, ungangikhuzi ngolaka,
Ungangiqondisi uzondile,+
2 Ngoba imitshoko yakho ingigwaze yatshona,
Isandla sakho singifithizele.+
3 Umzimba wami wonke ubuhlungu ngenxa yentukuthelo yakho.
Angilakuthula ngaphakathi kwami* ngenxa yesono sami.+
4 Sengicwile phakathi kwezono zami,+
Zinjengomthwalo osindayo, angisenelisi ukuzithwala.
5 Izilonda zami zinuka phu futhi ziphihlika ubomvu
Ngenxa yobuthutha bami.
6 Ngikhathazekile futhi ngidane kakhulu,
Ngitshona ngidanile ilanga lonke.
7 Ngiyatsha ngaphakathi,
Umzimba wami wonke ubuhlungu.+
8 Sengimdambiyana futhi ngicobekile,
Ubuhlungu obusenhliziyweni yami benza ngibubule ngikhale.
9 Awu Jehova, uyakwazi konke engikufisayo,
Loba nini nxa ngibubula uyangizwa.
10 Inhliziyo yami itshaya kakhulu, angiselamandla.
11 Abangane bami labantu ebengibajayele sebengibalekela ngenxa yokuhlupheka kwami,
Abangane bami abaseduze sebemela khatshana.
12 Labo abazingela impilo yami bayangithiya.
Abazama ukungilimaza bakhuluma ngokungibulala,+
Bayanyenyezelana ilanga lonke bebumba amacebo okungiqila.
13 Kodwa mina angizange ngibalalele, ngenze angathi ngiyisacuthe,+
Angizange ngiwuvule umlomo wami, kwaba angathi ngiyisimungulu.+
14 Senginjengomuntu ongezwayo endlebeni,
Ongeke atsho lutho ngomlomo wakhe ezivikela.
16 Ngathi: “Kabangathokozi ngokuwa kwami,
Kabangazikhukhumezi nxa ngingatshelela.”
17 Kwasekusele kancane ukuthi ngiwe,
Ngasengihlala ngisizwa ubuhlungu.+
19 Kodwa izitha zami ziqinile futhi zilamandla,
Sebebanengi abangizonda kungelasizatho.
20 Ngabenzela okuhle kodwa bona bangibuyisela ngokubi,
Babengiphikisa ngenxa yokuthi ngenza okuhle.
21 Ungangilahli Jehova,
Awu Nkulunkulu, ungaqhubeki ukhatshana lami.+
22 Woza masinyane uzonginceda,
Awu Jehova msindisi wami.+
Kumqondisi wokuhlabela, ngetshuni yeJeduthuni.*+ Ihubo likaDavida.
39 Ngathi: “Ngizananzelela engikwenzayo
Ukuze ngingoni ngolimi lwami.+
Ngizawuvala umlomo wami+
Nxa eduze kwami kulomuntu owenza okubi.”
2 Ngathula ngaphelelwa ngamazwi,+
Ngehluleka lokukhuluma ngokuhle.
Kodwa ubuhlungu engangibuzwa babubukhulu.
3 Inhliziyo yami yavutha ngaphakathi kwami.
Ngathi ngicabangisisa,* umlilo waqhubeka uvutha.
Ngasengisithi:
4 “Awu Jehova, nginceda ngazi isiphetho sempilo yami,
Lokuthi ngizaphila insuku ezingaki,+
Ukuze ngazi ukuthi impilo yami imfitshane kangakanani.
Wonke umuntu unjengomoya nje ophuma emakhaleni lanxa engakhanya angathi uvikelekile.+ (Selah)
6 Impilo yomuntu iyadlula njengesithunzi nje.
Usebenzela ize.
Uyabuthelela inotho engazi ukuthi izadliwa ngubani.+
7 Yiliphi ithemba engiseselalo Jehova?
Wena nguwe wedwa ithemba lami.
8 Ngicela ungisindise kuzo zonke izono zami.+
Ungavumi ukuthi umuntu oyisithutha angihleke.
10 Khipha uhlupho ongehlisele lona.
Angiselamandla ngenxa yokungijezisa kwakho.
11 Nxa umuntu angona uyamjezisa ukuze umqondise.+
Uqeda impahla yakhe eqakathekileyo kube angathi idliwe yizibungu.
Wonke umuntu unjengomoya nje ophuma emakhaleni.+ (Selah)
12 Zwana umthandazo wami, awu Jehova.
Lalela ukukhala kwami ngicela uncedo.+
Khangela inyembezi zami.
13 Ungangikhangeli ngamehlo alolaka ukuze ngithokoze
Ngingakafi.”
Kumqondisi wokuhlabela. Ihubo likaDavida.
2 Wangikhipha emgodini olamanzi ahlokomayo,
Wangenyula edakeni.
Wangibeka phezu kwedwala,
Wangimisa endaweni eqinileyo.
3 Wasengifundisa ingoma entsha,+
Ingoma yokudumisa uNkulunkulu.
Abanengi bazakubona lokhu bamangale,
Besebethembela kuJehova.
4 Uyathokoza umuntu othembela kuJehova,
Lowo ongathembeli ebantwini abangalaleliyo kumbe abaphambukela endleleni engayisiyo.*
5 Zinengi kakhulu izinto ozenzileyo,
Jehova Nkulunkulu wami,
Imisebenzi yakho iyamangalisa njalo uhlala ucabanga ngathi.+
Nxa bengingazama ukukhuluma ngitshele abantu ngayo,
Bengingeke ngiyiqede ngoba minengi kakhulu!+
Kakho ongaqathaniswa lawe.+
Awuzange ucele iminikelo yokutshiswa leminikelo yesono.+
7 Ngasengisithi: “Khangela, sengibuyile.
Kubhaliwe ngami encwadinimgoqwa.+
8 Ngiyakuthanda* ukwenza intando yakho+ Nkulunkulu wami,
Umthetho wakho ungaphakathi enhliziyweni yami.+
9 Ngimemezela izindaba ezinhle zokulunga ebandleni elikhulu.+
Angiwuvali umlomo wami,+
Njengoba usazi Jehova.
10 Angikuvaleli enhliziyweni yami ukulunga kwakho.
Ngiyakhuluma ngokuthembeka kwakho langokusindisa kwakho.
Angikufihli ebandleni elikhulu ukuthi uleqiniso lothando oluqotho.”+
11 Woba lesihawu kimi, awu Jehova.
Kwangathi iqiniso lakho lothando lwakho oluqotho kungahlala kungivikela.+
12 Inhlupho ezingehleleyo zinengi kakhulu okokuthi ngeke ngizibale.+
Lezono zami ezinengi zenza ngikhathazeke kakhulu okokuthi angisayiboni lendlela.+
Zinengi ukwedlula inwele ezisekhanda lami,
Sengiphelelwe lithemba.
13 Awu Jehova, ngicela ube lomusa kimi ungisindise.+
Ngicela uphangise uzongisiza, awu Jehova.+
14 Kwangathi bonke abafuna ukungibulala
Bangayangeka babe lenhloni.
Kwangathi labo abathokozayo nxa ngisehlelwa yibunzima
Bangabuyela emuva beyangekile.
15 Kwangathi labo abathi kimi: “Ukhawulile! Ukhawulile!”
Bangethuka ngenxa yokuyangiswa kwabo.
Labo abathanda indlela osindisa ngayo kabahlale besithi:
“Kakhazinyuliswe uJehova.”+
17 Kodwa mina angilamandla njalo ngingumyanga,
Kwangathi uJehova angangilalela.
Kumqondisi wokuhlabela. Ihubo likaDavida.
41 Uyathokoza umuntu onceda abahluphekayo.+
UJehova uzamkhulula nxa esesebunzimeni.
2 UJehova uzamlinda, avikele impilo yakhe.
Kuzathiwa uyathokoza emhlabeni.+
Awusoze umnikele ezitheni zakhe.+
4 Yikho ngathi: “Woba lomusa kimi, awu Jehova.+
Ngisilisa+ ngoba ngonile kuwe.”+
5 Kodwa izitha zami zikhuluma kubi ngami zisithi:
“Uzakufa nini ibizo lakhe likhohlakale?”
6 Nxa omunye wabo ezongibona, ufika akhulume amanga.
Uyadinga okubi azakukhuluma ngami,
Abesehamba ekufafaza indawo yonke.
7 Bonke abangizondayo bayanyenyezelana,
Babumba icebo lokungilimaza besithi:
8 “Wehlelwe luhlupho olwesabekayo,
Usewile, kasoze aphinde avuke.”+
10 Kodwa wena Jehova, ngicela ube lomusa kimi ungivuse
Ukuze ngiphindisele kubo.
11 Nxa isitha singasenelisi ukunginqoba,+
Ngizakwazi ukuthi uyathokoza ngami.
13 Kwangathi uJehova uNkulunkulu ka-Israyeli angadunyiswa
Kuze kube nini lanini.+
Ameni, Ameni.
IBHUKU LESIBILI
(AmaHubo 42-72)
Kumqondisi wokuhlabela. Imaskili* yamadodana kaKhora.+
42 Awu Nkulunkulu inhliziyo yami ikomele,
Njengempala* yomele amanzi asezifuleni.
2 Ngomele uNkulunkulu, uNkulunkulu ophilayo.+
Ngingabuya nini phambi kukaNkulunkulu?+
3 Inyembezi zami seziyikudla kwami ubusuku lemini.
Ilanga lonke abantu bayangihleka besithi: “Ungaphi uNkulunkulu wakho?”+
4 Izinto lezi ngiyazikhumbula njalo ngikhipha konke okusenhliziyweni yami,
Ngoba ngake ngahamba lexuku labantu.
Ngangijayele ukuhamba* phambi kwabo sisiya endlini kaNkulunkulu,
Simemeza ngentokozo futhi sibonga uNkulunkulu,
5 Kungani sengiphelelwe lithemba?+
Kungani ngikhathazekile?
6 Nkulunkulu wami sengiphelelwe lithemba,+
Yikho ngikukhumbula,+
Ngiselizweni leJodani laseziqongweni zeHemoni,
Ngisentabeni iMizari.*
7 Ngizwa amanzi atshonayo ememeza amanye amanzi atshonayo,
Kuzwakala umdumo wezimpophoma zakho.
Amagagasi akho ayangisibekela.+
8 Emini uJehova uzakuba lothando oluqotho kimi,
Ebusuku ngizahlabela ngimdumise, ngikhuleke kuNkulunkulu ongipha ukuphila.+
9 Ngizakuthi kuNkulunkulu olidwala lami:
“Kungani usungikhohliwe?+
Kungani sengihambahamba ngidanile ngenxa yokucindezelwa yizitha zami?”+
10 Izitha zami ezilolunya ziyangihleka,
Zingihleka ilanga lonke zisithi: “Ungaphi uNkulunkulu wakho?”+
11 Kungani sengiphelelwe lithemba?
Kungani ngikhathazekile?
Ngikhulula emuntwini oliqili longalunganga.
2 UnguNkulunkulu wami lenqaba yami.+
Ungilahleleni?
Kungani sengihambahamba ngidanile ngenxa yesitha sami esingicindezelayo?+
3 Thumela ukukhanya kwakho leqiniso lakho.+
Kwangathi kungangikhokhela+
Kungise entabeni yakho engcwele lasethabanikeli lakho elikhulu.+
4 Lapho-ke ngizakuza e-alithareni likaNkulunkulu,+
Ngizakuza kuNkulunkulu wami ongenza ngithokoze.
Ngizakutshayela ihabhu* ngikudumise+ awu Nkulunkulu, Nkulunkulu wami.
5 Kungani sengiphelelwe lithemba?
Kungani ngikhathazekile?
Kumqondisi wokuhlabela. Ihubo lamadodana kaKhora.+ Imaskili.*
44 Awu Nkulunkulu, sazizwela ngendlebe zethu,
Okhokho bethu besilandisela+
Lokho owakwenza ngensuku zabo,
Kudaladala.
Wanqoba izizwe wazixotshela khatshana.+
4 Awu Nkulunkulu, wena uyiNkosi yami.+
Yenza ukuthi uJakhobe azinqobe zonke izitha zakhe.*
5 Ngamandla akho sizazixotsha izitha zethu,+
Ngebizo lakho sizabanyathenyathela labo abalwa lathi,+
6 Ngoba angizange ngithembele emtshokweni wami,
Lenkemba yami ngeke ingisindise.+
7 Nguwe owasisindisa ezitheni zethu,+
Wayangisa labo abasizondayo.
8 Sizakudumisa ilanga lonke Nkulunkulu,
Ibizo lakho sizalidumisa kuze kube nini lanini. (Selah)
9 Kodwa khathesi usilahlile wasenza sayangeka,
Awusawakhokheli amabutho ethu.
10 Uvumela ukuthi izitha zethu zisixotshanise,+
Abasizondayo bathatha loba yini abayifunayo.
11 Uyekela izitha zethu zisibulala angathi zibulala izimvu,
Uyasichithachitha phakathi kwezizwe.+
13 Ususenze saba lihlazo kubomakhelwane bethu,
Bonke abasihanqileyo bayasihleka futhi bakhuluma kubi ngathi.
14 Ususenze saba yinhlekisa phakathi kwezizwe,+
Nxa abantu besibona banikina amakhanda.
15 Ilanga lonke ngizizwa ngiyangekile,
Ngiswele lokuthi ngicatshe ngaphi ngenxa yenhloni,
16 Ngoba bayasihleka futhi bayasithethisa,
Izitha zethu ziyaphindisela.
17 Lanxa konke lokhu kusehlele asikukhohlwanga,
Asisephulanga isivumelwano sakho.+
18 Inhliziyo zethu aziphambukanga,
Inyawo zethu aziphumanga endleleni yakho.
19 Kodwa wena usichobozile saba yikudla kwamakhanka,
Wasembesa ngomnyama omkhulu.
20 Nxa silikhohliwe ibizo likaNkulunkulu wethu,
Nxa siphakamisa izandla sithandaza kunkulunkulu wezizweni,
21 UNkulunkulu ngeke akubone yini lokho?
Phela uyazazi imfihlo ezisenhliziyweni.+
22 Nsuku zonke sikhangelana lokufa ngenxa yokuthi singabakho,
Sebesibona angathi siyizimvu zokuhlatshwa.+
23 Vuka awu Jehova. Kungani uqhubeka ulele?+
Vuka! Ungasilahli kokuphela.+
24 Kungani usifihlela ubuso bakho?
Kungani ukhohlwa ukuthi siyahlupheka lokuthi siyacindezelwa?
25 Silahlelwe phansi emhlabathini,
Sithe daca phansi.+
26 Vuka usincede!+
Sikhulule* ngoba ulothando oluqotho.+
Kumqondisi wokuhlabela. Ihubo lamadodana kaKhora.+ Lihamba lomculo othi, “Amaluba.” Imaskili.* Ingoma yothando.
45 Inhliziyo yami iyagubhazela ngentokozo ngenxa yezindaba ezinhle.
Ngithi: “Ingoma yami imayelana lenkosi.”+
Kwangathi ulimi lwami lungaba njengepenseli+ yomlobi* oyingcitshi.+
2 Umuhle ukwedlula wonke amadodana abantu.
Emlonyeni wakho kuphuma amazwi amnandi.+
Yikho uNkulunkulu ezakubusisa kuze kube nini lanini.+
3 Bophela inkemba yakho+ ekhalweni, wena olamandla.+
Uyakhazimula futhi uyahlonipheka.+
4 Ngenkazimulo yakho hamba uyenqoba.+
Gada ibhiza lakho uyelwela
iqiniso, lokuthobeka lokulunga.+
Akuthi isandla sakho sokudla senze* izimanga.
5 Imitshoko yakho icijile, iwisa abantu phambi kwakho.+
Ihlaba itshone ezinhliziyweni zezitha zenkosi.+
7 Wathanda ukulunga+ wazonda okubi.+
Yikho uNkulunkulu, uNkulunkulu wakho, ekugcobe+ ngamafutha wakwenza wathokoza+ ukwedlula abanye bakho.
8 Zonke izigqoko zakho zinukelela imure lenhlaba lekhasiya,
Esigodlweni sakho esiceciswe ngempondo zendlovu kutshaywa iziginci ezikwenza uthokoze.
9 Amadodakazi amakhosi aphakathi kwabesifazana obaphe udumo.
Indlovukazi imi esandleni sakho sokudla icece ngegolide le-Ofiri.+
10 Lalela ndodakazi, vula indlebe yakho ulalelisise.
Khohlwa abantu bakini lemuli kayihlo.
12 Indodakazi yeThire izabuya lesipho,
Amadoda anothe kakhulu azacela umusa wakho.
14 Izalethwa phambi kwenkosi igqoke izigqoko ezithungwe ngobungcitshi.
Izintombi eziyiphelekezelayo zizalethwa phambi kwakho.
15 Zizakuza zithokoza futhi zijabula,
Zingene esigodlweni senkosi.
16 Amadodana akho azathatha isikhundla sabokhokho bakho.
Uzawenza abe yiziphathamandla emhlabeni wonke.+
17 Ngizakwenza ibizo lakho laziwe ezizukulwaneni zonke ezizayo,+
Yikho izizwe zizakudumisa kuze kube nini lanini.
Kumqondisi wokuhlabela. Ihubo lamadodana kaKhora.+ Kumele lihlatshelwe nge-Alamothi.* Ingoma.
2 Yikho singasoze sesabe lanxa umhlaba utshintsha,
Lentaba zidilika ziwela elwandle,+
3 Lanxa ulwandle luhlokoma amagagasi aphakame,+
Lezintaba zinyikinyeka ngenxa yokugubhazela kwalo. (Selah)
4 Kulomfula olezifudlana ezenza kube lokuthokoza edolobheni likaNkulunkulu,+
Ethabanikeli elikhulu futhi elingcwele likaNkulunkulu oPhezukonke.
5 UNkulunkulu usedolobheni lakhe,+ yikho alisoze linqotshwe.
Uzakuza alisindise emadabukakusa.+
6 Izizwe zaxokozela, imibuso yagenqulwa.
Wakhwaza, umhlaba wancibilika.+
8 Wozani libone imisebenzi kaJehova,
Zonke izinto ezimangalisayo azenzileyo emhlabeni.
9 Uyaziqeda izimpi emhlabeni wonke,+
Uqamula idandili* ephule lomkhonto,
Atshise izinqola zempi* ngomlilo.
10 “Celani uxolo lazi ukuthi nginguNkulunkulu.
11 UJehova wamabutho ulathi,+
UNkulunkulu kaJakhobe uyindawo yethu yokucatsha evikelekileyo.+ (Selah)
Kumqondisi wokuhlabela. Ihubo lamadodana kaKhora.+
47 Qakezani izandla lonke lina bantu.
Dumisani uNkulunkulu limemeze ngentokozo,
2 Ngoba uJehova uNkulunkulu oPhezukonke uyamangalisa.+
UyiNkosi enkulu emhlabeni wonke.+
3 Wehlula abantu abafake ngaphansi kwethu,
Wenza sinqobe izizwe sizinyathele.+
5 UNkulunkulu usukumile abantu bamemeza bethokoza,
UJehova uphakamile abantu batshaya uphondo.*
6 Hlabelani lidumise uNkulunkulu, hlabelani limdumise.
Hlabelani lidumise iNkosi yethu, hlabelani liyidumise,
7 Ngoba uNkulunkulu uyiNkosi yomhlaba wonke.+
Hlabelani limdumise, libe lokuqedisisa.
8 UNkulunkulu useyiNkosi phezu kwezizwe.+
Uhlezi esihlalweni sakhe sobukhosi esingcwele.
9 Abakhokheli bezizwe babuthene labantu bakaNkulunkulu ka-Abrahama,
Ngoba ababusi bomhlaba ngabakaNkulunkulu.
Yena uphakeme kakhulu.+
Ingoma. Ihubo lamadodana kaKhora.+
48 UJehova mkhulu futhi kufanele adunyiswe,
Kadunyiswe edolobheni likaNkulunkulu wethu, entabeni yakhe engcwele.
2 Intaba iZiyoni esenyakatho,
Inhle futhi iphakeme, yenza umhlaba wonke uthokoze,+
Ilidolobho leNkosi Enkulu.+
3 Phakathi kwezinqaba zayo
UNkulunkulu wenze kwaziwa ukuthi yena uyindawo yokucatsha evikelekileyo.*+
4 Khangela! Amakhosi abuthene,
Abuye ehamba ndawonye.
5 Athe ebona idolobho leZiyoni amangala,
Ethuka abaleka ephaphatheka,
6 Aqhaqhazela,
Ezwa ubuhlungu obunjengemihelo yowesifazana obelethayo.
7 Wena ubhidliza imikhumbi yeThashishi ngomoya wempumalanga.
8 Esikuzwileyo sesikubonile ngawethu,
Sikubone edolobheni likaJehova wamabutho, idolobho likaNkulunkulu wethu.
UNkulunkulu uzalivikela kuze kube nini lanini.+ (Selah)
9 Awu Nkulunkulu, sicabangisisa ngothando lwakho oluqotho+
Sisethempelini lakho.
10 Udumo lwakho Nkulunkulu lunjengebizo lakho,
Lufika emikhawulweni yomhlaba.+
Isandla sakho sokudla sihlala sisenza okulungileyo.+
11 Kwangathi intaba iZiyoni+ ingathokoza,
Kwangathi amadolobho* akoJuda angajabula ngenxa yezahlulelo zakho.+
Likhangelisise izinqaba zayo
Ukuze lilandisele izizukulwane ezizayo ngayo.
14 Yena unguNkulunkulu wethu+ kuze kube nini lanini.
Uzasikhokhela kuze kube phakade.*+
Kumqondisi wokuhlabela. Ihubo lamadodana kaKhora.+
49 Zwanini lokhu, lonke lina bantu.
Lalelani lonke lina elihlala emhlabeni,
2 Abancane labakhulu,
Abanothileyo labayanga.
3 Umlomo wami uzakhuluma amazwi alokuhlakanipha.
Ukucabangisisa+ kwami
kwenza ngibe lokuqedisisa.
4 Ngizalalela isaga,
Ngichasise ilibho lami ngapha ngitshaya ihabhu.*
5 Kungani kumele ngesabe ngezikhathi ezinzima,+
Lapho ngiphahlwe ngabantu ababi abazama ukungilimaza?
6 Phakathi kwalabo abathembela enothweni yabo,+
Labazigqaja ngenotho yabo enengi,+
7 Akula loyedwa ongenelisa ukuhlenga umfowabo,
Kumbe ukumhlawulela kuNkulunkulu.+
8 (Inhlawulo okumele bayikhiphele impilo zabo inkulu kakhulu,
Ngeke bayenelise.)
9 Kakho ongahlenga umfowabo ukuze aphile kuze kube nini lanini, angaliboni ingcwaba.+
10 Bonke bayabona ukuthi labahlakaniphileyo bayafa.
11 Bayabe befisa ukuthi izindlu zabo zihlale kuze kube phakade,
Amatende abo aqhubeke ekhona isizukulwane ngesizukulwane.
Indawo zabo bazibiza ngamabizo abo.
12 Kodwa lanxa umuntu ehlonitshwa, kasoze ahlale ekhona.+
Kangcono kulezinyamazana ezifa zihle zitshabalale.+
13 Lesi yiso isiphetho sabayizithutha+
Lesalabo ababalandelayo, abakholisa ukuzwa amazwi abo angancediyo. (Selah)
14 Balindelwe yikufa njengezimvu eziyabulawa,
Ukufa kuzabelusa.
Abalungileyo bazabusa phezu kwabo+ ekuseni.
15 Kodwa mina uNkulunkulu uzangihlenga engcwabeni,+
Uzangibamba angikhiphe. (Selah)
16 Ungethuki nxa umuntu esiba lenotho,
Lendlu yakhe igcwala impahla ezinhle,
17 Ngoba mhla esifa kasoze ahambe lalutho,+
Kasoze angene lenotho yakhe engcwabeni.+
18 Ngesikhathi esaphila uyabe ezincoma.+
(Phela abantu bayakubuka nxa unothile.)+
19 Kodwa ekucineni umuntu lowo uyafa njengabokhokho bakhe.
Bonke abasoze baphinde bakubone ukukhanya.
20 Umuntu ongakuzwisisiyo lokhu, lanxa ehlonitshwa,+
Kangcono kulezinyamazana ezifa zihle zitshabalale.
Ihubo lika-Asafi.+
50 Usekhulumile uJehova uNkulunkulu omkhulu kulabo bonke+ onkulunkulu,
Usebize bonke abantu bomhlaba,
Kusukela empumalanga kusiya entshonalanga.
2 UNkulunkulu uyakhazimula eZiyoni, idolobho elihle okwamagama.+
3 UNkulunkulu wethu uzakuza futhi kasoze athule,+
Phambi kwakhe kulomlilo ovuthayo,+
Njalo uhanqwe yisiphepho esilamandla.+
5 “Bizani abaqotho bami baze kimi,
Labo abenza isivumelwano lami ngomhlatshelo.”+
6 Amazulu amemezela ukulunga kwakhe,
UNkulunkulu unguMahluleli.+ (Selah)
7 “Lalelani bantu bami ngikhulume,
Bantu bako-Israyeli, ngizafakaza ukuthi lilecala.+
Mina nginguNkulunkulu, nginguNkulunkulu wenu.+
8 Imihlatshelo yenu ayisiyo eyenza ngilisole,
Leminikelo yokutshiswa elihlala lingenzela yona ayisiyo eyenza ngilikhuze.+
9 Akudingi ukuthi ngize ngithathe inkunzi emizini yenu,
Kumbe imbuzi* ezibayeni zenu,+
10 Ngoba zonke inyamazana zeganga ngezami,+
Ngitsho lenyamazana ezisezintabeni, zonke ngezami.
11 Ngiyazazi zonke inyoni ezisezintabeni,+
Ngezami zonke inyamazana ezisegangeni.
12 Aluba bengilambile bengingasoze ngilitshele
Ngoba ilizwe ngelami, lakho konke okukulo.+
13 Kambe ngidla inyama yenkomo,
Nginathe legazi lembuzi?+
14 Ukubonga yikho okumele kube ngumhlatshelo eliwunika uNkulunkulu,+
Ligcwalise izifungo elizenza koPhezukonke.+
15 Ngibizani nxa lisebunzimeni.+
Ngizalikhulula beselingikhazimulisa.”+
16 Kodwa uNkulunkulu uzakuthi komubi:
19 Uhamba ukhuluma izinto ezimbi ngomlomo wakho,
Lolimi lwakho lulobuqili.+
21 Wathi usenza izinto lezi ngazithulela,
Wacina usucabanga ukuthi nginjengawe.
Kodwa khathesi ngizakukhuza,
Ngikutshele amacala engikwethesa wona.+
22 Ngicela licabange ngalokhu lina elikhohlwa uNkulunkulu,+
Ukuze ngingalidabudabuli liswele umuntu ozalinceda.
23 Lowo onikela ngokubonga uyangikhazimulisa,+
Lalowo oqhubeka esenza okulungileyo
Ngizamenza abone ukusindisa kwami.”+
Kumqondisi wokuhlabela. Ihubo likaDavida alihlabela ngemva kokulandwa nguNathani umphrofethi. Ngalesosikhathi uDavida wayefebe loBhathishebha.+
51 Awu Nkulunkulu wami, woba lomusa kimi ngoba ulothando oluqotho.+
Yesula izono zami ngenxa yokuthi ulesihawu esikhulu.+
2 Ngigezisa ususe isiphambeko sami,+
Ungihlambulule esonweni sami,+
3 Ngoba ngizazi mhlophe iziphambeko zami,
Ngakho wena uqondile nxa ukhuluma,
Isahlulelo sakho silungile.+
5 Ngazalwa ngilesono,
Ngavele ngaba yisoni+ ngiqalisa nje ukuba khona esiswini sikamama.
6 Wena uthokoziswa ngumuntu oqotho enhliziyweni,+
Fundisa inhliziyo yami ukuhlakanipha kweqiniso.
7 Ngihlambulula esonweni sami ngehisophi* ukuze ngihlanzeke,+
Ngigezisa ngibe mhlophe kulongqwaqwane.+
8 Kwangathi ungangenza ngithokoze futhi ngijabule,
Ukuze amathambo ami owachobozileyo athokoze.+
10 Yenza inhliziyo yami ibe msulwa* awu Nkulunkulu,+
Ungenze ngitshintshe indlela engicabanga ngayo+ ukuze ngibe qotho.
11 Ungangixotshi phambi kwakho
Njalo ungawususi kimi umoya wakho ongcwele.
12 Yenza ukuthi ngiphinde ngithokoze ngensindiso yakho,+
Ungenze ngizimisele ukukulalela.
13 Ngizafundisa izoni izindlela zakho,+
Ukuze ziphenduke kuwe.
14 Awu Nkulunkulu, Nkulunkulu wami ongisindisayo,+ ngikhulula ecaleni lokubulala,+
Ukuze ngikhulume ngokulunga+ kwakho ngithokoza.
15 Awu Jehova, vula umlomo wami
Ukuze ngikudumise,+
16 Ngoba wena awufuni mhlatshelo, aluba ubuwufuna bengizakunika.+
Awuthokoziswa ngumhlatshelo wokutshiswa.+
17 Umhlatshelo okuthokozisayo yinhliziyo ezisolayo.
Inhliziyo edabukileyo futhi esebuhlungwini awusoze uyilahle,*+ awu Nkulunkulu.
18 Woba lomusa wenzele iZiyoni okuhle,
Wakhe imiduli yeJerusalema.
19 Lapho-ke uzathokoziswa yimihlatshelo yokulunga,
Imihlatshelo yokutshiswa leminikelo egcweleyo.
Inkunzi zizanikelwa e-alithareni lakho.+
Kumqondisi wokuhlabela. Imaskili.* Ihubo likaDavida alihlabela uDowegi um-Edomi esetshele uSawuli ukuthi uDavida ufike endlini ka-Ahimeleki.+
52 Kungani uzigqaja ngezenzo zakho ezimbi, wena qhawe elilamandla?+
Uthando lukaNkulunkulu oluqotho luhlala lukhona.+
3 Uthanda okubi ukwedlula okuhle,
Uthanda ukukhuluma amanga ukwedlula iqiniso. (Selah)
4 Uthanda ukukhuluma amazwi alimazayo,
Ulimi lwakho lulobuqili!
Uzakusiphuna elizweni labaphilayo.+ (Selah)
7 “Nangu umuntu ongazange aphephele kuNkulunkulu,*+
Kodwa owathembela enothweni yakhe enengi,+
Wathemba lamacebo akhe amabi.”
8 Kodwa mina ngizafanana lesihlahla sama-oliva esiyisithingithingi esisendlini kaNkulunkulu,
Ngilethemba lokuthi uNkulunkulu uzangithanda+ kuze kube nini lanini.
9 Ngizakudumisa kuze kube phakade Nkulunkulu ngenxa yalokho okwenzileyo.+
Phambi kwabantu bakho abaqotho,
Ngizathembela ebizweni lakho+ ngoba lihle.
Kumqondisi wokuhlabela. Kumele lihlatshelwe kulandelwa iMahalathi.* Imaskili.* Ihubo likaDavida.
53 Umuntu oyisithutha* uthi enhliziyweni yakhe:
“UJehova kakho.”+
Izenzo zabo zimbi futhi ziyenyanyeka,
Kakho owenza okuhle.+
2 Kodwa uNkulunkulu uyabakhangela abantu esezulwini+
Ukuze abone ukuthi ukhona yini olokuqedisisa, lokuthi ukhona yini odinga uJehova.+
3 Bonke baphambukile,
Bonke baxhwalile.
Kakho owenza okuhle,
Akula ngitsho loyedwa.+
4 Ukhona yini ozwisisayo phakathi kwalabo abenza okubi?
Baqeda abantu bami angathi ngabantu bezidlela isinkwa.
Kabambizi uJehova.+
5 Kodwa bazakwethuka kakhulu,
Batshaywe luvalo abangakaze baluzwe,*
Ngoba uNkulunkulu uzawachithachitha amathambo alabo abakuhlaselayo.
Wena uzabayangisa ngoba uJehova ubalahlile.
6 Kwangathi insindiso ka-Israyeli ingavela eZiyoni!+
Kwangathi uJakhobe angathokoza, u-Israyeli ajabule,
Nxa uJehova eseqoqa abantu bakhe abathunjiweyo.
Kumqondisi wokuhlabela. Kumele lihlatshelwe kutshaywa iziginci. Imaskili.* Lihubo likaDavida alihlabela amaZifi aze aye kuSawuli afike athi kuye: “UDavida ucatshe phakathi kwethu.”+
2 Lalela umthandazo wami+ awu Nkulunkulu,
Uzwe amazwi aphuma emlonyeni wami,
3 Ngoba abantu engingabaziyo bayangivukela,
Abantu abalolunya bafuna ukungibulala.+
Abalandaba loNkulunkulu.*+ (Selah)
4 UNkulunkulu ungumsizi wami,+
UJehova uyabancedisa labo abangincedisayo.
5 Uzaphindisela ezitheni zami+ ngokubi ezikwenzileyo.
Batshabalalise*+ Nkulunkulu ngenxa yokuthi uthembekile.
Kumqondisi wokuhlabela. Kumele lihlatshelwe kutshaywa iziginci. Imaskili.* Ihubo likaDavida.
2 Ngilalela ungiphendule.+
Uhlupho lwami lwenza ngingahlaliseki.+
Ngikhathazeke kakhulu,
3 Ngenxa yalokho okukhulunywa yisitha,
Langenxa yokucindezelwa ngababi.
Bangithwalise nzima,
Njalo bayangizonda kakhulu.+
5 Ngifikelwa luvalo lokuthuthumela,
Ngiyaqhuqha ngenxa yokwesaba.
6 Ngihlala ngisithi: “Aluba bengilempiko njengejuba,
Bengizaphapha ngiyehlala endaweni evikelekileyo.
8 Bengizabalekela endaweni evikelekileyo,
Khatshana lomoya ovunguzayo, khatshana lesiphepho.”
9 Baphithanise amakhanda awu Jehova, wenze amacebo abo afadalale+
Ngoba ngibone udlakela, abantu besilwa edolobheni.
10 Bahamba phezu kwemiduli yalo ubusuku lemini,
Phakathi kwalo kugcwele ububi lezinkathazo.+
11 Sekungumonakalo wodwa edolobheni,
Abantu bayaqilwa futhi bayacindezelwa egcekeni ledolobho.+
12 Aluba bekuyisitha esingithethisayo,+
Bengizabekezela.
Aluba bekuyisitha esingivukelayo,
Bengizasicatshela.
14 Besingamathe lolimi,
Besijayele ukuhamba sonke endlini kaNkulunkulu, siphakathi kwexuku labantu.
15 Kwangathi bangatshabalala!+
Behlele engcwabeni bephila,
Ngoba balenhliziyo ezimbi njalo bahlala ezindaweni ezigcwele okubi.
16 Kodwa mina ngizabiza uNkulunkulu,
UJehova uzangisindisa.+
17 Ngikhathazekile, ngiyabubula+ ekuseni lemini lantambama.
Yena uyalizwa ilizwi lami.+
Abasoze batshintshe,
Labo abangazange bamesabe uNkulunkulu.+
20 Umngane wami uhlasele labo ababehlalisane laye ngokuthula,+
Kazange asigcine isivumelwano ayesenzile.+
21 Amazwi akhe abutshelezi kulolaza,+
Kodwa uthanda ukulwa.
Amazwi akhe abutshelezi kulamafutha,
Kodwa anjengenkemba ezibukhali.+
Kasoze avume ukuthi olungileyo awe.*+
23 Kodwa wena Nkulunkulu uzabehlisela egodini elitshonayo.+
Ababulali lamaqili bazakuba lempilo emfitshane kakhulu.+
Kodwa mina ngizathemba wena.
Kumqondisi wokuhlabela; lihamba lomculo othi “Ijuba Elikhatshana Elingakhaliyo.” Imikhithamu.* Lihubo likaDavida, aze athunjwe ngamaFilisti eGathi.+
56 Ngizwela awu Nkulunkulu, ngoba abantu bayangihlasela.
Balwa lami usuku lonke futhi bayangicindezela.
2 Izitha zami zingihlasela usuku lonke,
Banengi abalwa lami bezitshela ukuthi bazanginqoba.
3 Nxa ngisesaba+ ngithembela kuwe.+
4 Ngithembela kuNkulunkulu engidumisa amazwi akhe.
Ngiyamthemba uNkulunkulu, angisoze ngesabe.
Kambe umuntu angangenzani?+
5 Usuku lonke bangenza ngihlupheke.
Bacabanga ukungilimaza kuphela.+
7 Awu Nkulunkulu, balahle ngenxa yezenzo zabo ezimbi,
Zidilizele phansi izizwe ngolaka lwakho.+
8 Uyakubona ukuzulazula kwami ngihlupheka.+
Faka inyembezi zami esigubhini sakho sesikhumba.+
Azibhalwanga yini ebhukwini lakho?+
9 Izitha zami zizabaleka mhla ngikhala kuwe ngicela usizo,+
Angithandabuzi ukuthi uNkulunkulu ulami.+
10 Ngithembela kuNkulunkulu engidumisa amazwi akhe.
Ngiyamthemba uJehova engidumisa amazwi akhe.
11 Ngiyamthemba uNkulunkulu, angisoze ngesabe.+
Kambe umuntu angangenzani?+
12 Awu Nkulunkulu, kumele ngizigcwalise izifungo engizenze kuwe.+
Ngizakudumisa ngikubonge+
13 Ngoba ungikhulule ekufeni,+
Wangivikela ukuthi ngingakhubeki,+
Ukuze ngiqhubeke ngiphila,+ ngihamba phambi kwakho Nkulunkulu.
Kumqondisi wokuhlabela; lihamba lomculo othi “Ungabhubhisi.” Imikhithamu.* Lihubo likaDavida aze abalekele uSawuli ayecatsha ebhalwini.+
57 Woba lomusa kimi Nkulunkulu, woba lomusa kimi,
Ngoba ngiphephela kuwe.+
Ngizacatsha ngaphansi kwamaphiko akho inhlupho zize zidlule.+
2 Ngibiza uNkulunkulu oPhezukonke,
UNkulunkulu weqiniso, oqeda zonke inhlupho zami.
3 UNkulunkulu uzangithumela uncedo esezulwini angisindise.+
Uzafadalalisa amacebo alabo abangihlaselayo.
(Selah)
Uzatshengisa ukuthi ulothando oluqotho lokuthi uthembekile.+
4 Ngihanqwe yizilwane,+
Kumele ngilale phakathi kwabantu abafuna ukungidlithiza,
Abalamazinyo angathi yimikhonto lemitshoko,
Lolimi olubukhali njengenkemba.+
5 Tshengisa ukuthi uphakeme ngaphezu kwamazulu Nkulunkulu,
Inkazimulo yakho kayigcwale umhlaba wonke.+
Zigebhe igodi phambi kwami,
Kodwa yizo eseziwele kulo.+ (Selah)
7 Inhliziyo yami iqotho, awu Nkulunkulu,+
Inhliziyo yami iqotho.
Ngizakuhlabelela ngitshaya leziginci.
8 Vuka nhliziyo yami,
Kazivuke zonke iziginci lamahabhu.*
Ngizavuka emadabukakusa.+
9 Ngizakudumisa phakathi kwezizwe awu Jehova,+
Ngizahlabela ngikudumise ezizweni,+
10 Ngoba uthando lwakho oluqotho lukhulu, luphakeme njengamazulu,+
Lokuthembeka kwakho kufika esibhakabhakeni.
11 Tshengisa ukuthi uphakeme ngaphezu kwamazulu Nkulunkulu,
Inkazimulo yakho kayigcwale umhlaba wonke.+
Kumqondisi wokuhlabela; lihamba lomculo othi “Ungabhubhisi.” Lihubo likaDavida. Imikhithamu.*
58 Lithuleleni lina kumele likhulume ngokulungileyo?+
Liyenelisa yini ukwahlulela kuhle lina madodana abantu?+
3 Abantu ababi baphambuka besesesiswini,
Bahle bazalwe bexhwalile futhi bengabaqambimanga.
4 Amazwi abo anjengobuhlungu benyoka eziyingozi,+
Bayizacuthe njengephimpi elivala indlebe zalo.
5 Alilaleli ilizwi labenza amasalamusi,
Kungelani lokuthi bazingcitshi ezinjani.
6 Awu Nkulunkulu bakhumule amazinyo,
Yephula imihlathi yezilwane lezi, awu Jehova!
7 Kabanyamalale njengamanzi ageleza aphele.
UNkulunkulu kadonse idandili,* abalahle phansi ngemitshoko yakhe.
8 Kabafanane lomnenke oncibilika uhamba,
Lomntwana ozalwa efile, ongasoze alibone ilanga.
9 Izimbiza zenu zingakaqali ukutshiswa ngumlilo wenkuni zameva,
Uzalahlela khatshana isikhuni esimanzi lesikhuni esibhebhayo, kube angathi zithethwe yisiphepho.+
10 Olungileyo uzathokoza ngoba ukubonile ukuphindiselelwa kwakhe,+
Inyawo zakhe zizagcwala igazi lababi.+
11 Lapho-ke abantu bazakuthi: “Umuntu olungileyo uyawuthola umvuzo wakhe.+
Ukhona sibili uNkulunkulu owahlulela umhlaba.”+
Kumqondisi wokuhlabela; lihamba lomculo othi “Ungabhubhisi.” Imikhithamu.* Lihubo likaDavida, uSawuli aze athume abantu ukuthi bayelinda indlu kaDavida ukuze bambulale.+
2 Ngikhulula kulabo abenza okubi,
Ungisindise ebantwini abalodlakela.*
3 Awu Jehova, khangela bayangicathamela,+
Abantu abalamandla bayangihlasela,
Lanxa ngingahlamukanga futhi ngingonanga lutho.+
4 Lanxa ngingenzanga lutho olubi bayagijima balungele ukungihlasela.
Nxa ngikubiza, ngicela usukume ubone abakwenzayo ubusunginceda,
5 Ngoba wena Jehova Nkulunkulu wamabutho, unguNkulunkulu ka-Israyeli.+
Sukuma uhlole zonke izizwe.
Ungabi lesihawu kubathengisi abalolunya.+ (Selah)
9 Wena Nkulunkulu wami ungamandla ami, ngizahlala ngikulindele,+
10 UNkulunkulu olothando oluqotho kimi uzanginceda,+
Uzakwenza ukuthi ngibone ukunqotshwa kwalabo abayizitha zami.+
11 Ungababulali ukuze abantu bakithi bangakhohlwa.
Ngamandla akho benze bazulazule.
Benze bawe, Jehova hawu lethu.+
12 Kwangathi ukuzigqaja kwabo kungabagwenxa,
Ngenxa yokuthi bayona ngalokho abakukhuluma ngemilomo yabo,+
Bayathuka futhi bakhulume amazwi obuqili.
13 Baqede bonke ngolaka lwakho,+
Baqede bonke bangaphindi babe khona.
Benze bazi ukuthi uNkulunkulu uyabusa phezu kukaJakhobe kuze kuyefika emikhawulweni yomhlaba.+ (Selah)
15 Benze bazulazule bedinga ukudla,+
Ungabavumeli ukuthi basuthe loba bathole indawo yokuhlala.
16 Kodwa mina ngizahlabela ngikudumise ngenxa yamandla akho.+
Ekuseni ngizakhuluma ngothando lwakho oluqotho ngithokoza,
Ngoba uyindawo yami yokucatsha evikelekileyo,+
Lendawo engibalekela kuyo nxa sengisebunzimeni.+
17 Nkulunkulu wami ungamandla ami, ngizahlabela ngikudumise,+
Ngoba uyindawo yami yokucatsha evikelekileyo, njalo ulothando oluqotho kimi.+
Kumqondisi wokuhlabela; lihamba lomculo othi “Iluba Lokukhumbuza.” Imikhithamu.* Lihubo likaDavida elokufundisa. Walihlabela aze alwe le-Aramu-naharayimi le-Aramu-zobha, lapho uJowabi athi esephenduka wabulala ama-Edomi angu-12 000 esigodini sesawudo.+
60 Awu Nkulunkulu, usilahlile wasichithachitha.+
Ubusizondele kodwa khathesi sicela usamukele!
2 Wenze umhlaba wazamazama wadabuka phakathi.
Vala imikenke yawo ngoba usudilika.
3 Wehlisele abantu bakho inhlupho.
Wasinathisa iwayini elisenza sidiyazele.+
4 Nika abantu abakwesabayo uphawu,
Ukuze bavike imitshoko babaleke. (Selah)
5 Siphendule+ futhi usisindise ngesandla sakho sokudla,
Ukuze abantu bakho obathandayo bakhululwe.
6 UNkulunkulu ongcwele ukhulumile* wathi:
“Ngizathokoza futhi ngizanika abantu bami iShekhemu ibe lilifa labo,+
Ngizalinganisa isigodi seSukhothi+ ngisinike abantu bami.
7 IGiliyadi ngeyami njengoba nje loManase+ engowami,
U-Efrayimi yingwane* yami yokuvikela ikhanda,
UJuda yintonga yami yobukhosi,+
8 UMowabi yinditshi yami yokugezela.+
Ngizaphosela amanyathela ami phezu kuka-Edomi.+
Ngizamemeza ngentokozo ngoba ngizayinqoba iFilisti.”+
9 Ngubani ozangisa edolobheni elivinjezelweyo?
Ngubani ozangikhokhela aze ayengifikisa ko-Edomi?+
10 Nguwe Nkulunkulu kodwa wena usilahlile,
Awusawakhokheli amabutho ethu.+
11 Sincedise usikhiphe ebunzimeni
Ngoba insindiso evela ebantwini ayincedi.+
Kumqondisi wokuhlabela. Kumele lihlatshelwe kutshaywa iziginci. Ihubo likaDavida.
61 Awu Nkulunkulu, zwana ukukhala kwami ngicela uncedo,
Lalela umthandazo wami.+
2 Nxa sengiphela amandla,+
Ngizakhala kuwe ngisemaphethelweni omhlaba.
Ngikhokhela uyengibeka edwaleni eliphakemeyo kulami,+
3 Ngoba uyindawo yami yokucatsha,
Inqaba yami engivikela ezitheni zami.+
5 Ngoba wena Nkulunkulu uzizwile izifungo zami,
Wanginika ilifa oligcinela labo abesaba ibizo lakho.+
6 Uzakwenza ukuthi inkosi ibe lempilo ende,+
Izaqhubeka iphila okwezizukulwane ezinengi.
7 Izahlala esihlalweni sobukhosi phambi kwakho Nkulunkulu kuze kube phakade.+
Kwangathi uthando lwakho oluqotho lokuthembeka kwakho kungayivikela.+
8 Lapho-ke ngizahlabela ngidumise ibizo lakho kuze kube nini lanini,+
Ngigcwalise izifungo zami usuku ngosuku.+
Kumqondisi wokuhlabela; ngetshuni yeJeduthuni.* Ihubo likaDavida.
62 Ngimlindele ngithule uNkulunkulu,
Insindiso yami ivela kuye.+
2 Ulidwala lami lensindiso yami, indawo evikelekileyo* engicatsha kuyo,+
Angisoze nginyikinywe ngiwe.+
3 Kuzaze kube nini lihlasela umuntu lifuna ukumbulala?+
Lonke liyingozi njengomduli wamatshe otshekileyo, ongadilika loba nini.
4 Bayacebisana ukuthi bamgenqule esikhundleni sakhe esiphezulu,
Bathanda ukuqamba amanga.
Bayabusisa ngemilomo yabo, kodwa ngaphakathi bayathuka.+ (Selah)
6 Ulidwala lami lensindiso yami, indawo evikelekileyo engicatsha kuyo,
Angisoze nginyikinywe.+
7 UNkulunkulu nguye kuphela ongangisindisa angiphe inkazimulo.
Ulidwala lami, indawo yami yokucatsha.+
UNkulunkulu uyindawo yethu yokucatsha.+ (Selah)
9 Amadodana abantu azifananela lomoya ophuma emakhaleni,
Awathenjwa.+
Lanxa engafakwa esikalini endawonye, alula kulomoya ophuma emakhaleni.+
10 Lingacabangi ukuthi lingaphumelela ngokucindezela abantu,
Kumbe ngokubathathela impahla yabo.
Lanxa inotho yakho isanda, ungabeki inhliziyo yakho kuyo.+
11 Sekukabili ngisizwa uNkulunkulu esithi:
“Amandla ngakaNkulunkulu.”+
Ihubo likaDavida ngesikhathi esenkangala yakoJuda.+
63 Awu Nkulunkulu, wena unguNkulunkulu wami, ngiqhubeka ngikudinga.+
2 Ngakubona usendaweni yakho engcwele,
Ngawabona amandla akho lenkazimulo yakho.+
4 Ngakho ngizakudumisa okwempilo yami yonke,
Ngizaphakamisa izandla zami ngibize ibizo lakho.
5 Ngiyasuthiseka ngoba ungipha izinto ezinhle kakhulu,
Yikho ngizakudumisa ngomlomo wami ngithokoza.+
7 Ngoba ungumsizi wami.+
Ngiyamemeza ngithokoza ngisemthunzini wamaphiko akho.+
8 Ngikugagadlele,
Isandla sakho sokudla singibambe sangiqinisa.+
9 Kodwa labo abafuna ukungibulala
Bazakwehlela phansi ekujuleni komhlaba.
10 Bazabulawa ngenkemba,
Babe yikudla kwamakhanka.
11 Kodwa inkosi izathokoza ngenxa kaNkulunkulu.
Wonke umuntu ofunga ngaye uzajabula,*
Ngoba labo abakhuluma amanga bazathuliswa.
Kumqondisi wokuhlabela. Ihubo likaDavida.
64 Awu Nkulunkulu, lalela nxa ngikuncenga.+
Ngivikela esitheni sami esingihlasela ngolaka.
2 Ngivikela ebantwini abalamacebo amabi,+
Ngivikela exukwini lezigangi.
3 Balola ulimi lwabo lube bukhali njengenkemba,
Amazwi abo agwaza njengemitshoko.
4 Batshoka umuntu olungileyo becatshile,
Bayamjuma, bengesabi lutho.
5 Bazimisele* ukwenza okubi,
Bayacebisana ukuthi bangayifihla njani imijibila yabo.
Bathi: “Ngubani ozayibona?”+
6 Badinga indlela ezintsha zokwenza okubi,
Babumba amacebo ngokuhlakanipha becatshile.+
Okusezinhliziyweni zabo akuzwisiseki.
7 Kodwa uNkulunkulu uzabatshoka ngemitshoko,+
Ibagwaze belibele.
8 Amazwi abo yiwo azabagwenxa,+
Bonke abazakubona lokho bazanikina amakhanda.
9 Bonke abantu bazakwesaba,
Bakhulume ngalokho uNkulunkulu akwenzileyo,
Njalo bazazwisisa izenzo zakhe.+
Kumqondisi wokuhlabela. Ihubo likaDavida. Ingoma.
65 Awu Nkulunkulu, uzadunyiswa eZiyoni.+
Sizazigcwalisa izifungo esizenze kuwe.+
2 Wena olalela imithandazo, yonke imihlobo yabantu izakuza kuwe.+
4 Uyathokoza umuntu omkhethayo umsondeze eduze kwakho,
Ukuze ahlale emagumeni akho.+
5 Nkulunkulu wethu osisindisayo,
Uzasiphendula ngokusenzela imisebenzi yokulunga emangalisayo.+
Bonke abantu emhlabeni bathembele kuwe,+
Labaphetsheya kolwandle bathembele kuwe.
6 Wamisa izintaba zaqina ngamandla akho,
Ulamandla amangalisayo.+
8 Abantu abahlala ezindaweni ezikhatshana bazamangaliswa yizenzo* zakho,+
Uzakwenza labo abahlala empumalanga lasentshonalanga bamemeze ngentokozo.
9 Uyawunakekela umhlaba,
Uwenze uvunde futhi uthele kakhulu.+
Ugcwalisa imifula ngamanzi,
Unike abantu ukudla.+
Le yiyo indlela owenze ngayo umhlaba.
10 Wenza imigelo esemasimini igcwale amanzi, lomhlabathi olinyiweyo ulingane.
Unisa izulu umhlabathi uthambe, wenze okuhlanyeliweyo kumile.+
11 Uyawucecisa umnyaka ngezinto ezinhle, kube angathi uwugqokise umqhele.
Izindlela zakho zigcwele okuhle.+
13 Emadlelweni kulemihlambi eminengi,
Lezigodi zisibekelwe ngamabele.+
Konke kuyahlabela, kumemeze ngentokozo.+
Kumqondisi wokuhlabela. Ingoma. Ihubo.
66 Umhlaba wonke kawumemeze udumise uNkulunkulu.+
2 Hlabelani lidumise ibizo lakhe elikhazimulayo.
Izitha zakho zizaqhaqhazela phambi kwakho,+
Ngenxa yamandla akho amakhulu.
4 Bonke abantu emhlabeni bazakukhothamela,+
Bazahlabela bekudumisa.
Bazahlabela bedumisa ibizo lakho.”+ (Selah)
5 Buyani lizobona imisebenzi kaNkulunkulu,
Akwenzele abantu kuyamangalisa.+
Silapho sathokoza ngenxa yakhe.+
7 Uzabusa kuze kube phakade+ ngamandla akhe.
Amehlo akhe ahlala ekhangele izizwe.+
Abalenkani akumelanga baziphakamise.+ (Selah)
8 Dumisani uNkulunkulu wethu lina zizwe,+
Mdumiseni kuzwakale.
10 Usihlolile awu Nkulunkulu,+
Wasihlambulula njengomuntu ocenga isiliva.
11 Usibambe ngenethi yokuzingela,
Wasithwalisa umthwalo osindayo.
12 Uvumele abantu ukuthi basinyathezele phansi.
Sadlula phakathi komlilo lamanzi,
Wasusiletha endaweni yokuphumula.
13 Ngizabuya endlini yakho ngileminikelo yokutshiswa egcweleyo,+
Ngizazigcwalisa izifungo zami kuwe,+
14 Engazenza ngomlomo wami,+
Lengazikhuluma ngesikhathi ngikhathazekile.
15 Ngizakwenzela iminikelo yokutshiswa ngezifuyo ezinonileyo,
Ngikwenzele lemihlatshelo ngezinqama.
Ngizanikela ngezinkunzi langezimpongo. (Selah)
16 Buyani lizokuzwa lonke lina elesaba uNkulunkulu,
Ngizalitshela lokho angenzele khona.+
17 Ngambiza ngomlomo wami,
Ngamkhazimulisa ngolimi lwami.
18 Aluba kwakulento embi engangiyifukamele enhliziyweni yami,
UJehova wayengeke angizwe.+
20 Kadunyiswe uNkulunkulu ongazange ayekele ukulalela umthandazo wami,
Loba ukuba lothando oluqotho kimi.
Kumqondisi wokuhlabela. Kumele lihlatshelwe kutshaywa iziginci. Ihubo. Ingoma.
67 Kwangathi ungaba lomusa kithi futhi usibusise, awu Nkulunkulu.
Tshengisa ukuthi uyathokoza ngathi,+ (Selah)
3 Kwangathi izizwe zingakudumisa, awu Nkulunkulu,
Bonke abantu kabakudumise.
4 Kwangathi izizwe zingajabula zimemeze ngentokozo,+
Ngoba uzakwahlulela abantu ngendlela elungileyo.+
Uzakhokhela izizwe zomhlaba. (Selah)
5 Kwangathi izizwe zingakudumisa, awu Nkulunkulu,
Bonke abantu kabakudumise.
Kumqondisi wokuhlabela. Ihubo likaDavida. Ingoma.
68 Kwangathi uNkulunkulu angaphakama, izitha zakhe zisabalale,
Kwangathi labo abamzondayo bangabaleka phambi kwakhe.+
2 Baxotshele khatshana njengentuthu iphetshulwa ngumoya.
Ababi kabatshabalale phambi kukaNkulunkulu,+
Njengengcino incibilikiswa ngumlilo.
4 Hlabelelani uNkulunkulu, hlabelani lidumise ibizo lakhe.+
Mhlabeleleni lowo odabula enkangala.*
Ibizo lakhe nguJah!*+ Thokozani phambi kwakhe!
6 UNkulunkulu ubanika indawo yokuhlala labo abangelamuntu ongabanceda.+
7 Awu Nkulunkulu, wathi ukhokhela abantu bakho+
Udabula enkangala, (Selah)
8 Umhlaba wazamazama,+
Lezulu lathululeka ngenxa kaNkulunkulu.
ISinayi le yanyikinyeka ngenxa kaNkulunkulu, uNkulunkulu ka-Israyeli.+
9 Wanisa izulu elikhulu, awu Nkulunkulu,
Wabanika amandla abantu bakho abasebediniwe.
10 Babehlala ematendeni akho.+
Wabanakekela abaswelayo Nkulunkulu ngenxa yokuthi umuhle.
12 Amakhosi lamabutho awo ayabaleka,+ ayasibathela!
Lowesifazana osele ngekhaya uyayiphiwa impahla ethunjiweyo.+
13 Lanxa lina madoda lalilala libase imililo enkambeni,*
Lizabamba ijuba elilempiko zesiliva,
Lensiba zegolide elihlambulukileyo.
16 Kungani lilomhawu lina zintaba ezileziqongo?
Kungani lilomhawu ngentaba uNkulunkulu akhethe ukuhlala kuyo?+
UJehova uzahlala kuyo kuze kube nini lanini.+
17 Inqola zikaNkulunkulu zingamatshumi ezinkulungwane, zizinkulungwane zezinkulungwane.+
UJehova ufike endaweni yakhe engcwele evela eSinayi.+
18 Wena waqansa waya phezulu,+
Wathumba abantu.
Wathatha abantu baba yizipho,+
Wathatha lalabo abalenkani+ ukuze uhlale phakathi kwabo, awu Jah Nkulunkulu.
19 Kadunyiswe uJehova, yena osithwalela imithwalo yethu+ nsuku zonke,
Yena unguNkulunkulu weqiniso osisindisayo. (Selah)
21 UNkulunkulu uzachoboza amakhanda ezitha zakhe,
Uzachoboza ikhanda laloba ngubani ongafuni ukutshiya izono zakhe.+
22 UJehova uthi: “Ngizabaphendukisa bevela eBhashani,+
Ngibakhiphe enzikini yolwandle,
23 Ukuze inyawo zakho zigcwale igazi lezitha zakho,+
Lezinja zakho zixhaphe igazi lezitha.”
24 Bayababona abantu bakho beludwendwe awu Nkulunkulu,
Bayababona abantu bakaNkulunkulu wami, iNkosi yami, bengena endaweni engcwele.+
25 Abahlabeleli bahamba phambili, ngemuva kulabatshaya iziginci.+
Phakathi laphakathi kwabo kulezintombi ezitshaya amathamborini.+
26 Dumisani uNkulunkulu liphakathi kwamaxuku abantu.
Dumisani uJehova lina elidabuka ko-Israyeli.+
27 UBhenjamini+ onguye omncinyane uyabanqoba,
Elabakhokheli bakoJuda abalexuku elimemezayo,
Kanye labakhokheli bakoZebhuloni labakoNafithali.
28 UNkulunkulu wakho ukhethe ukukunika amandla.
Tshengisa amandla akho Nkulunkulu, wena osincedisayo.+
30 Nqanda izinyamazana zeganga ezihlala emihlangeni,
Uthinte lomhlambi wenkomo+ lamathole azo,
Kuze kube yilapho abantu bekhothama beletha isiliva.
Kodwa uNkulunkulu uzazichithachitha izizwe ezithanda impi.
31 Izitsha zekhopha zizalethwa zivela* eGibhithe,+
AbaseKhushi bazabuya masinyane bezonikela izipho kuNkulunkulu.
32 Hlabelelani uNkulunkulu lina mibuso yomhlaba,+
Hlabelani lidumise uJehova, (Selah)
33 Hlabelelani lowo ophezu kwamazulu aphakemeyo ayekhona kusukela kudala.+
Uyakhwaza ngelizwi lakhe elilamandla.
34 Vumani ukuthi uNkulunkulu ulamandla.+
Uyabusa ko-Israyeli,
Amandla akhe ayakhanya esibhakabhakeni.*
35 UNkulunkulu uyamangalisa nxa ephuma endaweni yakhe engcwele.+
UnguNkulunkulu wako-Israyeli,
Uyabaqinisa abantu abenze babe lamandla.+
Kadunyiswe uNkulunkulu.
Kumqondisi wokuhlabela; lihamba lomculo othi “Amaluba.” Ihubo likaDavida.
69 Ngisindisa awu Nkulunkulu, ngoba sengigalula.+
2 Sengitshone edakeni, akulandawo eqinileyo enginganyathela kuyo.+
Ngiphakathi kwamanzi atshonayo,
Ngithethwe ngumfula olamanzi ageleza ngesiqubu esikhulu.+
3 Sengimemeze ngaze ngaphela amandla,+
Lelizwi selitshile.
Amehlo ami asefiphele ngilokhu ngilindele uNkulunkulu wami.+
4 Labo abangizonda ngingonanga lutho+
Banengi kulenwele ezisekhanda lami.
Sebebanengi abafuna ukungibulala,
Labo abayizitha zami labangamaqili.
Bangibamba ngamandla ukuthi ngibuyisele lokho engingakutshontshanga.
5 Awu Nkulunkulu, uyabazi ubuthutha bami,
Lesono sami asifihlekanga kuwe.
6 Labo abathembele kuwe kabangayangeki ngenxa yami,
Awu Nkosi Enkulu, Jehova wamabutho.
Labo abakudingayo kabangehlelwa lihlazo ngenxa yami,
Awu Nkulunkulu ka-Israyeli.
8 Kubafowethu sengingumuntu wokuza,
Abantwana bakamama sebengiphatha njengowezizweni.+
10 Ngesikhathi ngizile ukudla ngizehlisa*
Ngathethiswa.
11 Lapho ngigqoke isembatho sesaka
Bangenza inhlekisa.
12 Abahlezi egedini ledolobho sebetshona bekhuluma ngami,
Sengiyingoma yezidakwa.
13 Kwangathi ungawuzwa umthandazo wami
Ngesikhathi esifaneleyo,+ awu Jehova.
Ngiphendula utshengise ukuthi ungumsindisi wami othembekileyo,+
Ngoba uthando lwakho oluqotho lukhulu, awu Nkulunkulu.
14 Ngikhipha edakeni,
Ungangiyekeli ngitshone.
Ngikhulula kulabo abangizondayo,
Ungikhiphe emanzini atshonayo.+
15 Ungayekeli amanzi angikhukhule,+
Ungavumeli ukuthi ngicwile enzikini yawo,
Kumbe ukuthi ngidilikelwe ngumgodi.+
16 Ngiphendula awu Jehova ngoba uthando lwakho oluqotho luhle.+
Ngiphendula ngoba ulesihawu esikhulu.+
17 Ungangifihleli ubuso bakho.+
Ngiphendula masinyane ngoba ngikhathazekile.+
18 Sondela kimi ungikhulule,
Ngisindisa ezitheni zami.
19 Uyakwazi ukuthethiswa lokuyangiswa kwami kanye lehlazo elingehleleyo.+
Uyazibona zonke izitha zami.
20 Ukuthethiswa kungilimazile ngaphakathi, isilonda sakhona aselapheki.*
22 Kwangathi itafula yabo ingaba ngumjibila kubo,
Lenotho yabo ibathiye.+
23 Kwangathi amehlo abo angafiphala bangaboni lutho,
Yenza imizimba yabo ihlale iqhuqha.*
24 Kwangathi ungathululela intukuthelo yakho phezu kwabo,
Ulaka lwakho oluvuthayo lwehlele kubo.+
25 Lapho abahlala khona akusale kungamanxiwa,
Kungabi lomuntu ohlala ematendeni abo.+
26 Baxotshanisa umuntu omtshayileyo,
Baqhubeka bekhuluma ngobuhlungu babantu obalimazileyo.
27 Bethese elinye icala phezu kwamacala abo,
Ungabatshengisi ukulunga kwakho.
28 Kabacitshwe ebhukwini labaphilayo.*+
Kabangabhalwa ndawonye labalungileyo.+
29 Kodwa mina ngiyahlupheka njalo ngisebuhlungwini.+
Awu Nkulunkulu, kwangathi amandla akho okusindisa angangivikela.
30 Ngizahlabela ngidumise ibizo likaNkulunkulu,
Ngimkhazimulise ngokumbonga.
31 Lokhu kuzamthokozisa uJehova ukwedlula ukunikela ngenkunzi,
Kuzamthokozisa ukwedlula ukunikela ngejongosi elilempondo lamasondo.+
32 Abamnene bazakubona lokhu bathokoze.
Inhliziyo zenu kazivuseleleke lina elidinga uNkulunkulu.
34 Izulu lomhlaba akumdumise,+
Lolwandle lakho konke okuhlala kulo akumdumise.
35 UNkulunkulu uzayisindisa iZiyoni,+
Awakhe kutsha amadolobho akoJuda.
Bazahlala kuwo, ilizwe libe ngelabo.
36 Ilizwe lizakuba lilifa lezizukulwane zezinceku zakhe.+
Abathanda ibizo lakhe+ bazahlala kulo.
Kumqondisi wokuhlabela. Ihubo likaDavida, elokukhumbuza.
70 Awu Nkulunkulu ngisindisa,
Ngicela uphangise uzongisiza,+ awu Jehova.
2 Kwangathi labo abafuna ukungibulala
Bangayangeka babe lenhloni.
Kwangathi labo abathokozayo nxa ngisehlelwa yibunzima
Bangabuyela emuva beyangekile.
3 Kwangathi labo abathi: “Ukhawulile! Ukhawulile!”
Bangabuyiselwa emuva beyangekile.
4 Kodwa labo abakudingayo
Kabathokoze futhi bajabule ngenxa yakho.+
Labo abathanda indlela osindisa ngayo kabahlale besithi:
“Kakhazinyuliswe uNkulunkulu!”
71 Awu Jehova ngiphephela kuwe.
Ngicela ukuthi ngingayangiswa.+
2 Ngisindisa ungikhulule ngenxa yokuthi ulungile.
Ngilalela* futhi ungisindise.+
3 Woba lidwala lami engingacatsha kulo,
Engingangena ngaphansi kwalo loba nini.
Thuma umuntu azongisindisa,
Ngoba wena ulidwala lami lenqaba yami.+
4 Awu Nkulunkulu wami, ngikhulula esandleni somubi,+
Esandleni salowo ongicindezelayo,
5 Ngoba wena ulithemba lami, awu Nkosi Enkulu Jehova.
Ngithembele kuwe kusukela ngisesemutsha.+
6 Ngathembela kuwe kusukela ngizalwa,
Nguwe owangikhipha esiswini sikamama.+
Ngihlala ngikudumisa.
7 Abanengi bayamangala nxa bengibona,
Kodwa wena uyindawo yami yokucatsha evikelekileyo.
8 Umlomo wami uyakudumisa kokuphela,+
Ngikhuluma ngenkazimulo yakho ilanga lonke.
10 Izitha zami zikhuluma kubi ngami,
Labo abafuna ukungibulala bacebisana ngami+
11 Besithi: “UNkulunkulu usemlahlile.
Mxotshaniseni limbambe ngoba akulamuntu ongamsiza.”+
12 Awu Nkulunkulu, ungahlali ukhatshana lami.
Nkulunkulu wami, phangisa uzonginceda.+
13 Kwangathi labo abalwa lami
Bangayangiswa batshabalale.+
Kwangathi labo abafuna ngehlelwe ngokubi
Bangayangeka babe lenhloni.+
14 Kodwa mina ngizaqhubeka ngilindile,
Ngizakudumisa kakhulu kulakuqala.
15 Umlomo wami uzakhuluma ngokulunga kwakho,+
Ilanga lonke ngizakhuluma ngezenzo zakho zokusindisa,
16 Ngizahamba ngiyekhuluma ngalokho okwenze ngamandla akho,
Awu Nkosi Enkulu Jehova.
Ngizakhuluma ngokulunga kwakho, okwakho wedwa.
17 Awu Nkulunkulu ungifundise kusukela ngisesemutsha.+
Kuze kube khathesi ngilokhu ngikhuluma ngemisebenzi yakho emangalisayo.+
18 Lanxa sengimdala lenwele sezimhlophe, ungangitshiyi Nkulunkulu.+
Ngizatshela isizukulwane esizayo ngamandla akho.
Ngilandisele abazayo ngamandla akho.+
19 Kukhulu ukulunga kwakho Nkulunkulu,+
Wenze izinto ezinkulu.
Ngubani onjengawe Nkulunkulu?+
20 Lanxa ungenze ngahlupheka futhi ngehlelwa yibunzima obukhulu,+
Ngicela ungivuselele,
21 Ngicela ungenze ngihlonipheke kakhulu,
Ungivikele futhi ungiduduze.
22 Lapho-ke ngizakudumisa ngikutshayele isiginci,
Ngenxa yokuthembeka kwakho Nkulunkulu wami.+
Ngizahlabela ngikudumise ngitshaya ihabhu,*
Wena oNgcwele ka-Israyeli.
24 Ngizakhuluma* ngokulunga kwakho ilanga lonke,+
Labo abafuna ngitshabalale bazayangeka babe lenhloni.+
Ihubo elimayelana loSolomoni.
72 Awu Nkulunkulu, fundisa inkosi imithetho yakho yokwahlulela,
Wenze indodana yenkosi yazi ukulunga kwakho.+
2 Kwangathi ingamela abantu bakho ngokulunga,
Yahlulele kuhle abahluphekayo.+
3 Kwangathi izintaba zingalethela abantu ukuthula,
Lamaqaqa alethe ukulunga.
5 Njengoba nje ilanga lihlala likhona,
Lenyanga ihlala kuze kube phakade,
Bazakwesaba Nkulunkulu, izizukulwane ngezizukulwane.+
6 Inkosi izakuba njengezulu elina phezu kotshani obuqunyiweyo,
Izakuba njengemifefezo ethambisa umhlabathi.+
8 Izabusa kusukela kolunye ulwandle kusiya kolunye,
10 Amakhosi eThashishi lawezihlengeni azabhadala umthelo kuyo.+
Amakhosi eShebha laweSebha azaletha izipho.+
11 Wonke amakhosi azakhothama phambi kwayo,
Zonke izizwe ziyikhonze.
12 Izalamulela umyanga okhalela uncedo,
Ilamulele lomuntukazana kanye laloba ngubani ongelamuntu ongamsiza.
13 Izazwela umuntukazana lomyanga,
Isindise abadubekayo.
14 Izabakhulula ekuhlukuluzweni lasebantwini abalodlakela,
Impilo yabo izakuba* ligugu kuyo.
15 Kwangathi ingaqhubeka iphila futhi iphiwe igolide leShebha.+
Abantu kabahlale beyikhulekela,
Ibusiswe nsuku zonke.
16 Kuzakuba lenala yokudla emhlabeni,+
Amabele azakuba manengi eziqongweni zezintaba.
Izilimo zenkosi zizathela njengegusu laseLebhanoni,+
Emadolobheni abantu bazakuba banengi njengotshani.+
17 Kwangathi ibizo layo lingahlala kuze kube nini lanini,+
Liqhubeke likhona njengelanga.
Kwangathi abantu bangabusiswa ngenxa yayo,+
Zonke izizwe kazithi iyathokoza.
18 Kadunyiswe uJehova uNkulunkulu, uNkulunkulu ka-Israyeli.+
Nguye yedwa owenza izinto ezimangalisayo.+
19 Kwangathi ibizo lakhe elikhazimulayo lingadunyiswa kuze kube phakade,+
Inkazimulo yakhe igcwale umhlaba wonke.+
Ameni, Ameni.
20 Lapha yikho okuphelela khona imithandazo kaDavida indodana kaJese.+
IBHUKU LESITHATHU
(AmaHubo 73-89)
Ihubo lika-Asafi.+
73 UNkulunkulu ubenzela okuhle abako-Israyeli, labo abalenhliziyo ezimsulwa.+
2 Kodwa mina kwasala kancane ukuthi ngiphambuke,
Ngaphosa ngatshelela,+
3 Ngoba ngahawukela abantu abazikhukhumezayo,
Lapho ngibona abantu ababi behlezi ngokuthula.+
6 Ukuzigqaja kwabo kusegcekeni njengomgaxo osentanyeni,+
Udlakela lwabo lusegcekeni angathi balugqokile.
7 Amehlo abo avuvukile ngenxa yokuzimuka,*
Baphumelele ngendlela ababengayilindelanga.
9 Bakhuluma angathi baphakeme njengamazulu,
Bahamba bekhuluma loba yini abayifunayo.
10 Abantu bakaNkulunkulu* baphambukela kibo,
Njalo banatha emanzini abo amanengi.
11 Bathi: “UNkulunkulu uzakwazi njani?+
Kambe oPhezukonke uyakwazi okwenzakalayo?”
12 Banjalo abantu abenza okubi, abahlala bethola izinto lula.+
Baqhubeka bengezelela inotho yabo.+
13 Akungincedanga ngalutho ukugcina inhliziyo yami imsulwa,
Lokugeza izandla zami ngitshengisa ukuthi angilacala.+
15 Kodwa aluba ngazikhuluma izinto lezi,
Ngangizabe ngibadanisile abantu bakho.
16 Ngathi ngizama ukukuzwisisa konke lokhu,
Kwangihlupha kakhulu,
17 Kwaze kwaba yilapho ngingena endaweni engcwele kaNkulunkulu,
Njalo ngizwisisa okuzakwenzakala ebantwini ababi.
19 Ngesikhatshana nje bayabe sebebhujisiwe!+
Isiphetho sabo sibuhlungu, sibafikela belibele!
20 Awu Jehova, njengephupho umuntu alikhohlwayo nxa esevukile,
Wena uzavuka ukhohlwe ngabo, ubalahlele khatshana.
21 Kodwa inhliziyo yami yayibuhlungu,+
Ngezwa ubuhlungu obuhlabayo ngaphakathi kwami.
22 Ngangingacabangi futhi ngingazwisisi.
Phambi kwakho ngasengingumuntu ongelangqondo njengenyamazana.
23 Kodwa khathesi sengihlala ngilawe,
Ungibambe isandla sokudla.+
24 Uyangeluleka ungiqondise.+
Ngemva kwalokho uzangipha inkazimulo.+
25 Ngubani engilaye ezulwini ngaphandle kwakho?
Akula okunye engikufunayo empilweni ngaphandle kwakho.+
26 Umzimba wami lenhliziyo yami kungaphela amandla,
Kodwa uNkulunkulu ulidwala lami, uvikela inhliziyo yami.
Uyisabelo sami kuze kube phakade.+
27 Abakhatshana lawe bazatshabalala.
Bonke abakutshiyayo baziphathe kubi*+ uzababhubhisa.*
28 Kodwa ukusondela kuNkulunkulu kuhle kimi.+
Sengenze iNkosi Enkulu uJehova yaba yisiphephelo sami,
Ukuze ngimemezele yonke imisebenzi yakhe.+
74 Awu Nkulunkulu, kungani usilahle kokuphela?+
Kungani ulaka lwakho luvutha phezu kwezimvu zakho ezisemadlelweni akho?+
Khumbula intaba iZiyoni owawuhlala kuyo.+
3 Yana emanxiweni azahlala isikhathi eside engakhiwanga.+
Isitha sitshabalalise yonke into endaweni engcwele.+
4 Izitha zakho zabhonga endaweni yakho yokukhonzela.+
Zafaka amabhakane azo khonapho, aba luphawu.
5 Zenza njengamadoda agamula igusu eliminyeneyo.
6 Zephula konke okwakucecise+ emidulini zisebenzisa insimbi lamahloka.
7 Zatshisa indawo yakho engcwele,+
Zangcolisa ithabanikeli elibizwa ngebizo lakho zalidiliza.
8 Zona labantwabazo zathi enhliziyweni:
“Zonke izindawo zokukhonzela uNkulunkulu eziselizweni kumele zitshiswe.”
9 Akuselazibonakaliso esizibonayo,
Akuselabaphrofethi.
Kakho phakathi kwethu okwaziyo ukuthi lokhu kuzathatha isikhathi esinganani.
10 Awu Nkulunkulu, kuzaze kube nini isitha silokhu sikuchothoza?+
Isitha sizalidelela kuze kube phakade yini ibizo lakho?+
11 Kungani ungeluli isandla sakho sokudla?+
Sisuse esifubeni sakho ubabhubhise.
12 Kodwa uNkulunkulu uyiNkosi yami kusukela kudala,
Usindisa abantu bakhe emhlabeni.+
13 Wadunga ulwandle ngamandla akho,+
Wachoboza amakhanda ezilo zolwandle.
14 Wacobodisa ikhanda* likaLeviyathani,*
Wasulipha abantu ukuthi balidle, labo abahlala ezindaweni eziyinkangala.
16 Imini ngeyakho, lobusuku ngobakho.
Wenza ukukhanya lelanga.+
18 Awu Jehova, khumbula ukuthi isitha besikuchothoza njani,
Lokuthi abantu abangelangqondo balidelele kangakanani ibizo lakho.+
19 Ungayekeli ijuba lakho libanjwa zinyamazana zeganga.
Ungabakhohlwa kokuphela abantu bakho abahluphekayo.
20 Khumbula isivumelwano owasenza lathi,
Ngoba ezindaweni zomhlaba ezimnyama sekugcwele udlakela.
22 Sukuma awu Nkulunkulu, umele udaba lwakho.
Khumbula ukuthi abangelangqondo bakuchothoza njani ilanga lonke.+
23 Ungakhohlwa ukuthi izitha zakho zithini.
Umsindo wokuxokozela kwalabo abakudelelayo uqhubeka uphakama.
Kumqondisi wokuhlabela; lihamba lomculo othi “Ungabhubhisi.” Ihubo lika-Asafi.+ Ingoma.
75 Siyakubonga awu Nkulunkulu, siyakubonga.
Ibizo lakho liseduze kwethu,+
Abantu bakhuluma ngezenzo zakho ezimangalisayo.
2 Wena uthi: “Nxa ngingabeka isikhathi sokwahlulela,
Ngahlulela kuhle.
3 Kwathi kuncibilika umhlaba labo bonke abahlala kuwo,
Yimi engenza ukuthi insika zawo ziqhubeke ziqinile.” (Selah)
4 Kozigqajayo ngithi, “Ungazigqaji.”
Komubi ngithi, “Ungazigqaji ngamandla akho.
5 Ungaziphakamisi ngenxa yamandla akho,
Kumbe ukhulume uzigqaja.
6 Ukuphakanyiswa akuveli
Empumalanga loba entshonalanga loba eningizimu,
7 Ngoba uNkulunkulu unguMahluleli.+
Uphakamisa omunye, ehlise omunye.+
8 Kulenkomitsho esandleni sikaJehova,+
Iwayini liyaphuphuma futhi lihlanganiswe kuhle.
Uzalithulula loba sekutheni,
Bonke abenza okubi emhlabeni bazalinatha lize liphele.”+
9 Kodwa mina ngizakhuluma ngakho lokhu kuze kube nini lanini,
Ngizahlabela ngidumise uNkulunkulu kaJakhobe,
10 Ngoba uthi: “Ngizawaqeda wonke amandla abantu ababi,
Kodwa abalungileyo bazaqhubeka besiba lamandla.”
Kumqondisi wokuhlabela. Kumele lihlatshelwe kutshaywa iziginci. Ihubo lika-Asafi.+ Ingoma.
3 Kulapho ephula khona imitshoko evuthayo,
Lehawu lenkemba lezinye izikhali zempi.+ (Selah)
4 Awu Nkulunkulu uyakhazimula,
Umkhulu kulezintaba ezigcwele izinyamazana.
5 Amaqhawe alesibindi athunjiwe,+
Aselele.
Wonke amaqhawe aphele amandla.+
6 Ukhwazile Nkulunkulu kaJakhobe,
Kwafa amabhiza lalabo abagade izinqola.+
7 Wena wedwa uyesabeka.+
Ngubani ongalumela ulaka lwakho oluvuthayo?+
8 Wakhipha isigwebo usezulwini.+
Umhlaba wonke wesaba wathula+
9 Lapho uNkulunkulu esukuma ukuze ajezise ababi,
Njalo asindise bonke abamnene emhlabeni.+ (Selah)
10 Ukuthukuthela kwabantu kuzakwenza ukuthi wena udunyiswe,+
Lokokucina abazakwenza bezondile uzazikhazimulisa ngakho.
11 Yenzani izifungo kuJehova uNkulunkulu wenu, lizigcwalise,+
Akuthi bonke abaseduze kwakhe balethe kuye izipho besesaba.+
12 UNkulunkulu uzakwehlisa abakhokheli abazigqajayo.
Wenza amakhosi omhlaba esabe.
Kumqondisi wokuhlabela; ngetshuni yeJeduthuni.* Ihubo lika-Asafi.+
77 Ngizaphakamisa ilizwi lami ngikhale kuNkulunkulu,
Ngizakhala kuNkulunkulu futhi yena uzangizwa.+
2 Nxa ngikhathazekile ngiyamdinga uJehova.+
Ebusuku ngiqhubeka ngiphakamisele kuye izandla zami.
Kuyala ukuthi ngiduduzeke.
3 Nxa ngikhumbula uNkulunkulu ngiyabubula.+
Ngikhathazekile futhi angiselamandla.+ (Selah)
4 Wena awungivumeli ukuthi ngilale.
Ngikhathazeke kakhulu, ngehluleka lokukhuluma.
5 Ngikhumbula insuku zakudala,+
Iminyaka yakudaladala.
6 Ebusuku ngikhumbula ingoma yami,+
Ngiyacabangisisa engqondweni yami,
Ngiyadingisisa enhliziyweni yami.+
7 Kambe uJehova uzasilahla kokuphela?+
Kasoze aphinde abe lomusa kithi yini?+
8 Uthando lwakhe oluqotho selunyamalele kokuphela yini?
Akulasizukulwane esizabona ukugcwaliseka kwesithembiso sakhe yini?
9 Kambe uNkulunkulu usekhohlwe ukuba lomusa?+
Intukuthelo yakhe isimenze wangabi lesihawu na? (Selah)
10 Ngiqhubeka ngisithi: “Nanku okungikhathazayo:+
OPhezukonke usetshintshile, kasasincedisi.”
11 Ngizayikhumbula imisebenzi yakho Jah.*
Ngizazikhumbula izenzo zakho zakudala ezimangalisayo.
12 Ngizacabangisisa ngayo yonke imisebenzi yakho,
Nginakane ngezenzo zakho.+
13 Awu Nkulunkulu izindlela zakho zingcwele.
Ngubani unkulunkulu omkhulu njengawe?+
14 Nguwe uNkulunkulu weqiniso, owenza izinto ezimangalisayo.+
Utshengise izizwe amandla akho.+
16 Amanzi akubona awu Nkulunkulu,
Amanzi akubona ethuka.+
Amanzi atshonayo aqhaqhazela.
17 Amayezi athulula izulu.
Amayezi amnyama aduma,
Imitshoko yakho yaphazima isiya le lale.+
18 Umdumo wakho+ wawunjengomsindo wamaviri enqola zempi,
Umbane waphazima wakhanyisa emhlabeni,+
Umhlaba wazamazama wanyikinyeka.+
78 Bantu bami, zwanini umthetho wami,*
Lalelani amazwi aphuma emlonyeni wami.
2 Ngizavula umlomo wami ngikhulume izaga.
Ngizakhuluma izinto ezifihlakeleyo zakudala.+
Sizatshela isizukulwane esizayo+
Ngemisebenzi kaJehova emikhulu langamandla akhe,+
Langezinto ezimangalisayo azenzileyo.+
5 Wanika uJakhobe umlayo,*
Wanika u-Israyeli umthetho.
Watshela okhokho bethu
Ukuthi izinto lezi bazilandisele abantwababo,+
6 Ukuze isizukulwane esilandelayo,
Abantwana abazazalwa, babezazi izinto lezi,+
Labo besebelandisela abantwababo.+
7 Lokhu kuzakwenza abantwababo bamthembe uNkulunkulu.
8 Abasoze bafanane labokhokho babo,
Ababeyisizukulwane esilenkani futhi esihlamukayo,+
Esasihlala sitshintshatshintsha ingqondo,*+
Njalo esasingathembekanga kuNkulunkulu.
9 Abako-Efrayimi babehlome ngemitshoko,
Kodwa babaleka ngosuku lwempi.
13 Wehlukanisa ulwandle ukuze bachaphe,
Wenza amanzi ama njengomduli.+
14 Wabakhokhela ngeyezi emini
Kwathi ebusuku wabakhanyisela ngomlilo.+
15 Waqhekeza amadwala enkangala,
Wabanathisa bakholwa angathi banatha esizibeni esitshonayo.+
16 Wakhipha amanzi amanengi edwaleni,
Ageleza angathi yimifula.+
17 Kodwa baqhubeka bemonela,
Bemhlamukela oPhezukonke enkangala.+
19 Yikho bakhuluma kubi ngoNkulunkulu,
Bathi: “Kambe uNkulunkulu angasinika ukudla enkangala?”+
20 Watshaya idwala
Kwageleza amanzi, izifula zagcwala.+
Lanxa kunjalo bathi: “Kambe angenelisa ukusinika isinkwa,
Kumbe ukunika abantu bakhe inyama?”+
21 UJehova wathi ekuzwa lokho wazonda kakhulu,+
Wathumela umlilo+ kuJakhobe,
Ulaka lwakhe lwavutha kwabako-Israyeli,+
22 Ngenxa yokuthi abazange bakholwe kuNkulunkulu,+
Abazange bamthembe ukuthi angabasindisa.
23 Yikho wathuma amayezi,
Wavula iminyango yamazulu.
24 Waqhubeka ebanika imana ivela phezulu ukuze badle,
Wabanika ukudla okuvela ezulwini.+
26 Wenza umoya wempumalanga wavunguza emkhathini,
Ngamandla akhe wenza kwavunguza umoya ovela eningizimu.+
27 Wabehlisela inyama ivela phezulu angathi luthuli,
Wabanika inyoni ezinengi angathi yitshebetshebe esekhunjini lolwandle.
28 Wenza ukuthi ziwele enkambeni yabo,*
Kuwo wonke amacele amatende abo.
29 Badla bazitika,
Wabanika lokho ababekukhanuka.+
30 Kodwa bathi belokhu besafuna okunye ukudla,
Bengakaginyi lalokho okwakusemilonyeni yabo,
31 Ulaka lukaNkulunkulu lwavutha phezu kwabo.+
Wabulala amadoda aqinileyo,+
Wabulala amajaha ako-Israyeli.
33 Yikho wenza insuku zabo zaphelela emoyeni njengomoya ophuma emakhaleni,+
Waquma iminyaka yabo ngokubehlisela umonakalo bengalindelanga.
34 Kodwa wayesithi angabulala abanye babo, abaseleyo bamdinge.+
Babephenduka bamdinge uNkulunkulu,
35 Bakhumbule ukuthi uliDwala labo+
36 Kodwa bazama ukumqila ngemilomo yabo,
Bemtshela amanga.
Izikhathi ezinengi wayezibamba,
Angabehliseli lonke ulaka lwakhe,+
39 Ngoba wayekhumbula ukuthi bangabantu nje,+
Banjengomoya othi ungadlula ungaphindi uphenduke.
42 Abazange bawakhumbule amandla akhe,
Bakhohlwa ilanga abakhulula* ngalo esitheni,+
43 Lezibonakaliso azenza eGibhithe,+
Izimanga azenza esabelweni seZowani.
44 Watshintsha amanzi ayesemigelweni esuka kuNayili aba ligazi,+
Behluleka ukunatha ezifuleni zabo.
46 Wathumela intethe zatshaya zabhuqa izilimo zabo,
Konke ababekusebenzele nzima kwadliwa ngumtshitshi wentethe.+
47 Watshabalalisa amasimu abo amagilebisi ngesiqhotho,+
Lezihlahla zabo zesikhamori waziqeda ngamatshe esiqhotho.
48 Wehlisela isiqhotho+ phezu kwezifuyo zabo zokuthwala imithwalo,
Wabulala izifuyo zabo ngombane.
49 Wabehlisela ulaka lwakhe oluvuthayo
Lentukuthelo yakhe evuthayo, wabenza bacindezeleka.
Wathuma izingilosi ukuthi zibehlisele umonakalo.
50 Wathululela ulaka lwakhe phezu kwabo.
Kazange abasindise ekufeni,
Wabehlisela isifo esibulalayo.
51 Ekucineni wabulala wonke amazibulo aseGibhithe,+
Isiqalo samandla abo okuzala elizweni likaHamu.
52 Wasekhipha abantu bakhe njengomhlambi wezimvu,+
Wabakhokhela enkangala angathi ukhokhela umhlambi.
53 Wabavikela ngesikhathi ebakhokhela,
Babengesabi lutho.+
Ulwandle lwasibekela izitha zabo.+
55 Waxotsha izizwe phambi kwabo,+
Wabapha ilifa ebalinganisela lona ngentambo yokulinganisa,+
Wahlalisa izizwana zako-Israyeli emizini yazo.+
56 Kodwa baqhubeka bemdelela* futhi bemhlamukela+ uNkulunkulu oPhezukonke,
Abazange balalele izikhumbuzo zakhe.+
57 Baphambuka njengabokhokho babo, abazange bathembeke.+
Babefana ledandili* elixegayo ongeke ulithembe.+
59 UNkulunkulu wakuzwa wazonda kakhulu,+
Wasebalahla abako-Israyeli.
61 Wayekela ibhokisi lesivumelwano lathunjwa,
Wavuma ukuthi izitha zithathe isibonakaliso samandla lenkazimulo yakhe.+
62 Wabazondela abantu abalilifa lakhe,
Wenza abantu bakhe babulawa ngenkemba.+
63 Umlilo waqothula amajaha,
Intombi ezigcweleyo azizange zihlatshelelwe izingoma zomtshado.*
65 UJehova wasevuka angathi uvuka ebuthongweni,+
Waphaphama njengendoda elamandla+ ebidakwe liwayini.
66 Waxotsha izitha zakhe zabuyela emuva,+
Wazithela ihlazo elingapheliyo.
67 Walitshiya itende likaJosefa,
Kazange asikhethe isizwana sako-Efrayimi.
69 Wenza ukuthi indawo yakhe engcwele ihlale isikhathi eside njengamazulu,+
Lanjengomhlaba awumise ukuthi uhlale kuze kube nini lanini.+
71 Wamsusa ekweluseni izimvu ezilamazinyane,
Wamenza waba ngumelusi kaJakhobe isizwe sakhe.+
Wambeka phezu kuka-Israyeli olilifa lakhe.+
Ihubo lika-Asafi.+
79 Awu Nkulunkulu, izizwe zihlasele ilifa lakho,+
Zangcolisa ithempeli lakho elingcwele,+
Zatshiya iJerusalema ingamanxiwa.+
2 Zibulele izinceku zakho, izidumbu zazo zaba yikudla kwenyoni.
Izidumbu zabaqotho bakho seziyikudla kwezinyamazana.+
3 Zichithe igazi labo kuyo yonke iJerusalema angathi ngamanzi.
Akulamuntu ongabangcwaba.+
4 Sesiyinhlekisa kubomakhelwane bethu,+
Bayasihleka futhi bayasihoza.
5 Awu Jehova uzathukuthela kuze kube nini? Kuze kube phakade yini?+
Ulaka lwakho luzavutha njengomlilo kuze kube nini?+
6 Thululela ulaka lwakho ezizweni ezingakwaziyo,
Lasemibusweni engalibiziyo ibizo lakho,+
7 Ngoba ihlasele uJakhobe yambhubhisa,
Yatshabalalisa ilizwe lakhe.+
8 Ungasijeziseli izono zabokhokho bethu.+
Sicela uphangise ukuba lesihawu kithi+
Ngoba sisebunzimeni obukhulu.
9 Sincede awu Nkulunkulu wethu osisindisayo,+
Ngenxa yebizo lakho elikhazimulayo.
Sikhulule futhi usithethelele* izono zethu ngenxa yebizo lakho.+
10 Kungani kumele izizwe zithi: “Kanti ungaphi uNkulunkulu wabo?”+
Sifuna ukubona lapho ususenza kwaziwe phakathi kwezizwe
Ukuthi igazi lezinceku zakho ezabulawayo seliphindiselwe.+
11 Kwangathi ungakuzwa ukukhala kwesibotshwa.+
Sebenzisa amandla akho amakhulu ukuze usindise* labo abagwetshelwe ukufa.+
13 Lapho-ke thina abantu bakho, umhlambi wakho osemadlelweni akho,+
Sizakubonga kuze kube nini lanini,
Sikudumise isizukulwane ngesizukulwane.+
Kumqondisi wokuhlabela; lihamba lomculo othi “Amaluba.” Ihubo lika-Asafi.+ Elokukhumbuza.
80 Awu Melusi wako-Israyeli lalela,
Wena okhokhela uJosefa angathi ukhokhela umhlambi wezimvu.+
Wena ohlezi esihlalweni sobukhosi phezu kwamakherubhi,+
Yenza inkazimulo yakho ikhanye.
2 Tshengisa amandla akho+
Phambi kuka-Efrayimi loBhenjamini loManase.
Buya uzosisindisa.+
4 Jehova Nkulunkulu wamabutho, kuzaze kube nini uzondele abantu bakho,
Njalo ungafuni ukulalela umthandazo wabo?+
5 Wenze inyembezi zaba yikudla kwabo,
Wabanathisa inyembezi ezinengi.
6 Wenza omakhelwane bethu baxabane ngenxa yethu,
Izitha zethu ziqhubeka zisichothoza santando.+
8 Wena wenza isihlahla samagilebisi+ sasuka eGibhithe.
Waxotsha izizwe wasusihlanyela.+
9 Wacenta indawo wasihlanyela,
Saba lempande sanaba sagcwala ilizwe lonke.+
10 Izintaba zembeswa ngumthunzi waso,
Lemisedari kaNkulunkulu yavalwa zingatsha zaso.
12 Kungani udilize imiduli yensimu yamagilebisi?+
Phela bonke abantu sebedlula bezikhela izithelo.+
14 Awu Nkulunkulu wamabutho sicela uphenduke kithi.
Khangela usezulwini ubone!
Lunakekele ugatsha owaziqinisela lona.*+
16 Isihlahla samagilebisi siqunyiwe satshiswa ngomlilo.+
Ubakhuzile batshabalala.
17 Kwangathi isandla sakho singayisekela indoda esesandleni sakho sokudla,
Indodana yakho oziqinisele yona.+
18 Lapho-ke asisoze sikutshiye.
Sigcine siphila ukuze sibize ibizo lakho.
Kumqondisi wokuhlabela; ngeGithithi.* Ihubo lika-Asafi.+
81 Memezani ngentokozo phambi kukaNkulunkulu osipha amandla,+
Memezani ngentokozo lidumise uNkulunkulu kaJakhobe.
2 Qalisani ukutshaya iziginci, thathani amathamborini.
Tshayani iziginci lamahabhu* akhala kamnandi.
3 Tshayani uphondo ekuthwaseni kwenyanga,+
Lalapho inyanga igcwele, ngelanga ledili lethu,*+
4 Ngoba kungumlayo owaphiwa abako-Israyeli,
Yisimiso esabekwa nguNkulunkulu kaJakhobe.+
Ngezwa ilizwi engangingalazi* lisithi:
6 “Ngawethula umthwalo owawusemahlombe akhe,+
Izandla zakhe zayekela ukuthwala ibhasikiti.
Ngakuhlola emanzini aseMeribha.*+ (Selah)
8 Lalelani bantu bami, ngizakhuluma ngani ngilibeka icala.
Aluba belingangilalela bantu bako-Israyeli,+
9 Bekungasoze kube lonkulunkulu ongaziwayo phakathi kwenu,
Njalo belingasoze likhothamele unkulunkulu wezizweni.+
10 Mina Jehova nginguNkulunkulu wenu,
Owalikhipha elizweni leGibhithe.+
Khamisani imilomo, mina ngizayigcwalisa ngokudla.+
11 Abantu bami abalilalelanga ilizwi lami,
Abako-Israyeli abazange bazehlise kimi.+
12 Yikho ngabayekela balandela inhliziyo zabo ezilobuqholo,
Benza lokho ababecabanga ukuthi kuqondile.+
13 Aluba nje abantu bami bebengangilalela,+
Aluba abako-Israyeli bebengahamba ezindleleni zami,+
14 Masinyane nje bengizazinqoba izitha zabo,
Bengizakulwa lazo.+
15 Labo abazonda uJehova bazaqhaqhazela phambi kwakhe,
Ukujeziswa kwabo kuzahlala kuze kube phakade.
Ihubo lika-Asafi.+
82 UNkulunkulu umi endaweni yakhe emhlanganweni awubizileyo,+
4 Lamulelani abantukazana labayanga,
Libakhulule ezandleni zababi.”
8 Phakama awu Nkulunkulu, wahlulele umhlaba,+
Ngoba zonke izizwe ngezakho.
Ingoma. Ihubo lika-Asafi.+
83 Awu Nkulunkulu ungathuli.+
Ungaqhubeki uthule ungenzi lutho, awu Nkulunkulu,
2 Ngoba izitha zakho ziyaxokozela,+
Labo abakuzondayo bayaziphakamisa.
3 Babumba amacebo obuqili befuna ukuhlasela abantu bakho,
Bayacebisana ukuthi bahlasele abantu bakho abaligugu.*
4 Bathi: “Buyani sitshabalalise isizwe sabo,+
Ukuze ibizo labako-Israyeli lingaphindi likhunjulwe.”
5 Babumba icebo lokuhlasela bendawonye,
Bayahlangana* ukuze balwe lawe,+
6 Abako-Edomi, lama-Ishmayeli, labakoMowabi,+ lamaHagari,+
7 LamaGebhali, lama-Amoni,+ lama-Amaleki,
10 Babulawa e-Eni-dori,+
Baba ngumquba emhlabathini.
11 Yenza izikhulu zabo zibe njengo-Orebhi loZebhi,+
Wenze amakhosana abo abe* njengoZebha loZalimuna,+
12 Ngoba bathi: “Asilithatheni ilizwe uNkulunkulu ahlala kulo.”
13 Awu Nkulunkulu wami, benze babe njengesihlahlakazana sameva,+
Babe njengamahlanga aphetshulwa ngumoya.
14 Njengomlilo otshisa iganga,
Lanjengelangabi elihangula izintaba,+
15 Baxotshanise ngesiphepho sakho,+
Ubethuse ngomoya olamandla.+
16 Bayangise babe lenhloni,
Ukuze balidinge ibizo lakho, awu Jehova.
17 Kabayangeke njalo besabe kuze kube nini lanini.
Kwangathi bangaba lehlazo batshabalale.
18 Kwangathi abantu bangakwazi ukuthi wena ibizo lakho nguJehova,+
Nguwe wedwa oPhezukonke emhlabeni wonke.+
Kumqondisi wokuhlabela; ngeGithithi.* Ihubo lamadodana kaKhora.+
84 Awu Jehova wamabutho,
Ngilithanda kakhulu ithabanikeli lakho elikhulu!+
2 Ngikomele ukuyafika emagumeni kaJehova,+
Sengize ngiphelelwa ngamandla.
Ngiyamemeza ngithokoza phambi kukaNkulunkulu ophilayo.
Ngimemeza ngenhliziyo yami yonke langamandla ami wonke.
3 Phela lenyoni iyayithola indawo yokuhlala lapho,
Lenkonjane yakha isidleke sayo khona,
Lapho egcina khona abantwabayo,
Eduze le-alithare lakho elikhulu, awu Jehova wamabutho,
Nkosi yami, Nkulunkulu wami!
4 Bayathokoza labo abahlala endlini yakho!+
Bahlala bekudumisa.+
(Selah)
5 Bayathokoza labo abathola amandla kuwe,+
Labo abafisa ukungena indlela eya endlini yakho.
6 Nxa bedabula esigodini sezihlahla zamabhakha,
Benza isigodi leso sibe yindawo elemithombo.
Izulu lokuqala liyathululeka lilethe izibusiso.
7 Bazaqhubeka behamba kodwa bengapheli amandla,+
Ngamunye wabo aze afike phambi kukaNkulunkulu eZiyoni.
8 Awu Jehova Nkulunkulu wamabutho, zwana umthandazo wami,
Ngicela ungilalele Nkulunkulu kaJakhobe. (Selah)
10 Ilanga elilodwa emagumeni akho lingcono kulayinkulungwane kwenye indawo!+
Ngikhetha ukuma esitubhini sendlu kaNkulunkulu wami,
Kulokuhlala ematendeni abantu abenza okubi.
UJehova kasoze abancitshe okuhle
Labo abaqotho kuye.+
12 Awu Jehova wamabutho,
Uyathokoza umuntu othembela kuwe.+
Kumqondisi wokuhlabela. Ihubo lamadodana kaKhora.+
3 Ulubambile lonke ulaka lwakho,
Waxola lanxa ubuzonde kakhulu.+
5 Uzasizondela kuze kube phakade yini?+
Uzaqhubeka uthukuthelele zonke izizukulwane yini?
6 Awusoze uphinde usivuselele yini,
Ukuze abantu bakho bathokoze ngenxa yakho?+
7 Woba lothando oluqotho kithi Jehova,+
Usisindise.
8 Ngizalalela lokho uJehova uNkulunkulu weqiniso akutshoyo,
Ngoba uzakhuluma labantu bakhe mayelana lokuthula,+ abantu abaqotho kuye.
Kodwa kabangaphindi bazithembe kakhulu.+
9 Uzabasindisa sibili labo abamesabayo,+
Ukuze inkazimulo yakhe ihlale elizweni lethu.
10 Uthando oluqotho lokuthembeka kuzahlangana,
Ukulunga lokuthula kuqabuzane.+
11 Ukuthembeka kuzamila emhlabeni,
Lokulunga kuzakhangela phansi kusemazulwini.+
13 Ukulunga kuzahamba phambi kwakhe,+
Kumvulele indlela azahamba ngayo.
Umthandazo kaDavida.
2 Vikela impilo yami ngoba ngiqotho.+
Sindisa inceku yakho ethembele kuwe,
Ngoba unguNkulunkulu wami.+
4 Yenza inceku yakho ithokoze,
Ngoba ngithembele kuwe Jehova.
5 Phela wena Jehova umuhle+ futhi uzimisele ukuthethelela,+
Uhlala ulothando oluqotho kubo bonke abakubizayo.+
9 Zonke izizwe owazenzayo
Zizabuya zikhothame phambi kwakho awu Jehova,+
Zizalikhazimulisa ibizo lakho,+
10 Ngoba wena umkhulu futhi wenza izinto ezimangalisayo.+
Nguwe wedwa uNkulunkulu.+
Nginika inhliziyo engaxamalazanga* ukuze ngesabe ibizo lakho.+
12 Ngikudumisa ngenhliziyo yami+ yonke Jehova Nkulunkulu wami,
Ngizakhazimulisa ibizo lakho kuze kube nini lanini,
13 Ngoba uthando oluqotho ongitshengise lona lukhulu,
Njalo usindise impilo yami ukuze ngingangeni engcwabeni.+
14 Awu Nkulunkulu, abantu abazikhukhumezayo bayangivukela,+
Abantu abalesihluku bafuna ukungibulala,
Njalo abalandaba lawe.+
15 Kodwa wena Jehova unguNkulunkulu olozwelo* lesihawu,
Uyaphuza ukuthukuthela, uhlala uthembekile*
futhi ugcwele uthando oluqotho.+
16 Ngikhangela ube lomusa kimi.+
Nika inceku yakho amandla akho,+
Usindise indodana yesigqilikazi sakho.
17 Ngitshengisa ubufakazi bobuhle* bakho,
Ukuze labo abangizondayo babubone bayangeke,
Ngoba wena Jehova uyangisiza futhi uyangiduduza.
Ihubo lamadodana kaKhora.+ Ingoma.
87 Isisekelo sedolobho lakhe sisezintabeni ezingcwele.+
2 UJehova uthanda amagedi eZiyoni+
Ukwedlula wonke amatende kaJakhobe.
3 Kukhulunywa izinto ezinhle ngawe, wena dolobho likaNkulunkulu weqiniso.+ (Selah)
4 Ngizabala uRahabi+ leBhabhiloni phakathi kwalabo abangaziyo mina,
LeFilisti leThire kanye leKhushi.
Kuzathiwa: “Lo wazalelwa khona.”
5 Mayelana leZiyoni kuzathiwa:
“Ngamunye wabo wazalelwa kuyo.”
OPhezukonke uzayimisa iqine.
6 Ngesikhathi uJehova ebhala phansi abantu, uzamemezela athi:
“Lo wazalelwa khona.” (Selah)
7 Abahlabeleli+ labagida betshaye isigombolozi+ bazakuthi:
“Yonke imithombo yami ikuwe.”*+
Ingoma. Ihubo lamadodana kaKhora.+ Kumele lihlatshelwe kutshintshwana kulandelwa iMahalathi.* Imaskili* kaHemani+ um-Ezra.
2 Kwangathi umthandazo wami ungafika kuwe.+
Ngicela ungilalele* nxa ngikhala kuwe ngicela uncedo.+
4 Sengibalelwa phakathi kwabantu asebezakwehlela engcwabeni,+
5 Ngitshiywe phakathi kwabafileyo,
Njengalabo ababuleweyo abalele engcwabeni,
Ongasabakhumbuliyo
Njalo ongasabanakekeliyo.
6 Ungifake egodini elitshona kakhulu,
Ezindaweni ezimnyama, emgodini ongelamkhawulo.
7 Ulaka lwakho luyangisinda,+
Amagagasi akho alamandla ayangikhulela. (Selah)
8 Usuxotshele abangane bami khatshana lami,+
Wangenza ngenyanyeka kubo.
Ngivalelwe, angenelisi lokubaleka.
9 Amehlo ami awasaboni kuhle ngenxa yokuhlupheka kwami.+
Awu Jehova, ngiyakubiza usuku lonke.+
Ngelulela izandla zami kuwe.
10 Kambe ungabenzela izimangaliso yini abafileyo?
Abafileyo bangavuka yini bakudumise?+ (Selah)
11 Kambe engcwabeni kungakhulunywa ngothando lwakho oluqotho?
Kungakhulunywa ngokuthembeka kwakho yini endaweni yokubola?*
12 Izimangaliso zakho zingaziwa yini emnyameni?
Ukulunga kwakho kungaziwa yini elizweni labangasakhunjulwayo?+
13 Kodwa ngiqhubeka ngikhala kuwe ngicela uncedo, awu Jehova.+
Nsuku zonke ekuseni umthandazo wami uyafika kuwe.+
14 Manje kungani ungilahla Jehova?+
Kungani ungifihlela ubuso bakho?+
15 Kusukela ngisesemutsha
Bengihlupheka ngize ngiphose ngife.+
Sengimdambiyana ngenxa yezinto ezibuhlungu ovumela ukuthi zingehlele.
16 Ulaka lwakho oluvuthayo lungiqeda amandla,+
Sengizakufa ngenxa yezinto ezesabekayo ongehlisela zona.
17 Usuku lonke ziyangigombolozela angathi ngamanzi,
Zithutsha macele wonke* zingihanqe.
18 Usubaxotshele khatshana lami abangane bami lalabo engibathandayo,+
Ubumnyama sebungumngane wami.
Imaskili.* Ihubo lika-Ethani+ um-Ezra.
89 Ngizahlabela ngendlela uJehova atshengisa ngayo ukuthi ulothando oluqotho kuze kube phakade.
Ngizakhuluma ngokuthembeka kwakho ngikwenze kwaziwe ezizukulwaneni zonke.
2 Phela ngathi: “Uthando oluqotho luzahlala kuze kube nini lanini,+
Ukuthembeka kwakho ukumise kwaqina emazulwini.”
4 ‘Ngizakwenza izizukulwane+ zakho zihlale zikhona kuze kube nini lanini,
Ngizakwenza isihlalo sakho sobukhosi sihlale sikhona izizukulwane ngezizukulwane.’”+ (Selah)
5 Amazulu ayakudumisa ngenxa yezimanga zakho, awu Jehova,
Ngenxa yokuthembeka kwakho ebandleni labangcwele.
6 Kambe ngubani esingamqathanisa loJehova emazulwini?+
Ngubani phakathi kwamadodana kaNkulunkulu+ onjengoJehova?
7 UNkulunkulu uyesatshwa futhi uyahlonitshwa emhlanganweni wabangcwele,+
Mkhulu njalo uyamangalisa kubo bonke abamgombolozeleyo.+
8 Jehova Nkulunkulu wamabutho,
Ngubani olamandla njengawe, awu Jah?+
Uthembekile kukho konke.+
10 Umchobozile uRahabi+ wafanana lomuntu obuleweyo.+
Ngengalo yakho elamandla, wenze izitha zakho zasabalala.+
14 Ukulunga lokwahlulela kuhle kuyisisekelo sesihlalo sakho sobukhosi,+
Uthando oluqotho lokuthembeka kumi phambi kwakho.+
15 Bayajabula abantu abamemeza ngentokozo bekudumisa.+
Awu Jehova, bahamba ekukhanyeni kobuso bakho.
16 Usuku lonke bayathokoza ngenxa yebizo lakho,
Bayaphakanyiswa ngenxa yokulunga kwakho.
18 Ihawu lethu livela kuJehova,
Inkosi yethu ivela koNgcwele ka-Israyeli.+
19 Ngalesosikhathi watshengisa abaqotho bakho umbono, wathi kubo:
21 Isandla sami sizamsekela,+
Lengalo yami izamqinisa.
22 Asikho isitha esizambhadalisa umthelo,
Njalo akulamuntu ongalunganga ozamcindezela.+
24 Ngizathembeka kuye ngimtshengise uthando oluqotho,+
Uzakuba lamandla amakhulu ngenxa yebizo lami.
26 Uzakuthi kimi: ‘UnguBaba,
UnguNkulunkulu wami leDwala lami elingisindisayo.’+
28 Ngizakuba lothando oluqotho kuye kuze kube phakade,+
Njalo isivumelwano sami laye asisoze siphele.+
29 Ngizakwenza izizukulwane zakhe zihlale kuze kube nini lanini,
Ngizakwenza isihlalo sakhe sobukhosi sihlale kuze kube phakade njengamazulu.+
30 Nxa amadodana akhe angatshiya umthetho wami,
Angalandeli izahlulelo zami,*
31 Nxa angephula izimiso zami,
Angagcini imilayo yami,
32 Ngizawajezisa ngomqwayi+ ngenxa yokungalaleli* kwawo,
Ngiwatshaye ngenxa yecala lawo.
33 Kodwa angisoze ngiyekele ukuba lothando oluqotho kuye,+
Ngizasigcwalisa isithembiso sami.
35 Ngifunge ngobungcwele bami,
Ngifunge kanye angisoze ngiphinde.
Ngeke ngitshele uDavida amanga.+
36 Izizukulwane zakhe zizahlala kuze kube nini lanini.+
Isihlalo sakhe sobukhosi sizahlala sikhona phambi kwami njengelanga.+
37 Sizamiswa siqine, sihlale kuze kube phakade njengenyanga,
Engufakazi othembekileyo esibhakabhakeni.” (Selah)
38 Kodwa wena umlahlile wamtshiya,+
Umthukuthelele ogcotshiweyo wakho.
39 Ususikhalele isivumelwano owasenza lenceku yakho,
Uwulahlele phansi umqhele wakhe wawungcolisa.
40 Uyidilizile yonke imiduli yakhe yamatshe,
Watshiya inqaba zakhe zingamanxiwa.
41 Bonke abadlulayo bathumbe impahla yakhe,
Useyinhlekisa kubomakhelwane bakhe.+
43 Inkemba yakhe uyiphendukisile,
Awumvumelanga ukuthi anqobe empini.
44 Wenze inkazimulo yakhe yaphela,
Waphosela isihlalo sakhe sobukhosi emhlabathini.
45 Wenze insuku zobutsha bakhe zaba zimfitshane,
Wamembesa ngehlazo.
(Selah)
46 Uzazifihla kuze kube nini Jehova? Kuze kube phakade?+
Ulaka lwakho luzaqhubeka luvutha njengomlilo yini?
47 Khumbula ukuthi ngiphila isikhathi esifitshane kangakanani!+
Kanti abantu wabadala ungahlosanga lutho yini?
48 Ukhona yini umuntu ongaphila engafi?+
Ukhona yini ongasindisa impilo yakhe ukuze angayi engcwabeni? (Selah)
49 Awu Jehova, lungaphi uthando oluqotho owawulalo kuqala,
Owafunga ukuthi uzalutshengisa uDavida ngenxa yokuthi wena uthembekile?+
50 Khumbula awu Jehova, ukuthi izinceku zakho zichothozwa njani.
Khumbula indlela engibekezelela ngayo ukuchothozwa yizizwe zonke.
51 Awu Jehova izitha zakho ziyathethisa,
Zichothoza konke okwenziwa ngogcotshiweyo wakho.
52 UJehova kadunyiswe kuze kube nini lanini. Ameni, Ameni.+
IBHUKU LESINE
(AmaHubo 90-106)
Umthandazo kaMosi, umuntu kaNkulunkulu weqiniso.+
90 Awu Jehova, wena ubulokhu uyindawo yethu yokuhlala*+ kuzo zonke izizukulwane zethu.
2 Izintaba zingakabikhona,
Ungakawudali umhlaba lomhlabathi ovundileyo,+
Kusukela nininini kuze kube nini lanini,* wena unguNkulunkulu.+
3 Wenza umuntu abuyele ethulini,
Uthi: “Buyelani madodana abantu.”+
4 Kuwe iminyaka eyinkulungwane injengelanga layizolo eselidlulile,+
Injengamahora amalutshwana obusuku.*
5 Uyabathanyela+ banyamalale njengephupho.
Ekuseni banjengotshani obuhlumayo.+
6 Buyahluma ekuseni bube butsha,
Kodwa ntambama buyabuna bome.+
7 Siyaphela ngenxa yolaka lwakho,+
Intukuthelo yakho yenza sesabe.
9 Insuku zethu ziba zilutshwana ngenxa yolaka lwakho,
Iminyaka yethu idlula masinyane njengokuwisa iphika.
Kodwa igcwele usizi lokuhlupheka,
Idlula masinyane nje, kube yikuphela kwethu.+
11 Ngubani ongazwisisa amandla olaka lwakho?
Phela intukuthelo yakho inkulu njengokwesatshwa okukufaneleyo.+
12 Sifundise ukubala insuku zethu+
Ukuze sibe lenhliziyo elokuhlakanipha.
13 Phenduka kithi awu Jehova!+ Kuzaphela nini lokhu?+
Zwela izinceku zakho.+
14 Ekuseni woba lothando oluqotho kithi,+
Ukuze simemeze ngentokozo njalo sijabule+ zonke insuku zethu.
15 Senze sithokoze okwezinsuku ezilingana lezokusihlupha kwakho,+
Okweminyaka elingana leyokuhlupheka kwethu.+
16 Kwangathi izinceku zakho zingabona imisebenzi yakho,
Lamadodana azo abone inkazimulo yakho.+
17 Kwangathi uJehova uNkulunkulu wethu angaba lomusa kithi.
Kwangathi ungenza esikwenzayo kuphumelele.*
Phumelelisa imisebenzi yezandla zethu.+
3 UNkulunkulu uzakukhulula emjibileni womthiyi wenyoni,
Akuvikele esifweni esibulalayo.
Ukuthembeka kwakhe+ kuzakuba njengehawu elikhulu+ lomduli oqinileyo.
6 Kawusoze wesabe isifo esimemetheka emnyameni,
Kumbe okubulalayo okungakuthutshela emini libalele.
7 Lanxa kungaze kuwe abayinkulungwane eceleni kwakho,
Labazinkulungwane ezilitshumi esandleni sakho sokudla,
Wena akulalutho olubi oluzakwehlela.+
8 Uzakubona nje ngamehlo akho,
Ubukele ababi bejeziswa,
9 Ngoba uthe: “UJehova uyisiphephelo sami.”
Wenze oPhezukonke waba yindawo yakho yokuhlala.*+
10 Akulamonakalo ozakwehlela,+
Akulanto embi ezasondela etendeni lakho.
11 UNkulunkulu uzanika izingilosi zakhe+ umlayo mayelana lawe,
Ukuthi zikulinde loba ngaphi lapho oya khona.+
13 Uzanyathela isilwane lephimpi,
Ugxobagxobe isilwane esilamandla lenkalakatha yenyoka.+
14 UNkulunkulu wathi: “Ngizamkhulula ngenxa yokuthi uyangithanda,*+
Ngimvikele ngoba uyalazi ibizo lami.+
15 Uzangibiza, mina ngimphendule.+
Ngizakuba laye nxa ephakathi kohlupho.+
Ngizamkhulula ngimnike inkazimulo.
Ihubo. Ingoma yelanga leSabatha.
92 Kuhle ukukubonga Jehova,+
Lokuhlabela sidumisa ibizo lakho wena oPhezukonke.
2 Kuhle ukukhuluma ngothando lwakho oluqotho+ ekuseni,
Langokuthembeka kwakho ebusuku,
3 Kutshaywa iluthi* kanye lesiginci esilentambo ezilitshumi,
4 Ngiyathokoza Jehova ngenxa yalokho okwenzileyo,
Imisebenzi yezandla zakho yenza ngimemeze ngentokozo.
6 Akulamuntu ongelangqondo ongabayazi,
Akulasiphukuphuku esingakuzwisisa lokhu:+
7 Ukuthi nxa ababi bemila njengokhula,*
Nxa bonke abenza okubi bephumelela,
Inhloso ngeyokuthi babhujiswe bangaphindi babekhona.+
8 Kodwa wena Jehova uzahlala uphakeme.
9 Khangela ukunqotshwa kwezitha zakho awu Jehova,
Bonke abenza okubi bazasabalala,+
Khangela ukuthi izitha zakho zizatshabalala njani.
10 Kodwa mina uzangenza ngibe lamandla amakhulu njengenkunzi yeganga.
Ngizagcoba ijwabu lami ngamafutha amatsha libe butshelezi.+
11 Ngizabona izitha zami zinqotshwa,+
Ngizwe ngokunqotshwa kwabantu ababi abangihlaselayo.
13 Bahlanyelwe endlini kaJehova,
Bayaqhela emagumeni kaNkulunkulu wethu.+
14 Lalapho sebebadala* bazaqhubeka bethela,+
Bazahlala belamandla* futhi bebahle,+
15 Bememezela ukuthi uJehova uqotho.
Yena uliDwala lami+ futhi akulalutho olubi kuye.
93 UJehova useyiNkosi!+
Wembathe inkazimulo,
UJehova ugqoke amandla,
Uwabophele ekhalweni njengebhanti.
Wamisa umhlaba waqina,
Awusoze ususwe endaweni yawo.*
2 Isihlalo sakho sobukhosi sabekwa saqina kusukela kudala,+
Wena ubulokhu ukhona kusukela nini lanini.+
3 Imifula iyahlokoma awu Jehova,
Iyahlokoma futhi iyaduma,
Iqhubeka ihlokoma njalo ihuba.
4 UJehova uphakeme emazulwini,
Ulamandla kulomdumo wamanzi amanengi,+
Ulamandla ukwedlula amagagasi olwandle alolaka.+
5 Izikhumbuzo zakho zithembekile.+
Awu Jehova, indlu yakho ihlala iceciswe ngobungcwele.*+
94 Awu Jehova Nkulunkulu ophindiselayo,+
Khazimula Nkulunkulu wempindiselo!
3 Kuzaze kube nini Jehova?
Kuzaze kube nini ababi beqhubeka bethokoza?+
4 Bakhuluma bengacabanganga bezigqaja.
Bonke abenza okubi bazitshaya isifuba.
5 Bachoboza abantu bakho Jehova,+
Bacindezela abantu abalilifa lakho.
6 Babulala abafelokazi labantu bezizweni,
Babulale lezintandane.
8 Zwisisani lokhu lina elingelangqondo.
Kanti lizazwisisa nini lina ziphukuphuku?+
9 Kambe lowo owadala indlebe angehluleka ukuzwa?
Lowo owadala ilihlo angehluleka yini ukubona?+
10 Kambe lowo oqondisa izizwe angehluleka ukulikhuza?+
Phela nguye onika abantu ulwazi!+
11 UJehova uyayazi imicabango yabantu,
Uyakwazi ukuthi injengomoya ophuma emakhaleni.+
12 Awu Jah, uyathokoza umuntu omkhuzayo,+
Lowo omfundisa usebenzisa umthetho wakho,+
13 Ukuze umenze ahlaliseke ngesikhathi sobunzima,
Umuntu owenza okubi aze agejelwe igodi.+
15 Abahluleli bazaphinda bahlulele ngendlela eqondileyo,
Bonke abaqotho enhliziyweni bazavumelana lakho.
16 Ngubani ozangivikela ebantwini ababi?
Ngubani ozangisekela nxa ngisilwa labantu abenza okubi?
17 Aluba uJehova ubengayisuye msizi wami,
Ngabe kudala ngatshabalala.+
18 Ngesikhathi ngisithi: “Unyawo lwami selutshelela,”
Wena Jehova wangisekela ngothando lwakho oluqotho.+
22 Kodwa uJehova uzakuba yindawo yami yokucatsha evikelekileyo.*
UNkulunkulu wami ulidwala lami engicatsha kulo.+
23 Uzakwenza ukuthi okubi abakwenzayo kulimaze bona.+
Uzabatshabalalisa* ngezinto ezimbi abazenzayo.
UJehova uNkulunkulu wethu uzabaqeda* bonke.+
95 Buyani simemeze ngentokozo sidumise uJehova!
Asimemezeni ngentokozo sidumise iDwala lethu elisisindisayo.+
2 Asiyeni phambi kwakhe simbonge,+
Simhlabelele ingoma zokunqoba simdumisa,
3 Ngoba uJehova nguNkulunkulu omkhulu,
UyiNkosi enkulu ukwedlula bonke abanye onkulunkulu.+
4 Uyabusa ekujuleni komhlaba,
Leziqongo zezintaba ngezakhe.+
5 Ulwandle ngolwakhe, nguye owalwenzayo.+
Izandla zakhe yizo ezenza umhlabathi owomileyo.+
6 Buyani simkhonze njalo simkhothamele,
Asiguqeni phambi kukaJehova uMenzi wethu,+
7 Ngoba yena unguNkulunkulu wethu,
Thina siyizimvu zakhe ezisemadlelweni akhe,
Singabantu bakhe abanakekelayo.+
Kwangathi lingalalela ilizwi lakhe lamuhla,+
8 Lingazenzi zibe lukhuni inhliziyo zenu njengabokhokho benu eMeribha,*+
Njengalokho abakwenza ngesikhathi beseMasa* enkangala,+
9 Lapho bengilinga.+
Bangilinga lanxa babeyibonile imisebenzi yami.+
10 Isizukulwane leso ngasenyanya okweminyaka engu-40, yikho ngathi:
“Bangabantu abalenhliziyo ezihlala ziphambuka,
Abakazazi izindlela zami.”
11 Ngakho ngafunga ngithukuthele ngathi:
“Abasoze bangene ekuphumuleni kwami.”+
96 Hlabelelani uJehova ingoma entsha.+
Hlabelelani uJehova lonke lina elisemhlabeni!+
2 Hlabelelani uJehova, lidumise ibizo lakhe.
Memezelani izindaba ezinhle zensindiso yakhe nsuku zonke.+
3 Khulumani ngenkazimulo yakhe phakathi kwezizwe,
Litshele bonke abantu ngemisebenzi yakhe emangalisayo.+
4 UJehova mkhulu futhi kumfanele kakhulu ukudunyiswa.
Kumele esatshwe ukwedlula bonke abanye onkulunkulu.
7 Nikani uJehova okumfaneleyo, bantu bezizwe zonke.
Phanini uJehova okumfaneleyo ngoba ulamandla lenkazimulo.+
8 Nikani uJehova inkazimulo efanele ibizo lakhe,+
Buyani lezipho lingene emagumeni akhe.
9 Khothamani phambi kukaJehova* ligqoke izigqoko ezingcwele,*
Qhaqhazelani phambi kwakhe lonke lina elisemhlabeni!
10 Memezelani phakathi kwezizwe lithi: “UJehova useyiNkosi!+
Umhlaba umiswe waqina, awusoze ususwe endaweni yawo.*
UNkulunkulu uzakwahlulela abantu ngendlela eqondileyo.”+
11 Amazulu kawathokoze lomhlaba ujabule,
Aluhlokome ulwandle lakho konke okukulo,+
12 Iganga lakho konke okukulo akuthokoze,+
Lezihlahla zonke eziseguswini kazimemeze ngentokozo+
13 Phambi kukaJehova ngoba uyeza,*
Uyeza ukuzokwahlulela umhlaba.
97 UJehova useyiNkosi!+
2 Ugonjolozelwe ngamayezi lomnyama omkhulu,+
Ukulunga lokwahlulela kuhle kuyisisekelo sesihlalo sakhe sobukhosi.+
4 Umbane wakhe ukhanyisa umhlaba.
Nxa abantu bekubona lokhu bayaqhaqhazela.+
5 Intaba zincibilika njengengcino phambi kukaJehova,+
Phambi kweNkosi yomhlaba wonke.
6 Amazulu amemezela ukulunga kwakhe,
Zonke izizwe ziyayibona inkazimulo yakhe.+
7 Kabayangeke bonke abakhonza izithombe ezibaziweyo,+
Labo abazigqaja ngabonkulunkulu babo abangancediyo.+
Mkhothameleni* lonke lina bonkulunkulu.+
9 Wena Jehova ungoPhezukonke emhlabeni wonke,
Uphakeme kakhulu ukwedlula bonke onkulunkulu.+
10 Lina elimthandayo uJehova zondani okubi.+
11 Abalungileyo bayakhanyiselwa,+
Labaqotho enhliziyweni bayathokoza.
12 Thokozani ngenxa kaJehova lina elilungileyo,
Libonge ibizo lakhe elingcwele.
Ihubo.
Usindise abantu bakhe* ngesandla sakhe sokudla, ngengalo yakhe engcwele.+
3 Ukhumbule ukuba lothando oluqotho kwabendlu ka-Israyeli lokuthembeka kubo.+
Bonke abantu emhlabeni bayibonile insindiso evela kuNkulunkulu* wethu.+
4 Wonke umhlaba kawumemeze ngentokozo udumise uJehova.
Jabulani limemeze ngentokozo futhi lihlabele ingoma zokumdumisa.+
5 Hlabelani lidumise uJehova litshaya amahabhu.*
Tshayani amahabhu lihlabele ingoma emnandi.
6 Memezani ngentokozo phambi kweNkosi uJehova,+
Litshaye amacilongo lophondo.
7 Aluhlokome ulwandle lakho konke okukulo,
Lomhlaba lalabo abahlala kuwo.
8 Imifula kayiqakeze izandla zayo,
Lezintaba zimemeze ngentokozo kanyekanye+
9 Phambi kukaJehova ngoba uyeza* ukuzokwahlulela umhlaba.
99 UJehova useyiNkosi.+ Abantu kabaqhaqhazele.
Uhlezi esihlalweni sakhe sobukhosi phezu* kwamakherubhi.+ Umhlaba kawuzamazame.
2 UJehova mkhulu eZiyoni,
Uphakeme phezu kwezizwe zonke.+
3 Izizwe kazidumise ibizo lakho elikhulu,+
Ngoba liyesabeka njalo lingcwele.
4 UyiNkosi elamandla ethanda ukwahlulela kuhle.+
Umise ukulunga kwaqina.
Ulethe ukwahlulela okuhle lokulunga+ kuJakhobe.
5 Dumisani uJehova uNkulunkulu wethu,+ likhothame* esenabelweni* senyawo zakhe,+
Ngoba yena ungcwele.+
6 UMosi lo-Aroni labo babengabaphristi bakhe,+
USamuyeli laye wayengomunye walabo ababebiza ibizo lakhe.+
Babembiza uJehova,
Yena abaphendule.+
7 Wayekhuluma labo esensikeni yeyezi.+
Bazigcina izikhumbuzo zakhe lemilayo ayebanike yona.+
8 Awu Jehova Nkulunkulu wethu, wawubaphendula.+
9 Dumisani uJehova uNkulunkulu wethu,+
Likhothame* phambi kwentaba yakhe engcwele+
Ngoba uJehova uNkulunkulu wethu ungcwele.+
Ihubo lokubonga.
100 Wonke umhlaba kawumemeze ngentokozo udumise uJehova.+
2 Khonzani uJehova lithokoza.+
Wozani phambi kwakhe limemeze ngenjabulo.
3 Yazini* ukuthi uJehova unguNkulunkulu.+
Nguye owasenzayo futhi singabakhe.*+
Singabantu bakhe lezimvu ezisemadlelweni akhe.+
Mbongeni lidumise ibizo lakhe,+
5 Ngoba uJehova muhle,+
Uthando lwakhe oluqotho luhlala kuze kube nini lanini,
Uthembekile kuzo zonke izizukulwane.+
Ihubo likaDavida.
101 Ngizahlabela ngothando oluqotho langokwahlulela kuhle.
Ngizakuhlabelela ngikudumise awu Jehova.
2 Ngizahlakanipha futhi ngibe msulwa* kukho konke engikwenzayo.
Uzabuya nini kimi?
Ngizakuba qotho+ lanxa ngisendlini yami.
3 Angisoze ngikhangele loba yini engelancedo.
Ngiyazizonda izenzo zalabo abaphambukayo batshiye ukwenza okulungileyo,+
Angisoze ngivumelane lazo.
4 Ngiyayizonda inhliziyo elobuqili,
Angisoze ngikwamukele* okubi.
Loba ngubani olamehlo azigqajayo lenhliziyo ezikhukhumezayo,
Angisoze ngimamukele.
6 Ngizakuba lomusa kulabo abathembekileyo emhlabeni,
Ukuze bahlale lami.
Lowo ongasolekiyo* uzakuba yinceku yami.
7 Akulamuntu oliqili ozahlala endlini yami,
Loqamba amanga kasoze ame phambi kwami.
8 Nsuku zonke ekuseni ngizabathulisa bonke abenza okubi emhlabeni,
Ngizababulala bonke abenza okubi edolobheni likaJehova.+
Umthandazo womuntu ocindezelweyo, osephelelwe lithemba.* Utshela uJehova konke okumkhathazayo.+
2 Ungangifihleli ubuso bakho nxa ngisebunzimeni.+
Ngicela ungilalele,*
Njalo ungiphendule masinyane nxa ngikubiza,+
3 Ngoba insuku zami ziyanyamalala njengentuthu,
Amathambo ami ayatsha angathi ngiseziko.+
4 Inhliziyo yami isinjengotshani obubunileyo boma,+
Ngoba ngiyakhohlwa ukudla.
6 Sengifanana lephelikheni* esegangeni,
Nginjengesikhova esincane esihlala emanxiweni.
8 Izitha zami ziyangichothoza ilanga lonke.+
Labo abangihlekayo basebenzisa ibizo lami nxa bethuka.
10 Ngenxa yolaka lwakho lentukuthelo yakho,
Ungiphakamisile wangilahlela eceleni.
13 Uzaphakama ube lesihawu kuyo iZiyoni+
Ngoba sekuyisikhathi sokuthi ube lomusa kuyo,+
Isikhathi esibekiweyo sesifikile.+
15 Izizwe zizakwesaba ibizo likaJehova,
Wonke amakhosi omhlaba azakwesaba inkazimulo yakhe.+
19 UJehova uyawukhangela umhlaba esezulwini,+
Ukhangela phansi esendaweni yakhe engcwele ephakemeyo,
20 Ukuze azwe ukukhala kwesibotshwa,+
Akhulule labo abagwetshelwe ukufa.+
21 Ngakho ibizo likaJehova lizamenyezelwa eZiyoni,+
Njalo uzadunyiswa eJerusalema,
22 Lapho abantu bezizwe lemibuso etshiyeneyo
Bebuthana ukuze bakhonze uJehova.+
23 Wangenza ngaphela amandla masinyane,
Waquma insuku zami.
24 Ngathi: “Awu Nkulunkulu wami,
Ungangibulali ngisesemutsha,
Wena ophila izizukulwane ngezizukulwane.+
25 Izisekelo zomhlaba wazibeka kudala,
Amazulu angumsebenzi wezandla zakho.+
26 Konke lokhu kuzatshabalala kodwa wena uzahlala ukhona.
Kuzaguga njengesigqoko,
Ukulahle kutshabalale, ufake okunye esikhundleni sakho.
27 Kodwa wena awutshintshi, leminyaka yakho ayisoze iphele.+
28 Abantwana bezinceku zakho bazahlala bevikelekile,
Lezizukulwane zazo zizaqhubeka ziphambi kwakho.”+
Ihubo likaDavida.
103 Ngizamdumisa uJehova,
Ngizalidumisa ngenhliziyo yonke ibizo lakhe elingcwele.
2 Ngizamdumisa uJehova,
Angisoze ngikukhohlwe konke akwenzileyo.+
4 Uyakuhlenga ukuze ungehleli engcwabeni,+
Akutshengise uthando oluqotho lesihawu kube angathi ukugqokise umqhele.+
5 Ukunika izinto ezinengi ezinhle+ okwempilo yakho yonke,
Ukuze ubutsha bakho buvuselelwe njengobokhozi.+
11 Njengoba nje amazulu ephakeme kulomhlaba,
Lukhulu kangako uthando lwakhe oluqotho kulabo abamesabayo.+
13 Njengoba nje ubaba elesihawu emadodaneni akhe,
UJehova ulesihawu kulabo abamesabayo,+
14 Ngoba uyakwazi ukuthi sibunjwe njani,+
Uyakhumbula ukuthi siluthuli.+
15 Insuku zomuntu zifanana lezotshani.+
Uyaqhakaza njengeluba leganga,+
16 Elithi nxa umoya ungavunguza life,
Kusale angathi alizange libe khona.
17 Kodwa uJehova ulothando oluqotho kuze kube nini lanini*
Kulabo abamesabayo,+
Utshengisa ukuthi ulungile ezizukulwaneni zabo ezizayo.+
18 Ulungile kulabo abagcina isivumelwano sakhe,+
Lakulabo abagcina imilayo yakhe ngonanzelelo.
20 Dumisani uJehova lonke lina zingilosi zakhe+ ezilamandla amakhulu,
Elenza lokho akutshoyo,+ lilalela ilizwi lakhe.
22 Konke okudaliweyo akudumise uJehova,
Kuzo zonke izindawo abusa kuzo.
Ngizamdumisa uJehova ngenhliziyo yami yonke.
104 Ngizamdumisa uJehova.+
Jehova Nkulunkulu wami umkhulu kakhulu.+
Wembethe ubukhosi* lenkazimulo.+
3 UNkulunkulu wakha indawo yakhe yokuhlala emanzini asesibhakabhakeni,+
Enze amayezi abe yinqola yakhe,+
Ahambe emoyeni.+
6 Wawembesa ngamanzi amanengi angathi uwuvale ngengubo.+
8 Izintaba zaphakama,+ izigodi zatshona,
Amanzi aya endaweni owawuwalungisele yona.
9 Wawafakela umngcele okungamelanga aweqe,+
Ukuze angaphindi asibekele umhlaba.
10 Yena wenza ukuthi amanzi ampompoze ezigodini,
Ageleze phakathi kwezintaba,
11 Ukuze zonke inyamazana zeganga zithole amanzi,
Labobabhemi beganga banathe nxa bomile.
12 Inyoni zakha izidleke zazo eduze kwamanzi,
Ziyahlabela zisezihlahleni eziyizithingithingi.
13 UNkulunkulu uthelela izintaba esezindlini zakhe eziphezulu.+
Umhlaba uyawusuthisa ngezithelo zomsebenzi wakhe.+
14 Umilisa utshani ukuze inkomo zithole ukudla,
Amilise lezilimo esenzela abantu,+
Ukuze bathole ukudla elizweni,
15 Lewayini elithokozisa inhliziyo yomuntu,+
Lamafutha enza ubuso bomuntu bucazimule,
Lesinkwa esenza umuntu abe lamandla.+
16 Zithola amanzi amanengi izihlahla zikaJehova,
Imisedari yeLebhanoni ayihlanyelileyo,
17 Lapho izinyoni ezakha khona izidleke.
Amangabuzane+ ahlala ezihlahleni zomjunipha.
19 Wenze inyanga ukuze ehlukanise izigaba zomnyaka,
Ilanga liyasazi isikhathi okumele litshone ngaso.+
20 Uletha umnyama kube sebusuku,+
Zonke inyamazana zeganga beseziphuma zihambahambe.
22 Nxa ilanga liphuma,
Ziyabuyela ziyelala ezikhundleni zazo.
23 Umuntu uyaphuma aye emsebenzini wakhe,
Asebenze kuze kube ntambama.
24 Minengi imisebenzi yakho Jehova!+
Yonke uyenze ngokuhlakanipha.+
Umhlaba ugcwele lokho okwenzileyo.
25 Ulwandle lukhulu futhi lubanzi,
Lugcwele izinto eziphilayo, ezincane lezinkulu.+
27 Zonke izidalwa lezi zilindele wena,
Ukuthi uzinike ukudla kwazo ngesikhathi esifaneleyo.+
29 Nxa ungafihla ubuso bakho ziyakhathazeka.
Ungakhipha umoya wazo ziyafa zibuyele ethulini.+
30 Nxa ungathumela umoya wakho ziyadalwa.+
Uyawuvuselela umhlaba.
31 Inkazimulo kaJehova izahlala kuze kube nini lanini.
UJehova uzathokoza ngemisebenzi yakhe.+
32 Ukhangela umhlaba uzamazame,
Athinte izintaba zithunqe intuthu.+
33 Ngizahlabelela uJehova+ okwempilo yami yonke,
Ngizahlabela ngimdumise uNkulunkulu wami nxa nje ngisaphila.+
34 Kwangathi imicabango yami* ingamthokozisa.
Ngizathokoza ngoJehova.
35 Izoni zizatshabalala emhlabeni,
Abenza okubi abasoze baphinde babe khona.+
Ngizamdumisa uJehova. Dumisani uJah!*
2 Mhlabeleleni, hlabelani limdumise.
Cabangisisani* ngayo yonke imisebenzi yakhe emangalisayo.+
3 Zigqajeni ngebizo lakhe elingcwele.+
Izinhliziyo zalabo abadinga uJehova kazithokoze.+
4 Dingani uJehova+ lithembele emandleni akhe.
Khangelani kuye zikhathi zonke.
5 Khumbulani imisebenzi emangalisayo ayenzileyo,
Lezimangaliso zakhe kanye lezahlulelo azikhulumileyo,+
6 Lina zizukulwane zika-Abrahama inceku yakhe,+
Madodana kaJakhobe, lina abakhethiweyo bakhe.+
8 Uzasikhumbula isivumelwano sakhe kuze kube nini lanini,+
Kasoze asikhohlwe isithembiso asenza* ebantwini bakhe,+
9 Isivumelwano asenza lo-Abrahama,+
Lesifungo asenza ku-Isaka,+
10 Leso asenza saba ngumthetho kuJakhobe,
Isivumelwano esizahlala isikhathi eside, asenza lo-Israyeli
11 Esithi, “Ngizakupha ilizwe leKhenani+
Libe lilifa lakho.”+
12 Lokhu wakutsho besesebalutshwana.+
Babebalutshwana kakhulu, beyizihambi elizweni.+
13 Babehamba bethutha besuka kwesinye isizwe besiya kwesinye,
Besuka komunye umbuso besiya komunye.+
14 Kavumelanga loba ngubani ukuthi abacindezele.+
Wakhuza amakhosi ngenxa yabo+
15 Wathi, “Lingabathinti abagcotshiweyo bami,
Lingenzi lutho olubi kubaphrofethi bami.”+
16 Wehlisela indlala elizweni,+
Wenza ukuthi baswele ukudla.
17 Wathumela umuntu phambi kwabo,
UJosefa owathengiswa ukuthi abe yisigqili.+
18 Inyawo zakhe bazibopha ngamaketane,+
Wabotshwa entanyeni ngensimbi,
19 Kwaze kwaba yilapho ilizwi likaNkulunkulu ligcwaliseka,+
Ilizwi likaJehova yilo elamhlambululayo.
20 Inkosi yathi akhululwe,+
Umbusi wezizwe wamkhulula ejele.
21 Wamenza waba ngumphathi wendlu yakhe,
Wamphathisa yonke impahla yakhe,+
22 Ukuze abuse phezu kwezikhulu zakhe ngokuthanda kwakhe,
Afundise labadala besizwe ukuhlakanipha.+
23 U-Israyeli wasebuya eGibhithe,+
UJakhobe wahlala elizweni likaHamu engumuntu wesinye isizwe.
25 Wasevumela ukuthi izitha zabo zitshintshe zibazonde,
Ukuze zibumbe amacebo amabi ngabo.+
27 Benza izimangaliso zakhe phakathi kwabo,
Benza izimangaliso elizweni likaHamu.+
28 Wathumela ubumnyama, kwaba mnyama elizweni.+
Bawalalela amazwi akhe.
29 Watshintsha amanzi abo aba ligazi,
Wabulala inhlanzi zabo.+
30 Ilizwe labo lagcwala amaxoxo,+
Angena lasezindlini zesikhosini.
31 Wathuma izibawu ukuthi zibahlasele,
Wathuma leminyane elizweni labo lonke.+
33 Watshaya izihlahla zabo zamagilebisi lezomkhiwa,
Wephula izihlahla ezaziselizweni labo.
34 Wathi intethe zihlasele,
Intethe ezincane ezingeke zibalwe.+
35 Zatshaya zabhuqa zonke izimila elizweni,
Zadla konke okwakumila emhlabathini.
36 Wasebulala wonke amazibulo elizweni,+
Isiqalo samandla abo okuzala.
37 Wakhipha abantu bakhe bethwele isiliva legolide,+
Kakho phakathi kwezizwana zakhe owakhubekayo.
38 Abantu beGibhithe bathaba lapho ama-Israyeli esuka
Ngoba basebewesaba kakhulu.+
40 Bacela inyama, wabanika izagwaca.+
Waqhubeka ebanika isinkwa esivela ezulwini.+
41 Waqhekeza idwala amanzi athululeka,+
Ageleza enkangala angathi ngumfula,+
42 Ngoba wasikhumbula isithembiso esingcwele ayesenze encekwini yakhe u-Abrahama.+
43 Yikho wakhipha abantu bakhe bejabula,+
Wakhipha abakhethiweyo bakhe bememeza ngentokozo.
44 Wabapha amazwe ezinye izizwe,+
Bathatha lokho ezinye izizwe ezazikusebenzele nzima,+
45 Ukuze bagcine imilayo yakhe,+
Njalo balalele imithetho yakhe.
Dumisani uJah!*
106 Dumisani uJah!*
2 Kambe ngubani ongakulandisa konke uJehova akwenze ngamandla akhe?
Ngubani ongamemezela zonke izenzo zakhe ezibabazekayo?+
3 Bayathokoza labo abenza okulungileyo,
Abahlala besenza okuhle.+
4 Awu Jehova, ngicela ungikhumbule nxa ususiba lomusa ebantwini bakho.+
Nginakekela futhi ungisindise,
5 Ukuze ngikuthole okuhle okunika abantu bakho obakhethileyo,+
Ngithokoze lesizwe sakho,
Ngizigqaje ngikudumisa labantu abalilifa lakho.
7 Okhokho bethu eGibhithe abazange bayiqakathekise imisebenzi yakho emangalisayo.
Abalukhumbulanga uthando lwakho oluqotho futhi olukhulu,
Bahlamuka elwandle, eLwandle Olubomvu.+
9 Wakhuza uLwandle Olubomvu loma qha,
Wabakhokhela bedabula enzikini yolwandle angathi badabula enkangala.+
13 Kodwa bakukhohlwa masinyane ayekwenzile,+
Abazange bamelele ukuqondiswa nguye.
15 Wabanika lokho ababekucela,
Kodwa wasebatshaya ngomkhuhlane owabaqeda amandla wababulala.+
17 Umhlaba wavuleka waginya uDathani,
Wasibekela lalabo ababebuthene lo-Abhiramu.+
18 Kwavutha umlilo eqenjini labo,
Ilangabi lalobisa bonke ababi.+
19 Benza ithole eHorebhi,
Bakhothamela isithombe sensimbi.+
20 Bathatha udumo lwami
Balunika isithombe senkunzi, inyamazana edla utshani.+
21 Bamkhohlwa uNkulunkulu+ wabo owabasindisayo,
Owenza izimangaliso eGibhithe,+
22 Wenza imisebenzi emangalisayo elizweni likaHamu,+
Lezenzo ezesabekayo eLwandle Olubomvu.+
23 Wathi esefuna ukubabhubhisa,
UMosi inceku yakhe ayikhethayo yamncenga* ukuthi axole,
Angabatshabalalisi ngolaka lwakhe.+
26 Waphakamisa isandla sakhe wafunga
Ukuthi wayezakwenza bafele enkangala,+
27 Enze izizukulwane zabo zisabalale ezizweni,+
Njalo zifele khona.
30 Kodwa uFiniyasi wasukuma wabalamulela,
Isifo saphela.+
31 Ngenxa yalokho kwathiwa ulungile
Kuzo zonke izizukulwane, kuze kube phakade.+
37 Babenikela ngamadodana
Langamadodakazi abo emadimonini.+
38 Baqhubeka bebulala abantu abangelacala,+
Benikela ezithombeni zeKhenani+
Ngamadodana lamadodakazi abo,
Ilizwe langcoliswa ligazi.
39 Bangcola ngenxa yezenzo zabo.
Izenzo zabo zazitshengisa ukuthi abathembekanga kuNkulunkulu.*+
40 Ngakho ulaka lukaJehova lwavutha ebantwini bakhe,
Wabenyanya abantu abalilifa lakhe.
42 Izitha zabo zabacindezela,
Zabusa phezu kwabo.
Ukona kwabo kwabalethela ihlazo.+
46 Wayesenza ukuthi bonke ababathumbileyo+
Babe lesihawu kubo.
47 Sisindise awu Jehova Nkulunkulu wethu,+
Usiqoqe kuzo zonke izizwe+
Ukuze silibonge ibizo lakho elingcwele,
Sikudumise sithokoza.+
48 Kwangathi uJehova uNkulunkulu ka-Israyeli
Angadunyiswa kuze kube nini lanini.+
Bonke abantu kabathi, “Ameni!”*
Dumisani uJah!*
IBHUKU LESIHLANU
(AmaHubo 107-150)
2 Kwangathi labo abasindiswe* nguJehova bangatsho njalo,
Bonke abakhulule esandleni sesitha,+
3 Abaqoqe ezizweni ababekuzo,+
Kusukela empumalanga kusiya entshonalanga,
Kusukela enyakatho kusiya eningizimu.+
4 Babezulazula enkangala endaweni elugwadule,
Abazange bathole indlela eya edolobheni ababengahlala kulo.
5 Babelambile futhi bomile,
Bengaselamandla ngenxa yokudinwa.
8 Abantu kabambonge uJehova+ ngenxa yothando lwakhe oluqotho,
Kabambonge ngemisebenzi yakhe emangalisayo ayenzele abantu,+
9 Ngoba unike owomileyo amanzi okunatha,
Wanika olambileyo ukudla okumnandi.+
10 Abanye babephila emnyameni omkhulu,
Beyizibotshwa ezihluphekayo, bebotshwe ngamaketane,
11 Ngoba abazange balilalele ilizwi likaNkulunkulu,
Badelela iseluleko soPhezukonke.+
12 Ngakho wabenza bathobeka ngokubalethela inhlupho,+
Bakhubeka, baswela lomuntu ongabasiza.
13 Bambiza uJehova besebunzimeni bacela uncedo,
Wabakhulula ekuhluphekeni.
14 Wabakhipha emnyameni omkhulu,
Waqamula amaketane ababebotshwe ngawo.+
15 Abantu kabambonge uJehova ngenxa yothando lwakhe oluqotho,+
Kabambonge ngemisebenzi yakhe emangalisayo ayenzele abantu,
16 Ngoba wephule iminyango yekhopha,
Waqamula imigoqo yensimbi.+
18 Inhliziyo zaba mnyama behluleka ukudla,*
Basebesondele emagedini okufa.
19 Babembiza uJehova nxa besebunzimeni, bemcela ukuthi abancede,
Yena abesebakhulula ekuhluphekeni.
20 Wayethumela ilizwi lakhe abasilise,+
Abakhiphe emagodini ababewele kuwo.
21 Abantu kabambonge uJehova ngenxa yothando lwakhe oluqotho,
Kabambonge ngemisebenzi yakhe emangalisayo ayenzele abantu.
22 Kabanikele imihlatshelo yokubonga,+
Bamemezele imisebenzi yakhe ngentokozo.
23 Labo abahamba ngemikhumbi,
Bedabula elwandle besiyathengisa,+
24 Bazibonile izenzo zikaJehova,
Lemisebenzi yakhe emangalisayo eselwandle.+
25 Uyakhuluma kube lesiphepho,+
Kuphakame amagagasi elwandle.
26 Abaphakamisele phezulu esibhakabhakeni,
Aphinde abehlisele phansi ekujuleni kolwandle,
Besabe baqhaqhazele ngoba sebebona ukufa sekubaqondile,
27 Badiyazele njengomuntu odakiweyo,
Ulwazi lwabo lungabancedi ngalutho.+
28 Besebekhala kuJehova besebunzimeni,+
Abakhulule ekuhluphekeni.
29 Uyasithulisa isiphepho,
Amagagasi olwandle athule athi cwaka.+
30 Bayathokoza nxa bewabona ethula,
Uyabakhokhela baye ethekwini* abafuna ukuya kulo.
31 Abantu kabambonge uJehova ngenxa yothando lwakhe oluqotho,
Kabambonge ngemisebenzi yakhe emangalisayo ayenzele abantu.+
32 Kabamdumise embuthanweni wabantu,+
Bamdumise emhlanganweni wamadoda amadala.
33 Utshintsha imifula ibe yinkangala,
Lezindawo ezigobhoza amanzi zibe ngumhlabathi owomileyo,+
34 Atshintshe umhlabathi ovundileyo ube lugwadule lwesawudo,+
Ngenxa yezinto ezimbi ezenziwa yilabo abahlala khona.
35 Uguqula inkangala ibe ngamachibi alemihlanga,
Lomhlabathi owomileyo ube yindawo egobhoza amanzi.+
36 Abesehlalisa abalambileyo khona,+
Ukuze bakhe idolobho abazahlala kulo,+
37 Balime amasimu bahlanyele lezihlahla zamagilebisi+
Ezithela izithelo ezinengi.+
38 Uyababusisa bande babe banengi,
Kavumi ukuthi inkomo zabo zibe zilutshwana.+
39 Kodwa baphinda babe balutshwana njalo bayangeke,
Ngenxa yokucindezelwa lokuhlupheka losizi.
40 Uyangisa izikhulu,
Azenze zizulazule enkangala engelandlela.+
41 Kodwa uyabavikela abayanga kulabo ababahlukuluzayo,+
Enze izimuli zabo zande njengomhlambi.
43 Ohlakaniphileyo uzazinanzelela izinto lezi,+
Uzacabangisisa ngezenzo zikaJehova ezitshengisa ukuthi ulothando oluqotho.+
Ingoma. Ihubo likaDavida.
108 Inhliziyo yami iqotho, awu Nkulunkulu.
Ngizakuhlabelela ngenhliziyo yonke ngitshaya iziginci.+
2 Vukani lonke lina ziginci lamahabhu.*+
Ngizavuka emadabukakusa.
3 Ngizakudumisa phakathi kwezizwe awu Jehova,
Ngizahlabela ngikudumise ezizweni,
4 Ngoba uthando lwakho oluqotho lukhulu, luphakeme njengamazulu,+
Lokuthembeka kwakho kufika esibhakabhakeni.
5 Tshengisa ukuthi uphakeme ngaphezu kwamazulu Nkulunkulu,
Inkazimulo yakho kayigcwale umhlaba wonke.+
6 Ngiphendula, usisindise ngesandla sakho sokudla+
Ukuze abantu bakho obathandayo bakhululwe.
7 UNkulunkulu ongcwele ukhulumile* wathi:
“Ngizathokoza futhi ngizanika abantu bami iShekhemu+ ibe lilifa labo,
Ngizalinganisa isigodi seSukhothi+ ngisinike abantu bami.
8 IGiliyadi+ ngeyami njengoba nje loManase engowami,
U-Efrayimi yingwane* yami yokuvikela ikhanda,+
UJuda yintonga yami yobukhosi,+
9 UMowabi yinditshi yami yokugezela.+
Ngizaphosela amanyathela ami phezu kuka-Edomi.+
Ngizamemeza ngentokozo ngoba ngizayinqoba iFilisti.”+
10 Ngubani ozangisa edolobheni elivikelwe ngemiduli?
Ngubani ozangikhokhela aze ayengifikisa ko-Edomi?+
11 Nguwe Nkulunkulu kodwa wena usilahlile,
Awusawakhokheli amabutho ethu.+
Kumqondisi wokuhlabela. Ihubo likaDavida.
109 Awu Nkulunkulu wami engimdumisayo,+ ungaqhubeki uthule,
2 Ngoba abantu ababi labangamaqili bakhuluma kubi ngami,
Bakhuluma amanga ngami.+
3 Bayangihanqa bakhulume amazwi ahlabayo,
Bangihlasele ngingenzanga lutho.+
4 Lanxa ngibathanda, bona bangiphatha kubi,+
Kodwa mina ngiqhubeka ngithandaza.
6 Yenza umuntu omubi abe lamandla phezu kwesitha sami,
Kwangathi esandleni saso sokudla kungama umuntu ophikisana laso.*
7 Kwangathi lowo ongizondayo angatholakala elecala nxa esahlulelwa,
Lomkhuleko wakhe kuthiwe uyisono.+
8 Insuku zakhe azibe zilutshwana,+
Isikhundla sakhe sokukhokhela sithathwe ngomunye,+
9 Abantwabakhe basale bezintandane,
Umkakhe abe ngumfelokazi.
10 Abantwabakhe abatshone bebhoda becela uncedo,
Badinge ukudla emanxiweni angakibo.
11 Lowo alesikwelede sakhe kamthathele konke alakho,
Labantu angabaziyo babuthe yonke impahla yakhe.
12 Akungabi lomuntu olomusa* kuye,
Kumbe ozwela abantwabakhe asebezintandane.
13 Izizukulwane zakhe kazitshabalaliswe,+
Ibizo lazo lingaziwa yisizukulwane esilandelayo.
14 Kwangathi uJehova angasikhumbula isono sabokhokho bakhe,+
Kalingesulwa icala likanina.
15 Kwangathi uJehova angahlala ekukhumbula abakwenzileyo,
Enze ukuthi bangakhunjulwa futhi emhlabeni.+
16 Kazange akhumbule ukuba lomusa,*+
Kodwa waqhubeka ezingela umuntu ocindezelweyo,+ ongumyanga lodabukileyo enhliziyweni,
Ukuze ambulale.+
17 Wayethanda ukuqalekisa, yikho iziqalekiso zakhe sezehlele kuye,
Wayengafuni ukubusisa, yikho laye engazange abusiswe.
18 Ukuqalekisa kwasekungathi yisigqoko sakhe.
Iziqalekiso zathululelwa emzimbeni wakhe angathi ngamanzi,
Lasemathanjeni akhe njengamafutha.
19 Iziqalekiso zakhe kazibe njengelembu azithandela ngalo,+
Lanjengebhanti ahlala elibophile.
20 Lo yiwo umvuzo uJehova awunika lowo olwa lami,+
Lalabo abakhuluma kubi ngami.
21 Kodwa wena Jehova Nkosi Enkulu,
Ngisiza ngenxa yebizo lakho.+
Ngikhulula ngoba uthando lwakho oluqotho luhle.+
23 Ngiyadlula njengomthunzi onyamalalayo,
Ngilabhulelwe khatshana njengentethe.
24 Amadolo ami ayaxega ngenxa yokuzila ukudla,
Sengiphelile ngokucaka.
25 Sebengenza inhlekisa.+
Nxa bengibona banikina amakhanda.+
26 Ngisiza awu Jehova Nkulunkulu wami,
Ngisindisa ngothando lwakho oluqotho.
27 Kumele bazi ukuthi lokhu kwenziwe yisandla sakho,
Bazi ukuthi kwenziwe nguwe Jehova.
28 Bona kabaqalekise, kodwa wena ubusise.
Nxa bengivukela kabayangiswe,
Kodwa inceku yakho yona ithokoze.
29 Kwangathi abalwa lami bangembeswa ngehlazo,
Bagoqelwe ngokuyangeka angathi bagoqelwe ngesembatho.+
30 Umlomo wami uzamdumisa kakhulu uJehova,
Ngizamdumisa phambi kwabantu abanengi,+
31 Ngoba uzakuma esandleni sokudla somuntu ongumyanga,
Ukuze amkhulule kulabo abambeka icala.
Ihubo likaDavida.
110 UJehova wathi eNkosini yami:
2 UJehova uzakwelula intonga yamandla akho isuka eZiyoni, esithi:
“Hamba uyenqoba izitha zakho.”+
3 Abantu bakho bazazinikela ngokuthanda kwabo mhla amabutho akho ephuma esiya empini.
Uleqembu lakho lamajaha elinjengamazolo akhithika emadabukakusa,
Lingcwele futhi liyakhazimula.
4 UJehova ufungile, kasoze atshintshe ingqondo, uthe:
Uzachoboza umkhokheli welizwe elikhulu.*
7 Uzanatha* esifuleni esiseceleni komgwaqo.
Abesephakamisa ikhanda ethokoza.
א [Aleph]
Ngizamdumisa uJehova ngenhliziyo yonke,+
ב [Beth]
Embuthanweni wabaqotho lasebandleni.
ג [Gimel]
Bonke abathokoza ngayo bayayihlolisisa.+
ה [He]
3 Imisebenzi yakhe mihle futhi iyakhazimula,
ו [Waw]
Ukulunga kwakhe kuzahlala kuze kube nini lanini.+
ז [Zayin]
4 Wenza ukuthi imisebenzi yakhe emangalisayo ikhunjulwe.+
ח Heth]
ט [Teth]
5 Unika labo abamesabayo ukudla.+
י [Yod]
Uyasikhumbula isivumelwano sakhe kuze kube phakade.+
כ [Kaph]
6 Utshengise abantu bakhe izenzo zakhe ezilamandla,
ל [Lamed]
Ngokubanika ilifa lezizwe.+
מ [Mem]
ס [Samekh]
פ [Pe]
9 Usindise abantu bakhe.+
צ [Tsade]
Wathi isivumelwano sakhe sizahlala kuze kube nini lanini.
ק [Qoph]
Ibizo lakhe lingcwele futhi liyesabeka.+
ר [Resh]
10 Ukwesaba uJehova yikuqala kokuhlakanipha.+
ש [Sin]
Abalalela imilayo yakhe batshengisa ukuthi balokuqedisisa.+
ת [Taw]
Udumo lwakhe luzahlala kuze kube nini lanini.
א [Aleph]
ג [Gimel]
2 Izizukulwane zakhe zizakuba lamandla emhlabeni,
ד [Daleth]
Isizukulwane somuntu olungileyo sizabusiswa.+
ה [He]
3 Endlini yakhe kulenotho lempahla enengi,
ו [Waw]
Ukulunga kwakhe kuzahlala kuze kube phakade.
ז [Zayin]
4 Kwabalungileyo ukhanya njengesibane emnyameni.+
ח [Heth]
Ulungile, ulesihawu+ futhi ulozwelo.*
ט [Teth]
5 Kumhambela kuhle umuntu oboleka+ abanye ngesihle.*
י [Yod]
Konke akwenzayo ukwenza ngendlela elungileyo.
כ [Kaph]
6 Kasoze anyikinywe.+
ל [Lamed]
Olungileyo uzakhunjulwa+ kuze kube nini lanini.
מ [Mem]
7 Kasoze esabe ukuzwa izindaba ezimbi.+
נ [Nun]
Inhliziyo yakhe ihlalisekile, uthembele kuJehova.+
ס [Samekh]
8 Inhliziyo yakhe ayinyikinyeki, kesabi.+
ע [Ayin]
Ekucineni uzabona izitha zakhe zinqotshwa.+
פ [Pe]
9 Uyaphana,* upha abayanga+ lokho alakho.
צ [Tsade]
Ukulunga kwakhe kuzahlala kuze kube phakade.+
ק [Qoph]
Uzakuba lamandla akhazinyuliswe.
ר [Resh]
10 Umuntu omubi uzakubona lokhu acaphuke.
ש [Shin]
Uzadana aphele amandla aze afe.
ת [Taw]
Izifiso zababi zizaphelela emoyeni.+
113 Dumisani uJah!*
Mdumiseni uJehova lina zinceku zakhe,
Dumisani ibizo likaJehova.
2 Kwangathi ibizo likaJehova lingadunyiswa
Kusukela khathesi kuze kube nini lanini.+
3 Ibizo likaJehova kalidunyiswe,+
Ilanga liphuma lize liyetshona.
6 Uyakhothama akhangele ezulwini lasemhlabeni,+
7 Aphakamise ohluphekayo amsuse emhlabathini.
Dumisani uJah!*
114 Kwathi ama-Israyeli ephuma eGibhithe,+
Abendlu kaJakhobe bephuma ebantwini abakhuluma olunye ulimi,
2 UJuda waba yindawo kaNkulunkulu engcwele,
U-Israyeli waba ngumbuso wakhe.+
4 Izintaba zayeqayeqa njengezinqama,+
Lamaqaqa eqa njengamazinyane ezimvu.
5 Wabalekelani wena lwandle?+
Lawe Jodani wabuyelelani emuva?+
6 Lina zintaba, kungani layeqayeqa njengezinqama?
Lani lina maqaqa, kungani leqa njengamazinyane ezimvu?
7 Qhaqhazela mhlaba ngenxa yeNkosi,
Qhaqhazela ngenxa kaNkulunkulu kaJakhobe,+
8 Oguqula idwala libe lichibi elilemihlanga,
Enze idwala eliqinileyo limpompoze amanzi.+
115 Unganiki thina inkazimulo,* awu Jehova.
2 Kungani kumele izizwe zicine zisithi:
“Ungaphi uNkulunkulu wabo?”+
3 UNkulunkulu wethu usezulwini,
Wenza loba yini ayifunayo.
4 Izithombe zabo zenziwe ngesiliva langegolide,
Zenziwe ngabantu.+
5 Zilomlomo kodwa azikhulumi,+
Zilamehlo kodwa aziboni.
6 Zilendlebe kodwa azenelisi ukuzwa,
Zilamakhala kodwa azenelisi ukuhogela.
7 Zilezandla kodwa azenelisi ukubamba,
Zilenyawo kodwa azihambi.+
Akulamsindo ophuma emphinjeni yazo.+
10 Lina abendlu ka-Aroni,+ thembani uJehova,
Ungumsizi wenu lehawu lenu.
12 UJehova uyasikhumbula futhi uzasibusisa.
Uzababusisa abendlu ka-Israyeli,+
Abusise labendlu ka-Aroni.
13 Uzababusisa labo abesaba uJehova,
Abancane labakhulu.
14 UJehova uzalenza lande,
Lina labantwabenu.+
18 Kodwa thina sizamdumisa uJah
Kusukela khathesi kuze kube nini lanini.
Dumisani uJah!*
3 Intambo zokufa zangithandela,
Ngasengilengela engcwabeni.+
Ngangikhathazeke kakhulu ngisosizini.+
4 Kodwa ngabiza ibizo likaJehova+ ngathi:
“Awu Jehova ngikhulula!”
6 UJehova uyabalinda abangelalwazi.+
Ngangisosizini kodwa yena wangisindisa.
7 Ngizaphinda ngiphumule,
Ngoba uJehova ungiphathe ngomusa.
8 Ungikhulule ekufeni,
Wangesula inyembezi, wangivikela ukuze ngingakhubeki.+
9 Ngizahamba phambi kukaJehova nxa nje ngisaphila.
10 Ngakhuluma ngoba ngangilokholo,+
Ngangihluphekile kakhulu.
11 Mina ngethuka ngathi:
“Wonke umuntu ungumqambimanga.”+
12 Ngizambhadala ngani uJehova,
Ngenxa yakho konke okuhle angenzele khona?
13 Ngizathatha inkomitsho yensindiso,
Ngibize ibizo likaJehova.
14 Ngizagcwalisa izifungo zami kuJehova,
Phambi kwabo bonke abantu bakhe.+
15 UJehova uyalahlekelwa kakhulu
Nxa kusifa abantu bakhe abaqotho.+
16 Ngiyakuncenga awu Jehova,
Ngoba ngiyinceku yakho.
Ngiyinceku yakho, indodana yesigqilikazi sakho.
Usungikhulule emaketaneni ami.+
17 Ngizanikela kuwe umhlatshelo wokubonga,+
Ngizabiza ibizo likaJehova.
18 Ngizagcwalisa izifungo zami kuJehova,+
Phambi kwabo bonke abantu bakhe,+
19 Emagumeni endlu kaJehova,+
Phakathi kwakho awu Jerusalema.
117 Dumisani uJehova lonke lina zizwe,+
Mkhazimuliseni lonke lina bantu,+
2 Ngoba uthando oluqotho asitshengisa lona lukhulu.+
UJehova uzahlala ethembekile+ kuze kube phakade.+
118 Bongani uJehova ngoba muhle,+
Uthando lwakhe oluqotho luhlala kuze kube nini lanini.
2 Abako-Israyeli kabathi:
“Uthando lwakhe oluqotho luhlala kuze kube nini lanini.”
3 Abendlu ka-Aroni kabathi:
“Uthando lwakhe oluqotho luhlala kuze kube nini lanini.”
4 Labo abesaba uJehova kabathi:
“Uthando lwakhe oluqotho luhlala kuze kube nini lanini.”
6 UJehova ulami, angisoze ngesabe.+
Umuntu angangenzani?+
8 Kungcono ukuphephela kuJehova
Kulokuthemba abantu.+
11 Zangihanqa macele wonke,
Kodwa ngebizo likaJehova
Ngazixotsha.
12 Zangigcwalela njengenyosi,
Kodwa zatshabalala zaphela masinyane njengomlilo wameva.
Ngebizo likaJehova
Ngazixotsha.+
13 Zangifuqa ngamandla zifuna ngiwe,
Kodwa uJehova wangisiza.
14 UJah ungamandla ami lendawo yami yokuhlala,
Usebe yinsindiso yami.+
15 Ematendeni abantu abalungileyo
Kuzwakala umsindo wokuthokoza lowokusindiswa.*
Isandla sokudla sikaJehova sitshengisa amandla aso.+
16 Isandla sokudla sikaJehova siphakeme,
Isandla sokudla sikaJehova sitshengisa amandla aso.+
17 Angisoze ngife, ngizaqhubeka ngiphila
Ukuze ngimemezele imisebenzi kaJah.+
19 Ngicela ungivulele amagedi okulunga,+
Ngizangena ngawo ngidumise uJah.
20 Leli ligedi likaJehova.
Abalungileyo bazangena ngalo.+
21 Ngizakudumisa ngoba wangiphendula,+
Waba yinsindiso yami.
24 Leli lilanga elibekwe nguJehova,
Sizajabula sithokoze ngalo.
25 Jehova siyakuncenga sisindise!
Jehova sicela usenze sinqobe!
26 Ubusisiwe lowo oza ngebizo likaJehova.+
Siyalibusisa sisendlini kaJehova.
27 UJehova unguNkulunkulu,
Usinika ukukhanya.+
Ngenani odwendweni lwalabo abaya edilini* bethwele ingatsha ezandleni,+
Lihambe lize liyefika empondweni ze-alithare.+
28 Wena unguNkulunkulu wami, ngizakudumisa.
UnguNkulunkulu wami, ngizakuphakamisa.+
א [Aleph]
3 Kabenzi lutho olubi,
Njalo bahamba ezindleleni zakhe.+
4 Wena usitshele ukuthi
Sigcine imithetho yakho ngonanzelelo.+
6 Lapho-ke bengingasoze ngiyangeke+
Nxa sengihlolisisa yonke imilayo yakho.
7 Ngizakudumisa ngenhliziyo eqotho
Nxa ngifunda izahlulelo zakho ezilungileyo.
8 Ngizayilalela imilayo yakho.
Ngicela ungangitshiyi kokuphela.
ב [Beth]
9 Ijaha lingenzani ukuze liphile impilo ehlanzekileyo?
Kumele lizigcine ngokulalela ilizwi lakho.+
10 Ngikudinga ngenhliziyo yonke.
Ungangiyekeli ngiphambuka emilayweni yakho.+
12 Kwangathi ungadunyiswa Jehova,
Ngifundisa imilayo yakho.
13 Zonke izahlulelo ozikhulumileyo
Ngiyazimemezela ngomlomo wami.
16 Ngiyazithanda izimiso zakho.
Angisoze ngilikhohlwe ilizwi lakho.+
ג [Gimel]
17 Phatha kuhle inceku yakho,
Ukuze ngiphile njalo ngilandele ilizwi lakho.+
18 Vula amehlo ami ukuze ngizibone kuhle
Izinto ezimangalisayo ezisemthethweni wakho.
19 Ngiyisihambi elizweni.+
Ungangifihleli imilayo yakho.
20 Zikhathi zonke ngihlala ngifisa kakhulu
Ukwazi izahlulelo zakho.
21 Uyabakhuza abaziphakamisayo,
Abaqalekisiweyo abaphambuka emilayweni yakho.+
22 Ungabavumeli ukuthi bangenze inhlekisa lokuthi bangeyise,
Ngoba ngiyazilalela izikhumbuzo zakho.
23 Lalapho ababusi behlangana ukuze bakhulume kubi ngami,
Inceku yakho iyacabangisisa ngemilayo* yakho.
ד [Daleth]
25 Ngilele ngacambalala emhlabathini.+
Ngigcina ngiphila njengoba wathembisa.+
26 Ngakutshela izindlela zami, wena wangiphendula.
Ngifundisa imilayo yakho.+
28 Angisalali ngenxa yosizi.
Ngiqinisa njengoba wangithembisa.
29 Susa ubuqili kimi,+
Ube lomusa kimi ungifundise umthetho wakho.
30 Sengikhethe ukuthembeka kuwe.+
Ngiyabona ukuthi izahlulelo zakho zilungile.
31 Nginamathele ezikhumbuzweni zakho.+
Awu Jehova, ungangiyekeli ngidane.*+
ה [He]
34 Ngenza ngizwisise
Ukuze ngilandele umthetho wakho,
Ngiwugcine ngenhliziyo yami yonke.
35 Ngikhokhela ukuze ngilandele imilayo yakho+
Ngoba ngiyayithanda.
37 Susa amehlo ami ezintweni ezingelancedo.+
Yenza ukuthi ngihambe endleleni yakho ukuze ngiqhubeke ngiphila.
38 Gcwalisa isithembiso osenze encekwini yakho,
Ukuze wesatshwe.*
39 Susa ihlazo engilesabayo,
Ngoba izahlulelo zakho zinhle.+
40 Khangela ubone ukuthi ngiyifisa kangakanani imilayo yakho.
Ngigcina ngiphila ngoba wena ulungile.
ה [Waw]
41 Awu Jehova, kwangathi ngingaluzwa uthando lwakho oluqotho,+
Ungisindise njengoba wathembisa,+
42 Lapho-ke ngizamphendula ongichothozayo
Ngoba ngiyakuthemba okutshoyo.
43 Ungalisusi emlonyeni wami ilizwi leqiniso
Ngoba ngiyayithemba indlela owahlulela ngayo.
44 Ngizahlala ngiwugcina umthetho wakho,
Kuze kube nini lanini.+
46 Ngizakhuluma ngezikhumbuzo zakho phambi kwamakhosi,
Angisoze ngibe lenhloni.+
47 Ngiyayithanda imilayo yakho,
Ngiyayithanda sibili.+
48 Ngizaphakamisela izandla zami emilayweni yakho engiyithandayo,+
ז [Zayin]
49 Khumbula ilizwi owalitshela* inceku yakho,
Ilizwi onginika ngalo ithemba.
50 Liyangiduduza nxa ngisebuhlungwini+
Ngoba amazwi akho angigcina ngiphila.
51 Abaziphakamisayo bayangichothoza,
Kodwa angisoze ngiphambuke emthethweni wakho.+
53 Ngifuthelene ngenxa yabantu ababi,
Abatshiya umthetho wakho.+
54 Ngihlala ngihlabela imilayo yakho
Loba ngaphi engihlala khona.*
55 Ebusuku ngiyalikhumbula ibizo lakho awu Jehova,+
Ukuze ngigcine umthetho wakho.
56 Lokhu bengihlala ngikwenza,
Ngoba ngiyayilalela imithetho yakho.
ח [Heth]
57 Jehova uyisabelo sami.+
Ngithembisile ukugcina amazwi akho.+
59 Ngizihlolile indlela zami
Ukuze ngiphenduke ngilandele izikhumbuzo zakho.+
60 Angiphuzi ukulalela imilayo yakho,+
Ngiyaphangisa ukuyilandela.
61 Intambo zababi ziyangithandela,
Kodwa umthetho wakho angiwukhohlwa.+
62 Ngiyavuka phakathi kwamabili ngikubonge+
Ngoba izahlulelo zakho zilungile.
64 Uthando lwakho oluqotho lugcwele umhlaba wonke Jehova,+
Ngifundisa imilayo yakho.
ט [Teth]
65 Uyiphathe kuhle inceku yakho
Njengoba nje wathembisa, awu Jehova.
66 Nginika ukuqedisisa lolwazi,+
Ngoba ngithembe imilayo yakho.
68 Umuhle+ futhi lemisebenzi yakho mihle.
Ngifundisa imilayo yakho.+
69 Abazigqajayo bakhuluma amanga ngami,
Kodwa mina ngilalela imithetho yakho ngenhliziyo yonke.
71 Ukwehlelwa zinhlupho kungincedile,+
Ngoba kungenze ngafunda imilayo yakho.
72 Umthetho owukhulumileyo muhle kimi+
Ukwedlula isiliva legolide elinengi.+
י [Yod]
73 Izandla zakho zangenza futhi zangibumba.
Ngipha ukuzwisisa
Ukuze ngifunde imilayo yakho.+
76 Kwangathi uthando lwakho oluqotho+ lungangiduduza,
Njengoba nje wayithembisa inceku yakho.
78 Kwangathi abaziphakamisayo bangayangiswa,
Ngoba bangiphatha kubi ngingenzanga lutho.*
Kodwa mina ngizacabangisisa ngemithetho* yakho.+
79 Kwangathi abakwesabayo bangaphenduka kimi,
Labo abazaziyo izikhumbuzo zakho.
80 Kwangathi ngingalandela imilayo yakho+ ngenhliziyo emsulwa
Ukuze ngingayangiswa.+
כ [Kaph]
83 Nginjengesigubhu sesikhumba esilenga endaweni elentuthu,
Kodwa angiyikhohlwa imilayo yakho.+
84 Inceku yakho kumele ilinde okwensuku ezingaki?
Uzabajezisa nini abangihlukuluzayo?+
85 Abaziphakamisayo bangigebhela amagodi bengithiya,
Labo abangawulaleliyo umthetho wakho.
86 Ngiyayithemba yonke imilayo yakho.
Abantu bayangihlukuluza ngingonanga lutho, ngicela ungincede!+
87 Baphose bangitshabalalisa emhlabeni,
Kodwa angizange ngiyitshiye imithetho yakho.
88 Ngigcina ngiphila ngenxa yothando lwakho oluqotho,
Ukuze ngilalele izikhumbuzo zakho ozikhulumileyo.
ל [Lamed]
89 Ilizwi lakho lizahlala emazulwini+
Kuze kube nini lanini, awu Jehova.
90 Uzahlala uthembekile kuzo zonke izizukulwane.+
Umhlaba uwumise waqina ukuze uhlale ukhona.+
91 Konke okwenzileyo* kuqhubeke kukhona kwaze kwaba lamuhla ngenxa yezahlulelo zakho,
Ngoba konke kuyizinceku zakho.
92 Aluba ngangingawuthandi umthetho wakho,
Ngangizatshabalala ngesikhathi ngisebunzimeni.+
93 Angisoze ngiyikhohlwe imithetho yakho,
Ngoba ngayo ungigcine ngiphila.+
95 Ababi balindele ukungibulala,
Kodwa ngiyacabangisisa ngezikhumbuzo zakho.
96 Ngibonile ukuthi konke okupheleleyo kulalapho okucina khona,
Kodwa imilayo yakho yona ayilamingcele.*
מ [Mem]
97 Ngiwuthanda okwamagama umthetho wakho!+
Ngicabangisisa ngawo* ilanga lonke.+
98 Umlayo wakho wenza ngihlakaniphe ukwedlula izitha zami,+
Ngoba wona uzangikhokhela kuze kube phakade.
100 Engikwenzayo kutshengisa ukuthi ngiyazwisisa kulamadoda amadala,
Ngoba ngiyayilalela imithetho yakho.
101 Kangivumi ukuhamba kuloba yiphi indlela embi,+
Ukuze ngilalele ilizwi lakho.
102 Angiphambuki ezahlulelweni zakho
Ngoba wena ungifundisile.
104 Imithetho yakho yenza ngibe lokuzwisisa.+
Yikho ngizizonda zonke indlela zamanga.+
נ [Nun]
106 Ngenze isifungo sokuthi ngizalandela izahlulelo zakho ezilungileyo,
Njalo ngizasigcwalisa.
107 Ngihlupheke kakhulu.+
Awu Jehova, ngigcina ngiphila njengoba wathembisa.+
108 Awu Jehova, yamukela iminikelo yami yokuzithandela eyokukudumisa,+
Ungifundise izahlulelo zakho.+
109 Impilo yami ihlala isengozini,
Kodwa angiwukhohlwanga umthetho wakho.+
110 Ababi bangifakele umjibila,
Kodwa angiphambukanga emithethweni yakho.+
111 Izikhumbuzo zakho zizahlala zingezami
Ngoba ziyayithokozisa inhliziyo yami.+
112 Sengizimisele ukulalela imilayo yakho zikhathi zonke,
Kuze kube sekucineni.
ס [Samekh]
115 Lingasondeli eduze kwami lina elenza okubi,+
Ukuze ngilalele imilayo kaNkulunkulu wami.
116 Ngisekela njengoba wathembisa,+
Ukuze ngiqhubeke ngiphila.
Ungavumeli ukuthi ithemba lami litshabalale ngisale ngidanile.+
118 Uyabalahla bonke abaphambuka emilayweni yakho+
Ngoba ngabaqambimanga futhi bangamaqili.
119 Ubalahla njengezibi bonke abenza okubi emhlabeni.+
Yikho ngizithanda izikhumbuzo zakho.
120 Ngikwesaba ngize ngiqhuqhe,
Ngiyazesaba izahlulelo zakho.
ע [Ayin]
121 Ngikwenzile okufaneleyo lokulungileyo.
Unganginikeli ezandleni zabangicindezelayo!
122 Thembisa inceku yakho ukuthi uzayisiza.
Ngicela ukuthi abaziphakamisayo bangangicindezeli.
125 Ngiyinceku yakho, ngipha ukuzwisisa+
Ukuze ngizazi izikhumbuzo zakho.
126 Sekuyisikhathi sokuthi wenze okufunayo awu Jehova,+
Ngoba bephule umthetho wakho.
128 Konke ongifundisa khona ngikubona kuqondile.+
Ngiyazizonda zonke indlela zamanga.+
פ [Pe]
129 Izikhumbuzo zakho ziyamangalisa,
Yikho ngizilalela.
131 Ngikomele ukuzwa imilayo yakho,+
Sengize ngisehluleka lokuphefumula.
134 Ngilamulela* ebantwini abangicindezelayo,
Mina ngizayilalela imithetho yakho.
135 Woba lomusa encekwini yakho,+
Uyifundise imilayo yakho.
136 Inyembezi ziyajuluka ezihlathini zami
Ngoba abantu abawugcini umthetho wakho.+
צ [Tsade]
138 Izikhumbuzo osinika zona zilungile,
Singazithemba ngokupheleleyo.
139 Intshiseko yami injengomlilo ovuthayo ngaphakathi kwami,+
Ngoba izitha zami ziwakhohliwe amazwi akho.
141 Ngingumuntukazana njalo ngidelelekile,+
Lanxa kunjalo angiyikhohlwanga imithetho yakho.
143 Lanxa ngisehlelwa zinhlupho lobunzima,
Ngiqhubeka ngiyithanda imilayo yakho.
144 Izikhumbuzo zakho zizahlala zilungile kuze kube phakade,
Ngenza ngizwisise+ ukuze ngiqhubeke ngiphila.
ק [Qoph]
145 Ngiyakuncenga ngenhliziyo yami yonke. Ngiphendula awu Jehova,
Ngizayilalela imilayo yakho.
146 Ngiyakubiza, ngisindisa!
Ngizazilalela izikhumbuzo zakho.
149 Lalela engikutshoyo ngoba ulothando oluqotho.+
Awu Jehova, ngigcina ngiphila ngoba wahlulela kuhle.
150 Abenza izinto ezenyanyekayo basondela kimi,
Abawulaleli umthetho wakho.
152 Ngafunda ngezikhumbuzo zakho kudala,
Owamisa ukuthi zihlale kuze kube nini lanini.+
ר [Resh]
153 Khangela ukuhlupheka kwami ungikhulule+
Ngoba angiwukhohlwanga umthetho wakho.
155 Insindiso ikhatshana lababi
Ngoba abazange bayidinge imilayo yakho.+
156 Isihawu sakho sikhulu awu Jehova.+
Ngigcina ngiphila ngoba wahlulela kuhle.
157 Banengi abangihlukuluzayo labayizitha zami,+
Kodwa angizange ngizitshiye izikhumbuzo zakho.
158 Ngiyabenyanya abangamaqili
Ngoba abawalaleli amazwi akho.+
159 Khangela ukuthi ngiyithanda kangakanani imithetho yakho!
Awu Jehova, ngigcina ngiphila ngoba ulothando oluqotho.+
160 Ilizwi lakho lonke liliqiniso,+
Zonke izahlulelo zakho ezilungileyo zizahlala kuze kube phakade.
ש [Sin] kumbe [Shin]
162 Ngiyathokoza ngamazwi akho,+
Njengomuntu othokoziswa yimpahla enengi ayithumbileyo.
164 Ngikudumisa kasikhombisa ngelanga,
Ngenxa yokuthi izahlulelo zakho zilungile.
165 Abathanda umthetho wakho balokuthula okukhulu,+
Akulalutho olungabenza bakhubeke.
166 Ngilindele insindiso yakho Jehova,
Ngiyayilalela imilayo yakho.
167 Ngiyazilalela izikhumbuzo zakho,
Ngizithanda okwamagama.+
168 Ngiyayigcina imithetho yakho lezikhumbuzo zakho
Ngoba wena uyakubona konke engikwenzayo.+
ת [Taw]
169 Kwangathi ungakuzwa ukukhalela kwami uncedo, awu Jehova.+
Ngenza ngizwisise njengoba wathembisa.+
170 Kwangathi ungangilalela nxa ngicela ukuthi ube lomusa kimi.
Ngisindisa njengoba wathembisa.
171 Kwangathi umlomo wami ungahlala ukudumisa,+
Ngoba ungifundisa imilayo yakho.
172 Kwangathi ulimi lwami lungahlabela amazwi akho+
Ngoba yonke imilayo yakho ilungile.
173 Kwangathi isandla sakho singahlala silungele ukunginceda+
Ngoba ngikhetha ukulalela imithetho yakho.+
174 Ngilindele insindiso yakho Jehova,
Ngiyawuthanda umthetho wakho.+
175 Ngicela ukuqhubeka ngiphila ukuze ngikudumise,+
Kwangathi izahlulelo zakho zingangisiza.
176 Ngihlanhlathile njengemvu elahlekileyo.+
Idinge inceku yakho ngoba angiyikhohlwanga imilayo yakho.+
Ingoma Yemiqanso.*
2 Awu Jehova ngikhulula kulabo abaqamba amanga ngemilomo yabo,
Lakulabo abalolimi olulobuqili.
3 UNkulunkulu uzakwenzani kuwe?
Uzakujezisa njani wena muntu ololimi olulobuqili?+
5 Maye kimi ngoba ngihlala eMeshekhi+ ngiyisihambi!
Ngihlala ematendeni aseKhedari.+
6 Sengihlale isikhathi eside kakhulu
Lalabo abazonda ukuthula.+
7 Mina ngithanda ukuthula, kodwa nxa ngikhuluma,
Bona bafuna impi.
Ingoma Yemiqanso.
121 Ngiphakamisa amehlo ami ngikhangele ezintabeni.+
Usizo lwami luzavela ngaphi?
2 Usizo lwami luvela kuJehova,+
UMenzi wezulu lomhlaba.
3 Kasoze avume ukuthi unyawo lwakho lutshelele.+
Lowo okulindileyo kasoze awozele.
4 Olinda u-Israyeli+
Kasoze awozele kumbe alale.
5 UJehova uyakulinda.
UJehova ungumthunzi+ esandleni sakho sokudla.+
7 UJehova uzakuvikela kuloba yini engakulimaza.+
Uzayivikela impilo yakho.+
8 UJehova uzakuvikela kukho konke okwenzayo,
Kusukela khathesi kuze kube nini lanini.
Ingoma Yemiqanso. Ihubo likaDavida.
122 Ngathokoza lapho besithi kimi:
“Kasiye endlini kaJehova.”+
2 Khathesi inyawo zethu sezimi
Phakathi kwamagedi akho, awu Jerusalema.+
4 Izizwana ziyaqansa ziye kulo,
Izizwana zikaJah,*
Zisiyadumisa ibizo likaJehova,+
Zilalela isikhumbuzo esaphiwa abako-Israyeli.
6 Celani ukuthi kube lokuthula eJerusalema.
Labo abakuthandayo dolobho leJerusalema+ bazavikeleka.
7 Kwangathi kungaqhubeka kulokuthula phakathi kwemiduli yakho,
Lokuvikeleka phakathi kwezinqaba zakho.
8 Ngenxa yabafowethu labangane bami ngizakuthi:
“Akube lokuthula phakathi kwakho.”
9 Ngenxa yendlu kaJehova uNkulunkulu wethu,+
Ngizakufisela okuhle.
Ingoma Yemiqanso.
123 Ngiphakamisela amehlo ami kuwe,+
Wena ohlezi esihlalweni sobukhosi emazulwini.
2 Njengoba nje amehlo ezinceku ekhangele isandla senkosi yazo,
Lamehlo encekukazi ekhangele isandla sendlovukazi,
Lathi amehlo ethu akhangele kuJehova uNkulunkulu wethu,+
Aze abe lomusa kithi.+
3 Woba lomusa kithi awu Jehova, woba lomusa kithi,
Sesidiniwe yikweyiswa.+
4 Sesidiniwe yikuchothozwa ngabantu abazigqajayo,
Lokweyiswa ngabazikhukhumezayo.
Ingoma Yemiqanso. Ihubo likaDavida.
124 “Ngabe uJehova ubengelathi,”+
Abako-Israyeli kabathi,
2 “Ngabe uJehova ubengelathi+
Lapho abantu besihlasela,+
3 Bebezasiginya siphila,+
Ngenxa yolaka lwabo oluvuthayo.+
4 Besizakhukhulwa ngamanzi,
Sithathwe ngumfula.+
5 Besizagalula emanzini agubhazelayo.
6 Kadunyiswe uJehova
Ngoba kazange asinikele kubo ukuthi basidlithize.
7 Sinjengenyoni ephunyuke
Emjibileni womzingeli.+
Umjibila uqamukile
Sahle saphunyuka.+
8 Usizo lwethu siluthola ebizweni likaJehova,+
UMenzi wezulu lomhlaba.”
Ingoma Yemiqanso.
125 Labo abathembele kuJehova+
BanjengeZiyoni, intaba engeke inyikinywe,
Ezahlala kuze kube nini lanini.+
2 Njengoba nje izintaba zigombolozele iJerusalema,+
UJehova ugombolozele abantu bakhe,+
Kusukela khathesi kuze kube nini lanini.
3 Intonga yababi ayisoze iqhubeke iselizweni eliphiwe abalungileyo,+
Ukuze abalungileyo bangacini sebesenza okubi.+
5 Labo abaphambukayo benze okubi,
UJehova uzabasusa lababi.+
Kwangathi kungaba lokuthula ko-Israyeli.
Ingoma Yemiqanso.
126 Lapho uJehova eqoqa abathunjiweyo beZiyoni,+
Kwakungathi siyaphupha.
2 Ngalesosikhathi sasihleka kumnandi,
Simemeza ngenxa yokuthokoza.+
Ngalesosikhathi abantu bezinye izizwe babesithi:
“UJehova ubenzele izinto ezimangalisayo.”+
3 UJehova usenzele izinto ezimangalisayo,+
Siyathokoza kakhulu.
4 Njengalapho izulu ligcwalisa izifula zeNegebhi,*
Baqoqe abantu bakithi abathunjiweyo Jehova, baphenduke elizweni labo.
5 Abahlanyela bekhala,
Bazavuna bethokoza.
Ingoma Yemiqanso. Ihubo likaSolomoni.
127 Ngaphandle kokuthi uJehova ayakhe indlu,
Akuncedi ngalutho ukuthi abakhi bayo basebenze nzima.+
Ngaphandle kokuthi uJehova alilinde idolobho,+
Akuncedi ngalutho ukuthi umlindi ahlale ephapheme.
2 Akuncedi ngalutho ukuvuka ngovivi lokuphuza ukulala
Lisebenza nzima lidinga ukudla,
Ngoba yena uyabanakekela labo abathandayo,
Abaphe lobuthongo.+
5 Uyathokoza lowo ogcwalisa isikhwama sakhe ngemitshoko le.+
Kasoze ayangeke,
Ngoba abantwabakhe bazakhuluma lezitha egedini ledolobho.
Ingoma Yemiqanso.
2 Uzakudla lokho okusebenzele nzima ngezandla zakho.
Uzathokoza njalo uphumelele.+
3 Inkosikazi yakho izakuba njengesihlahla samagilebisi esithelayo emzini wakho,+
Abantwabakho bazahlala eceleni kwakho etafuleni njengamahlumela esihlahla sama-oliva.
4 Le yiyo indlela umuntu owesaba uJehova
Azabusiswa ngayo.+
5 UJehova uzakubusisa eseZiyoni.
Kwangathi ungabona iJerusalema iphumelela zonke insuku zokuphila kwakho,+
6 Ubone labantwana babantwabakho.
Kwangathi kungaba lokuthula ko-Israyeli.
Ingoma Yemiqanso.
129 “Bebelokhu bengihlasela kusukela ngisesemutsha,”+
Abako-Israyeli kabathi,
2 “Bebelokhu bengihlasela kusukela ngisesemutsha,+
Kodwa abazange banginqobe.+
3 Abalimayo balime emhlane wami,+
Bavula imifolo emide.”
5 Bonke abazonda iZiyoni+
Bazayangeka babuyele emuva belenhloni.
6 Bazakuba njengotshani obumila ephahleni,
Obubuna bungakasitshunwa,
7 Obungeke bugcwale isandla somuntu ovunayo,
Loba ezingalweni zalowo obutha izithungo.
8 Abadlulayo abasoze bathi:
“Kwangathi uJehova angalibusisa,
Siyalibusisa ngebizo likaJehova.”
Ingoma Yemiqanso.
130 Ngiyakubiza awu Jehova, sengiphelelwe lithemba.+
2 Awu Jehova, zwana ilizwi lami.
Indlebe zakho kazizwe nxa ngikuncenga ngicela uncedo.
5 Ngithembele kuJehova, ngithembele kuye ngenhliziyo yonke,
Ngilindela ilizwi lakhe.
Ngimlindele sibili ukwedlula indlela abalindi abalindela ngayo ukusa.
7 U-Israyeli kaqhubeke elindele uJehova,
Ngoba uJehova ulothando oluqotho+
Lamandla amakhulu okukhulula.
8 Uzakhulula abako-Israyeli kuzo zonke izono zabo.
Ingoma Yemiqanso. Ihubo likaDavida.
131 Awu Jehova, inhliziyo yami ayizikhukhumezi,
Lamehlo ami awazigqaji,+
Angifisi izinto ezinkulu kakhulu,+
Kumbe ezingaphezu kwamandla ami.
2 Ngiyithulisile inhliziyo yami ngayenza yahlaliseka+
Njengomntwana okhitshwe ebeleni ophethwe ngunina,
Ngisuthisekile njengomntwana okhitshwe ebeleni.
3 Abako-Israyeli kabalindele uJehova,+
Kusukela khathesi kuze kube nini lanini.
Ingoma Yemiqanso.
Wafunga kuNkulunkulu kaJakhobe olamandla wathi:+
3 “Angisoze ngingene etendeni lami, emzini wami.+
Angisoze ngilale embhedeni wami.
4 Angisoze ngivumele amehlo ami avaleke,
Angisoze ngilale,
5 Ngize ngitholele uJehova indawo,
8 Sukuma awu Jehova, uze endaweni yakho yokuphumula,+
Wena lebhokisi lesivumelwano elitshengisa ukuthi ulamandla.+
9 Kwangathi abaphristi bakho bangagqoka ukulunga,
Labaqotho bakho bamemeze ngentokozo.
10 Ungamlahli ogcotshiweyo wakho,+
Njengoba wathembisa uDavida inceku yakho.
11 UJehova ufungile kuDavida,
Kasoze ayekele ukugcwalisa isifungo sakhe.
Ufunge wathi, “Ngizabeka omunye wabantwabakho
Esihlalweni sakho sobukhosi.+
12 Nxa abantwabakho bangasigcina isivumelwano sami,
Lezikhumbuzo zami engibafundisa zona,+
Abantwababo labo
Bazahlala esihlalweni sakho sobukhosi kuze kube phakade.”+
14 Uthe, “Le yindawo yami yokuphumula kuze kube nini lanini,
Ngizahlala lapha+ ngoba yikho engikufunayo.
15 Ngizayibusisa ngokudla okunengi,
Abayanga abahlala kuyo bazakudla basuthe.+
17 Ngizakwenza ukuthi uDavida aqhubeke esiba lamandla endaweni le.
Ogcotshiweyo wami sengimlungisele isibane.+
18 Izitha zakhe ngizazembathisa ihlazo,
Kodwa umqhele osekhanda lakhe uzakhazimula.”+
Ingoma Yemiqanso. Ihubo likaDavida.
133 Khangela ukuthi kuhle kangakanani lokuthi kumnandi njani
Ukuthi abazalwane bahlale ndawonye bemanyene!+
2 Kunjengamafutha amahle athelwe ekhanda,+
Ajuluka ayefika endevini,
Indevu zika-Aroni,+
Abesesehlela ezembathweni zakhe.
Yikho lapho uJehova athi abantu bazabusiswa khona
Ngokuphila okungapheliyo.
Ingoma Yemiqanso.
3 Kwangathi uJehova uMenzi wezulu lomhlaba,
Angakubusisa eseZiyoni.
135 Dumisani uJah!*
Dumisani ibizo likaJehova,
Mdumiseni uJehova lina zinceku zakhe,+
2 Lina elimi endlini kaJehova,
Emagumeni endlu kaNkulunkulu wethu.+
3 Dumisani uJah ngoba uJehova muhle.+
Hlabelani lidumise ibizo lakhe ngoba lokho kuhle.
4 UJah usekhethe uJakhobe ukuthi abe ngowakhe,
Ukhethe u-Israyeli ukuthi abe yimpahla yakhe eqakathekileyo.+
5 Ngikwazi mhlophe ukuthi uJehova mkhulu,
INkosi yethu inkulu kulabo bonke abanye onkulunkulu.+
6 UJehova wenza loba yini ayifunayo+
Ezulwini lasemhlabeni, laselwandle lakuzo zonke inziki zalo.
7 Wenza kuqubuke amayezi emikhawulweni yomhlaba,
Kuphazime lombane nxa izulu lisina.
Uvulela umoya oseziphaleni zakhe.+
8 Wabulala amazibulo eGibhithe,
Awabantu lawezifuyo.+
9 Wathumela izibonakaliso lezimangaliso phakathi kwakho Gibhithe,+
Phezu kukaFaro lazo zonke izinceku zakhe.+
10 Wanqoba izizwe ezinengi,+
Wabulala lamakhosi alamandla,+
11 USihoni inkosi yama-Amori,+
Lo-Ogi inkosi yeBhashani.+
Wanqoba yonke imibuso yeKhenani.
12 Ilizwe labo walinika abantu bakhe bako-Israyeli,
Wabanika lona laba lilifa labo.+
13 Awu Jehova, ibizo lakho lizahlala kuze kube phakade,
Udumo lwakho Jehova luzaqhubeka lukhona kuzo zonke izizukulwane.+
15 Izithombe zabantu bezizweni zenziwe ngesiliva langegolide,
Zenziwe ngabantu.+
16 Zilomlomo kodwa azikhulumi,+
Zilamehlo kodwa aziboni.
17 Zilendlebe kodwa azizwa,
Njalo kaziphefumuli.+
19 Lina abendlu ka-Israyeli, dumisani uJehova.
Lina abendlu ka-Aroni, mdumiseni uJehova.
20 Lina abendlu kaLevi, dumisani uJehova.+
Lonke lina elesaba uJehova, mdumiseni uJehova.
Dumisani uJah!+
2 Mbongeni uNkulunkulu omkhulu kulabo bonke onkulunkulu,+
Ngoba uthando lwakhe oluqotho luhlala kuze kube nini lanini.
3 Bongani iNkosi yamakhosi,
Ngoba uthando lwayo oluqotho luhlala kuze kube nini lanini.
4 Nguye yedwa owenza izimangaliso ezinkulu,+
Ngoba uthando lwakhe oluqotho luhlala kuze kube nini lanini.+
5 Wenza amazulu ngobungcitshi,+
Ngoba uthando lwakhe oluqotho luhlala kuze kube nini lanini.
6 Wendlala umhlaba phezu kwamanzi,+
Ngoba uthando lwakhe oluqotho luhlala kuze kube nini lanini.
7 Wenza izibane ezinkulu,+
Ngoba uthando lwakhe oluqotho luhlala kuze kube nini lanini.
8 Wabeka ilanga ukuthi libuse emini,+
Ngoba uthando lwakhe oluqotho luhlala kuze kube nini lanini,
9 Wabeka inyanga lezinkanyezi ukuthi kubuse ebusuku,+
Ngoba uthando lwakhe oluqotho luhlala kuze kube nini lanini.
10 Wabulala amazibulo eGibhithe,+
Ngoba uthando lwakhe oluqotho luhlala kuze kube nini lanini.
11 Wakhipha abako-Israyeli eGibhithe,+
Ngoba uthando lwakhe oluqotho luhlala kuze kube nini lanini.
12 Wabakhipha ngesandla esilamandla+ langengalo eyeluliweyo,
Ngoba uthando lwakhe oluqotho luhlala kuze kube nini lanini.
13 Wehlukanisa uLwandle Olubomvu,+
Ngoba uthando lwakhe oluqotho luhlala kuze kube nini lanini.
14 Wenza abako-Israyeli badabula phakathi kwalo,+
Ngoba uthando lwakhe oluqotho luhlala kuze kube nini lanini.
15 Wathintithela uFaro lebutho lakhe eLwandle Olubomvu,+
Ngoba uthando lwakhe oluqotho luhlala kuze kube nini lanini.
16 Wakhokhela abantu bakhe bedabula enkangala,+
Ngoba uthando lwakhe oluqotho luhlala kuze kube nini lanini.
17 Wabulala amakhosi amakhulu,+
Ngoba uthando lwakhe oluqotho luhlala kuze kube nini lanini.
18 Wabulala amakhosi alamandla,
Ngoba uthando lwakhe oluqotho luhlala kuze kube nini lanini.
19 Wabulala uSihoni+ inkosi yama-Amori,
Ngoba uthando lwakhe oluqotho luhlala kuze kube nini lanini,
20 Wabulala lo-Ogi+ inkosi yeBhashani,
Ngoba uthando lwakhe oluqotho luhlala kuze kube nini lanini.
21 Wathatha ilizwe labo walinika abantu bakhe laba lilifa labo,+
Ngoba uthando lwakhe oluqotho luhlala kuze kube nini lanini.
22 Laba lilifa lika-Israyeli inceku yakhe,
Ngoba uthando lwakhe oluqotho luhlala kuze kube nini lanini.
24 Waqhubeka esikhulula ezitheni zethu,+
Ngoba uthando lwakhe oluqotho luhlala kuze kube nini lanini.
25 Unika zonke izinto eziphilayo ukudla,+
Ngoba uthando lwakhe oluqotho luhlala kuze kube nini lanini.
26 Mbongeni uNkulunkulu wamazulu,
Ngoba uthando lwakhe oluqotho luhlala kuze kube nini lanini.
Ezihlahleni zomphophula eBhabhiloni,
3 Ngoba abasithumbayo basicela ukuthi sibahlabelele ingoma,+
Labo ababesihleka babefuna sibathokozise besithi:
“Sihlabeleleni enye yezingoma zaseZiyoni.”
4 Singayihlabela njani ingoma kaJehova
Elizweni elingayisilo lethu?
5 Nxa ngingakukhohlwa wena Jerusalema,
Isandla sami sokudla asikhohlwe umsebenzi waso.+
6 Ulimi lwami alunamathele elwangeni lwami
Nxa ngingayekela ukukukhumbula Jerusalema,
Nxa ngingayekela ukukwenza
Ube yisizatho sami esikhulu sokuthokoza.+
7 Khumbula awu Jehova,
Ukuthi abako-Edomi babesithini ngelanga iJerusalema inqotshwa.
Babesithi, “Idilizeni! Lidilize konke lezisekelo zayo!”+
8 Ndodakazi yeBhabhiloni sekuseduze ukuthi utshabalale.+
Uyathokoza lowo ozaphindisela kuwe,
Akuphathe ngendlela osiphathe ngayo.+
9 Uyathokoza lowo ozabamba abantwabakho
Abataklazele emadwaleni.+
Ihubo likaDavida.
138 Ngizakudumisa ngenhliziyo yami yonke.+
Ngizahlabela ngikudumise
Phambi kwabanye onkulunkulu.
2 Ngizakhothama ngikhangele ithempeli lakho elingcwele,*+
Ngidumise ibizo lakho+
Ngenxa yokuthi wena ulothando oluqotho futhi uthembekile.
Uphakamise ilizwi lakho lebizo lakho kwaba phezu kwakho konke.*
4 Wonke amakhosi omhlaba azakudumisa Jehova,+
Ngoba azizwile izithembiso ozikhulumileyo.
5 Azahlabela ngezindlela zikaJehova,
Ngoba inkazimulo kaJehova inkulu.+
6 Lanxa uJehova ephakeme uyabananzelela abathobekileyo,+
Kodwa abaziphakamisayo ubagcina bekhatshana laye.+
7 Lanxa ngihamba endaweni eyingozi, wena uzangigcina ngiphila.+
Uzakwelula isandla sakho uhlasele izitha zami ezilolaka,
Isandla sakho sokudla sizangisindisa.
8 UJehova uzakwenza konke akuhlosileyo ngami.
Awu Jehova, uthando lwakho oluqotho luhlala kuze kube nini lanini,+
Ungawutshiyi umsebenzi wezandla zakho.+
Kumqondisi wokuhlabela.
Ihubo likaDavida.
139 Awu Jehova ungihlolile njalo uyangazi.+
2 Uyangibona nxa ngihlala phansi lalapho ngisukuma.+
Uyayizwisisa imicabango yami lanxa ukhatshana.+
3 Uyangibona nxa ngihamba lalapho ngilala.
Uyazibona zonke izindlela zami.+
5 Uyangigombolozela, ungivikele emuva laphambili,
Ubeka isandla sakho phezu kwami.
6 Indlela ongazi ngayo ijulile, angenelisi ukuyizwisisa.*
Iphakeme kakhulu, ngeke ngiyifikele.+
7 Ngingawubalekela ngiye ngaphi umoya wakho?
Ngingakubalekela ngiyecatsha ngaphi?+
8 Nxa ngingaphakama ngiye ezulwini, uyabe ukhona lapho.
Nxa ngingehlela phansi ngilale engcwabeni, lakhonapho uyabe ukhona.+
9 Nxa ngingaphapha ngesiqubu sokudabuka kokusa,
Ngiyehlala elwandle olukhatshana kakhulu,
10 Lalapho isandla sakho besizangikhokhela,
Isandla sakho sokudla besizangibamba.+
11 Nxa ngingathi: “Umnyama uzangifihla,”
Ubusuku buyaguquka bube yikukhanya.
12 Lanxa kumnyama tshu wena uyabona.
Kuwe ubusuku bukhanya angathi kusemini,+
Umnyama unjengokukhanya kuwe,+
13 Ngoba nguwe owazenzayo izinso zami,
14 Ngiyakudumisa ngoba ngenziwe ngendlela emangalisayo.+
Imisebenzi yakho iyamangalisa,+
Lokhu ngikwazi mhlophe.
15 Amathambo ami ayengafihlekanga kuwe
Ngesikhathi ngisenziwa endaweni esithekileyo,
Ngiselukwa ekujuleni komhlaba.+
16 Amehlo akho angibona ngiqalisa nje ukubunjwa esiswini sikamama,
Zonke izitho zomzimba wami zazibhaliwe ebhukwini lakho.
Kwabhalwa lamalanga ezazizabunjwa ngawo,
Lanxa zonke zazingakabi khona.
17 Yikho imicabango yakho iligugu kimi!+
Minengi kakhulu awu Nkulunkulu!+
18 Nxa ngingazama ukuyibala, minengi kuletshebetshebe.+
Lapho ngivuka ngiyabe ngilokhu ngilawe.*+
19 Awu Nkulunkulu, aluba uyababulala abantu abenza okubi!+
Lapho-ke abantu abalodlakela* bebezasuka kimi,
20 Labo abakhuluma kubi ngawe behlose okubi.
21 Awu Jehova, angibazondi yini labo abakuzondayo?+
Angibenyanyi yini labo abakuvukelayo?+
22 Ngiyabazonda kakhulu,+
Sebeyizitha zami ezinkulu.
23 Ngihlola awu Nkulunkulu uyazi inhliziyo yami.+
Ngihlola ukuze uyazi imicabango yami engikhathazayo.*+
24 Ngikhangela ubone ukuthi kukhona yini kimi okungenza ngihambe endleleni embi,+
Ungikhokhele+ endleleni ezahlala kuze kube phakade.
Kumqondisi wokuhlabela. Ihubo likaDavida.
140 Ngikhulula ebantwini ababi awu Jehova,
Ungivikele ebantwini abalodlakela,+
2 Ababumba amacebo amabi enhliziyweni zabo,+
Labatshonela ukudala ingxabano.
3 Balola ulimi lwabo lucije angathi ngolwenyoka,+
Emilonyeni yabo kuphuma amazwi alobuhlungu obunjengobebululu.+ (Selah)
4 Awu Jehova ngivikela ebantwini ababi,+
Ngivikela ebantwini abalodlakela,
Ababumba amacebo okungiwisa.
5 Abantu abaziphakamisayo bangifakela umjibila,
Bathethe inethi elentambo bayendlala eceleni kwendlela.+
Bayangithiya.+ (Selah)
6 Ngithi kuJehova: “Wena unguNkulunkulu wami.
Awu Jehova, lalela nxa ngikuncenga ukuthi ungincede.”+
7 Jehova Nkosi Enkulu, Msindisi wami olamandla,
Uvikela ikhanda lami ngosuku lwempi.+
8 Awu Jehova, ababi ungabaniki lokho abakufisayo.
Ungavumeli ukuthi amacebo abo aphumelele ukuze bangaziphakamisi.+ (Selah)
9 Kwangathi izinto ezimbi ezikhulunywa yilabo abangihanqileyo
Zingehlela emakhanda abo.+
10 Kwangathi amalahle avuthayo angathululeka phezu kwabo.+
11 Umuntu ongumnyundeli kangayitholi indawo emhlabeni.+
Kwangathi abantu abalodlakela bangehlelwa ngokubi bafe.
12 Ngiyakwazi ukuthi uJehova uzabavikela abahluphekayo,
Abahlulele kuhle abayanga.+
13 Abalungileyo bazalidumisa sibili ibizo lakho,
Abaqotho bazahlala bephambi kwakho.+
Ihubo likaDavida.
Ngilalela nxa ngikubiza.+
2 Kwangathi umthandazo wami ungaba njengempepha+ elungiswe kuhle phambi kwakho,+
Lokuphakamisa kwami izandla ngithandaza kube njengomnikelo wamabele wakusihlwa.+
3 Awu Jehova, nginceda ngilinde umlomo wami,
Akungaphumi lutho olubi kuwo.+
4 Ungavumeli ukuthi inhliziyo yami ifise okubi,+
Ukuze ngingenzi izinto ezimbi ezenziwa ngababi,
Kangingadli izibiliboco zabo.
5 Nxa olungileyo engangitshaya, uyabe etshengisa ukuthi ulothando oluqotho,+
Nxa engangikhuza, kuyabe kungathi uthela amafutha ekhanda lami,+
Njalo lokhu angisoze ngikwale.+
Ngizaqhubeka ngimthandazela lalapho esehlelwa zinhlupho.
6 Lanxa abahluleli babo bengaphoselwa phansi eliweni,
Abantu bazawalalela amazwi ami ngoba mahle.
7 Amathambo ethu achithiziwe eceleni kwengcwaba,
Njengalapho umuntu elima eqeqebula umhlabathi.
8 Kodwa mina amehlo ami akhangele kuwe Nkosi Enkulu Jehova.+
Ngiphephela kuwe,
Ungangibulali.
9 Ngivikela ukuze ngingabanjwa ngumjibila abangithiye ngawo,
Ngivikela emijibileni yabantu ababi.
10 Bonke ababi bazawela emanethini abo ngasikhathi sinye,+
Kodwa mina ngizadlula ngingabanjwa yilutho.
Imaskili.* Ihubo likaDavida ngesikhathi esebhalwini.+ Umthandazo.
142 Ngiphakamisa ilizwi lami ngibiza uJehova ngicela uncedo,+
Ngiphakamisa ilizwi lami ngimncenga uJehova ukuthi abe lomusa kimi.
Nxa sekunjalo wena uyayilinda indlela yami.+
Bafake umjibila
Endleleni engihamba kuyo.
4 Khangela esandleni sami sokudla ubone
Ukuthi akulamuntu olendaba lami.+
Akulandawo engingabalekela kuyo,+
Akulamuntu ozihlupha ngami.
5 Ngiyakubiza awu Jehova ngikucela ukuthi ungincede.
6 Ngilalela nxa ngikhala ngicela uncedo
Ngoba ngikhathazeke kakhulu.
Ngikhulula kulabo abangihlukuluzayo+
Ngoba balamandla kulami.
7 Ngikhipha emgodini omnyama
Ukuze ngidumise ibizo lakho.
Kwangathi abalungileyo bangangibuthanela
Ngoba ungiphatha ngomusa.
Ihubo likaDavida.
143 Awu Jehova, zwana umthandazo wami,+
Lalela nxa ngikuncenga ukuthi ungincede.
Ngiphendula ngoba wena uthembekile futhi ulungile.
2 Ungayahluleli inceku yakho,
Ngoba akulamuntu ophilayo ongaba ngolungileyo phambi kwakho.+
3 Isitha siyangixotshanisa,
Singigxobagxobile.
Singenze ngahlala emnyameni njengabantu abafa kudala.
5 Ngikhumbula insuku zakudala,
Ngicabangisisa ngayo yonke imisebenzi yakho,+
Nginakane ngalokho* okwenzileyo.
6 Ngelulela izandla zami kuwe,
Senginjengomhlabathi owomileyo olindele ukuthi uwunike amanzi.+ (Selah)
8 Kwangathi ngingaluzwa uthando lwakho oluqotho ekuseni,
Ngoba ngithembele kuwe.
Ngenza ngiyazi indlela okumele ngihambe ngayo,+
Ngoba ngifuna ukukhokhelwa nguwe.
9 Ngikhulula ezitheni zami Jehova,
Ngifuna ukuvikelwa nguwe.+
10 Ngifundisa ukwenza intando yakho,+
Ngoba wena unguNkulunkulu wami.
Umoya wakho muhle,
Kwangathi ungangikhokhela ungise endaweni evikelekileyo.*
11 Awu Jehova, ngigcina ngiphila ngenxa yebizo lakho.
Ngikhulula ebunzimeni ngoba wena ulungile.+
12 Zitshabalalise* izitha zami ngenxa yokuthi ulothando oluqotho,+
Babhubhise bonke abangihlukuluzayo,+
Ngoba ngiyinceku yakho.+
Ihubo likaDavida.
144 Kwangathi uJehova oliDwala lami+ angadunyiswa,
Yena ongifundisayo ukuze ngikwazi ukulwa,
Angenze ngikulungele ukuya empini.+
2 Ulothando oluqotho kimi njalo uyinqaba yami,
Ungumkhululi wami lendawo yami yokucatsha evikelekileyo,*
Ulihawu lami njalo nguye engicatsha kuye.+
Unqoba izizwe azibeke ngaphansi kwami.+
3 Awu Jehova, umuntu uyini ukuthi usungaze uzihluphe ngaye?
Iyini indodana yomuntu ukuthi usungaze ube lendaba layo?+
7 Yelula izandla zakho usezulwini,
Ngikhulula njalo ungisindise emanzini alamandla,
Lasesandleni sabantu bezinye izizwe,+
8 Abakhuluma amanga ngemilomo yabo,
Baphakamise isandla sabo sokudla befunga amanga.
9 Awu Nkulunkulu, ngizakuhlabelela ingoma entsha.+
Ngizahlabela ngikudumisa ngitshaya isiginci esilentambo ezilitshumi.
10 Ngizakuhlabelela wena owenza amakhosi anqobe,*+
Wena okhulula inceku yakho uDavida ukuze ingabulawa ngenkemba.+
11 Ngikhulula futhi ungisindise esandleni sabantu bezinye izizwe,
Abakhuluma amanga ngemilomo yabo,
Baphakamise isandla sabo sokudla befunga amanga.
12 Lapho-ke amadodana ethu azakuba njengezilimo ezincane ezikhula masinyane,
Lamadodakazi ethu abe njengezinsika ezicecise emakhoneni esigodlo.
13 Iziphala zethu zizagcwala zichitheke ngemihlobo yonke yamabele,
Imihlambi yethu esemadlelweni izakwanda ngezinkulungwane langamatshumi ezinkulungwane,
14 Lenkomo zethu ezimithiyo azisoze ziphunze loba zizale isikhathi singakafiki.
Akusoze kube lokulila emagcekeni edolobho lethu.
15 Bayathokoza abantu okuzakwenzakala kubo lokhu!
Bayathokoza abantu abenza uJehova abe nguNkulunkulu wabo.+
Ingoma kaDavida yokudumisa.
א [Aleph]
ב [Beth]
ג [Gimel]
ד [Daleth]
4 Izizukulwane lezizukulwane zizadumisa imisebenzi yakho,
Zizakhuluma ngezenzo zakho zamandla.+
ה [He]
5 Zizakhuluma ngobukhosi bakho obukhazimulayo,+
Njalo mina ngizacabangisisa ngemisebenzi yakho emangalisayo.
ו [Waw]
6 Zizakhuluma ngezenzo zakho ezimangalisayo,*
Njalo mina ngizamemezela ubukhulu bakho.
ז [Zayin]
7 Kazisoze ziwuvale umlomo nxa zikhumbula ubuhle bakho obumangalisayo,+
Zizamemeza ngentokozo ngenxa yokulunga kwakho.+
ח [Heth]
ט [Teth]
י [Kaph]
כ [Lamed]
11 Bazamemezela ngenkazimulo yobukhosi bakho,+
Bakhulume langamandla akho,+
ל [Lamed]
12 Ukuze abantu bayazi imisebenzi yakho yamandla,+
Lenkazimulo emangalisayo yobukhosi bakho.+
מ [Mem]
13 Ubukhosi bakho buzahlala kuze kube nini lanini,
Lombuso wakho uzahlala ukhona kuzo zonke izizukulwane.+
ס [Samekh]
ע [Ayin]
15 Konke okuphilayo kuthembele kuwe,
Ukunika ukudla ngesikhathi esifaneleyo.+
פ [Pe]
צ [Tsade]
ק [Qoph]
ר [Resh]
ש [Shin]
ת [Taw]
21 Umlomo wami uzamdumisa uJehova,+
Kwangathi konke okuphilayo kungadumisa ibizo lakhe elingcwele kuze kube nini lanini.+
Ngizamdumisa uJehova ngenhliziyo yami yonke.+
2 Ngizadumisa uJehova okwempilo yami yonke.
Ngizamhlabelela ngimdumise nxa nje ngisaphila.
4 Nxa angama ukuphefumula, uyabuyela* emhlabathini,+
Ngalelolanga imicabango yakhe ihle itshabalale.+
5 Uyathokoza umuntu oncediswa nguNkulunkulu kaJakhobe,+
Lowo othembele kuJehova uNkulunkulu wakhe,+
6 UMenzi wezulu lomhlaba,
Lolwandle lakho konke okukukho,+
UNkulunkulu ozahlala ethembekile,+
7 Owenza ukuthi abaqiliweyo bahlulelwe kuhle,
Anike labalambileyo ukudla.+
UJehova uyazikhulula izibotshwa.+
8 UJehova uvula amehlo eziphofu,+
UJehova uyabasukumisa abangaselamandla,+
UJehova uyabathanda abalungileyo.
9 UJehova uyabavikela abantu bezinye izizwe,
Uyanakekela izintandane labafelokazi,+
Kodwa wenza amacebo abantu abenza okubi angaphumeleli.+
10 UJehova uzakuba yiNkosi kuze kube nini lanini,+
Awu Ziyoni, uNkulunkulu wakho uzakuba yiNkosi kusukela kwesinye isizukulwane kusiya kwesinye.
Dumisani uJah!*
Kuhle ukuhlabela sidumisa uNkulunkulu wethu,
Kumnandi njalo nguye okufanele adunyiswe!+
3 Uyabelapha abalenhliziyo ezidabukileyo,
Abophe amanxeba abo.
7 Hlabelelani uJehova limbonge,
Hlabelelani uNkulunkulu wethu limdumise litshaya amahabhu,*
8 Lowo owembesa amazulu ngamayezi,
Enze izulu line emhlabeni,+
Lotshani bumile+ ezintabeni.
12 Khazimulisa uJehova, awu Jerusalema.
Dumisa uNkulunkulu wakho, wena Ziyoni.
13 Wenza imigoqo yamagedi edolobho lakho iqine,
Uyawabusisa amadodana akho.
15 Uthumela umlayo wakhe emhlabeni,
Ilizwi lakhe lihamba ngesiqubu esikhulu.
17 Unisa amatshe esiqhotho angathi zimvuthu zesinkwa.+
Ngubani ongawumela umqando ovela kuye?+
18 Uthumela ilizwi lakhe kuncibilike ungqwaqwane.
Wenza kuvunguze umoya,+ amanzi ageleze.
148 Dumisani uJah!*
Dumisani uJehova emazulwini,+
Mdumiseni ezindaweni eziphakemeyo.
2 Mdumiseni lonke lina zingilosi zakhe.+
Mdumiseni lonke lina mabutho akhe.+
3 Ilanga lenyanga akumdumise,
Zonke izinkanyezi ezikhazimulayo kazimdumise.+
4 Amazulu aphakemeyo kawamdumise,
Lamanzi aphezulu emazulwini kawamdumise.
5 Konke akudumise ibizo likaJehova,
Ngoba wakhuluma, kwadalwa.+
7 Dumisani uJehova emhlabeni,
Mdumiseni lina zilo zolwandle lani manzi atshonayo.
8 Kadunyiswe ngumbane lesiqhotho longqwaqwane lamayezi amnyama tshu,
Kanye lesiphepho esenza lokho akutshoyo.+
10 Kadunyiswe zinyamazana zeganga+ lazo zonke izifuyo,
Lezinanakazana kanye lezinyoni.
11 Kadunyiswe ngamakhosi omhlaba lazo zonke izizwe,
Lezikhulu kanye labo bonke abahluleli abasemhlabeni.+
12 Kadunyiswe ngamajaha lezintombi,
Kadunyiswe ngasebekhulile labasakhulayo.
Inkazimulo yakhe ingaphezu kwamazulu lomhlaba.+
14 Uzakwenza abantu bakhe babe lamandla amakhulu,
Ukuze bonke abaqotho bakhe badunyiswe,
Abantu bako-Israyeli abaseduze kwakhe.
Dumisani uJah!*
149 Dumisani uJah!*
2 U-Israyeli kathokoze ngoMenzi wakhe omkhulu,+
Amadodana eZiyoni kawathokoze ngeNkosi yawo.
Ucecisa abamnene ngensindiso.+
5 Abaqotho kabathokoze ngenxa yenkazimulo,
Abamemeze ngentokozo besemibhedeni yabo.+
6 Ingoma zokudumisa uNkulunkulu kazibe semilonyeni yabo,
Lenkemba esika inxa zombili ibe sezandleni zabo,
7 Ukuze baphindisele ezizweni,
Bajezise abantu,
8 Babophe amakhosi abo ngamaketane,
Lezikhulu zabo ngezankosi,
9 Babanika isigwebo abasibhalelweyo.+
Udumo lolu ngolwabo bonke abaqotho kuye.
Dumisani uJah!*
Dumisani uNkulunkulu endaweni yakhe engcwele.+
Mdumiseni emazulwini atshengisa amandla akhe.+
2 Mdumiseni ngenxa yemisebenzi yakhe yamandla.+
Mdumiseni ngenxa yobukhulu bakhe obubabazekayo.+
3 Mdumiseni ngokutshaya uphondo.+
Mdumiseni ngehabhu*+ langesiginci.
4 Mdumiseni ngethamborini,+ ligida litshaya isigombolozi.
Mdumiseni ngefluthi+ langeziginci.+
5 Mdumiseni ngamasimbali* ancencethayo.
Mdumiseni ngamasimbali atshayaniswayo.+
6 Konke okuphilayo akudumise uJah.
Kumbe, “Ucabangisisa ngomthetho kaNkulunkulu.”
Kumbe, “becabangisisa ngento engelamsebenzi.”
Kumbe, “zibumba amacebo.”
Kumbe, “loKhristu wakhe.”
Kumbe, “ukuxwayiswa.”
NgesiHebheru, “Qabuzani.”
Kumbe, “Beselitshabalala endleleni yokulunga.”
Khangela iNgcazelo Yamabala.
NgesiHebheru, “uvuse ikhanda lami.”
NgesiHebheru, “indawo ebanzi.”
Kumbe, “uzamenza angafanani labanye.”
Khangela iNgcazelo Yamabala.
Kumbe, “endaweni yakho engcwele.”
Khangela iNgcazelo Yamabala.
Kumbe, “lesihawu.”
Kumbe, “akulamuntu ongakukhumbula.”
Ezinye inguqulo zithi, “Ngayekela isitha sami esangihlasela ngingelacala.”
NgesiHebheru, “Khangela lowo ozithweleyo ngokubi, okhulelwe yikona njalo ozala amanga.”
Khangela iNgcazelo Yamabala.
Ezinye inguqulo zithi, “Wena okudunyiswa ubukhosi bakho emazulwini.”
Kumbe, “kwalabo abanjengoNkulunkulu.”
Khangela iNgcazelo Yamabala.
NgesiHebheru, “endodakazi yeZiyoni.”
Khangela iNgcazelo Yamabala.
Kumbe, “ukuqalekisa.”
Khangela iNgcazelo Yamabala.
Ezinye inguqulo zithi, “uzabehlisela amalahle avuthayo.”
Kumbe, “uzaba lomusa kubo.”
Khangela iNgcazelo Yamabala.
NgesiHebheru, “esizukulwaneni lesi.”
NgesiHebheru, “Nika amehlo ami ukukhanya.”
Kumbe, “ongelangqondo.”
Kumbe, “oqotho.”
Kumbe, “Kanyundeli omunye.”
Kumbe, “kayangisi.”
NgesiHebheru, “isifungo.”
Khangela iNgcazelo Yamabala.
Kumbe, “eShiyoli.” Khangela iNgcazelo Yamabala.
Ezinye inguqulo zithi, “abole.”
Kumbe, “Khothama ulalele.”
Kumbe, “lokusiwisela phansi.”
Kumbe, “ngiphambi kwakho.”
Khangela iNgcazelo Yamabala.
Kumbe, “lomsindisi wami olamandla.”
Kumbe, “ephakemeyo.”
Kumbe, “enkulu.”
NgesiHebheru, “izandla zami zihlanzekile.”
Ibala lesiHebheru elisetshenziswe lapha litsho inyamazana ehambelana lempala.
Khangela iNgcazelo Yamabala.
Kumbe, “ngethusi.”
NgesiHebheru, “Ngizabathulisa.”
Ezinye inguqulo zithi, “intambo yazo yokulinganisa isemhlabeni wonke.”
NgesiHebheru, “kuhlambulukile.”
Kumbe, “elicengekileyo.”
Kumbe, “ezinengi.”
NgesiHebheru, “ngesandla sakhe sokudla.”
Ezinye inguqulo zithi, “Inkosi izasiphendula.”
Kumbe, “elicengekileyo.”
Kumbe, “Uhlezi phezu kwezindumiso zabako-Israyeli.”
Kumbe, “eyise ukuhlupheka komuntu ohluphekayo.”
NgesiHebheru, “inhliziyo yakho ingaphila.”
Ezinye inguqulo zithi, “emanzini athuleyo.”
Kumbe, “kuyangiduduza.”
Kumbe, “uzamahlulela kuhle.”
Kumbe, “abathengisa abanye kungelasizatho.”
Kumbe, “Obulalo kusukela kudala.”
NgesiHebheru, “enethini.”
NgesiHebheru, “hlenga.”
NgesiHebheru, “Kangihlali.”
Kumbe, “Angilabudlelwano labazenzisi.”
NgesiHebheru, “Kangihlali labantu ababi.”
Kumbe, “lababulali.”
Kumbe, “ukufumbathisa.”
NgesiHebheru, “Ngihlenga.”
NgesiHebheru, “Inhliziyo yami ayisoze yesabe.”
Kumbe, “ngicabangisise nxa ngibuka.”
Kumbe, “indawo yakhe engcwele.”
NgesiHebheru, “ikhanda lami seliphezu kwezitha zami.”
NgesiHebheru, “ubuso bami.”
Ezinye inguqulo zithi, “Ngilokholo lokuthi ngizakubona ukulunga kukaJehova elizweni labaphilayo.”
NgesiHebheru, “abasegodini.”
NgesiHebheru, “lina madodana abantu abalamandla.”
Kumbe, “Khonzani uJehova.”
Ezinye inguqulo zithi, “ngoba ubungcwele bakhe buyakhazimula.”
Lapha kungabe kutshiwo izintaba zeLebhanoni.
Ibala lesiHebheru elisetshenziswe lapha litsho inyamazana ehambelana lempala.
Kumbe, “engcwabeni.”
NgesiHebheru, “egodini.”
NgesiHebheru, “isembatho sesaka.”
Kumbe, “Khothama ungilalele.”
NgesiHebheru, “Umoya wami ngiwubeka.”
Kumbe, “enkulu.”
NgesiHebheru, “Yenza ubuso bakho bukhanye phezu kwenceku yakho.”
Kumbe, “uthando oluqotho.”
Khangela iNgcazelo Yamabala.
Kumbe, “Ngoba intukuthelo yakho yayingisinda.”
Le yinyamazana ezalwa libhiza lobabhemi.
Ihabhu lichacho elilentambo ezifanana lezekatali.
Kumbe, “lizakusindisa.”
Kumbe, “abaphakathi kosizi.”
Ihawu leli lalijayele ukuthwalwa ngamabutho asebenzisa imitshoko.
Kumbe, “eligamula inxa zombili.”
NgesiHebheru, “isembatho sesaka.”
Kumbe, “Lapho-ke ngizacabangisisa.”
NgesiHebheru, “kunjengezintaba zikaNkulunkulu.”
NgesiHebheru, “umthombo wokuphila.”
Kumbe, “Ungafuthelani.”
Ezinye inguqulo zithi, “Ungacaphuki, ngoba lokho kukhokhelela ebubini kuphela.”
Kumbe, “abamnene.”
NgesiHebheru, “Umgedlela amazinyo.”
Khangela iNgcazelo Yamabala.
NgesiHebheru, “emathanjeni ami.”
NgesiHebheru, “Ukukhanya kwamehlo ami akusekho.”
Khangela iNgcazelo Yamabala.
Ezinye inguqulo zithi, “ngibubula.”
Kumbe, “Ngamlindela ngesineke uJehova.”
Kumbe, “wakhothama wangilalela.”
Kumbe, “abaqamba amanga.”
Kumbe, “Ngiyakufisa.”
NgesiHebheru, “usengiphakamisele isithende sakhe.”
Khangela iNgcazelo Yamabala.
Ibala lesiHebheru elisetshenziswe lapha litsho inyamazana ehambelana lempala.
Kumbe, “ukuhamba kancane.”
Kumbe, “umkhosi.”
Kumbe, “Ngisentabeni encane.”
Ihabhu lichacho elilentambo ezifanana lezekatali.
Khangela iNgcazelo Yamabala.
NgesiHebheru, “lokukhanya kobuso bakho.”
Kumbe, “asinde.”
Kumbe, “ngentengo obathengise ngayo.”
NgesiHebheru, “Sihlenge.”
Khangela iNgcazelo Yamabala.
Kumbe, “yombhali.”
NgesiHebheru, “sikufundise.”
Kumbe, “yokwahlulela okuhle.”
NgesiHebheru, “endlini.”
Khangela iNgcazelo Yamabala.
Kumbe, “ephakemeyo.”
Khangela iNgcazelo Yamabala.
Ezinye inguqulo zithi, “amahawu.”
Kumbe, “icilongo.”
Kumbe, “ephakemeyo.”
NgesiHebheru, “amadodakazi.”
Ezinye inguqulo zithi, “kuze kube sekufeni.”
Ihabhu lichacho elilentambo ezifanana lezekatali.
NgesiHebheru, “impongo.”
Kumbe, “ukufundiswa.”
Ezinye inguqulo zithi, “uyalincedisa.”
Kumbe, “Ungcolisa ibizo lomntakanyoko.”
Kumbe, “sisengqondweni yami.”
Khangela iNgcazelo Yamabala.
NgesiHebheru, “Dala kimi inhliziyo emsulwa.”
Kumbe, “uyeyise.”
Khangela iNgcazelo Yamabala.
Kumbe, “enze uNkulunkulu abe yinqaba yakhe.”
Khangela iNgcazelo Yamabala.
Khangela iNgcazelo Yamabala.
Kumbe, “ongelangqondo.”
Ezinye inguqulo zithi, “Bazakwesaba kungelalutho olwesabekayo.”
Khangela iNgcazelo Yamabala.
Kumbe, “Kababekanga uNkulunkulu phambi kwabo.”
NgesiHebheru, “Bathulise.”
Khangela iNgcazelo Yamabala.
Kumbe, “Ungazifihli nxa ngithandaza kuwe ngicela uncedo.”
NgesiHebheru, “Uzangihlenga.”
Kumbe, “anyikinyeke.”
Khangela iNgcazelo Yamabala.
Khangela iNgcazelo Yamabala.
Ihabhu lichacho elilentambo ezifanana lezekatali.
Khangela iNgcazelo Yamabala.
Khangela iNgcazelo Yamabala.
Khangela iNgcazelo Yamabala.
Kumbe, “abomele igazi.”
Kumbe, “behwabha.”
Kumbe, “ephakemeyo.”
Kumbe, “behwabha.”
Khangela iNgcazelo Yamabala.
Ezinye inguqulo zithi, “usekhulumile esendaweni yakhe engcwele.”
NgesiHebheru, “yinqaba.”
Khangela iNgcazelo Yamabala.
Kumbe, “ephakemeyo.”
NgesiHebheru, “kwemilindo yobusuku.”
Kumbe, “uzazigqaja ngaye.”
Kumbe, “Bakhuthazana.”
Kumbe, “bazazigqaja.”
Kumbe, “Endaweni yakho engcwele.”
Kumbe, “yizibonakaliso.”
Kumbe, “sidiyazele.”
Kumbe, “bazamhlonipha.”
Ezinye inguqulo zithi, “ohlezi phezu kwamayezi.”
Lesi yisifitshaniso sebizo elithi Jehova ngesiHebheru.
NgesiHebheru, “ungumahluleli wabafelokazi.”
Kumbe, “abahlamukayo.”
Ezinye inguqulo zithi, “lalilala ezibayeni zezimvu.”
Kumbe, “Kwaba angathi kukhithike ungqwaqwane.”
Kumbe, “enkulu.”
Ezinye inguqulo zithi, “Amanxusa azakuza evela.”
NgesiHebheru, “emayezini.”
Ezinye inguqulo zithi, “Lapho ngilila ngizile ukudla.”
Kumbe, “sengikhathazeke kakhulu.”
NgesiHebheru, “inkalo zabo zihlale ziqhuqha.”
Kumbe, “lokuphila.”
Kumbe, “Khothama ungilalele.”
Kumbe, “ukuzibala.”
Kumbe, “emanzini atshonayo.”
Ihabhu lichacho elilentambo ezifanana lezekatali.
Kumbe, “Ngizacabangisisa.”
NgesiHebheru, “ingahlulela.”
NgesiHebheru, “uzahluma.”
Kumbe, “nxa nje inyanga isesekhona.”
Lapha kutshiwo umfula uYufrathe.
NgesiHebheru, “Izitha zayo zizakhotha uthuli.”
NgesiHebheru, “Igazi labo lizakuba.”
Kumbe, “bakhithika imikhaba.”
Kumbe, “yokunotha.”
NgesiHebheru, “bakhe.”
Kumbe, “bangathembeki.”
NgesiHebheru, “uzabathulisa.”
Khangela iNgcazelo Yamabala.
NgesiHebheru, “amakhanda.”
Khangela iNgcazelo Yamabala.
Khangela iNgcazelo Yamabala.
Lesi yisifitshaniso sebizo elithi Jehova ngesiHebheru.
NgesiHebheru, “uhlenge.”
Khangela iNgcazelo Yamabala.
Kumbe, “imfundiso yami.”
Kumbe, “izikhumbuzo.”
NgesiHebheru, “Esingazange silungise inhliziyo zaso.”
NgesiHebheru, “Bamlinga.”
Kumbe, “kwezidalwa ezilamandla.”
NgesiHebheru, “yakhe,” okutsho uNkulunkulu kumbe u-Israyeli.
Kumbe, “nguye owayebaphindiselela.”
NgesiHebheru, “Wayesibekela.”
NgesiHebheru, “abahlenga.”
NgesiHebheru, “bemlinga.”
Khangela iNgcazelo Yamabala.
Khangela iNgcazelo Yamabala.
Kumbe, “Babemenza abe lobukhwele.”
NgesiHebheru, “zidunyiswe.”
NgesiHebheru, “usibekele.”
Ezinye inguqulo zithi, “ukhulule.”
NgesiHebheru, “Yenza ubuso bakho bukhanye phezu kwethu.”
NgesiHebheru, “Yenza ubuso bakho bukhanye phezu kwethu.”
Lapha kutshiwo umfula uYufrathe.
Kumbe, “Ingulube zeganga.”
NgesiHebheru, “Nakekela indodana owaziqinisela yona.”
NgesiHebheru, “Yenza ubuso bakho bukhanye phezu kwethu.”
Khangela iNgcazelo Yamabala.
Ihabhu lichacho elilentambo ezifanana lezekatali.
Kumbe, “lomkhosi wethu.”
Kumbe, “ulimi engangingalwazi.”
Ibizo leli litsho ukuthi, “Ukuxabana.”
Kumbe, “kwalabo abanjengabonkulunkulu.”
Lapha kutshiwo onkulunkulu.
Kumbe, “Linjengabonkulunkulu.”
NgesiHebheru, “abafihliweyo.”
Kumbe, “Benza isivumelwano.”
Kumbe, “abakhokheli babo babe.”
Khangela iNgcazelo Yamabala.
Ezinye inguqulo zithi, “Khangela ihawu lethu, awu Nkulunkulu.”
NgesiHebheru, “Wasibekela.”
Kumbe, “Sibuyisele.”
Kumbe, “Khothama ungilalele.”
Kumbe, “engehlukananga.”
Kumbe, “olomusa.”
Kumbe, “uleqiniso.”
Kumbe, “isibonakaliso sobuhle.”
Kumbe, “Nguwe onginika konke.”
Khangela iNgcazelo Yamabala.
Khangela iNgcazelo Yamabala.
Kumbe, “Khothama ungilalele.”
Kumbe, “Senginjengomuntu ongelamandla.”
Kumbe, “e-Abhadoni.”
Ezinye inguqulo zithi, “kanyekanye.”
Khangela iNgcazelo Yamabala.
Kumbe, “Ngizakwenza abe lamandla.”
Kumbe, “imilayo yami.”
Kumbe, “yokuhlamuka.”
NgesiHebheru, “Uphakamise isandla sokudla sezitha zakhe.”
Ezinye inguqulo zithi, “ubuyisiphephelo sethu.”
Kumbe, “Kusukela phakade kuze kube phakade.”
Kumbe, “Injengomlindo webusuku.”
Kumbe, “Uyazazi izono zethu.”
Kumbe, “elamandla amakhulu.”
Kumbe, “kuhlale isikhathi eside.”
Kumbe, “Uzakuvikela.”
Ezinye inguqulo zithi, “yinqaba yakho.”
NgesiHebheru, “uzimanyanise lami.”
Lesi yisiginci esinjengekatali esasisetshenziswa kudala futhi sasilentambo ezintathu.
Ihabhu lichacho elilentambo ezifanana lezekatali.
Kumbe, “njengotshani.”
Kumbe, “sebelenwele ezimhlophe.”
NgesiHebheru, “bezimukile.”
Kumbe, “unyikinywe.”
Kumbe, “ubungcwele buyifanele indlu yakho.”
Kumbe, “imicabango engincitsha ukuthula isingikhulela.”
Kumbe, “abahluleli.”
Kumbe, “ephakemeyo.”
NgesiHebheru, “Uzabathulisa.”
NgesiHebheru, “uzabathulisa.”
Ibizo leli litsho ukuthi, “Ukuxabana.”
Ibizo leli litsho ukuthi, “Ukulinga.”
Kumbe, “Khonzani uJehova.”
Ezinye inguqulo zithi, “ngenxa yenkazimulo yobungcwele bakhe.”
Kumbe, “ngeke wanyikinywa.”
Kumbe, “usebuyile.”
Kumbe, “Mkhonzeni.”
NgesiHebheru, “Amadodakazi.”
Kumbe, “emandleni ababi.”
Kumbe, “Unqobe.”
Kumbe, “bakubonile ukunqoba kukaNkulunkulu.”
Ihabhu lichacho elilentambo ezifanana lezekatali.
Kumbe, “usebuyile.”
Ezinye inguqulo zithi, “phakathi.”
Kumbe, “likhonze.”
Isenabelo kulapho umuntu abeka khona inyawo zakhe nxa ehlezi esitulweni.
NgesiHebheru, “uphindisele.”
Kumbe, “Likhonze.”
Kumbe, “Vumani.”
Ezinye inguqulo zithi, “ayisithi esazenzayo.”
Kumbe, “qotho.”
NgesiHebheru, “ngikwazi.”
Kumbe, “Ngizambulala.”
Kumbe, “oqotho.”
Kumbe, “ongaselamandla.”
Kumbe, “Khothama ungilalele.”
Kumbe, “ngiyabubula.”
Le yinyoni enkulu elomlomo omude.
Kumbe, “Lebizo lakho lizahlala likhona.”
NgesiHebheru, “abazadalwa.”
Kumbe, “ulomusa.”
Kumbe, “kusukela phakade kuze kube phakade.”
Kumbe, “Ulesithunzi.”
Kumbe, “zibe ngumoya olamandla.”
Kumbe, “Izikhonzi.”
Kumbe, “unyikinywe.”
Kumbe, “Imbuzi zeganga zihlala.”
Khangela iNgcazelo Yamabala.
Ezinye inguqulo zithi, “iminakano yami ngaye.”
Kumbe, “Haleluya!” NgesiHebheru ukuthi “Yah” kumbe “Jah” yikufitshaniswa kwebizo elithi Jehova.
Ezinye inguqulo zithi, “Khulumani.”
Kumbe, “alikhohlwe ilizwi alikhuluma.”
Kumbe, “amalangabi omlilo.”
Kumbe, “Haleluya!” NgesiHebheru ukuthi “Yah” kumbe “Jah” yikufitshaniswa kwebizo elithi Jehova.
Kumbe, “Haleluya!” NgesiHebheru ukuthi “Yah” kumbe “Jah” yikufitshaniswa kwebizo elithi Jehova.
Kumbe, “owasalayo.”
Kumbe, “yama phambi kwakhe imncenga.”
Lapha kutshiwo imihlatshelo eyayinikelwa ebantwini abafileyo kumbe ezithombeni.
Ibizo leli litsho ukuthi, “Ukuxabana.”
Kumbe, “Bafunda.”
Kumbe, “bafeba labanye onkulunkulu.”
Kumbe, “Abesezisola.”
Kumbe, “Akube njalo!”
Kumbe, “Haleluya!” NgesiHebheru ukuthi “Yah” kumbe “Jah” yikufitshaniswa kwebizo elithi Jehova.
Kumbe, “abahlengwe.”
Kumbe, “Benyanya konke ukudla.”
Itheku yindawo okufikela khona imikhumbi.
Ihabhu lichacho elilentambo ezifanana lezekatali.
Ezinye inguqulo zithi, “usekhulumile esendaweni yakhe engcwele.”
NgesiHebheru, “yinqaba.”
Kumbe, “osisolayo.”
Kumbe, “olothando oluqotho.”
Kumbe, “lothando oluqotho.”
Isenabelo kulapho umuntu abeka khona inyawo zakhe nxa ehlezi esitulweni.
Kumbe, “womhlaba wonke.”
Lapha kutshiwo iNkosi eqanjwe kuvesi 1.
Kumbe, “Haleluya!” NgesiHebheru ukuthi “Yah” kumbe “Jah” yikufitshaniswa kwebizo elithi Jehova.
Kumbe, “lomusa.”
Kumbe, “Haleluya!” NgesiHebheru ukuthi “Yah” kumbe “Jah” yikufitshaniswa kwebizo elithi Jehova.
Kumbe, “ulomusa.”
Kumbe, “ngomusa.”
Kumbe, “Uphe izipho ezinengi.”
Kumbe, “Haleluya!” NgesiHebheru ukuthi “Yah” kumbe “Jah” yikufitshaniswa kwebizo elithi Jehova.
Kumbe, “Ohlezi esihlalweni sobukhosi phezulu.”
Ezinye inguqulo zithi, “ezibini.”
NgesiHebheru, “amadodana.”
Kumbe, “Haleluya!” NgesiHebheru ukuthi “Yah” kumbe “Jah” yikufitshaniswa kwebizo elithi Jehova.
Kumbe, “Thina asilalutho.”
Kumbe, “Thina asilalutho.”
Kumbe, “Haleluya!” NgesiHebheru ukuthi “Yah” kumbe “Jah” yikufitshaniswa kwebizo elithi Jehova.
Kumbe, “uyakhothama angilalele.”
Kumbe, “ulomusa.”
Kumbe, “Haleluya!” NgesiHebheru ukuthi “Yah” kumbe “Jah” yikufitshaniswa kwebizo elithi Jehova.
Kumbe, “Haleluya!” NgesiHebheru ukuthi “Yah” kumbe “Jah” yikufitshaniswa kwebizo elithi Jehova.
Lesi yisifitshaniso sebizo elithi Jehova ngesiHebheru.
Kumbe, “enkulu.”
Ezinye inguqulo zithi, “ndawonye labangisizayo.”
Kumbe, “abahlonitshwa.”
Kumbe, “lowokunqoba.”
Khangela iNgcazelo Yamabala.
Kumbe, “emkhosini.”
Kumbe, “abaqotho.”
NgesiHebheru, “Aluba nje izindlela zami bezingahlala ziqondile.”
Kumbe, “Ngizayihlolisisa imithetho.”
Kumbe, “iyayihlolisisa imilayo.”
Kumbe, “ngihlolisise imisebenzi.”
Kumbe, “ngiyangiswe.”
NgesiHebheru, “Ngizagijima endleleni yemilayo.”
Ezinye inguqulo zithi, “ukuthi ngibe lesibindi.”
Kumbe, “ifune inzuzo.”
Ezinye inguqulo zithi, “Esingesalabo abakwesabayo.”
Kumbe, “enkulu.”
Kumbe, “Ngizahlolisisa imithetho.”
Kumbe, “lokho owakuthembisa.”
Kumbe, “engike ngahlala khona ngiyisihambi.”
Kumbe, “ngangisona ngingazi.”
Kumbe, “ngilindela ilizwi.”
Ezinye inguqulo zithi, “ngokungiqambela amanga.”
Kumbe, “ngizayihlolisisa imithetho.”
Kumbe, “ngilindela ilizwi.”
Lapha kutshiwo konke akudalileyo.
NgesiHebheru, “ibanzi.”
Kumbe, “Ngiyawuhlolisisa.”
Kumbe, “ngiyazihlolisisa izikhumbuzo.”
Kumbe, “eyehlukene phakathi.”
Kumbe, “ngilindela ilizwi.”
Kumbe, “elicengekileyo.”
Kumbe, “Qinisa izinyathelo zami.”
NgesiHebheru, “Ngihlenga.”
Kumbe, “ngilindela amazwi.”
NgesiHebheru, “kwemilindo yobusuku.”
Kumbe, “Ngihlolisise amazwi.”
Kumbe, “Phatha indaba yami.”
Khangela iNgcazelo Yamabala.
Lesi yisifitshaniso sebizo elithi Jehova ngesiHebheru.
Kumbe, “izihotsha eziseningizimu.”
Lesi yisifitshaniso sebizo elithi Jehova ngesiHebheru.
Kumbe, “Ithabanikeli elikhulu elizahlala.”
Lapha kukhanya angathi kutshiwo ibhokisi lesivumelwano.
Kumbe, “ethabanikeli lakhe elikhulu.”
Isenabelo kulapho umuntu abeka khona inyawo zakhe nxa ehlezi esitulweni.
Ezinye inguqulo zithi, “Phakamisani izandla zenu lisendaweni engcwele.”
Kumbe, “Haleluya!” NgesiHebheru ukuthi “Yah” kumbe “Jah” yikufitshaniswa kwebizo elithi Jehova.
Kumbe, “uzamela udaba lwabantu.”
Ihabhu lichacho elilentambo ezifanana lezekatali.
Kumbe, “indawo yakho engcwele.”
Ezinye inguqulo zithi, “Ukhulise ilizwi lakho phezu kwalo lonke ibizo lakho.”
Kumbe, “iyangimangalisa.”
Ezinye inguqulo zithi, “Wangeluka.”
Ezinye inguqulo zithi, “ngiyibala.”
Kumbe, “abalecala lokubulala.”
Kumbe, “ngendlela engelanhlonipho.”
Kumbe, “engincitsha ukuthula.”
Kumbe, “alamanzi.”
Khangela iNgcazelo Yamabala.
NgesiHebheru, “Uyisabelo sami elizweni labaphilayo.”
Kumbe, “Ngihlolisise.”
NgesiHebheru, “abasegodini.”
Kumbe, “echayileyo.”
NgesiHebheru, “Zithulise.”
Kumbe, “ephakemeyo.”
Kumbe, “osindisa amakhosi.”
Kumbe, “ngamandla akho amangalisayo.”
Kumbe, “ulomusa.”
Kumbe, “Haleluya!” NgesiHebheru ukuthi “Yah” kumbe “Jah” yikufitshaniswa kwebizo elithi Jehova.
Kumbe, “kuziphathamandla.”
NgesiHebheru, “Umoya wakhe uyaphuma, abuyele.”
Kumbe, “Haleluya!” NgesiHebheru ukuthi “Yah” kumbe “Jah” yikufitshaniswa kwebizo elithi Jehova.
Kumbe, “Haleluya!” NgesiHebheru ukuthi “Yah” kumbe “Jah” yikufitshaniswa kwebizo elithi Jehova.
Ihabhu lichacho elilentambo ezifanana lezekatali.
Kumbe, “Haleluya!” NgesiHebheru ukuthi “Yah” kumbe “Jah” yikufitshaniswa kwebizo elithi Jehova.
Kumbe, “Haleluya!” NgesiHebheru ukuthi “Yah” kumbe “Jah” yikufitshaniswa kwebizo elithi Jehova.
Kumbe, “Haleluya!” NgesiHebheru ukuthi “Yah” kumbe “Jah” yikufitshaniswa kwebizo elithi Jehova.
Kumbe, “Haleluya!” NgesiHebheru ukuthi “Yah” kumbe “Jah” yikufitshaniswa kwebizo elithi Jehova.
Ihabhu lichacho elilentambo ezifanana lezekatali.
Kumbe, “Haleluya!” NgesiHebheru ukuthi “Yah” kumbe “Jah” yikufitshaniswa kwebizo elithi Jehova.
Kumbe, “Haleluya!” NgesiHebheru ukuthi “Yah” kumbe “Jah” yikufitshaniswa kwebizo elithi Jehova.
Ihabhu lichacho elilentambo ezifanana lezekatali.
Isimbali lichacho elichayileyo elenziwe ngensimbi. Likhaliswa ngokulitshayanisa lelinye.
Kumbe, “Haleluya!” NgesiHebheru ukuthi “Yah” kumbe “Jah” yikufitshaniswa kwebizo elithi Jehova.