Umkhankaso Wokunxusela Abantu ESikhumbuzweni Uqala Mhlaka 22 March
Lonyaka, umkhankaso wokunxusela abantu esikhumbuzweni uzaqalisa ngoMgqibelo mhlaka 22 March. Wonke umuntu ukhuthazwa ukuthi ahlanganyele kuwo ngokugcweleyo. Nxa kuvuma, ngezimpelaviki singahambisa amamagazini aleyo nyanga. Kulokuthi siqale izifundo zeBhayibhili, ngoMgqibelo wokuqala ka-April sizagxila ekuhambiseni izimemo. Loba kunjalo, singahlangana lomuntu olesifiso esikhulu sokufunda iBhayibhili, singazama ukuqala isifundo. Umbonisi wenkonzo uzakhetha ukuthi ukuhambisa izimemo ngokutshumayela obala kuzanceda ukuthi ibandla limeme abantu abanengi ensimini kumbe hatshi. Bhala phansi izihlobo, osebenza labo, izimpindela, ofunda labo labanye ofuna ukubanxusa bese ubanika izimemo nxa umkhankaso ungaqalisa. Sethemba ukuthi abanengi bazahlanganyela lathi embuthanweni wokukhumbula izenzo ezimbili ezitshengisa uthando olukhulu.—UJohane 3:16; 15:13.