Sebenzisa i-jw.org Enkonzweni—Isihloko Esithi “Woba Ngumngane KaJehova”
Kuwebhusayithi yethu i-jw.org kulengxenye ethi “Bible Teachings.” Ingxenye le ilesihloko sabantwana esithi “Become Jehovah’s Friend” njalo ngaphansi kwaleso sihloko kulamavidiyo, izingoma kanye lokunye okungenziwa ngabantwana. Usuke wayisebenzisa yini ingxenye le enkonzweni yakho? Nxa ufunda iBhayibhili lomzali olabantwana abancane, kungani ungamtshengisi ingxenye le? Lokhu kungamenza ukuthi akhangele lezinye izingxenye ezikuWebhusayithi yethu.
Omunye umzalwane wanika umama othile i-Kingdom News No. 38 futhi umama lo wahle waqalisa ukuyibala khonapho. Wayelabantwana abancane ababefuna ukubona ukuthi iphetshana leli lilani. Umzalwane lo watshengisa umama lo okumunyethwe liphetshana, wasemtshengisa ngemuva kwephetshana lapho okulekheli leWebhusayithi yethu. Umama lo watshengisa ukuthi uyafuna ukufunda, yikho umzalwane lo wahle watshengisa umama lo labantwabakhe ividiyo yabantwana.
Omunye udadewethu watshela othile asebenza laye olabantwana abancane ngalokho okutholakala kuWebhusayithi yethu. Umama lo labantwabakhe bayidinga i-jw.org. Ngemva kwesikhathi umama lo watshela udadewethu ukuthi abantwabakhe endlini sebehlala behlabela ingoma ethi “Preach the Word” etholakala kuWebhusayithi yethu engxenyeni ethi “Woba Ngumngane KaJehova”
Zijayeze ukukhangela okusesihlokweni leso njalo udawunilode efonini kumbe ku-tablet yakho amavidiyo, izingoma kanye lokunye okungenziwa ngabantwana. Ungenza njalo uzakwenelisa ukuyisebenzisa kuhle i-jw.org enkonzweni. IWebhusayithi le iyasinceda kakhulu ukuthi sikhonze iNkosi!—ImiSeb. 20:19.