Ungamema Yini Othile?

Emabandleni amanengi kulabamemezeli abangasenelisi ukwenza okunengi ngenxa yokugula imikhuhlane engapheliyo loba ngenxa yokuguga. (2 Kor. 4:16) Ungamema yini omunye osezimweni ezinjalo ukuthi akuphelekezele esifundweni seBhayibhili? Mhlawumbe ungahlela ukuthi uhambe lomuntu ofunda laye iBhayibhili emzini wommemezeli lo ongenelisi ukusuka endlini. Ungahlela yini ukuthi ngezikhathi ezithile uhambe lommemezeli ongaphilanga ezindlini ezilutshwana enkonzweni yendlu ngendlu loba ukuphindela emuntwini oyedwa kumbe ababili? Abamemezeli abanengi asebekhulile sebelolwazi olunengi ngenkonzo. Ngakho imizamo yakho ayisoze incede bona kuphela kodwa izanceda lawe kakhulu. (Roma. 1:12) Okunye yikuthi imizamo yakho yokutshengisa uthando izabusiswa nguJehova.​—Zaga. 19:17; 1 Joha. 3:17, 18.