१५ तिनीहरूका पितापुर्खाका परमेश्‍वर यहोवाले आफ्ना सन्देशवाहकहरू पठाएर तिनीहरूलाई चेतावनी दिइरहनुभयो। उहाँले तिनीहरूलाई बारम्बार चेतावनी दिनुभयो किनकि आफ्नो निवासस्थान र आफ्ना मानिसहरूप्रति उहाँको मनमा दया जाग्यो। १६ तर तिनीहरूले साँचो परमेश्‍वरका सन्देशवाहकहरूको खिसी गरिरहे,+ उहाँको वचनलाई तुच्छ सम्झे+ र उहाँका भविष्यवक्‍ताहरूलाई हाँसोमा उडाए।+ तिनीहरूले त्यसै गरिरहे र आखिरमा तिनीहरू सुधार्नै नसकिने* हदसम्मै पुगे। अनि यहोवा परमेश्‍वरको क्रोध उहाँका मानिसहरूमाथि दन्कियो।+

२ अनि पहरेदारहरूका कप्तानले यर्मियालाई अलग्गै लगेर यसो भने: “यहोवा तिम्रा परमेश्‍वरले नै यस ठाउँमा यस्तो विपत्ति ल्याउनेछु भन्‍नुभएको थियो। ३ अनि यहोवाले जसो भन्‍नुभएको थियो, त्यसै गर्नुभयो। किनकि तिमीहरूले यहोवाविरुद्ध पाप गऱ्‍यौ; उहाँको आज्ञा पालन गरेनौ। त्यसैले तिमीहरूले यस्तो विपत्ति भोग्नुपरेको हो।+