“आओ, हामी यहोवाको डाँडामा जाऔँ।

याकुबका परमेश्‍वरको भवनमा जाऔँ।+

उहाँले हामीलाई आफ्नो मार्ग सिकाउनुहुनेछ

अनि हामी त्यस मार्गमा हिँड्‌नेछौँ।”+

किनकि व्यवस्था* सियोनबाटै दिइनेछ

र यहोवाको वचनचाहिँ यरुसलेमबाटै आउनेछ।+

 ४ उहाँले जातिजातिको इन्साफ गर्नुहुनेछ

र जातिजातिका मानिसहरूसित आफ्नो मामिला सुल्झाउनुहुनेछ।

तिनीहरूले आ-आफ्नो तरबार पिटेर हलोको फाली बनाउनेछन्‌

र भाला पिटेर हँसिया बनाउनेछन्‌।+

एउटा जातिले अर्को जातिको विरुद्धमा तरबार उठाउनेछैन

र तिनीहरूले फेरि युद्ध गर्न सिक्नेछैनन्‌।+

 ६ ब्वाँसो पाठोसित बस्नेछ+

अनि चितुवा बाख्राको पाठोसित ढल्कनेछ।

सिंह, बाछो र मोटोघाटो जनावर सँगसँगै रहनेछन्‌।*+

अनि एउटा सानो बालकले तिनीहरूलाई डोऱ्‍याउनेछ।

 ७ गाई र भालु सँगसँगै चर्नेछन्‌

अनि तिनीहरूका बच्चाहरू सँगै ढल्केर बस्नेछन्‌।

 ८ दूधे-बालक गोमन सर्पको दुलोनजिकै खेल्नेछ

र भर्खरै दूध छोडेको बालकले विषालु सर्पको दुलोमा हात हाल्नेछ।

 ९ मेरो पवित्र डाँडामा

तिनीहरूले कुनै हानि गर्नेछैनन्‌+

किनकि समुद्र पानीले भरिएझैँ

पृथ्वी यहोवाको ज्ञानले भरिनेछ।+