४ उहाँले जातिजातिको इन्साफ गर्नुहुनेछ

र जातिजातिका मानिसहरूसित आफ्नो मामिला सुल्झाउनुहुनेछ।

तिनीहरूले आ-आफ्नो तरबार पिटेर हलोको फाली बनाउनेछन्‌

र भाला पिटेर हँसिया बनाउनेछन्‌।+

एउटा जातिले अर्को जातिको विरुद्धमा तरबार उठाउनेछैन

र तिनीहरूले फेरि युद्ध गर्न सिक्नेछैनन्‌।+

 ९ त्यहाँ एउटै सिंह हुनेछैन,

कुनै पनि हिंस्रक जनावरले त्यहाँ पाइला टेक्नेछैन।

ती त्यहाँ पाइनेछैनन्‌।+

ज-जसलाई मोल तिरेर छुटाइएको छ, तिनीहरू मात्र त्यहाँ हिँड्‌नेछन्‌।+

 ३ यहोवाले सियोनलाई सान्त्वना दिनुहुनेछ+

अनि तहसनहस भएका त्यसका सबै ठाउँलाई फेरि बसाल्नुहुनेछ।*+

त्यसका निर्जन ठाउँहरूलाई उहाँले अदनजस्तै बनाउनुहुनेछ+

अनि त्यसका मरुभूमिहरूलाई यहोवाको बगैँचाजस्तै बनाउनुहुनेछ।+

त्यहाँ खुसी र रमाहटको स्वर गुञ्जनेछ।

त्यस सहरले सुमधुर गीत गाउनेछ र धन्यवाद चढाउनेछ।+

 ७ तिनीहरूलाई म आफ्नो पवित्र डाँडामा पनि ल्याउनेछु+

अनि मेरो प्रार्थनाको घरमा तिनीहरू रमाउनेछन्‌।

तिनीहरूले मेरो वेदीमा अग्निभेटी र बलिदानहरू चढाउँदा म त्यो ग्रहण गर्नेछु।

अनि मेरो घर जातिजातिका मानिसहरूको प्रार्थनाको घर भनेर चिनिनेछ।”+

१८ तिम्रो देशमा फेरि कहिल्यै हिंसाको स्वर सुनिनेछैन,

तिम्रो सिमानाभित्र विनाश र बरबादीको खबर सुनिनेछैन।+

तिमीले आफ्नो पर्खालको नाम उद्धार+ र ढोकाको नाम प्रशंसा राख्नेछौ।

२५ ब्वाँसो र पाठो सँगसँगै चर्नेछन्‌,

सिंहले गोरुले जस्तै पराल खानेछ,+

सर्पको आहारा धुलो हुनेछ।

तिनीहरूले मेरो सारा पवित्र डाँडामा हानि वा नोक्सानी पुऱ्‍याउने कुनै काम गर्नेछैनन्‌,”+ यहोवा भन्‍नुहुन्छ।