ईश्वरतान्त्रिक सेवकाई स्कूलको पुनरावृत्ति
निम्न प्रश्नहरू अक्टोबर २५, २००४ मा सुरु हुने हप्ताको ईश्वरतान्त्रिक सेवकाई स्कूलमा मौखिक तवरमा विचार गरिनेछ। स्कूल निरीक्षकले सेप्टेम्बर ६ देखि अक्टोबर २५, २००४ सम्मका हप्ताहरूमा छलफल गरिएका विषयवस्तुहरूमा आधारित ३० मिनेटको पुनरावृत्ति सञ्चालन गर्नेछन्। [टिप्पणी: प्रश्नपछि सन्दर्भ-सामग्रीहरू उल्लेख नभएको अवस्थामा, जवाफको लागि तपाईं आफैले अनुसन्धान गर्नुपर्नेछ।]
वक्तृत्व कला
१. हामी आफ्नो प्रस्तुतिमा कसरी विविधता ल्याउन सक्छौं? [sg पृ. १६४ अनु. ६, ७]
२. हामी आफ्नो बोलीमा न्यानोपन र भाव कसरी प्रकट गर्न सक्छौं? [sg पृ. १६६-१६७ अनु. १६, १९]
३. प्रभावकारी ढङ्गमा दृष्टान्त प्रयोग गर्न हामी कसरी सिक्न सक्छौं? [sg पृ. १६८-१६९ अनु. ५, ६]
४. सुहाउँदो दृष्टान्त के हो भनी निर्धारण गर्न कुन कुराले मदत गर्नेछ? [sg पृ. १७० अनु. १४]
५. दृष्टान्त चलाउँदा आइपर्न सक्ने खतराहरूबाट जोगिन हामीले के गर्नुपर्छ? [sg पृ. १७१ अनु. २०, २१]
असाइनमेन्ट न. १
६. जलप्रलयअघिका कस्ता घटनाहरूले गर्दा मानिसहरूलाई आफू वरपरका सबै थोकहरूको अन्त हुँदैछ भन्ने कुरा विश्वास गर्न गाह्रो भएको हुन सक्छ? [w-NP०२ ३/१ पृ. ५-६]
७. येशूका समकालीनहरूले उहाँलाई “निवारक” भनेर होइन तर “गुरुज्यू” भनेर सम्बोधन गर्नु किन उल्लेखनीय छ? (लूका ३:१२; ७:४०) [w-NP०२ ५/१ पृ. ४ अनु. ३; पृ. ६, अनु. ६]
८. हितोपदेश ११:२४, २५ ले क्षेत्र सेवकाईमा जतिसक्दो धेरै भाग लिनुको महत्त्व कसरी प्रकाश पार्छ? [w-NP०२ ७/१५ पृ. ३० अनु. २-४]
९. अदनको बगैंचाको विद्रोहले कुन नैतिक विवाद खडा गऱ्यो र त्यो विद्रोहको नतिजा कस्तो भएको छ? (उत्प. ३:१-६) [w-NP०२ १०/१ पृ. ६ अनु. १, ३, ४]
१०. कुन चारवटा कुराहरूले दृष्टान्तहरूलाई प्रभावकारी बनाउँछ? [w-NP०२ ९/१ पृ. २२ अनु. १७]
साप्ताहिक बाइबल पढाइ
११. बिलामलाई यहोवा आफैले बालाकका मानिसहरूसित जान भन्नुभएको भए तापनि बिलाम तिनीहरूसित जाँदा उहाँ किन रिसाउनुभएको थियो? (गन्ती २२:२०-२२)
१२. के मसीही स्त्रीको पतिले आफ्नी पत्नीको भाकल रद्द गर्न सक्छन्? (गन्ती ३०:६-८)
१३. “शरण-नगरहरू[ले]” आज कुन कुराको प्रतिनिधित्व गर्छ? (गन्ती ३५:६) [w-NP९५ ११/१५ पृ. १७ अनु. ८]
१४. परमेश्वरको व्यवस्था ‘आफ्नो हातमा र निधारमा व्यवस्था-पत्रीको रूपमा बाँध्नू’ भनी व्यवस्था ६:६-९ मा दिइएको आज्ञालाई के शाब्दिक अर्थमा लिनुहुन्छ?
१५. “तिमीहरूका जीउको लुगा फाटेन” भन्ने अभिव्यक्तिको अर्थ के इस्राएलीहरूले पुरानो लुगा फाटेपछि त्यसको ठाउँमा नयाँ लुगा पाइरहे मात्र भनेको हो? (व्यव. ८:४)