सन्‌ २००९ का लागि ईश्‍वरतान्त्रिक सेवकाई स्कूलको तालिका

सन्‌ २००९ का लागि ईश्‍वरतान्त्रिक सेवकाई स्कूलको तालिका

निर्देशन

सन्‌ २००९ मा ईश्‍वरतान्त्रिक सेवकाई स्कूल सञ्चालन निम्नानुसार हुनेछ।

पाठ्यपुस्तक: पवित्र बाइबल, जनवरी १, २००४ देखि प्रहरीधरहरा-मा सुरु भएको “यहोवाको वचन जीवित छ” शृङ्‌खलाहरू, बाइबलका कथाहरू भएको मेरो पुस्तक [my-NP], र बाइबलले वास्तवमा के सिकाउँछ?[bh-NP]।

उपस्थित सबैलाई स्वागत गरेर स्कूल समयमै सुरु गर्नुपर्छ। कार्यक्रम निम्नानुसार सञ्चालन हुनेछ। भाग पाउने प्रत्येकलाई स्कूल निरीक्षकले नै बोलाउनेछन्‌।

बाइबल पढाइका विशेषताहरू: १० मिनेट। पहिलो चार मिनेट योग्य प्राचीन वा सेवकाई सेवकले साप्ताहिक बाइबल पढाइबाट धर्मशास्त्रीय बुँदाहरू छलफल गर्नेछन्‌। तर बाइबलको किताबका सुरुका अध्यायबाट साप्ताहिक बाइबल पढाइ छ भनेचाहिं पहिलो चार मिनेटको भाग जनवरी १, २००४ देखि प्रहरीधरहरा-मा सुरु भएको “यहोवाको वचन जीवित छ” शृङ्‌खलाबाट लिनुपर्छ। उदाहरणको लागि, उत्पत्तिको किताबको पहिलो पाँच अध्याय जनवरी ५ को हप्तामा छलफल गरिनेछ। अतः वक्‍ताले जनवरी १, २००४ को प्रहरीधरहरा-मा “यहोवाको वचन जीवित छ” शृङ्‌खलाको परिचयका अनुच्छेदहरूबाट केही मुख्य बुँदा छान्‍नुपर्छ। उनले ती बुँदालाई मण्डलीलाई उपयोगी हुने किसिमले लागू गर्नुपर्छ। साप्ताहिक बाइबल पढाइ छलफल गरेको होस्‌ अथवा “यहोवाको वचन जीवित छ” शृङ्‌खलाका बुँदाहरू, यसको मुख्य उद्देश्‍य भनेको बाइबलमा पाइने जानकारी किन र कसरी लाभदायी छ श्रोतालाई बुझाउनु हो। सुरुको भागको लागि चार मिनेटभन्दा बढी समय नलिन वक्‍ता होसियार हुनुपर्छ। बाँकी छ मिनेट, साप्ताहिक बाइबल पढाइमा रोचक लागेको बुँदाबारे ३० सेकेण्ड वा सोभन्दा कम समयमा छोटो टिप्पणी गर्न श्रोताको निम्ति छुट्याइएको समय हो भनेर वक्‍ताले बुझ्नुपर्छ। त्यसपछि स्कूल निरीक्षकले दोस्रो कक्षमा असाइनमेन्ट पाएका विद्यार्थीहरूलाई त्यहाँ पठाउनेछन्‌।

असाइनमेन्ट न. १: ४ मिनेट वा त्योभन्दा कम। यो असाइनमेन्ट कुनै भाइले पढाइको रूपमा प्रस्तुत गर्नेछन्‌। विद्यार्थीले परिचय वा समापन केही नदिई तोकिएको विषयवस्तु पढ्‌नुपर्छ। खास गरी विद्यार्थीलाई स्पष्ट, सरर्र, भावलाई जोड दिएर, स्वरमा उतार-चढाव ल्याएर, ठीक ठाउँमा रोकिएर अनि स्वाभाविक ढंगमा पढ्‌न मदत गर्ने कुरामा स्कूल निरीक्षकले ध्यान दिनेछन्‌।

असाइनमेन्ट न. २: ५ मिनेट। यो असाइनमेन्ट बहिनीहरूका लागि हो। असाइनमेन्ट पाउने बहिनीले नै भूमिका छान्‍नेछिन्‌। विद्यार्थीले दिइएको विषय नै प्रयोग गर्नुपर्छ। विषय दिइएको छैन भने दिइएको जानकारीसित मिल्ने किसिमको विषय तिनले छान्‍न सक्छिन्‌। विद्यार्थीले प्रस्तुतिलाई स्थानीय इलाका सुहाउँदो र उपयोगी बनाउनुपर्छ। स्रोत सामग्री दिइएको छैन भने विद्यार्थीले हाम्रा प्रकाशनहरूमा अनुसन्धान गरेर तयार पार्नुपर्छ। भाषणको विषयवस्तु कसरी प्रस्तुत गरिएको छ, घरधनीलाई धर्मशास्त्रबाट तर्क गर्न अनि प्रस्तुत विषयवस्तुको मुख्य बुँदा बुझ्न कसरी मदत दिइएको छ, त्यस कुरामा स्कूल निरीक्षकले विशेष ध्यान दिनेछन्‌। स्कूल निरीक्षकले एक जना सहायक खटाउनेछन्‌।

असाइनमेन्ट न. ३: ५ मिनेट। यो भाग कुनै भाइ वा बहिनीलाई दिन सकिन्छ। विद्यार्थीले दिइएको विषय नै प्रयोग गर्नुपर्छ। विषय दिइएको छैन भने दिइएको जानकारीसित मिल्ने किसिमको विषय तिनले छान्‍न सक्छन्‌। स्रोत सामग्री दिइएको छैन भने विद्यार्थीले हाम्रा प्रकाशनहरूमा अनुसन्धान गरेर तयार पार्नुपर्छ। यो भाग भाइले प्रस्तुत गर्दा राज्यभवनमा उपस्थित श्रोताहरूलाई मनमा राखेर भाषणको रूपमा प्रस्तुत गर्नुपर्छ। बहिनीले प्रस्तुत गर्दा भने असाइनमेन्ट न. २ का लागि दिइएको सल्लाह अनुरूप गर्नुपर्छ। कृपया नबिर्सनुहोस्‌, तारक चिह्न (*) भएको विषय भाषणको रूपमा प्रस्तुत गर्न भाइहरूलाई मात्र दिनुपर्छ। तपाईंको मण्डलीमा प्राचीन तथा सेवकाई सेवकहरू प्रशस्तै छन्‌ भने तारक चिह्न लगाइएका विषयहरू प्राचीन वा सेवकाई सेवकलाई नै दिनुपर्छ।

सल्लाह: १-२ मिनेट। विद्यार्थीले वक्‍तृत्व कलाको कुन बुँदामा काम गरिरहेका छन्‌ भनेर स्कूल निरीक्षकले पहिल्यै बताउनेछैनन्‌। तर क्रमशः असाइनमेन्ट न. १, न. २ र न. ३ सिद्धिएपछि स्कूल निरीक्षकले प्रस्तुति किन प्रभावकारी थियो बताउनेछन्‌ र तपाईंको बोल्ने तथा सिकाउने क्षमता कसरी उन्‍नति गर्ने किताबका बुँदाहरू बारम्बार उल्लेख गर्दै भाषणको प्रशंसायोग्य पक्षमा सकारात्मक टिप्पणी गर्नेछन्‌। सभापछि वा कुनै अर्को समयमा प्रत्येक विद्यार्थीको आवश्‍यकताअनुसार मदतकारी थप व्यक्‍तिगत सल्लाह दिन सकिन्छ।

समय: कुनै पनि भाषण वा स्कूल निरीक्षकको टिप्पणी निर्धारित समयभन्दा बढी जानु हुँदैन। असाइनमेन्ट न. १, न. २ र न. ३ को समय सिद्धिएमा कौशलतासाथ रोक्नुपर्छ। बाइबल पढाइका विशेषताहरू दिने भाइहरूले बढी समय लिएमा उनीहरूलाई व्यक्‍तिगत तवरमा सल्लाह दिनुपर्छ। सबैले समयमा विशेष ध्यान दिनुपर्छ। कार्यक्रमको जम्मा समय: ३० मिनेट।

सहायक सल्लाहकार: प्राचीनहरूका निकायले सहायक सल्लाहकारको जिम्मेवारी सँभाल्न अर्को एक जना दक्ष प्राचीन छान्‍न सक्छन्‌। प्राचीनहरू थुप्रै छन्‌ भने यो असाइनमेन्ट हरेक वर्ष योग्य प्राचीनहरूले पालैपालो सँभाल्न सक्छन्‌। सहायक सल्लाहकारको जिम्मेवारी, आवश्‍यक परेमा बाइबल पढाइका विशेषताहरू प्रस्तुत गर्ने भाइहरूलाई सल्लाह दिनु हो। सँगी प्राचीन वा सेवकाई सेवकले भाषण दिएपिच्छे सल्लाह दिनु आवश्‍यक छैन।

ईश्‍वरतान्त्रिक सेवकाई स्कूलको पुनरावृत्ति: २० मिनेट। प्रत्येक दुई महिनामा स्कूल निरीक्षकले पुनरावृत्ति गर्नेछन्‌। यो पुनरावृत्ति माथि निर्देशन दिइएको बाइबल पढाइका विशेषतापछि गरिनेछ। पुनरावृत्ति अघिल्लो दुई महिनाको स्कूलको विषयवस्तुमा आधारित हुनेछ र यसमा त्यही हप्ताको विषयवस्तु पनि समावेश हुनेछ। ईश्‍वरतान्त्रिक सेवकाई स्कूलको पुनरावृत्ति हुने हप्तामा तपाईंको मण्डलीको क्षेत्रीय सम्मेलन परेमा वा मण्डलीमा क्षेत्रीय निरीक्षकले भ्रमण गर्ने भएमा पुनरावृत्ति त्यसपछिको हप्तामा सार्नुपर्छ। असाइनमेन्ट न. १, न. २ र न. ३ त्यसपछिको हप्ताको तालिकाबाट लिनुपर्छ। साप्ताहिक बाइबल पढाइ वा बाइबल पढाइका विशेषताहरू प्रस्तुत गर्ने तालिकामा कुनै परिवर्तन गर्नुहुँदैन।

तालिका

जन. ५ बाइबल पढाइ: उत्पत्ति १-५

न. १: उत्पत्ति ३:१-१५

न. २: (my-NP कथा १)

न. ३: के व्यर्थ होइन? (१ कोरि. १५:५८)

जन. १२ बाइबल पढाइ: उत्पत्ति ६-१०

न. १: उत्पत्ति ९:१-१७

न. २: के परमेश्‍वरको उद्देश्‍य यही हो? (bh-NP पृ. ३-७)

न. ३: परमेश्‍वरले पृथ्वीलाई कसरी हाम्रो घर बनाउन तयार पार्नुभयो? (my-NP कथा २)

जन. १९ बाइबल पढाइ: उत्पत्ति ११-१६

न. १: उत्पत्ति १४:१-१६

न. २: परमेश्‍वरले मानिसलाई सृष्टि गर्नुको उद्देश्‍य के थियो? (my-NP कथा ३)