ख्रिष्टियन जीवन
“कहिल्यै चिन्ता नगर”
यहोवाले पुरातन इस्राएलमा गरिबहरूलाई मदत गर्नुभयो। आज पनि उहाँ खाँचोमा परेका आफ्ना सेवकहरूलाई कस्ता तरिकाहरूमा मदत गर्नुहुन्छ?
उहाँले हामीलाई पैसाप्रति सन्तुलित दृष्टिकोण राख्न सिकाउनुभएको छ।—लुका १२:१५; १ति ६:६-८
उहाँले हामीलाई आत्मसम्मान विकास गर्न सिकाउनुभएको छ।—अयु ३४:१९
उहाँले हामीलाई मेहनत गर्न र खराब आनीबानीबाट अलग रहन सिकाउनुभएको छ।—हित १४:२३; २०:१; २को ७:१
उहाँले हामीलाई मायालु दाजुभाइ दिदीबहिनी दिनुभएको छ।—युह १३:३५; १यु ३:१७, १८
उहाँले हामीलाई आशा दिनुभएको छ।—भज ९:१८; यसै ६५:२१-२३
हाम्रो अवस्था जतिसुकै गाह्रो भए तापनि हामीले चिन्ता गर्नुपर्दैन। (यसै ३०:१५) उहाँको राज्यलाई पहिलो स्थान दिएसम्म उहाँले हाम्रो भौतिक आवश्यकता पूरा गरिदिनुहुनेछ।—मत्ति ६:३१-३३.
प्रेम कहिल्यै अन्त नहोस्—गरिबीको सामना गर्नुपर्दा—कंगो भिडियो हेर्नुहोस् अनि निम्न प्रश्नहरूको जवाफ दिनुहोस्:
अधिवेशन स्थलनजिकै बस्नुहुने भाइबहिनीहरूले टाढाबाट आउनुभएका पाहुनाहरूलाई कसरी अतिथिसत्कार देखाउनुभयो?
यहोवा गरिबहरूलाई माया गर्नुहुन्छ भनेर यस भिडियोबाट कसरी थाह पाउन सक्छौँ?
हामीसित धेरै होस् वा थोरै, यस सन्दर्भमा हामी कसरी यहोवाको अनुकरण गर्न सक्छौँ?